2021 March 27 Archive - People's Balita

Archive for March 27th, 2021

PBA ayaw nang mag-full bubble

Posted on: March 27th, 2021 by @peoplesbalita No Comments

Wala pa sa plano ng Philippine Basketball Association (PBA) ang bumalik sa full bubble para sa pagdaraos ng Season 46 Philippine Cup na target simulan sa Abril 18 sa Ynares Sports Center sa Antipolo City.

Ayon kay PBA commissioner Willie Marcial, numero unong prayoridad pa rin ang semi-bubble o ang home-gym-home format na ‘di hamak na mas mura kumpara sa full bubble.

Pinakahuling opsyon ng liga ang full bubble kung wala na talagang pag-asang maidaos ang liga sa semi-bubble setup.

Nakatakdang magsagawa ng board meeting ang liga matapos ang Holy Week.

“We’re not leaning on that. Holding a full bubble is our last option. We’ll see what happens after Holy Week,” ani Marcial.

Matatandaang gumastos ang liga ng P65 milyon para matagumpay na matapos ang Season 45 Philippine Cup noong nakaraang taon sa isang full bubble setup sa Clark, Pampanga.

Umaasa sana ang pamunuan ng PBA na maisagawa ang Philippine Cup sa isang semi-bubble format upang makaiwas sa malaking gastusin.

Subalit muling naghigpit ang Inter-Agency Task Force (IATF) sa patakaran nito matapos muling lumobo ang bilang ng tinatamaan ng coronavirus disease (COVID-19).

Target sanang ganapin ang Philippine Cup sa Ynares sa Antipolo na noon ay nasa mas maluwag na Modified General Community Quarantine (MGCQ) na.

Dahil sa pagtaas ng COVID-19 cases, ibinalik sa GCQ ang Antipolo kasama ang Bulacan, Laguna, Cavite at National Capital Region na ngayon ay tinawag na “NCR plus bubble.”

Maliban sa pinansiyal na usapin, malaking pasakit din ang full bubble para sa mga players, coaches at officials sa usaping mental dahil ilang buwan na nakakulong sa bubble ang mga ito.

Camarines Norte attack ng NPA sa mga sundalo, pasok sa int’l rules of war, ipinagkibit-balikat ng Malakanyang

Posted on: March 27th, 2021 by @peoplesbalita No Comments

IPINAGKIBIT-BALIKAT lang ng Malakanyang ang iginiit ng Communist Party of the Philippines (CPP) na ‘justified’ ang pag-atake ng New People’s Army sa Camarines Norte na ikinasawi ng limang pulis noong nakaraang Biyernes.

“Well, depende po yan noh? hIndi ko po alam iyong circumstance ng sinasabi nila noh? pero ang kinukuwestiyon po ng marami eh bakit hanggang ngayon iyong mga CPP-NPA ay patuloy nga na pumapatay ng kapwa Filipino noh? Bakit hindi pa nila ibaba ang kanilang mga armas kahit marami na naman silang mga kasama na napakagaling sa larangan ng parliamentary struggle. Eh pupuwede namang gawin sa mapayapang pamamaraan,” ayon kay Presidential Spokesperson Harry Roque.

“Ang sinasabi lang ng Presidente, bakit kinakailangan pang makipagpatayan,” dagdag na pahayag nito.

Sa ulat, sa ilalim ng “international rules on the conduct of war” iginiit ng CPP nabigyang katwiran ang pag-atake ng NPA sa Camarines Norte na ikinamatay nga ng limang pulis.

“The NPA raid in Barangay Dumagmang, Labo, Camarines Norte was a legitimate military action consistent with international rules on the conduct of war,” ayon sa pahayag ng CPP.

“The target, a counter insurgency outpost of highly-trained police special action forces, was a legitimate military target,” dagdag pa sa pahayag.

Ang komento ng CPP ay sagot sa pagkondena ng Commission on Human Rights sa nasabing pagpatay.

Ipinunto pa ng CPP na ang mga nasawing pulis sa raid ay armado.

Ayon pa sa teroristang grupo na maayos umano nilang trinato ang tatlong pulis na sumuko sa NPA, kung saan ginamot pa umano ng medic nila ang mga nasugatang parak bago umalis.

“We urge the foot soldiers of the AFP and PNP who find themselves in battle with the NPA, especially a superior NPA force, to choose to surrender and submit their firearms in order to avoid the loss of lives,” ayon pa sa pahayag.

“The NPA assures enemy troops who surrender that no harm will befall them and that their rights under the Geneva Conventions governing the conduct of war will be respected.” (Daris Jose)

Ads March 27, 2021

Posted on: March 27th, 2021 by @peoplesbalita No Comments

‘Resident Evil: Welcome to Raccoon City’, Official Title Of The RE Reboot Movie

Posted on: March 27th, 2021 by @peoplesbalita No Comments

DIRECTOR Johannes Roberts revealed in an interview with IGN during an SXSW online event, Resident Evil reboot movie official title is Resident Evil: Welcome to Raccoon City.

According to collider.com, it will take the zombie franchise back to theaters, with a new origin story inspired by the main video game series.

The reboot movie is not going to follow the franchise directed by Paul W.S. Anderson and led by Milla Jovovich, but instead, it’s a new entry point to the Resident Evil universe, retelling the zombie outbreak that happens in Raccoon City in 1998.

The movie is currently scheduled for a theatrical release on September 3.

The list of confirmed characters set to appear in Resident Evil: Welcome to Raccoon City includes a lot of names known to the fans and involved directly with the events of the first two games of the main franchise, such as Chris Redfield (Robbie Amell), Jill Valentine (Hannah John-Kamen), Albert Wesker (Tom Hopper), Leon S. Kennedy (Avan Jogia), Claire Redfield (Kaya Scodelario) and Ada Wong (Lily Gao).

This will be an exciting year for fans of the Resident Evil franchise, with a new game of the main series titled Resident Evil Village coming out May 7 — and featuring Lady Dimitrescu, a really tall vampire lady everyone wants to be chased by. There are also two new TV shows currently in development.

The first one, Resident Evil: Infinite Darkness, is a CGI animated project which is also set to star Leon and Claire as main characters, and is expected to arrive at Netflix at some point in 2021.

The second project is a live-action RE series focused on brand-new characters, which will also come to Netflix at an unreleased date.

Both the untitled live-action series and Resident Evil: Welcome to Raccoon City are being produced by Constantin Film, which indicates a crossover between the show and film could potentially occur in the future.

This is a likely possibility since there are more than enough Resident Evil games in existence to inspire a cinematic universe of some sort. (ROHN ROMULO)

Battle of liberos inaabangan din sa PVL

Posted on: March 27th, 2021 by @peoplesbalita No Comments

Maliban sa nagtataasang talon at malulupit na atake ng pinakamahuhusay na top spikers sa bansa, inaabangan na rin ng lahat ang salpukan ng mahuhusay na libero sa Premier Volleyball League (PVL).

Sa kauna-unahang pagkakataon, magsasama-sama ang matitikas na players sa bansa sa Open Conference ng liga na puntiryang simulan sa Mayo sa Inspire Sports Academy sa Calamba, Laguna.

Kabilang na rito ang mga beteranong libero gaya nina Dawn Macandili ng F2 Logistics at Denden Lazaro ng Choco Mucho Flying Titans.

Excited na si Lazaro na makalaban ang dati nitong teammates sa Ateneo na sina Alyssa Valdez at Jia Morado — ang key players ng reigning champion Creamline.

“I haven’t played against Alyssa in a long time and Jia as well my former teammates in Ateneo. They are the reigning champions in the PVL, so of course, everybody would want to meet the champions,” ani Lazaro sa programang The Game.

Handa na rin si Macandili na saluhin ang lahat ng palo ng mga bagong mukha na makakalaban nito sa PVL.

“I’m very excited to go up against (the best teams in the league). There are new teams, there are players na lumipat sa ibang teams. So we really can’t tell who’s gonna play their best this coming PVL,” ani Macandili.

Maliban kina Macandili at Lazaro, masisilayan din ang matitikas na libero na sina Kath Arado ng Petro- Gazz, Jheck Dionela ng Cignal, Tin Agno ng Army at Alyssa Eroa ng PLDT.

Nilinaw naman ni Lazaro na magkakalaban sila sa loob ng court ngunit nananatiling magkakaibigan sa labas.

Jose Cardinal Advincula itinalagang Archbishop of Manila ni Pope Francis

Posted on: March 27th, 2021 by @peoplesbalita No Comments

Inanunsiyo ngayon ng Vatican ang pagtatalaga ni Pope Francis kay Jose Cardinal Advincula bilang bagong arsobispo ng Archdioces of Manila.

Si Advincula bilang ika-33rd na arsobispo ng maynila ang ipinalit kay Cardinal Luis Antonio Tagle na siya na ngayong prefect of the Congregation for the Evangelization of Peoples na nakabase sa Roma, Italya.

Mula pa noong February 2020 ay walang arsobispo ang Maynila at si Bishop Broderick Pabillo muna ang itinalagang apostolic administrator.

Noong buwan naman ng Nobyembre ng nakalipas na taon ay pormal na hinirang ng Santo Papa si Advincula bilang bagong kardinal ng Simbahang Katolika.

Ang 68-anyos na si Advincula ang kauna-unahang cardinal mula sa Archdiocese of Capiz.

Ipinanganak siya noong March 30, 1952 sa bayan ng Dumalag sa Capiz.

Naordinahan siya bilang pari noong taong 1976.

Si Advincula na isa ring canon lawyer, ay nagsilbi bilang obispo ng San Carlos sa loob ng 10 taon bago siya hinirang na arsobispo ng Capiz noong November 2011.

Nagsilbi rin siya sa mga seminaries ng Vigan, Nueva Segovia at regional seminary ng Jaro, Iloilo.

Ikaapat si Advincula sa living Filipino cardinals, kasama si Cardinal Tagle, at ang dalawang mahigit 80-anyos na sina Cardinal Orlando Quevedo at Cardinal Gaudencio Rosales.

Hidilyn maagang magtutungo sa Tashkent para sa Olympic qualifying

Posted on: March 27th, 2021 by @peoplesbalita No Comments

Mas gusto ni national lady weightlifter Hidilyn Diaz na maagang makapunta sa Tashkent, Uzbekistan para sa Asian Weightlifting Championships kesa mahawa ng coronavirus disease (COVID-19) sa Kuala Lumpur, Malaysia.

“Mahirap na baka mahawa ka sa iba,” sabi ng 2016 Rio de Janeiro silver medalist sa panayam sa So She Did!” podcast. “So mas okay ‘yung nandoon ka, at prepared ka. Mas okay na prepared ka talaga.”

Ang paglahok na lamang sa nasabing qualifying tournament ang kailangan ni Diaz para pormal na sikwatin ang tiket sa 2021 Olympic Games na gagawin sa Tokyo, Japan sa Hulyo 23 hanggang Agosto 8.

Base sa Olympic qualifying ratings process ng (International Weightlifting Federation) IWF, dapat sumabak ang mga Olympic hopefuls sa anim na IWF-sanctioned competitions para makakuha ng silya sa quadrennial event.

Hangad ng 2019 Southeast Asian Games gold medalist ang kanyang ikaapat na sunod na Olympics appearance.

Naniniwala ang 30-anyos na si Diaz na makakasama niya sa kampanya sa 2021 Tokyo Olympics sina pole vaulter Ernest John Obiena, gymnast Carlo Edriel Yulo at boxers Eumir Felix Marcial, Irish Magno, Nesthy Petecio at Carlo Paalam.

8,773 bagong COVID-19 cases naitala ng DOH, ika-2 ‘all time high’ this week

Posted on: March 27th, 2021 by @peoplesbalita No Comments

Nakapagtala ang Department of Health ng 8,773 bagong infection ng coronavirus disease ngayong Huwebes, kung kaya nasa 693,048 na sumatutal ang nahahawaan nito sa bansa.

Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito:

lahat ng kaso: 693,048
nagpapagaling pa: 99,891, o 14.4% ng total infections
bagong recover: 574, dahilan para maging 580,062 na lahat ng gumagaling
kamamatay lang: 56, na siyang nag-aakyat sa total local death toll sa 13,095

Anong bago ngayong araw?

Ngayong araw inulat ang pinakamaraming bagong COVID-19 cases sa Pilipinas sa iisang araw lang sa bilang na 8,773. Nahigitan na nito ang all-time high na 8,019 nitong Lunes.
Record-breaking din ang local active cases ngayong Huwebes, na halos nasa 100,000 pasyenteng nagpapagaling pa.
Kanina lang nang kumpirmahin ng National Bureau of Investigation na hindi dumaan sa customs ang mga COVID-19 vaccines na iligal na itinurok sa mga kawani ng Presidential Security Group, kolumnistang si Mon Tulfo atbp. Nangyari din ito habang wala pang emergency use authorization ang Sinopharm vaccine na ginamit sa kanila.
Kaugnay nito, sinabi kanina ni presidential spokesperson Harry Roque na hindi pwedeng kasuhan si Pangulong Rodrigo Duterte pagdating sa iligal na pagtuturok ng Sinopharm ng PSG. Aniya, applicable lang daw ang “command responsibility” sa presidente “kapag may labanan.”
Bagama’t binanatan ni Digong ang mga personalidad na “sumingit” sa priority list ng gobyerno sa pagpapaturok ng COVID-19 vaccines, aminado si Roque na walang malinaw na batas na magpaparusa sa mga tinaguriang line jumpers. Sa ngayon kasi, tanging mga healthworkers at iba pang A1 priority ang pwedeng bigyan ng bakuna.
Kinumpirma naman ng Palasyo na merong “quick substitution list” na ginagamit ngayon ang gobyerno para sa mga pwedeng bigyan ng bakuna kung hindi dumating ang healthcare worker na scheduled para sa COVID-19 immunization. Gayunpaman, sinasabi sa DOH Memorandum 2021-0099 na dapat ibigay sa “next priority group” ang bakuna bilang “last resort.”
Humihingi naman ngayon ng dagdag na mga healthworkers ang Lung Center of the Philippines at Philippine General Hospitals para i-augment ang kanilang workforce kasunod na rin ng biglang pagsipa ng COVID-19 patients sa kanilang lugar. We have requested at least 30 more nurses from the DOH since last week but it’s not easy to get those manpower. I could imagine all hospitals are trying to get more manpower,” ani LCP spokesperson Dr. Norberto Francisco kanina sa panayam ng ANC.
Lumabas naman sa bagong pag-aaral ng OCTA Research Group kanina na numero uno ang Fort Bonifacio, Taguig sa lahat ng mga baranggay sa Pilipinas pagdating sa mga bagong COVID-19 infections magmula pa noong isang linggo, ika-18 ng Marso, 2021. Gayunpaman, bahagyang bumaba na ang “reproduction number” ng COVID-19 sa Metro Manila kasabay ng pagpapatupad ng NCR Plus bubble.
Umaabot na sa halos 123.9 milyon ang tinatamaan ng COVID-19 sa buong mundo, ayon sa huling ulat ng World Health Organization (WHO). Sa bilang na ‘yan, mahigit 2.72 milyon na ang patay.

Mahigit 200 Chinese maritime militia vessels, aalis din ng Julian Felie Reef -Sec. Roque

Posted on: March 27th, 2021 by @peoplesbalita No Comments

UMAASA ang Malakanyang na sa kalaunan ay aalis din ang mahigit 200 Chinese maritime militia vessels na natuklasang namamalaot sa Julian Felipe Reef, isang bahagi ng West Philippine Sea.

Naniniwala si Presidential Spokesperson Harry Roque na para sa kapakanan ng pagkakaibigan ng Pilipinas sa bansang China ay lilisanin din ng 220 maritime militia vessels ng Beijing ang Julian Felipe Reef na napaulat na naka-angkla noon pang Marso 7.

Sinabi ni Sec. Roque na personal na sinabi ni Pangulong Rodrigo Roa Duterte ang bagay na ito sa China’s envoy to the Philippines, kung saan tiniyak naman ng huli sa Pangulo na ang Chinese vessels ay naghanap lamang ng temporary refuge dahil sa masamang panahon.

“Wala pong kontrobersiya dahil hindi naman nila [China] ipinaglalaban na mananatili sila roon,” ayon kay Sec. Roque.

“In the spirit of friendship, inaasahan na hindi sila mananatili roon,” dagdag na pahayag ni Sec. Roque.

Sa kabilang dako, pinagtalunan naman ng National Task Force for West Philippine Sea ang ‘excuse” na “bad weather” dahil kahit maganda naman ang panahon ay nananatili sa Julian Felipe Reef ang mahigit 200 Chinese maritime militia vessels.

Iginiit ni Sec.Roque na palaging pinaninindigan ng Pangulo na protektahan ang Philippine territory, kabilang na ang Julian Felipe Reef, sa pamamagitan ng mapayapang paraan.

“The President said this before the United Nations: We will protect our territory, we stand by the UN Arbitral Ruling, and we will resolve this by peaceful means under UNCLOS (United Nations Convention on the Law of the Seas),” lahad ni Sec. Roque.

“Hindi nagbabago ang posisyon ni Presidente,” aniya pa rin.

Matatandaang, itinaas ni Pangulong Duterte sa United Nations General Assembly (UNGA) ang panalo ng Pilipinas sa China noong 2016 kaugnay sa usapin ng South China Sea na tinatawag ng bansa na West Philippine Sea.

Sinabi ng Pangulo na hindi pinapayagan at hindi tinatanggap ng Pilipinas ang anumang pagtatangka na sisira sa July 2016 ruling ng Permanent Court of Arbitration in The Hague.

“The award is now part of international law, beyond compromise and beyond the reach of passing governments to dilute, diminish or abandon,” ayon kay Pangulong Duterte.

Aniya, ang commitment ng Pilipinas sa pinag-aagawang teritoryo sa South China Sea ay laging nakasalig sa United Nations Convention on the Law of the Sea at sa 2016 ruling ng Permanent Court of Arbitration sa the Netherlands. (Daris Jose)

Magugunitang, ilang ulit nang hindi kinilala ng China ang 2016 ruling ng arbitral tribunal. (Daris Jose)

‘Pilipinas maaaring ‘di magpadala ng athletes sa 2021 Vietnam SEA Games’

Posted on: March 27th, 2021 by @peoplesbalita No Comments

Maaaring hindi na umano magkapagpadala ng delegasyon ang Pilipinas sa nalalapit na 2021 Southeast Asian Games na idaraos sa Nobyembre 21 hanggang Disyembre 2 sa Hanoi, Vietnam.

Ito ay kapag magpatuloy na lumala ang sitwasyon sa coronavirus disease (COVID-19) pandemic na pinoproblema hindi lamang sa Southeast Asia kundi kundi maging sa buong mundo.

Ang Team Philippines ang defending champion matapos na mag-host ang bansa noong 2019.

Sa panayam kay Philippine Sports Commission (PSC) Commissioner Ramon Fernandez, na siya ringng Chef de Mission ng Philippine team sa SEA Games, inamin nito na isa sa mga pinag-aaralang maging hakbang nila ay ang hindi pagpapadala ng mga Pinoy athletes ay dahil kaligtasan pa rin ang kanilang prayoridad.

”We’ve been doing lately were all for the preparation of our athletes because they really deserve our 100% support at malaking tulong din na ipagdasal natin sila para maabot nila ang kani-kanilang goal sa larangan ng sports” ani Commissioner Fernandez sa Star FM Bacolod.

Ngunit umaasa naman si Fernandez na matutuloy ang Tokyo Olympics dahil ito ang edisyon na may pinakamalakas na tsansa ang Pilipinas na makasikwat ng gintong medalya kung saan walo na ang Pinoy athletes na makakapaglaro na kinabibilangan nina pole vaulter ej obiena, artistic gymnast Carlos Yulo, at apat na boxers na sina Eumir Marcial, Irish Magno, Carlo Paalam at si 2019 AIBA Women’s Boxing World Champion Nesthy Petecio.