SA Black Saturday na ang finale ng Paano ang Pangako?, ang top-rating teleserye ng The IdeaFirst Company, Cignal at TV 5.

May marathon viewing ang finale from 2 pm to 7 pm on Black Saturday kaya yung mga fans ng Paano ang Pangako?, tutok na para malaman ang magiging ending ng successful teleserye ng Kapatid Channel.

Ayon kay Direk Perci Intalan, the producer of the series, they are very thankful na three months after Christmas ay maganda ang takbo ng series in terms of viewership.

“We are glad that the show is doing very. What was meant as a Christmas serye kasi nga dahil sa pandemic, ang nasa isip ng mga tao paano na ang Pasko? Hindi tayo pwedeng magsama-sama. Walang chance na mag-reunion kasi nga bawal ang mga gatherings.

“Walang pera ang mga tao. Maraming nawalan ng trabaho. Naitawid naman namin show last December and we were glad that the network gave us the go signal to extend the series kaya Paano ang Pangako was born,” pahayag ni Direk Perci.

“Ang story arc naman ng Paano ang Pangako ay nagsimula sa uncertainty of the times. Dahil sa pandemya, hindi natin alam what await us in the future? Magkakaroon ba ng cure sa virus?

“The times are uncertain at apektado ang buhay ng bawat isa sa atin. Mapapanghawakan ba natin ang pangako? Ano ba ang mapapanghawakan natin sa situation that we are now?”

Paano ang Pangako? started a new book last week at kahit na two weeks lang ang itatakbo ng bagong kwento ng serye, may mga bagong characters na pumasok at marami pa rin mangyayari na dapat abangan sa series.

Napanood na nga ni Direk Perci ang rough edit ng ilang eksena sa finale week and he was pleased with what he saw.

If ever sabihin ng network na extend ang series, Direk Perci said they are always willing to do so. Masaya if the show will be extended anew kasi trabaho ito for the cast and production team.

Ayon pa kay Direk Perci, conscious naman daw ang production team sa mga safety protocols na dapat sundin. Hindi lang daw natin alam ang mga challenges na kanilang kinakaharap taping the show pero thankful din lang silang lahat they were able to overcome the challenges although kung minsan daw ay parang OA na ang mga pagsubok na dumarating sa kanila.

Tiyak na aabangan ang finale week ng Paano ang Pangako? sa Black Saturday.  (RICKY CALDERON)

MALAKI ang pasasalamat ng Kapuso hunk Yasser Marta sa kanilang direktor sa teleserye na Bilangin Ang Bituin Sa Langit na si Laurice Guillen.

Nagtapos na ang serye noong nakaraang March 26 at marami raw natutunan si Yasser kay Direk Laurice sa pagbuo ng character niyang si Jun Santos.

“Sa lahat ng bumubuo ng ‘Bilangin ang Bituin sa Langit’ from the cast, production, crew, utility, @gmanetwork and @artistcenter, mahal na mahal ko kayo. 

“Especially Direk @lauriceguillen thank you for bringin gout the best in me. That was one hell of an emotional experience. Mamimiss ko kayong lahat! Congratulations sa atin.”

Lumabas nga ang husay ni Yasser sa pag-arte sa maraming mabibigat na eksena sa teleserye. Nakipagsabayan ito sa husay nila Mylene Dizon, Zoren Legaspi, Ina Feleo at Isabel Rivas.

Tinawag nga siya ni Direk Laurice na isang revelation at sana’y mabigyan pa raw ito ng mas mabibigat pang roles in the future.

***

HINDI raw malilimutan ni Kyline Alcantara ang pagganap niya bilang Maggie dela Cruz sa katatapos lang na teleserye na Bilangin ang Bituin sa Langit.

Sa Instagram, tinawag ni Kyline si Maggie as someone who, “represented our generation.”

“Oh, Maggie! What a dream role you are. You are another check from my list. You represented our generation. Bakit? Dahil ang kwento mo ay kwento ng bawat anak at apo na umasa at nagdasal na mabuo ang pamilya kahit pa minsan ay nawawalan ng pag-asa. Natutunan ko sa’yo na minsan ay daig ng pagmamahal para sa pamilya ang ating sariling interes.”

Nagkaroon nga raw ng SEPANX (Separation Anxiety) si Kyline noong matapos na ang lock-in taping nila. Sobra raw siyang naging close sa co-stars niyang sina Nora Aunor, Mylene Dizon, Zoren Legaspi, Ina Feleo, Candy Pangilinan, Isabel Rivas at Yasser Marta. Pati raw ang buong crew ay parang pamilya niya.

“To my BBL Family, you are the highlight of my 2020, you are the silver lining of that year. ‘Yung memories ng taping pre-pandemic hanggang locked-in taping ay ‘di ko makakalimutan. Hindi madali but we made it because we are family. I miss you all already.

“It’s been nice to portray and know you, Maggie. Maggie Dela Cruz Santos now signing off.”

***

Years after ng kanilang divorce, nag-open up na si Anna Faris sa failed marriage nila ng Jurassic World star na si Chris Pratt.

Naghiwalay sila ni Chris noong 2017 after eight years of marriage. Co-parents sila sa anak nilang si Jack.

“Any hint of competitiveness and comparison, I didn’t handle that very well, I don’t think. And I hope I’ve grown from that,” sey ni Anna.

Bago si Chris, kinasal si Anna sa aktor na si Ben Indra in 2004 at naghiwalay sila in 2008.

“My two other marriages were with actors, and I don’t think we did a great job of eliminating competitiveness. Or at least I didn’t, being a proud person, and not wanting to reveal vulnerability.”

Current boyfriend ni Anna ay ang cinematographer na si Michael Barrett. Si Pratt naman ay married na to Katherine Schwarzenegger in 2019 at nanganak ito sa baby girl nila na si Lyla Maria Pratt noong August 2020. (RUEL J. MENDOZA)

NAGING touching sa amin, kahit na wala sa mismong virtual concert ni Sarah Geronino na Tala The Film Concert ang mga magulang niya at kapatid.

May isang segment na binigyang honor ni Sarah ang mga magulang. Kahit open sa publiko ang nangyaring pagtutol ng parents ni Sarah sa pagpapakasal niya kay Matteo Guidicelli, ipinakita niya ang dating duet nila ng Tatay niya ng “I Will Be Here.”

Sabi ni Sarah, hindi raw dapat mag-give-up sa mga mahal sa buhay.

Aniya, “You could have all the richest in the world, have the material things na gusto mo, pera na gusto mo pero, popularity, fame na gusto mo pero  kung wala naman sa buhay mo yung mga pinaka-importante sa ‘yo, balewala lahat ito.

    “Life is not easy, may kanya-kanya po tayong mga personal issues pero focuso on the positive things, be happy, be content at enjoy.”

Sa isang banda, free na free na si Matteo na present sa concert ng Popstar Royalty, one year na rin simula nang ikasal sila secretly. At ibinahagi pa ni Matteo ngayong noong Linggo ang naging photo shoot nilang mag-asawa after that controversial secret wedding, bukod pa sa magsisimula na rin silang magpatayo ng properties bilang mag-asawa.  Nag-groundbreaking na nga sila sa Batangas.

Sa concert, pakatamis tumawag ng “Love” ni Sarah kay Matteo. Na ayon dito, sa loob ng isang taon ay nag-mature na raw sila.

Sa kabuuan, iba talaga si Sarah. Walang kupas at napakahusay pa rin sa join-production ng VIVA Live at G Productions nina Sarah at Matteo.

***

MULING binuhay ng magkapatid na Alex at Toni Gonzaga ang mga dating isyu sa kanila at ilang blind-items na parang obvious naman na sila kasi ang tinutukoy.

Sa vlog ni Alex, habang mine-meyk-apan niya ang kapatid, sinasagot nila ang ilang naging isyu sa kanila na tingin ng mga fan at netizens, hindi nila nabigyan ng kasagutan o linaw talaga.

Isa sa isyu raw, nagpunta raw sila sa salon at ang gusto raw nilang ipanghugas sa buhok nila, mineral water.

Sabi ni Toni, “Ah yung blind-item? Ni wala akong kagana-ganang sagutin ‘yan. Talaga bang papatulan mo yung ganyang kasinungalingan?”

At bonggang hirit pa nito, “Sometimes there are rumors that don’t deserve your answer. They deserve your silence.”

***

SIMULA nang maranasan ni Donita Nose ang maging positibo sa COVID-19, ma-confine sa hospital na mag-isa, iniiwasan na raw niyang manood ng news, lalo na ngayon na sobrang taas na naman ng bilang ng mga nagpo-positibo.

Ayon sa host/komedyante, “Kasi sa ngayon, ayoko talagang nanonood ng news about sa COVID talaga. Ayokong makarinig ng tumataas, maraming naho-hospital. Kasi, naranasan kong ma-hospital.      “Naranasan ko kung gaano kahirap sa loob ng emergency room na wala kang kuwartong mapupuntahan sa sobrang dami ng pasyente.”

Nag-react din ito sa isyu ng singitan sa pagpapabakuna. Na sa halip na yung mga nasa priorities muna na ma-vaccine ngayon, which is, mga frontliners, may mga ibang nakakasingit.

    “Well, for me talaga, wala na muna sanang singitan. Unahin muna natin ang mga frontliners kasi, mas kailangan nila ang proteksiyon. At lahat naman tayo, kailangan talaga. Mag-ingat lang. At no diet. Yun po, ‘wag muna tayong mag-diet.”

Si Donita Nose ang isa sa magiging Sing Masters ng nagbabalik na successful singing competition noong 90’s, ang Sing-Galing sa TV5.  Makakasama ni Donita as masters sina Randy Santiago, Rey Valera, Ronnie Liang at Jessa Zaragoza at magsisimula ng mapanood sa April 5.  (ROSE GARCIA)