2021 February 02 Archive - People's Balita

Archive for February 2nd, 2021

Simbahan, hindi pa kailangan na gamitin para sa vaccination program ng gobyerno

Posted on: February 2nd, 2021 by @peoplesbalita No Comments

HINDI pa kailangan na ipagamit ng mga obispo ang kanilang mga Simbahan at pasilidad para sa pagsisimula ng vaccination program ng pamahalaan.

Ang katuwiran ni Presidential spokesperson Harry Roque, kumpleto na ang plano ng Department of Health (DoH) at National Task Force against covid19 para agad na makarating at maibigay sa bawat mamamayan ng bansa ang covid19 vaccine.

Sa katunayan aniya ay siniguro mismo ng provincial government ng Palawan na kakayanin nilang mabakunahan sa loob lamang ng isang buwan ang lahat ng kanIlang constituent.

Aniya pa, nakalatag na ang lahat ng kinakailangang gawin para sa pagsisimula ng pagtuturok ng bakuna laban sa virus.

Samantala, pinaalalahanan ng Malakanyang ang mga lokal na pamahalaan na responsibilidad nilang patawan ng kaukulang parusa ang sinumang lumabag sa ipinatutupad na health protocols sa kanilang mga nasasakupan.

Pinaalalahanan ni Sec.Roque ang LGUs kasunod ng napaulat na marami sa mga celebrities o kilalang personalidad ang hindi sumunod sa IATF guidelines kaugnay sa quarantine protocols Matapos na magparty sa kabila ng patuloy na banta ng new variant ng covid19.

Ani Sec. Roque, nailatag na ng gobyerno ang mga health restrctions na kailangang sundin ngayong panahon ng pandemya at nasa kamay na Aniya ng mga lokal na pamahalaan ang PagPapataw ng mas mabigat na parusa o kaya’y mas malaking multa para mApanagot at maturuan ng leksiyon ang mga hindi sumusunod sa basic health protocols.

Muling iginiit ng kalihim na hindi IATF ang nagpapataw ng parusa, kundi ang mga lokal na pamahalaan, sa pamamagitan ng Kanilang mga ordinansa. (Daris Jose)

Komite, at mga panukalang magpapabuti sa basic education tinalakay

Posted on: February 2nd, 2021 by @peoplesbalita No Comments

Pinagtibay ng House Committee on Basic Education and Culture ang House Resolution 1176, sa nominasyon ni dating Senador Ramon Revilla Sr., na Pambansang Artista ng Bayan Pasa sa Pelikula, bilang parangal at pagkilala sa kanyang mga dakilang handog sa industriya ng pinilakang tabing.

Ang resolusyon ay inihain ni Majority Leader Ferdinand Martin Romualdez.

Malugod na tinanggap ni Cultural Center of the Philippines (CCP) Vice President and Artistic Director Chris Millado ang nominasyon sa naturang pagdinig, at sinabing dadaan sa masusing rekisitos ang nominasyon sa pamamagitan ng mga dokumento at pagsasaliksik na kinakailangan para sa pinal na paghuhusga.

Nagdesisyon din ang komite na magbalangkas ng isang resolusyon na mag-aamyenda sa House Bill 7961 o ang “COVID-19 Scholastic Leniency Act,” at HR 1383 na humihikayat sa lahat ng pampubliko at pribadong institusyon ng edukasyon na pagtibayin ang “pass” o “drop” na sistema ng paggagrado.

Ang bagong resolusyon ay magsusulong ng scholastic o academic leniency, at academic ease sa academic calendar para sa COVID-19, na hindi isasakripisyo ang kalidad ng edukasyon.

Binuo rin ng komite ang technical working group (TWG) para sa HB 6405, na naglalayong ipawalang bisa ang implementasyon ng Mother Tongue-Based Multilingual Education (MTB-MLE) para sa mga mag-aaral sa Kindergarten hanggang Grade Three.

Ang TWG ay pamumunuan ng may-akda ng panukala, Baguio City Rep. Mark Go.

Inaprubahan din ng komite ang pagsasama ng HBs 7600 at 8293 sa naaprubahang substitute bill sa “Philippine High School for Creative Arts System Act;” gayundin ang HBs 8027 at 8329, na kasalukuyan ngayong nasa TWG, na naglalayong amyendahan ang Republic Act 7743 na magpapalakas naman sa Philippine Public Library System.

At panghuli, nagdesisyon din ang komite na gawin ang isang substitute bill sa HB 6287, na naglalaman ng mga rekomendasyon ng mga resource persons para sa pagbuo ng network ng Meister schools sa bansa. Ang panukala ay inihain ni Albay Rep. Joey Sarte Salceda. (ARA ROMERO)

‘Price ceiling’ sa mga produktong baboy, manok ipinatupad sa Kamaynilaan

Posted on: February 2nd, 2021 by @peoplesbalita No Comments

Kinumpirma ng Palasyo ang pagtatakda ng hangganan sa pagpepresyo ng ilang produktong baboy at manok sa National Capital Region (NCR) sa gitna ng pagsirit nito buhat ng African swine fever (ASF) na nakaapekto sa suplay ng karne sa Pilipinas.

Una nang humiling ng “price control” at dagdag sahod ang mga manggagawa’t Department of Agriculture matapos umabot sa P400/kilo ang baboy nitong Enero sa gitna ng coronavirus disease (COVID-19) pandemic.

“Naprirmahan na po ng ating presidente ang Executive Order 124. Ito po ay nagpapataw ng price ceiling sa mga produktong baboy at manok,” ani presidential spokespeson Harry Roque sa isang briefing, Lunes.

“Hindi na po pupwedeng ibenta ang baboy, ang pigue, na higit pa sa P270/kilo. Ang liempo hindi pupwedeng ibenta nang mas mataas pa sa P300/kilo at ang dressed chicken ay hindi po pu-pwedeng ibenta nang [higit sa] P160/kilo.”

Ang kautusan ay epektibo sa loob ng 60 na araw matapos maisapubliko sa mga peryodiko at Official Gazette, maliban kung palalawigin pa ni Pangulong Rodrigo Duterte matapos irekomenda ng DA.

Haharap naman sa mga parusa ang sinumang lalabag sa naturang kautusan ni Digong, paliwanag ni Roque.

“‘Yung mga hindi po susunod, meron pong ipapataw na parusa kasama po ang pagsasarado ng mga pwesto. So kung gusto niyo pong manatiling magnegosyo… ng baboy at manok, sumunod po tayo sa price ceiling,” dagdag ng tagapagsalita ng presidente.

“Sa panahon ng pandemya, kailangan naman pong magbayanihan po tayong lahat.”

Nangyari ang mga pagsirit sa presyo ngayong nalulugmok ang ekonomiya ng Pilipinas. Umabot kasi sa 9.5% ang ibinansot ng gross domestic product (GDP) ng bansa nitong 2020 dahil na rin sa tama ng mahahabang COVID-19 lockdowns at serye ng mga sakuna.

Itinuturing itong pinakamalaking pagbulusok sa economic output ng Pilipinas simula nang mag-record ng GDP data ang bansa noong 1946 — bagay na sinundan ng 7% contraction noong 1984 sa ilalim ng diktadurya ni Ferdinand Marcos.

Wala pa namang balita kung magpapatupad din ng kahalintulad na EO sa mga lugar na nasa labas ng Metro Manila.

Sa huling inilathalang price monitoring ng DA nitong Biyernes, umaboty sa P400 hanggang P440 ang presyo ng kilo ng liempo, habang P170 hanggang P200 ang whole dressed chicken.

Reynolds goes back to the past to meet his father, Ruffalo, in the upcoming film ‘The Adam Project’

Posted on: February 2nd, 2021 by @peoplesbalita No Comments

TWO of the Marvel movies’ biggest stars, Ryan Reynolds and Mark Ruffalo, are teaming up for the upcoming film The Adam Project.

Deadpool actor and MCU’s Hulk shared on their Instagram accounts some photos from the sci-fi film, where Reynolds goes back in time to seek the help of his 13-year-old self (Walker Scobell).

Reynolds was the first person to share new images from The Adam Project. The photos shared to Reynolds’ timeline feature he and Ruffalo in character while filming a scene in Vancouver. In the scene, it looks like their car has been busted up, leading to a tense moment between a father and his adult, time-traveling son.

He shared the photos with the caption “I have a friend from work too. But no matter how angry I make him, he stays the same size,” referencing Thor’s iconic line in Thor: Ragnarok.

Meanwhile, Ruffalo also shared a photo from this same scene to his Twitter on Saturday evening. However, the image Ruffalo shared is taken from a different angle.

He jokingly states in the caption: “Passing on the birds and the bees knowledge to my son in #TheAdamProject, @VancityReynolds. He was clearly having a little difficulty following because I was using the elephants and the chickens to try and add some flare to the story of love.”

The film will follow the young Adam (assumed to be the name of Reynold’s character) who meets his older self from the future. The two must then join forces to find their father, played by Ruffalo, in a secret mission where the future of humanity is at stake.

Directed by Shawn Levy (Free Guy, Night at The Museum), the film will also star Zoe Saldana (Guardians of the Galaxy), Jennifer Garner (Peppermint), and Walker Scobell.

The film is expected for release on Netflix, with the release date yet to be revealed. (ROHN ROMULO)

Kelot nagbigti dahil sa depresyon

Posted on: February 2nd, 2021 by @peoplesbalita No Comments

Isang lalaki ang nagpasyang magpakamatay sa pamamagitan ng pagbigti dahil sa depresyon sanhi umano ng pagkakaroon ng broken family sa Malabon city.

Kinilala ang biktima na si Jomar Urbano, 24, ng No. 8 Mabolo Road, Brgy. Potrero.

Ayon kay Malabon police homicide investigators P/SSgt. Jeric Tindugan at P/Cpl. Renz Marlon Baniqued, dakong 1 ng hapon, papasok sana sa banyo ang 8-anyos na pamangkin babae ng biktima upang umihi.

Subalit, laking gulat na lamang ng bata nang makita niya ang kanyang uncle na nakabigti sa loob ng banyo gamit ang isang lubid.

Kaagad niyang sinabi sa kanyang mga kaanak ang natuklasan saka i-nireport ng mga ito sa pulisya ang insidente.

Sa isinagawang imbestigasyon, gumawa ng isang waiver ang mga kaanak ng biktima na naniniwala sila na walang naganap na foul play sa pagkamatay ni Urbano. (Richard Mesa)

Rosales, Terrafirma may hinahanap pang piyesa

Posted on: February 2nd, 2021 by @peoplesbalita No Comments

WALA pa ring angas ang Terrafirma may anim na taong kampanya sa Philippine Basketball Association (PBA)

Sa ika-46 na edisyon ng unang Asia’s play-for-pay hoop nitong 2020 Philippine Cup, nangulelat ang Dyip sa pagsungkit lang ng isang panalo at may 11 talo season.

Inesplika ni team governor Demosthenes ‘Bobby’ Rosales nitong Sabado, Enero 30 ang pag-trade sa kanilang franchise player na si Christian Jaymar ‘CJ’ Perez sa San Miguel Beer 2021 first round pick at tatlong bench player.

“Wala namang question, kasi CJ Perez is a very good player. But medyo unfair din na kakargahin niya ang buong burden kahit gaano siya kagaling. Ang sabi nga ng top management sa amin, ‘you will not gain fans, you will not gain the respect of competition, or even top management if you don’t start winning games,” bulalas ng opisyal ng koponan.

Biyernes, Enero 29 nang magpa-press release ang Terrafirma sa nakakagulantang na balita sap ag-swap kay Perez sa Beermen para nina Russel Escoto, Joshua Angelo ‘Gelo’ Alolino, Matthew Allen ‘Matt’ Ganuelas-Rosser at SMB first-round pick sa Marso 14 na 36th PBA Rookie Draft 2021.

“To get all this missing pieces (of the team), ofcourse mahirap kunin sabay-sabay, but to be able to get them also we have to look around saan ba u kumuha of course the forth coming Draft is one source. Unfortunatley, isa lang ang pick namin sa first round rather, wala kaming second round pick tapos sa third round na kami makakapili ulit. It was a process really. If we really want to get something of value, you have to give up something of value also.”

Klinaro rin ni Rosales nina na masaya’t maayos naman ang relasyon koponan sa performance ng 27-year, 6-foot-2 guard/forward, two-time scoring champion at 2018 fiurst round pick overall na si Perez, .

“Definitely. Alam ng lahat na magaling si CJ. So, mataas din ang expectation to the point na siguro nga, naging unfair din para sa kanya na ike-carry niya lahat ng burden. Mahirap manalo din ng nag-iisa. Alam naman natin lahat yun sa basketball. Happy naman kami (with him). There are no differences with CJ. Maganda naman ang rapport namin kay CJ kaya nga lang there’s a certain point kasi na you have to make a tough call also. People may disagree, and we respect that opinion.

Wala ring request na tradfe ang basketbolistang tubong Hongkong at produkto ng San Sebastian College Recoletos Golden Stags at Lyceum of the Philippines University Pirates sa National Collegiate Athletic Association (NCAA).

“Hindi naman. Si CJ is very professional. He did not ask for a trade,” wakas na sambit ni Rosales.

Bahala na kayo mga giliw naming mambabasa na humusga. Kung ano ang sa inyo, kaprehas na rin nang sa Opensa Depensa. (REC)

COVID-19 VACCINE STORAGE FACILITY SA MAYNILA, HANDA NA

Posted on: February 2nd, 2021 by @peoplesbalita No Comments

HANDA na ang banong Covid-19 vaccine storage facility matapos pasinayan nina Manila Mayor Isko Moreno Domagoso at Vice Mayor Maria Sheilah “Honey” Lacuna-Pangan.

Ang itinayong bagong COVID-19 Vaccine Storage Facility na pag-iimbakan ng mga vaccine vials na magmumula sa iba’t ibang pharmaceutical firms.

Ito’y makaraang bisitahin ng Coordinated Operations to Defeat Epidemic (CODE) Team ng national government ang Sta. Ana Hospital ngayong araw. Ang nasabing vaccine storage facility ay matatagpuan sa 7^th floor ng Sta. Ana Hospital.

“Refrigeration units have already been deployed at the facility, which includes five HYC-390 refrigerators for AstraZeneca and Sinovac vials, two -25°C biomedical freezers and two -30°C biomedical freezers for Johnson&Johnson and Moderna vials,” saad ng Manila Public Information Office (MPIO).

Inaasahan naman na may tatlo pang refrigeration units ang darating sa Sta. Ana Hospital at ito ay ang -86°C ULT freezers na pag-iimbakan ng Pfizer vials.

Sa isinagawang pagpapasinaya ng nasabing pasilidad, sinabi ni Domagoso na ang lokal na pamahalaan ay handang tumulong sa national government na maipamahagi sa publiko ang tamang impormasyon hinggil sa pagpapapabakuna upang matapos na ang nararanasang pandemya.

“COVID-19 vaccination ang susi sa pagbubukas muli ng ekonomiya,” ani Domagoso.

“Gusto ko na pong makabalik na sa trabaho ang mga tao nang panatag, makasakay na sila ulit ng public transportation nang komportable, magbukas ang mga negosyo, makagalaw na ang mga nawalan ng trabaho, makabalik na ang mga bata sa eskwela,” dagdag pa ng Alkalde.

Nauna dito, binisita ng CODE Team officials ang vaccine storage facility kung saan iprinisinta sa kanila ni Manila Health Department (MHD) Director Dr. Arnold “Poks” Pangan ang Manila COVID-19 Situation Report. (GENE ADSUARA)

Psalm 34:8

Posted on: February 2nd, 2021 by @peoplesbalita No Comments

The Lord is good.

Robredo hanga sa resignation ni Magalong

Posted on: February 2nd, 2021 by @peoplesbalita No Comments

Hinangaan ni Vice President Leni Robredo si Baguio City Mayor Benjamin Magalong dahil sa irrevocable resignation na inihain nito bilang contact tracing czar kasunod nang kanyang pagdalo sa isang party kung saan hindi nasunod ang COVID-19 protocols.

Sinabi ni Robredo na “napakahusay nang pag-ako ng accountability” ni Magalong na dapat pamarisan nilang mga opisyal ng pamahalaan.

Kung siya ang tatanungin, sinabi ni Robredo na mayroong lapse o pagkakamali sa pagdalo ni Magalong sa party ng kilalang eventologist na si Tim Yap.

Kahanga-hanga naman aniya na malakas ang “sense of accountability” ni Magalong, pero nanghihinayang naman sa resignation nito lalo pa at malaki aniya ang naitulong ng alkalde sa contact tracing efforts ng pamahalaan.

Nauna nang inamin ni Magalong na posibleng mayroong nangyaring paglabag sa protocols sa party ni Yap kagaya nang hindi pagsuot ng face mask sa lahat ng oras

SHARON, balik na sa pagiging hurado sa ‘YFSF’ kasama sina GARY at OGIE; wish ng fans na maipalabas din sa TV5

Posted on: February 2nd, 2021 by @peoplesbalita No Comments

TIYAK na happy ang mga fans ni Megastar Sharon Cuneta dahil malapit na nila muling mapanood ang kanilang idol sa telebisyon.

Kasali na muli si Sharon bilang judge ng Your Face Sounds Familiar na malapit na muling mag-taping after conducting auditions.

Isa ang Your Face Sounds Familiar sa mga paboritong programa namin on TV and we are likewise happy na join na muli si Shawie sa show, together Gary Valenciano at Ogie Alcasid.

Regular celebrity contestants ang competitors sa pagbabalik ng YFSF ngayong Pebrero.

Wish ng mga fans ni Ate Shawie na sana raw pati sa TV 5 ay maipalabas din ang YFSF pero we are clueless if this is possible.

***

SUCCESFUL ang world premiere ng Anak ng Macho Dancer noong Sabado ng gabi. Marami ang humanga sa performance ni Sean de Guzman, ang bida movie na dinirek ni Joel Lamangan under Godfather Productions.

Sa huling panayam namin kay Sean, he describe himself as a risk taker at pinatunayan niya ito by accepting the challenge to play the lead of Anak ng Macho Dancer.

“Matapang po ako. Ibinubuhos ko ang tiwala ko sa isang bagay. Mahilig akong sumugal. Isa ito sa natutunan ko growing up independently,” wika ni Sean.

Pero aminado naman siya na natakot siya by agreeing to accept the lead role sa movie.

“Opo, natakot ako kasi first time ko na maging lead tapos yung buong istorya ako ang magdadala eh baguhan palang ako tapos ang mgakatrabaho ko ay malalaking artista. Nakaka-pressure po.”

Bagamat baguhan, nakaya naman ni Sean na makipagsabayan sa mga veteran stars na kasama niya sa movie. Malaki raw ang naitulong ng mga ito para lumabas na mahusay ang kanyang acting.

Pero aminado naman si Sean na marami pa siyang dapat i-improve bilang actor.

Among Sean’s screen idols ay sina John Lloyd Cruz at Leonardo DiCaprio.

“Iba ang tirada ni John Lloyd. Madadala kasa kwento dahil sa husay niya umarte. Si Leonardo DiCaprio, sobrang galing din kasi kahit na anong role kaya niya. Versatile siya. Napanood ko sa ‘Romeo and Juliet’ at doon ako humanga lalo sa kanya. Favorite movie ko ni John Llloyd ang ‘One More Chance’. Siyempre ang husay niya. Gusto na makatrabaho si John Lloyd in the future,” kwento ni Sean.

Kung sakali raw ma-meet niya in person si John, magre-request daw siya na mag-picture kasama ang kanyang idol.

Ngayong nasubukan mo na ang pag-aartista, gusto na niyang itong maging career.

“Ipinagdarasal ko po palagi kay God na sana more blessings pa, more projects. And kung hindi man ako palarin sa ganitong field, gusto ko rin matapos ng isang kurso.

“Gusto rin pong maging chef. Gusto ko magtayo ng sarili kong restaurant,” sabi ni Sean who is taking up a Culinary Arts course. (RICKY CALDERON)