2021 March Archive - People's Balita

Archive for March, 2021

Battle of liberos inaabangan din sa PVL

Posted on: March 27th, 2021 by @peoplesbalita No Comments

Maliban sa nagtataasang talon at malulupit na atake ng pinakamahuhusay na top spikers sa bansa, inaabangan na rin ng lahat ang salpukan ng mahuhusay na libero sa Premier Volleyball League (PVL).

Sa kauna-unahang pagkakataon, magsasama-sama ang matitikas na players sa bansa sa Open Conference ng liga na puntiryang simulan sa Mayo sa Inspire Sports Academy sa Calamba, Laguna.

Kabilang na rito ang mga beteranong libero gaya nina Dawn Macandili ng F2 Logistics at Denden Lazaro ng Choco Mucho Flying Titans.

Excited na si Lazaro na makalaban ang dati nitong teammates sa Ateneo na sina Alyssa Valdez at Jia Morado — ang key players ng reigning champion Creamline.

“I haven’t played against Alyssa in a long time and Jia as well my former teammates in Ateneo. They are the reigning champions in the PVL, so of course, everybody would want to meet the champions,” ani Lazaro sa programang The Game.

Handa na rin si Macandili na saluhin ang lahat ng palo ng mga bagong mukha na makakalaban nito sa PVL.

“I’m very excited to go up against (the best teams in the league). There are new teams, there are players na lumipat sa ibang teams. So we really can’t tell who’s gonna play their best this coming PVL,” ani Macandili.

Maliban kina Macandili at Lazaro, masisilayan din ang matitikas na libero na sina Kath Arado ng Petro- Gazz, Jheck Dionela ng Cignal, Tin Agno ng Army at Alyssa Eroa ng PLDT.

Nilinaw naman ni Lazaro na magkakalaban sila sa loob ng court ngunit nananatiling magkakaibigan sa labas.

Jose Cardinal Advincula itinalagang Archbishop of Manila ni Pope Francis

Posted on: March 27th, 2021 by @peoplesbalita No Comments

Inanunsiyo ngayon ng Vatican ang pagtatalaga ni Pope Francis kay Jose Cardinal Advincula bilang bagong arsobispo ng Archdioces of Manila.

Si Advincula bilang ika-33rd na arsobispo ng maynila ang ipinalit kay Cardinal Luis Antonio Tagle na siya na ngayong prefect of the Congregation for the Evangelization of Peoples na nakabase sa Roma, Italya.

Mula pa noong February 2020 ay walang arsobispo ang Maynila at si Bishop Broderick Pabillo muna ang itinalagang apostolic administrator.

Noong buwan naman ng Nobyembre ng nakalipas na taon ay pormal na hinirang ng Santo Papa si Advincula bilang bagong kardinal ng Simbahang Katolika.

Ang 68-anyos na si Advincula ang kauna-unahang cardinal mula sa Archdiocese of Capiz.

Ipinanganak siya noong March 30, 1952 sa bayan ng Dumalag sa Capiz.

Naordinahan siya bilang pari noong taong 1976.

Si Advincula na isa ring canon lawyer, ay nagsilbi bilang obispo ng San Carlos sa loob ng 10 taon bago siya hinirang na arsobispo ng Capiz noong November 2011.

Nagsilbi rin siya sa mga seminaries ng Vigan, Nueva Segovia at regional seminary ng Jaro, Iloilo.

Ikaapat si Advincula sa living Filipino cardinals, kasama si Cardinal Tagle, at ang dalawang mahigit 80-anyos na sina Cardinal Orlando Quevedo at Cardinal Gaudencio Rosales.

Hidilyn maagang magtutungo sa Tashkent para sa Olympic qualifying

Posted on: March 27th, 2021 by @peoplesbalita No Comments

Mas gusto ni national lady weightlifter Hidilyn Diaz na maagang makapunta sa Tashkent, Uzbekistan para sa Asian Weightlifting Championships kesa mahawa ng coronavirus disease (COVID-19) sa Kuala Lumpur, Malaysia.

“Mahirap na baka mahawa ka sa iba,” sabi ng 2016 Rio de Janeiro silver medalist sa panayam sa So She Did!” podcast. “So mas okay ‘yung nandoon ka, at prepared ka. Mas okay na prepared ka talaga.”

Ang paglahok na lamang sa nasabing qualifying tournament ang kailangan ni Diaz para pormal na sikwatin ang tiket sa 2021 Olympic Games na gagawin sa Tokyo, Japan sa Hulyo 23 hanggang Agosto 8.

Base sa Olympic qualifying ratings process ng (International Weightlifting Federation) IWF, dapat sumabak ang mga Olympic hopefuls sa anim na IWF-sanctioned competitions para makakuha ng silya sa quadrennial event.

Hangad ng 2019 Southeast Asian Games gold medalist ang kanyang ikaapat na sunod na Olympics appearance.

Naniniwala ang 30-anyos na si Diaz na makakasama niya sa kampanya sa 2021 Tokyo Olympics sina pole vaulter Ernest John Obiena, gymnast Carlo Edriel Yulo at boxers Eumir Felix Marcial, Irish Magno, Nesthy Petecio at Carlo Paalam.

8,773 bagong COVID-19 cases naitala ng DOH, ika-2 ‘all time high’ this week

Posted on: March 27th, 2021 by @peoplesbalita No Comments

Nakapagtala ang Department of Health ng 8,773 bagong infection ng coronavirus disease ngayong Huwebes, kung kaya nasa 693,048 na sumatutal ang nahahawaan nito sa bansa.

Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito:

lahat ng kaso: 693,048
nagpapagaling pa: 99,891, o 14.4% ng total infections
bagong recover: 574, dahilan para maging 580,062 na lahat ng gumagaling
kamamatay lang: 56, na siyang nag-aakyat sa total local death toll sa 13,095

Anong bago ngayong araw?

Ngayong araw inulat ang pinakamaraming bagong COVID-19 cases sa Pilipinas sa iisang araw lang sa bilang na 8,773. Nahigitan na nito ang all-time high na 8,019 nitong Lunes.
Record-breaking din ang local active cases ngayong Huwebes, na halos nasa 100,000 pasyenteng nagpapagaling pa.
Kanina lang nang kumpirmahin ng National Bureau of Investigation na hindi dumaan sa customs ang mga COVID-19 vaccines na iligal na itinurok sa mga kawani ng Presidential Security Group, kolumnistang si Mon Tulfo atbp. Nangyari din ito habang wala pang emergency use authorization ang Sinopharm vaccine na ginamit sa kanila.
Kaugnay nito, sinabi kanina ni presidential spokesperson Harry Roque na hindi pwedeng kasuhan si Pangulong Rodrigo Duterte pagdating sa iligal na pagtuturok ng Sinopharm ng PSG. Aniya, applicable lang daw ang “command responsibility” sa presidente “kapag may labanan.”
Bagama’t binanatan ni Digong ang mga personalidad na “sumingit” sa priority list ng gobyerno sa pagpapaturok ng COVID-19 vaccines, aminado si Roque na walang malinaw na batas na magpaparusa sa mga tinaguriang line jumpers. Sa ngayon kasi, tanging mga healthworkers at iba pang A1 priority ang pwedeng bigyan ng bakuna.
Kinumpirma naman ng Palasyo na merong “quick substitution list” na ginagamit ngayon ang gobyerno para sa mga pwedeng bigyan ng bakuna kung hindi dumating ang healthcare worker na scheduled para sa COVID-19 immunization. Gayunpaman, sinasabi sa DOH Memorandum 2021-0099 na dapat ibigay sa “next priority group” ang bakuna bilang “last resort.”
Humihingi naman ngayon ng dagdag na mga healthworkers ang Lung Center of the Philippines at Philippine General Hospitals para i-augment ang kanilang workforce kasunod na rin ng biglang pagsipa ng COVID-19 patients sa kanilang lugar. We have requested at least 30 more nurses from the DOH since last week but it’s not easy to get those manpower. I could imagine all hospitals are trying to get more manpower,” ani LCP spokesperson Dr. Norberto Francisco kanina sa panayam ng ANC.
Lumabas naman sa bagong pag-aaral ng OCTA Research Group kanina na numero uno ang Fort Bonifacio, Taguig sa lahat ng mga baranggay sa Pilipinas pagdating sa mga bagong COVID-19 infections magmula pa noong isang linggo, ika-18 ng Marso, 2021. Gayunpaman, bahagyang bumaba na ang “reproduction number” ng COVID-19 sa Metro Manila kasabay ng pagpapatupad ng NCR Plus bubble.
Umaabot na sa halos 123.9 milyon ang tinatamaan ng COVID-19 sa buong mundo, ayon sa huling ulat ng World Health Organization (WHO). Sa bilang na ‘yan, mahigit 2.72 milyon na ang patay.

Mahigit 200 Chinese maritime militia vessels, aalis din ng Julian Felie Reef -Sec. Roque

Posted on: March 27th, 2021 by @peoplesbalita No Comments

UMAASA ang Malakanyang na sa kalaunan ay aalis din ang mahigit 200 Chinese maritime militia vessels na natuklasang namamalaot sa Julian Felipe Reef, isang bahagi ng West Philippine Sea.

Naniniwala si Presidential Spokesperson Harry Roque na para sa kapakanan ng pagkakaibigan ng Pilipinas sa bansang China ay lilisanin din ng 220 maritime militia vessels ng Beijing ang Julian Felipe Reef na napaulat na naka-angkla noon pang Marso 7.

Sinabi ni Sec. Roque na personal na sinabi ni Pangulong Rodrigo Roa Duterte ang bagay na ito sa China’s envoy to the Philippines, kung saan tiniyak naman ng huli sa Pangulo na ang Chinese vessels ay naghanap lamang ng temporary refuge dahil sa masamang panahon.

“Wala pong kontrobersiya dahil hindi naman nila [China] ipinaglalaban na mananatili sila roon,” ayon kay Sec. Roque.

“In the spirit of friendship, inaasahan na hindi sila mananatili roon,” dagdag na pahayag ni Sec. Roque.

Sa kabilang dako, pinagtalunan naman ng National Task Force for West Philippine Sea ang ‘excuse” na “bad weather” dahil kahit maganda naman ang panahon ay nananatili sa Julian Felipe Reef ang mahigit 200 Chinese maritime militia vessels.

Iginiit ni Sec.Roque na palaging pinaninindigan ng Pangulo na protektahan ang Philippine territory, kabilang na ang Julian Felipe Reef, sa pamamagitan ng mapayapang paraan.

“The President said this before the United Nations: We will protect our territory, we stand by the UN Arbitral Ruling, and we will resolve this by peaceful means under UNCLOS (United Nations Convention on the Law of the Seas),” lahad ni Sec. Roque.

“Hindi nagbabago ang posisyon ni Presidente,” aniya pa rin.

Matatandaang, itinaas ni Pangulong Duterte sa United Nations General Assembly (UNGA) ang panalo ng Pilipinas sa China noong 2016 kaugnay sa usapin ng South China Sea na tinatawag ng bansa na West Philippine Sea.

Sinabi ng Pangulo na hindi pinapayagan at hindi tinatanggap ng Pilipinas ang anumang pagtatangka na sisira sa July 2016 ruling ng Permanent Court of Arbitration in The Hague.

“The award is now part of international law, beyond compromise and beyond the reach of passing governments to dilute, diminish or abandon,” ayon kay Pangulong Duterte.

Aniya, ang commitment ng Pilipinas sa pinag-aagawang teritoryo sa South China Sea ay laging nakasalig sa United Nations Convention on the Law of the Sea at sa 2016 ruling ng Permanent Court of Arbitration sa the Netherlands. (Daris Jose)

Magugunitang, ilang ulit nang hindi kinilala ng China ang 2016 ruling ng arbitral tribunal. (Daris Jose)

‘Pilipinas maaaring ‘di magpadala ng athletes sa 2021 Vietnam SEA Games’

Posted on: March 27th, 2021 by @peoplesbalita No Comments

Maaaring hindi na umano magkapagpadala ng delegasyon ang Pilipinas sa nalalapit na 2021 Southeast Asian Games na idaraos sa Nobyembre 21 hanggang Disyembre 2 sa Hanoi, Vietnam.

Ito ay kapag magpatuloy na lumala ang sitwasyon sa coronavirus disease (COVID-19) pandemic na pinoproblema hindi lamang sa Southeast Asia kundi kundi maging sa buong mundo.

Ang Team Philippines ang defending champion matapos na mag-host ang bansa noong 2019.

Sa panayam kay Philippine Sports Commission (PSC) Commissioner Ramon Fernandez, na siya ringng Chef de Mission ng Philippine team sa SEA Games, inamin nito na isa sa mga pinag-aaralang maging hakbang nila ay ang hindi pagpapadala ng mga Pinoy athletes ay dahil kaligtasan pa rin ang kanilang prayoridad.

”We’ve been doing lately were all for the preparation of our athletes because they really deserve our 100% support at malaking tulong din na ipagdasal natin sila para maabot nila ang kani-kanilang goal sa larangan ng sports” ani Commissioner Fernandez sa Star FM Bacolod.

Ngunit umaasa naman si Fernandez na matutuloy ang Tokyo Olympics dahil ito ang edisyon na may pinakamalakas na tsansa ang Pilipinas na makasikwat ng gintong medalya kung saan walo na ang Pinoy athletes na makakapaglaro na kinabibilangan nina pole vaulter ej obiena, artistic gymnast Carlos Yulo, at apat na boxers na sina Eumir Marcial, Irish Magno, Carlo Paalam at si 2019 AIBA Women’s Boxing World Champion Nesthy Petecio.

Tradisyunal na pag- oobserba ng Kuwaresma, malaki ang maitutulong para mapababa ang naitatalang kaso ng COVID-19 – Malakanyang

Posted on: March 27th, 2021 by @peoplesbalita No Comments

HINILING ng Malakanyang sa mamamayang Filipino na gawin ang tradisyunal na pag- obserba ng Mahal na Araw para sa taong ito.

Para kay Presidential Spokesperson Harry Roque, ito kasi ang mga panahong wala talagang lumalabas kapag panahon ng Mahal na Araw lalo na kapag Biyernes Santo.

Ayon kay Sec. Roque, malaking bagay ito lalo pa’t sinisikap ng pamahalaan na mapababa ang bilang ng mga nadaragdag na kaso ng COVID 19.

Kaya ang hiling ni Sec. Roque sa publiko ay huwag na lang munang lumabas bilang pakikiisa na rin sa nakagawiang paggunita ng Holy week na siya naman aniya talagang paraan ng pag- oobserba ng nabanggit na okasyon.

“So without forcing anyone to stay indoors, we are requesting everyone na ang traditionally naman talaga, noong mga unang panahon, talagang walang lumabas kapag panahon ng kuwaresma. So sana ngayon na lang po ang gawin natin ng mapababa natin ang numero,” aniya pa rin.

Samantala, inaasahan naman ng Malakanyang na 25 percent ang matatapyas sa daily recorded COVID cases ngayong ipinatutupad ang mas mahigpit na hakbang sa mga nagsisipag- labasan at makakatulong aniya ang ilang araw na kuwaresma KUNG i-oobserba lang ang nakaugaliang pag- aalaala dito.

“Well, ang tingin po namin it is a realistic goal for the next two weeks. Remember two weeks lang po ito and we hope we can sustain the gains afterwards. Pero this is a minimum goal po. We are aiming for more at we are hoping na dahil Holy Week nga po at wala na pong lalabas ngayon ng Metro Manila eh lahat na lang po ay manatili sa ating mga tahanan,” anito. (Bishop Jesus “Jemba” M. Basco)

Nag-negatibo na sa RT-PCR test para sa Covid-19

Posted on: March 27th, 2021 by @peoplesbalita No Comments

IBINALITA ni Presidential Spokesman Harry Roque na nag-negatibo na siya sa Reverse transcription polymerase chain reaction (RT-PCR) test at nakompleto na niya ang kanyang 2-week quarantine para sa COVID-19 matapos na mahawaan.

Matatandaang, nito lamang Marso 15 ay inanunsyo ni Sec. Roque na nagpositibo siya sa COVID-19. Isa aniya siyang asymptomatic.

Sinabi ni Sec. Roque na nakatanggap siya ng certificate dahil nakumpelto niya ang kanyang 2-week quarantine.

“Nag-negative na po ako sa PCR result,” masayang ibinalita ni Sec.Roque.

Aniya, posible aniyang nahawaan siya ng novel coronavirus sa isa sa kanyang 15 beses na pagbisita sa ospital sa loob ng dalawang linggo.

Hindi naman nito dinetalye ang dahilan ng kanyang pagbisita sa ospital.

“Kung talagang hindi kinakailangan pumunta sa ospital, di na po ako tatapak sa ospital,” ang pahayag ni Sec.Roque, na hindi rin naman lingid sa kaalaman ng publiko na palaging bumi-byahe patungong lalawigan kahit na may pandemiya.

Samantala, ang apat pang Cabinet members na naka-recover sa covid 19 ay sina Education Secretary Leonor Briones, Public Works Secretary Mark Villar, Trade Secretary Ramon Lopez, at Interior Secretary Eduardo Año. (Daris Jose)

DOTr: Mga biyaherong naapektuhan ng GCQ bubble, libreng magpa-rebook

Posted on: March 27th, 2021 by @peoplesbalita No Comments

Inihayag ng isang opisyal ng Department of Transportation (DOTr) na maaaring mag-refund o magpa-rebook ng libre ang mga biyahero mula sa Metro Manila at mga kalapit na lalawigan, na ang mga biyahe ay nakansela dahil sa ipinairal na general community quarantine (GCQ) bubble ng pamahalaan.

Ayon kay Transportation Undersecretary Artemio Tuazon, naglabas na ng kautusan ang Civil Aeronautics Board (CAB) at Maritime Industry Authority (MARINA) na papayagan ang mga biyaherong nakansela ang biyahe na magpa-rebook at mag-refund ng wala na silang kailangan pang bayaran.

Paliwanag pa ni Tuazon, ang pandemya ay itinuturing na ‘force majeure’ kaya’t dapat na free of charge lamang pag-rebook ng biyahe o pag-refund ng kanilang tiket.

“Magandang balita lang po sa ating mga mamamayan na nakanselahan ng booking dahil sa pinahigpit na mga alituntunin sa NCR Plus bubble, pwede silang mag-rebook ng libre at puwede rin silang mag-refund ng kanilang mga nabayaran sa mga airlines at shipping companies,” pahayag pa ni Tuazon, sa Laging Handa briefing.

Matatandaang simula nitong Marso 22 ay ipinatupad ng pamahalaan ang NCR Plus bubble policy, kung saan ang mga residente ng Metro Manila at mga lalawigan ng Bulacan, Cavite, Rizal, at Laguna ay pinagbawalang lumabas sa loob ng GCQ bubble, maliban kung papasok sila sa trabaho.

Direk ERIK, muling makakatrabaho si SHARON at may movie rin sila ni BEA

Posted on: March 27th, 2021 by @peoplesbalita No Comments

MARAMING bago at exciting na palabas ang dapat abangan sa UPSTREAM, ang pinakamalaking online streaming platform na ginawa ng mga Pilipino para sa mga Pilipino.

Kabilang dito ay mga sure-fire box-office hits at mga originals, na ang ilan ay gawa ng multi-awarded at critically-acclaimed director na si Erik Matti.

Ang Upstream Original, isang programa na nagpopokus na gawa ng mga Pinoy para sa Pinoy, ay nagsimula sa movie na A Girl and A Guy na kasalukuyan kinukunan sa Baguio.

Isa itong super sexy na kwento ng relationships among millennials na bida ang mga newcomers na sina Rob Gomez at Alexa Miro (TV’5s Fill In the Blank).

Tampok din sina Donna Cariaga, Candice Ramos, Sarah Holmes, Juan Carlos Balasbas, Shaun Salvador, Yvanne Evangelista, Pau Benitez, Chloe Dominique, Rosh Barman, at Roeder Camanag.

Ang A Girl and A Guy ay nagsimula nang mag-stream worldwide kahapon, March 26.

Susundan naman ito ng Runaway, isang romance mula sa panulat at direksyon ni Katski Flores. Shot entirely in New Zealand, kwento naman ito ng isang babae na iniwan ang kanyang bahay for an adventure of a lifetime sa New Zealand. Doon ay makikilala niya ang isang lalaki na nais naman ay bumalik sa Pilipinas.

Runaway stars Asia’s Next Top Model Cycle 5 Winner, Maureen Wrob and former Pinoy Big Brother housemate, Kit Thompson.

Isa pang Erik Matti film na dapat abangan worldwide ay sa second quarter ng 2021 is titled Rabid. Sa Baguio rin ito kinunan at bida rito sina Kent Gonzales, Ricci Rivero, Vance Larena, Ayeesha Cervantes, Pam Gonzales, Ameera Johara, Ynigo Delen, Jay Glorioso, Donna Cariaga, Jake Macapagal at Cheska Diaz.

Ipinapakita sa Rabid ang isang mundo na puno ng takot, panganib at kawalan ng katiyakan kung saan ang isang pamilya, isang single mom, isang nurse, at isang mag-asawa ay makararans ng iba’t-ibang bagay na pwedeng magdala sa kanila to the brink of madness dahil sa current reality sa ating lipunan ngayon.

Isa rin sa upcoming offering ng Upstream ay ang On The Job: The Missing 8, ang inaabangang sequel sa Erik Matti film OTJ na ipinalabas noong 2013.

The movie has a powerhouse cast na tinampukan nina John Arcilla, Dennis Trillo, Dante Rivero, Lotlot De Leon, Christopher De Leon, Andrea Brillantes, Leo Martinez, Agot Isidro, Eric Fructuoso, Vandolph, Wendell Ramos, Megan Young, Isabelle De Leon, at Levi Ignacio.

Based on true events, kwento ito ng isang corrupt journalist at isang preso na kukuwestiyunin ang kanilang loyalty sa isang local politician matapos na misyeryosong mawala ang 8 walong tao at hindi na mahanap.

After Kuwaresma, balik-trabaho sina Megastar Sharon Cuneta at Direk Erik sa isang untitled drama movie.

May gagawin naman na suspense-thriller film inspired by the Birkin Scam si Bea Alonzo, na ididirek din ni Erik Matti. (RICKY CALDERON)