NAKATIPID ang pamahalaan ng $700 million sa pagbili ng COVID-19 vaccines.
Ipinagmalaki ni Vaccine czar Secretary Carlito Galvez Jr. na nakatipid ang gobyerno sa pagbili ng bakuna dahil sa maayos na negosasyon ng pamahalaan.
Sa public address ni Pangulong Rodrigo Roa Duterte , Lunes ng gabi ay sinabi ni Galvez na nakatipid ang pamahalaan ng $700 million sa vaccine deals kung saan ay naibaba nila ng kalahati ang alok na presyo para sa bakuna.
“Noong kinompute ko po lahat ng mga brand, lumalabas po na naka-save po tayo ng $700 million. Meaning, ‘yong kanyang offer price naibaba po natin ng halos kalahati kaya po ang nangyari po ‘yong dati po, ‘yong plano po namin ni Secretary Duque na 70 million doses, umabot po ng 148 million doses,” ayon kay Galvez.
“Doon po napakita na maganda po ang presyo natin na nakuha. Halos lahat po ng prices, advantage po tayo,” dagdag na pahayag nito.
Giit ni Galez, malinis ang COVID-19 vaccine purchase deals dahil mahigpit nilang sinunod ang stringent measures.
Binigyang diin nito na hindi niya hinawakan ang anumang pondo na may kinalaman sa negosasyon sa pagbili ng COVID-19 vaccines.
“‘Yong deal po natin talaga pong sinasabi po natin sa ating mga tao, sa ating mamamayan na malinis po ‘yong deal natin at tsaka… wala po akong hawak na pera,” ang pahayag ni Galvez.
“Wala po tayong hinahawakan na pera. Ang pera ang magbabayad, bangko. Alam po natin na ang transaction ng bangko ay malinis po ‘yan. Hindi po tayo magkakaroon ng tinatawag nating corruption because of the World Bank integrity at tsaka po ‘yong Asian Development Bank,”aniya pa rin.
Aniya pa, kinumbinsi ng World Health Organization ang mga vaccine manufacturers na gawing available ang mga bakuna ng walang tubo.
Pumayag naman aniya ang mga pharmaceutical firms sa “no profit, no loss principle.”
“Yong ginawa po nating negosasyon, napaka-deliberate po at tsaka maganda po talaga. In fact, mapapangako ko po sa ating mahal na kababayan na ang lahat ng mga negosasyon at cost. Meaning, almost no profit,” ani Galvez.
Sa kabilang dako, sa gitna nang pag-aalinlangan sa halaga ng Sinovac COVID-19 vaccine, sinabi ni Galvez na ang presyo nito ay hindinalalayo sa presyo na ibinigay sa ibang bansa.
Ang paliwanag ni Galvez na ang Thailand ay maaaring nakakha ng “cheaper price” para sa Sinovac COVID-19 vaccine dahil maaaring mayroon na itong filling station para sa mga bakuna.
Aniya, ang pagkakaroon ng filling station ay nangangahulugan na ang manufacturer ay magdadala na lamang ng raw materials at ang bakuna ay kaagadd na ilalagay na kumpleto sa filling station.
“May capability po sila (Thailand) ng manufacturing po doon. Most likely, ‘yong kanilang arrangement is may filling station kaya nakamura po sila,” ani Galvez.
Sinabi pa ni Galvez na ang bakuna ay maaaring bilhin ng murang halaga kung ang pamahalaan ang siyang mismong hahawak ng freight at kukuha ng bakuna mula sa manufacturer. (Daris Jose)
PINAG-AARALAN ni Efren ‘Bata’ Reyes at kanyang pamilya na ipatimbog sa mga awtoridad para kasuhan ang nagpakalat ng fake news sa social media nitong Sabado na patay na ang alamat ng bilyar.
Pinutol na ng Department of National Defense (DND) ang 31-taon na kasunduan sa University of the Philippines (UP) na pagbabawal sa mga pagpasok ng mga kapulisan at kasundaluhan sa mga campuses kapag walang koordinasyon sa mga opisyal ng unibersidad.
NATANONG si John Estrada tungkol sa katambal niyang si Ellen Adarna sa isang sitcom na gagawin nila, ang John en Ellen sa TV5 at sa best friend niyang si Derek Ramsay na diumano ay nagkakamabutihan na ngayon ang dalawa.
NAKARATING sa LAWYERS COMMUTERS SAFETY and PROTECTION (LCSP) ang ilan sa mga ito at gusto natin i-post dito ang mga damdamin at saloobin ng tao tungkol dito, dahil kailangan malaman ng taumbayan kung ano ba talaga itong PMVIC na ito:
Arestado ang isang tinaguriang No. 1 Most Wanted Person ng National Capital Region Police (NCRPO) sa ikinasang Oplan Pagtugis at Saliksik ng mga tauhan ng Northern Police District (NPD) sa Parañaque city.
WALANG katiyakan pa kung kailan magbabalik ang ASEAN Basketball League (ABL) kaya napipilitang magtalunan ang player nito sa nakatakdang Online 36th Philippine Basketball Association (PBA) Rookie Draft 2021 sa Marso 14.
Nagtala ng panibagong record si tennis star Rafael Nadal.
MALABONG makabalik sa negosyo ang isang giant company kahit bigyan pa ito ng prangkisa ng Kongreso kung hindi naman nito aaregluhin ang tax dues.
Pinalawig ng Land Transportation Office (LTO) ang validity ng student permits at ng licenses ng drivers at conductors kasama ang motor vehicle registration hanggang March 31.