2020 July Archive - People's Balita

Archive for July, 2020

Non-essential travel muling sinuspinde

Posted on: July 27th, 2020 by @peoplesbalita No Comments

Muling sinuspinde ng Inter-Agency Task Force (IATF) for the Management for Emerging Infectious Diseases ang non-essential travels o mga hindi importanteng biyahe palabas ng bansa.

Ayon kay Presidential Spokesperson Harry Roque, isang kumpanya lamang ang pumayag na magbigay ng travel at health insurance na isa sa mga requirements para makalabas ng bansa.

Nais ng gobyerno na matiyak na may sasagot sa gastusin ng pasahero sakaling magkaroon ng rebooking o kaya ay kailanganing dalhin sa ospital dahil sa COVID-19.

“Ang malungkot na balita po, iisang insurance company lamang sa Pilipinas ang pumayag ng ganitong travel and health insurance kaya sinuspendi muna ng IATF ang non-essential outbound travel,” ani Roque.

Hindi naman binanggit ni Roque ang pangalan ng health at insurance company.

Pero maaaring bumiyahe palabas ng bansa ang mga may kumpirmado ng bookings noon pang Hulyo 20.

Sinabi ni Roque na maghahanap pa ng maraming insurance companies na papayag sagutin ang gastos ng mga pasahero sakaling magkaroon ng aberya. (Ara Romero)

Pag-IBIG Fund nag-alok ng pinakamababang interest rates sa new borrowers

Posted on: July 27th, 2020 by @peoplesbalita No Comments

Nag-alok din ang Home Development Mutual Fund (Pag-IBIG Fund) ng kanilang promotional loans na magbibigay ng mas mababang interest rates sa mga housing loans.

Ayon kay Pag-IBIG Fund vice president for public relations and information services Karin-Lei Franco-Garcia ang umaabot sa 4.895% na ibibigay nilang interest rates sa mga bagong borrowers ay hanggang December 2020 lamang.

Sinasabing ito na raw ang pinakamababang inalok na interest rates sa kasaysayan ng Pag-IBIG fund.

Sa ilalim ng promo, ang 4.985% per annum ay merong one-year repricing period.

Ang mga members borrowers ay pwede ring mag-avail ng 5.375% per annum interest rates sa ilalim ng three-year repricing period.

“We review our rates regularly and have never repriced it upward under the Duterte administration. Our ever-improving quality of portfolio has allowed us to keep the rates low under our Risk-Based Pricing Model. But this time, we are offering something special. In consideration of the impact of the pandemic on the livelihood of our members, we reduced our home loan rates by as much 100 basis points for the next six months because we want to help members who are thinking of buying a home to take advantage of our lower-than-lowest rates. Even amid the pandemic, now is the best time to buy a home with a Pag-IBIG Housing Loan,” dagdag pang paliwanag ni Pag-IBIG Fund Chief Executive Officer Acmad Rizaldy Moti.

Pananaw ng mga Pilipino sa COVID-19, isinalang sa survey ng SWS

Posted on: July 27th, 2020 by @peoplesbalita No Comments

Lumabas sa resulta ng bagong surver na isinagawa ng Social Weather Station na 9 sa 10 Pilipino ang nangangamba na magkaroon ng coronavirus disease ang kanilang mahal sa buhay.

Sa survey na ginawa mula Hulyo 3 hanggang 6, lumabas na 85 percent ng 1,555 respondetns ang takot na mahawaan ng deadely virus ang sinomang myembro ng kanilang pamilya.

Nasa 67 percent naman ng mga respondents ang bahagya lamang na nakararamdam ng takot at sa kabila ng malubhang epekto ng pandemic sa buong mundo ay may 7 percent pa rin na hindi nababahala rito.

Batay din sa survey, mas maraming Pinoy ang takot na tamaan ng COVID-19 kaysa sa ibang gamot na wala pa ring lunas hanggang ngayon tulad ng Ebola, swine flu, brid flu at Sever Acute Respiratory Syndrome (SARS).

Inilunsad ang naturang survey ilang araw lamang matapos luwagan ang umiiral na community quarantine sa ilang parte ng bansa simula noong Hulyo 1.

Makikita rin sa resulta na 92 percent ng takot sa COVID-19 ay mula Metro Manila, 87 percent ang galing sa ilan pang parte ng Luzon, 85 percent ang sa Visayas habang 77 percent ang sa Mindanao.

Hindi naman nagkukulang ang Department of Health (DOH) na paalalahanan ang publiko na palaging sumunod sa mga pinatupad na minimum health standards hindi lamang sa mga pampublikong lugar ngunit pati na rin sa loob ng kanilang sariling tahanan.

Binigyang-diin din ni Vergeire na bawat indibidwal ay kinakailangang mag-ingat dahil nagpapatuloy pa rin ang laban ng bansa sa naturang pandemic.

Ginawa ni Vergeire ang paalalang ito matapos ilabas ng South Korea ang kanilang pinakabagong pagsisiyasat kung saan nakakita umano sila ng ilang indikasyon na mataas ang posibilidad ng household transmission ng COVID-19 sa nasabing bansa. (Bishop Jesus “Jemba” M. Basco)

Eaglets skipper tumawid sa Adamson

Posted on: July 27th, 2020 by @peoplesbalita No Comments

NADAGDAGAN ng pambato ngayon ang Adamson University nang lumipat ang team captain sa Ateneo High School na si Joaquin Jaymalin.

Tinanggap ng Soaring Falcons ang 6-foot-1 forward ng Blue Eaglets sa University Athletic Association of the Philippines (UAAP) juniors basketball division.

Sa huling paglalaro ng 18-anyos na shooter sa Season 82 ng liga, nagposte si Jaymalin ng 6.2 points, 3.5 rebounds at 1.1 assists kung saan nabingwit ng Blue Eaglets ang tersera puwestong tropeo.

Siguradong dagdag lakas sa Adamson na biningwit din sina 6-2 Jhon Calisay at 6-4 RV Yanes ng Technological Institute of the Philippines.

Pero wala pang katiyakan ang susunod na UAAP men’s basketball wars dahil sa COVID-19. (REC)

5.2 milyong pamilya, dumanas ng matinding gutom dahil sa COVID-19 – SWS

Posted on: July 27th, 2020 by @peoplesbalita No Comments

Dumanas ng matinding kagutuman ang may 5.2 milyong pamilyang Pilipino sa nagdaang tatlong buwan dahil sa COVID-19 pandemic.

Ayon sa Social Weather Station (SWS) survey, sa 1,555 adult Filipinos na tinanong, 20.9 percent ang nagsabing sila ay nagutom dahil wala silang makain.

Ang bilang ang pinakamataas simula noong September 2014 nang 22 percent ng respondents o katumbas ng 4.8 million families ang nakaranas ng gutom, sabi ng SWS.

Sa July survey, 15.8% o may 3.9 million ang nagsabing dumanas sila ng katamtamang kagutuman sa nagdaang 3 buwan habang 5.1 percent o 1.3 million families ang madalas na nagugutom sa nakalipas na tatlong buwan ng pandemic.

Ang pagkagutom ay mataas sa Visayas sa 27.2 percent (1.3 million families), o pagtaas ng12.6% sa nakalipas na survey.

Sinundan ito ng Mindanao sa 24.2% (1.4 million families), Balance Luzon sa 17.8% (2 million families) at Metro Manila, 16.3% (546,000 families).

Ang kagutuman ay mas tumaas sa pamilyang hindi nakatapos ng elementarya (35.6%), sinundan ng mga pamilyang junior high school graduates (20.9%), at college graduates (8.9%).

Ang pandemic ang nagpabagsak sa ekonomiya ng bansa sa unang quarter ng 2020. Ito na ang kauna-unahang pangyayari sa loob ng 22 taon at nagdulot ng pagkawala ng trabaho ng may 7.3 milyong Pilipino. (Daris Jose)

Ads July 27, 2020

Posted on: July 27th, 2020 by @peoplesbalita No Comments

NBA tinanggal na ang kanilang project sa China

Posted on: July 27th, 2020 by @peoplesbalita No Comments

Tinangal na ng NBA ang kanilang project sa training center sa Xinjiang region matapos ang batikos na kinakaharap dahil sa pagtrato nila sa mga minorities.

Sa sulat na inilabas ni Senator Marsha Blackburn, ilang milyong dolyar ang kanilang lugi ng hindi na ini-ere ng Chinese broadcasters ang kanilang mga laro noong nakaraang taon.

Ikinagalit kasi ng China ang naging pahayag ng opisyal ng Houston Rockets na sumusuporta sa mga Hong Kong Protesters.

Pirmado naman ni NBA Deputy Commissioner Mark Tatum ang nasabing sulat at sinabi nila na wala na silang pakialam sa Xinjiang basketball academy.

Mahigit isang milyon kasi na mga ethnic Uighurs at ibang mga minorities na karamihan ay mga Muslims Turkics ang itinaboy sa Xinjiang internment camps at sila ay sumailalim sa political indoctrination.

17-anyos football player ng Miriam College, namatay dahil sa COVID-19

Posted on: July 27th, 2020 by @peoplesbalita No Comments

Patay matapos dapuan ng coronavirus ang 17-anyos na football player ng Miriam College na si Yana Bautista.

Kinumpirma ito ng kaniyang kapatid na miyembro ng Philippnie women’s national football team.

Sinabi nito na unang nadiagnosed ito ng Acute Disseminated Encephalomyelitis (ADEM) hanggang nagkaroon ng kumplikasyon sa COVID-19.

Agad itong dinala sa intensive care unit ng magpositibo sa COVID-19 hanggang ito ay pumanaw.

Operating hours ng LRT-2 paiiksiin

Posted on: July 27th, 2020 by @peoplesbalita No Comments

Magpapatupad ang pamunuan ng Light Rail Transit Authority (LRTA) ng shortened operating hours sa mga tren ng Light Rail Transit Line 2 (LRT-2) sa susunod na linggo.

Batay sa inisyung advisory ng LRTA, nabatid na aabutin ng isang linggo ang naturang pagpapa-ikli sa oras ng biyahe ng mga tren o mula Hulyo 27, Lunes, at magtatagal hanggang sa Agosto 2, Linggo.

Ayon sa LRTA, sa mga nasabing petsa, ang unang biyahe ng mga tren mula sa Araneta Center-Cubao Station sa Quezon City at mula sa Recto Station sa Maynila ay aalis ng 5:00AM habang ang huling biyahe naman nito ay pansamantalang paiikliin at gagawin na lamang munang hanggang alas-7:30 ng gabi.

Anang LRTA, layunin nito na bigyang-daan ang instalasyon ng bagong power cables sa pagitan ng Pureza at Legarda Stations.

Inaasahan namang magbabalik ang normal train schedule ng LRT-2 sa Agosto 3, 2020, Lunes. (Gene Adsuara)

Lakers luhod sa Mavericks sa exhibition games

Posted on: July 27th, 2020 by @peoplesbalita No Comments

Maganda ang ipinakita ng Los Angeles Lakers sa kanilang unang scrimmage kahit natalo sa Dallas Mavericks, 104-108, sa larong ginanap sa “Bubble” sa Walt Disneyland sa Orlando, Florida.

Natalo ang Lakers dahil hindi na pinalaro ang kanilang stars sa 2nd half matapos tambakan ang Mavericks sa 1st half.
Sa unang scrimmage ipinakita nina LeBron at Anthony Davis, umiskor ng tig-12 sa paglalaro ng 15 minuto, na hindi sila kinalawang kahit pa nagbakasyon ng mahigit apat na buwan ang liga.