I am the way, the truth, the life.
- April 22, 2026
Ang Diyaryong Pinagkakatiwalaan
Archive for January, 2021
Justice Lopez, bagong Associate Justice ng SC
KAPWA kinumpirma nina Executiive Secretary Salvador Medialdea at Presidential spokesperson Harry Roque ang pagkakatalaga ni Pangulong Rodrigo Roa Duterte kay dating Court of Appeals Justice Joseph Ilagan- Lopez bilang bagong Associate Justice ng Korte Suprema.
Sinabi ni Sec. Roque na pinirmahan ng Pangulo ang appointment paper ni Justice Lopez kahapon, Enero 25.
Inaasahan aniya ng Pangulo na paiiralin ni Justice Lopez ang judicial indpendence at rule of law at ipagpapatuloy nito ang reporma sa court processses ng bansa.
Si Justice Lopez aniya ay isang produkto ng UP College of Law, dating konsehal, dating City Fiscal ng Maynila bago pa siya italaga bilang Court of Appeals Justice.
“yes” naman ang naging sagot ni ES Medialdea nang tanungin kung itinalaga nga ba ni Pangulong Duterte si Justice Lopez. (ARA ROMERO)
Galvez, umapela sa publiko na pagkatiwalaan ang bakuna na bibilhin ng Pilipinas
UMAPELA si Vaccine czar Carlito Galvez Jr. sa publiko na pagkatiwalaan ang COVID-19 vaccines dahil ang bibilhin naman ng Pilipinas na bakuna ay ligtas at epektibo.
“Magtiwala po tayo na ang mga bakunang darating ay daraan sa stringent evaluation ng vaccine experts panel at ng FDA (Food and Drug Administration). Lahat po ng vaccine na makakapasa sa FDA, ina-assure po namin na safe ‘yan,” ayon kay Galvez.
“Mga 66 million na po ang nabakanuhan [sa buong mundo], 35 million po [gamit ang] Pfizer-BioNTech. Sa Chinese vaccine po na meron tayong agam-agam, 31 million naman na po ang nakatanggap ng Chinese vaccine, kasama na ang Sinovac na six million [ang tumanggap]. Maganda po ang resulta, safe po at ‘yung adverse effects ay manageable,” dagdag na pahayag nito.
Patuloy kasi ang pagdami ng mga filipino na ngdadalawang-isip na magpabakuna matapos na magpakita ang human trials ng Sinovac sa ibang bansa ng “inconsistent efficacy rates.”
Sa Turkey, nakapagtala ito ng 91% efficacy rate habang 65% at 50% efficacy rate naman sa mga bansang Indonesia at Brazil.
Gayunpaman, nagpalabas lamang ang FDA ng emergency use authorization (EUA) sa Pfizer-BioNTech matapos na matuklasan na ang bakuna ay mayroong efficacy rate na 95% at 92% sa study population sa lahat ng lahi.
Ang iba pang COVID-19 vaccine makers na may nakabinbing EUA applications sa FDA ay AstraZeneca ng UK at Oxford University , Gamaleya ng Russia, Sinovac ng China at Bharat BioTech ng India.
Ang bakuna ay kailangan na mabigyan ng EUA ng FDA para maituring na legally administered sa bansa. (Daris Jose)
Malakanyang, mas matimbang sa isyu ng unemployment rate kaysa sa hirit na dagdag sahod para sa mga manggagawa
KUMBINSIDO si Cabinet Secretary Karlo Alexei Nograles na mas dapat na mabigyan ng pansin ang estado ng unemployment rate ng bansa kaysa sa hinihinging dagdag umento sa mga manggagawa.
Ayon kay CabSec Nograles na maraming nawalan ng trabaho dahil na din sa pandemya at may mga datos na magpapakitang na sadyang tumaas nga ang unemployment rate.
Kung nasa 4.6 percent lang aniya ang mga walang trabaho nuong 2019 ay halos pumalo naman sa doble ang porsiyento nito nuong isang taon na nasa 8.7 percent.
Mahalaga ayon kay CabSec Nograles ang dagdag suweldo pero mas makabubuti aniyang mas mabigyang pokus ay mabigyan ng hanapbuhay ang mga nawalan ng trabaho. (Bishop Jesus “Jemba” M. Basco)
SBP, nakikipag-ugnayan na sa gov’t para makauwi si Kai Sotto sa PH para sa qualifiers
Nakikipag-ugnayan na umano ang Samahang Basketbol ng Pilipinas (SBP) sa pamahalaan para matulungan si Kai Sotto na makauwi sa Pilipinas bago ang FIBA Asia Cup 2021 qualifiers.
Una rito, inanunsyo ng 18-anyos na si Sorro na nais nitong maglaro para sa Gilas Pilipinas sa ikatlo at huling window ng continental qualifiers, na gagawin sa loob ng isang bubble sa Clark, Pampanga mula Pebrero 17 hanggang 22.
Ayon kay Ryan Gregorio, special assistant ni SBP President Al Panlilio, maliban sa Inter-Agency Task Force, patuloy ang kanilang koordinasyon sa management team ni Sotto upang plantsahin ang mga detalye ng pag-uwi ng 7-foot-3 sensation.
Kasalukuyang nagsasanay si Sotto sa Walnut Creek, California kasama ang kanyang G League team na Ignite.
Nakatakda ring sumabak ang koponan sa G League season na isasagawa rin sa loob ng bubble sa Orlando, Florida sa buwan din ng Pebrero.
Sinabi pa ni Gregorio, binigyan na raw si Sotto ng pahintulot ng Team Ignite na mawala muna ng ilang laro sa G League season at lumahok sa FIBA Asia Cup.
Ang isyu aniya ngayon ay kung kailan makakalipad pabalik ng bansa si Sotto, dahil kailangan pa nitong sumailalim sa mandatory 14-day quarantine.
“Ang talagang finality na lang on the logistical requirements para makarating siya sa ating bansa,” ani Gregorio.
“Mas maganda sana kung mas maaga, but narito na tayo. Ang sinasabi lang natin is sana makarating na, tapos ‘yung mga unknown, problemahin na lang natin ‘pagka dumating na siya,” dagdag nito. (REC)
Bagong testing at quarantine protocols, epektibo sa Pebrero 1
MAGPAPATUPAD ng bagong testing at quarantine protocols, epektibo sa Pebrero 1 ang Inter-Agency Task Force (IATF).
Sa katunayan ay pinagtibay ng IATF kahapon, Enero 26, 2021 ang sumusunod na testing at quarantine protocols para sa lahat ng tao na papayagang makapasok ng Pilipinas.
Ang mga darating na pasahero saan man manggagaling ay kailangan na sumailalim sa facility-based quarantine sa oras na dumating.
Pagtapos nito ay sasailalim sila sa RT-PCR test sa ikalimang araw mula sa petsa ng kanilang pagdating sa bansa maliban na lamang kung ang pasahero ay nagpakita ng sintomas sa mas maagang petsa habang naka-quarantine.
Sinabi ng Malakanyang na magpapalabas ng operational guidelines ang IATF ukol dito bago ang Pebrero 1.
Sa kabilang dako, ang pasahero na nasuri na negatibo ay ie-endorso sa local government unit sa destinasyon kung saan ang pasahero ay ipagpapatuloy ang natitirang fourteen-day quarantine sa ilalim ng mahigpit na monitoring ng LGU.
Mahigpit na tagubilin ng IATF na sundin ang appropriate patient management alinsunod narin sa guidelines ng Philippine Society for Microbiology and Infectious Diseases at ng Department of Health Omnibus Guidelines on Prevention, Detection, Isolation, Treatment and Reintegration Strategies for COVID-19.
Maliban dito, sa naging pulong din ng IATF ay napagdesisyunan na ipagpaliban ang relaxation o pagpapaluwag sa age-based restrictions sa mga lugar sa ilalim ng Modified General Community Quarantine (MGCQ) bilang pagsunod sa naging direktiba ni Pangulong Rodrigo Roa Duterte.
Samantala, upang matiyak na “accurate, timely at efficient” ang distribusyon at pangangasiwa ng COVID-19 vaccines, pinahintulutan ng IATF ang Department of Information and Communications Technology (DICT) “to perform actions necessary to procure the services of a qualified third-party service provider to cater to all services pertaining to the design approval, IT project implementation, and service management of the Philippine COVID-19 Vaccine Information Management System (VIMS). ”
Binigyan din ng kapangyatihan ang DICT na bumalangkas ng standards na alamin ang kuwalipikasyon ng third-party service provider na magsasagawa ng kakailanganing serbisyo sa VIMS.
Ang magiging tungkulin ng Philippine COVID-19 VIMS ay kinabibilangan ng Citizen Vaccination Capture and Automation; Provide Management and Automation; Supply Chain Management; and VIMS Dashboarding, Reporting, at Analytics.
“It shall be the key process automation and data capture, storage, processing, and analytics system for the immunization and administration and supply chain management of the COVID-19 vaccines,” ayon kay Sec. Roque. (Daris Jose)
Next fight ni Pacquiao pinaplantsa na!
Pinaplantsa na ang susunod na laban ni eight-division world champion Manny Pacquiao na inaasahang isisiwalat ng kampo nito ngayong linggo.
Ayon kay Pacquiao, ilang bagay na lamang ang inaaayos bago ihayag ang pangalan ng makakasagupa nito sa kanyang laban na target idaos sa Abril o Mayo.
Mahigit isang taon ding hindi nasilayan sa aksyon si Pacquiao na huling sumalang noon pang Hulyo ng 2019 nang itala nito ang split decision win kay Keith Thurman.
“Ipa-finalize na namin this week. Kapag na-finalize na saka namin ia-announce kung sino ang makakalaban (ko sa next fight),” wika ni Pacquiao.
Ilan sa mga pinangalanan ni Pacquiao sina International Boxing Federation (IBF) at World Boxing Council (WBC) welterweight king Errol Spence Jr. at reigning World Boxing Organization (WBO) welterweight champion Terence Crawford sa mga kandidato.
Kasama rin si WBC interim lightweight champion Ryan Garcia sa mga natukoy matapos itong maglabas ng poster ng dream fight nito kay Pacquiao.
Klinaro naman ni Pacquiao na sakaling matuloy ang laban kay Garcia, posibleng isang exhibition match lang ito dahil bagito pa ito na halos ka-edad ng kanyang panganay na anak.
“Nandyan din si (Ryan) Garcia pero parang exhibition lang yan, 22 years old pa lang parang anak ko na yan. Pero ok lang yan parang ako ang professor (niya),” biro pa ni Pacquiao. (REC)
Gamitan ng pangalan ng mga politiko para makakuha ng contract purchase sa gobyerno, kinastigo ni PDu30
Saksakin na lang ninyo. Wala ‘yan. Ito ‘yung mga parasites, mga linta, and they thrive on the gullible iyong pati ‘yung naive na lolokohin mo ‘yung kapwa mo tao,” diing pahayag ng Pangulo.
Sinabi ng Pangulo na kung alam naman ng isang tao na diretso siya, maganda ang kontrata, kumpleto, walang kulang ay walang dahilan para kumbinsihin niya pa ang isang taga-pamahalaan na paboran pa siya sa ilegal na pamamaraan.
“Wala — marami ito umiikot. Marami. Ang NBI nito may nahuhuli araw-araw. Ngayon ang — para matapos na ito, lahat sa NBI pati pulis, sa lahat na mahuli ninyo sa mga ganoon dalhin ninyo sa opisina ko. Gusto ko lang silang kausapin. Gusto ko silang makausap bakit ganyan ang hanapbuhay nila kasi lokohan eh. Iyan ang problema diyan. Alam mo, walang nagpapaloko — walang, walang naloko kung walang magpapaloko,” ayon sa Punong Ehekutibo.
Kaugnay nito, tinaagan ng pansin ni Pangulong Duterte ang National Bureau of Investigation (NBI) na mag-dobleng oras na hulihin ang mga taong gumagawa ng ganitong panloloko gamit ang proyekto ng pamahalaan.
“Hulihin ninyo ito tapos kung ano, ma-detain ninyo ‘yan sa gabi, wala pa naman ‘yung — bago ninyo dalhin sa korte to — for filing of the cha — idaan mo nga sa Malacañan. Tignan ko lang ang pagmumukha nito.,” ang pahayag ng Pangulo. (Bishop Jesus “Jemba” M. Basco)
DILG, maaaring i-realign ang pondo para ma-cover ang re-employment ng contact tracers – Avisado
MAAARING i-realign ng Department of the Interior and Local Government (DILG) ang pondo nito para ma-cover ang re-employment ng contact tracers (CTs).
Ito ang inihayag ni Department of Budget and Management (DBM) Secretary Wendel Avisado bilang pagbibigay katiyakan matapos na sabihin ng DILG noong Enero 16 na maaari lamang silang makapag-rehire ng 15,000 CTs sa ilalim ng six-month contract bunsod ng kagipitan sa pondo.
Ang DILG ay nakapag-hire lamang ng 50,000 contact tracers noong nakaraang taon.
“Modification lang po kailangan po n’yan, sandali lang po iyan. Hindi na po aakyat sa Pangulo ‘iyan. Dito na lang sa level ko, na-approve ko na po iyan,” ayon kay Sec. Avisado sa Laging Handa briefing.
“Wala pong problema patungkol diyan,” dagdag na pahayag nito.
Sa ulat, muling tatanggap ang Department of the Interior and Local Government ng 15,000 pang contact tracers (CTs) para sa COVID-19 contact-tracing efforts.
“While the country’s COVID-19 response is significantly improving, we should sustain our contact tracing efforts especially with the reported entry of the new UK coronavirus variant into the country,” saad sa kalatas ng DILG.
“We are pleased that we have been given the funds to re-hire some 15,000 CTs this year who will continue to help us track down, monitor coronavirus cases, and cut transmission in the community,” ani DILG Undersecretary and Spokesperson Jonathan Malaya.
“Much as we would like to continue the services of all the 50,000 CTs hired in 2020, we need to have a more rational number of CTs and work within the available budget allotted to the Department. Hence, only 15,000 CTs will be re-hired under a six-month contract in the meantime while we wait for the release of additional funds.”
“DILG field offices and the LGUs are directed to conduct an immediate assessment of the performance of the contact tracers and proceed with the selection of those who have effectively and efficiently performed their assigned tasks,” punto pa nito.
Sa memorandum na nilagdaan ni DILG Officer-in-Charge Bernardo Florece, Jr., inatasan ang DILG regional directors na magtungo ang lahat ng DILG-hired contact tracers sa kani-kanilang mga rehiyon upang ibailik ang kanilang identification cards sa local government unit (LGU) sa pagtatapos ng kanilang kontrata noong December 31, 2020. (Daris Jose)
Desisyon ng IATF, binawi ni PDu30
BINAWI ni Pangulong Rodrigo Roa Duterte ang naging desisyon ng Inter-Agency Task Force (IATF) na payagan na ang mga kabataang may edad na 10 hanggang 14 na nasa lugar na nasa ilalim ng Modified General Community Quarantine (MGCQ) na lumabas-labas ng bahay simula sa Pebrero 1.
“Yung restrictions na lifting the age for 10 to 14 age group sa MGCQ areas na palabasin na ‘yung mga 10 to 14, I am compelled. It has nothing to do with their incompetence, not at all. Ang akin is a precaution because there is or there was or is a [variant] discovered in the Cordillera that is very similar to the [variant] dito sa United Kingdom,” ayon kay Pangulong Duterte sa kanyang public address, Lunes ng gabi.
“Balik ho kayo sa bahay muna. Besides 10 years old to 14…10, 11, 12 pwede na sila sa TV. They can glue their attention sa TV the whole day. Pasensya na po kayo. Mine is just a precaution. Takot lang ako kasi ‘yung bagong [variant] strikes the children,” dagdag na pahayag nito sabay sabing “… just to be sure and in our desire to protect our people napilitan akong ireimpose ang 10 to 14, not at this time. it’s a sacrificee for the parents and the children, it would limit their movements…”
Nauna nang sinabi ni Presidential spokesperson Harry Roque na pwede nang lumabas ng kanilang mga tahanan ang mga batang eadad 10 hanggang 14 taong gulang.
“The Inter-Agency Task Force (IATF) approved the recommendation to relax age-based restrictions for areas placed under Modified General Community Quarantine (MGCQ) beginning February 1, 2021,” ayon kay Sec. Roque.
“Any person below ten (10) years old and those who are over sixty-five (65) years of age shall be required to remain in their residence at all times.” dagdag na pahayag nito.
Hinihihikayat na rin aniya ng IATF ang mga local government units ng mga nasa General Community Quarantine na i-relax ang ipinatutupad na age-restrictions sa paglabas-labas ng bahay.
Ito’y kahit marami sa mga COVID-19 vaccines ang hindi pwedeng iturok basta-basta sa menor de edad. Rekomendado ang Pfizer vaccine sa 16-anyos pataas habang ang Moderna ay para sa 18-anyos pataas.
Una nang gustong mapaluwag ng National Economic and Development Authority (NEDA) ang mga nasabing restriction, lalo na’t 50% aniya ng economic activities ay nagmumula sa mga aktibidad ng pamilya. Kapag nasa loob ang mga bata, nasa loob din ang mga magulang para mag-alaga.
Sa ngayon, tanging mga 15-65 lang ang pinapayagang lumabas ng mga bahay. Pinapayagan lang ang paglabas ng mga naturang tao kung kukuha ng mga mahahalagang pang-araw-araw na pangangailangan.
Dahil sa banta ng COVID-19 sa kalusugan ng kabataan, ipinagbabawal pa rin ang face-to-face classes sa lahat ng antas sa bansa sa ngayon. (Daris Jose)