TININTAHAN na ni Pangulong Ferdinand Marcos Jr., ang pondo para sa mga nasa Local Government Units na aabot sa 1. 19 trillion pesos.
Sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na rekta ng papasok ang budget para sa mga LGU sa kani- kanilang authorized government service banks.
Ang maagang paglalabas ng Special Allotment Release Order (SARO) para sa mga LGU sabi ay patunay aniya na ang 2026 budget ay nakatuon sa pagpapaunlad sa pamumuhay ng taumbayan.
Inuuna aniya nito ang mga pangunahing serbisyo at palalakasin ang mga lokal na pamahalaan.
Kaya nga ang panawagan ng Pangulo sa mga LGU ay gamitin ang budget para sa mga awtorisadong pakay at sumunod sa reporting requirements bilang bahagi ng transparency at accountability standards ng pamahalaan.
(Daris Jose)
- April 24, 2026
Ang Diyaryong Pinagkakatiwalaan
Archive for January, 2026
Pagpapalabas ng Special Allotment Release Order (SARO) para sa mga LGU, pirmado na ni PBBM
Umaasa na magka-baby na agad sila ni Dr. Reginald CARLA, nag-joke na five weeks na lang ay mabi-beat na ang record
UMAASA na raw ang bagong kasal sina Kapuso actress na si Carla Abellana at Dr. Reginald Santos magkaroon na agad sila ng anak.Turning 40 years old na pala si Carla sa June 12, kaya naman gusto ng mag-asawa na makakabuo agad sila sa honeymoon sa Europe.Inamin din niya na kino-consider din nila ni Reginald ang in vitro fertilization o IVF.“Hopefully, makapag-start na kami mag-build ng family, if God permits. ‘Yun ang focus bilang, of course, the clock is ticking din.“Magpo-40 na ako this year,” say ni Carla sa panayam ng “24 Oras.”Rebelasyon pa ni Carla, nagpa-freeze na siya ng kanyang eggs, “Let’s say, hirap man kami na mag-conceive naturally, at least merong ganu’ng backup, merong ganu’ng option.”Nagkuwento rin si Carla sa panayam ng “Fast Talk with Boy Abunda” tungkol sa intimate wedding nila ni Dr. Reginald noong December 27 sa Alfonso, Cavite.Na kung saan umiyak ang groom, na maging si Carla ay hindi niya ini-expect, kaya nagulat silang lahat.“Parang high na high ka pa from the wedding. Nandoon pa rin ‘yung excitement, ‘yung adrenaline. Ikinasal na ako before, very showbiz ‘yung wedding. ‘Di be lahat naman ng katrabaho, ng kaibigan, ka-close sa showbiz.“Parang kabaliktaran, kasi unang-una gusto namin intimate ‘yung wedding and very private lang siya. And pangalawa, dahil siya e, very private din na tao. Very ano siya, very as in non-showbiz,” say pa ni Carla.First love daw niya si Dr. Reginald at naging sila noong high school hanggang sa maghiwalay at muli ngang pinagtagpo ng tadhana.“Siguro mga 2022 or 2023 po na Christmas. Out of the blue, nag-greet lang po siya through private message po on social media ng ‘Merry Christmas, Happy Holidays,’” pagbabahagi ni Carla.“Noong nagkita kami ulit after more than 20 years, parang walang lumipas na panahon. Parang nakita ko ‘yung kung sino ‘yung kilala ko noon.“As in same person. ‘Pag kasama ko siya, very peaceful, very kalmado. Tapos nakakapagbiruan kami ng walang judgment. Tapos ano, ‘yung talagang as in nag-jive ‘yung personalities namin right away,” kuwento pa ng Kapuso actress.Kitang-kita sa aura ni Carla, na sobrang saya ngayon bilang bagong kasal.Napag-usapan din ang controversial na slab cake, na hindi naman sila naapektuhan. Dahil gusto nila ‘yun at nagustuhan ng mga guest kumain ng cake.Samantala, nagbiro rin Carla, na konti na lang ay mabi-beat na ang kanyang record.“So far, we’ve been married for two weeks. Konti na lang mabi-beat ko na ‘yung record ko dati na seven weeks,” sabay tawa niya.“Kung dati nagtagal ng seven weeks lang, ngayon five more weeks, mabi-beat ko na ang sarili kong record.Tanong ni Kuya Boy, magkaroon ba ng celebration si Carla tungkol dito”“Dapat meron po, by seven weeks plus one day, yun na, automatic na-beat ko na ang record. And I’m looking forward for our married life, na ma-experience ko, whether the honeymoon stage or challenge na dumaan, whatever it is na part of getting married, doon ako mas excited,” pahayag pa ni Carla.***MTRCB, aprub ang anim na pelikula ngayong Enero APRUB sa Movie and Television Review and Classification Board (MTRCB) ang anim na pelikula para sa linggong ito na may mga temang komedya, pakikipagsapalaran, drama, pag-ibig, horror at aksiyon.Nangunguna ang Pinoy thriller na “A Werewolf Boy,” isang remake ng 2012 South Korean film na may kaparehong pamagat.Ito’y rated PG (Patnubay at Gabay ng Magulang), para sa edad 12 at pababa at may kasamang magulang o nakatatanda.Tungkol ito sa isang dalagita na lumipat sa probinsya kasama ang pamilya at nakatagpo ng isang misteryosong binata na naninirahan sa kanilang bakuran.Nagbigay din ang MTRCB ng angkop na klasipikasyon sa limang internasyonal na pelikula, kabilang ang animated adventure-comedy na “The SpongeBob Movie: Search for SquarePants.”Tungkol ito sa pakikipagsapalaran ni SpongeBob upang patunayan ang kanyang tapang habang nilalakbay ang Underworld kasama ang multong pirata na si The Flying Dutchman.PG din ang Indian comedy na “Happy Patel: Khatarnak Jasoos,” at ang American post-apocalyptic survival disaster thriller na “Greenland 2: Migration.”Samantala, ang “The History of Sound,” na pinagbibidahan nina Paul Mescal at Josh O’Connor, ay rated R-13 para sa mga edad 13 pataas.Kuwento ito ng dalawang lalaki na nagkakilala noong 1917 habang nag-aaral sa New England Conservatory of Music.Matapos ang Unang Digmaang Pandaigdig, naglakbay sila sa mga liblib na lugar ng Maine, USA, upang magtala ng mga awiting-bayan noong 1920.Para naman sa mas nakatatandang manonood, ang post-apocalyptic horror film na “28 Years Later: The Bone Temple,” ay rated R-16 para sa mga edad 16 pataas.Nagpaalala ang MTRCB na gabayan lagi ng mga magulang ang mga anak sa mga pelikulang panonoorin.“May ilang mga karakter na gumagawa ng mga katawa-tawang pag-arte o di kaya’y mapanganib na kilos. Bagama’t malinaw na hindi makatotohanan, mahalagang ipaalala sa mga mas batang manonood na ang mga eksenang ito ay hindi dapat tularan sa totoong buhay,” sabi ni MTRCB Chairperson at CEO Lala Sotto. (ROHN ROMULO)
LUMUBOG NA RORO VESSEL, HINDI OVERLOAD
KINUMPIRMA ng Philippine Coast Guard (PCG) na hindi overload ang Roco vessel na MV Trivia Kenshin 3 na lumubog habang naglalayag patungong Jolo, Sulu madaling araw ng Enero 26.Sa ulat ng PCG ang passenger cargo -vessel na pinapatakbo ng Aleosan Shipping ay may sakay na 332 pasahero at 27 crew nang mangyari ang insidente sa 2.75 nautical miles northeast ng Baluk-Baluk Island, Basilan.Kabuuang 317 ang na rescue habang 18 ang casualty at 24 ang patuloy na pinaghahanap.Sa inisyal na imbestigasyon umalis ang arko sa Port of Zamboanga City alas 9:20 ng gabi ng Linggo kung saan may passengers maximum capacity na 352.Agad namang nakaresponde ang BRP Tubbataha (MRRV-4401) mula Zamboanga City kung saan isinagawa ang rescue operations .Tumulong din ang Armed Forces of the Philippines, ilang ahensya ng gobyerno at local government units.Hindi pa masagot ng PCG ang lagay ng panahon nang mangyari ang insidente dahil nagpapatuloy pa umano ang kanilang masusing imbestigasyon. (Gene Adsuara)
Goitia: Ang West Philippine Sea ay Karapatan ng Pilipinas na Pinagtitibay ng Batas
MULING umigting ang pagtatalo sa West Philippine Sea (WPS) matapos ang palitan ng pahayag sa pagitan ng ilang opisyal ng pamahalaan ng Pilipinas at ng Chinese Embassy, kaugnay ng isang insidenteng kinasangkutan ng umano’y pagtulong ng Chinese Navy sa isang Pilipinong mangingisda.Inilahad ni Charlie V. Manalo, sa isang kolum, ang mga posisyong umaayon sa naratibo ng China. Kabilang dito ang paniniwalang ang terminong West Philippine Sea ay wala umanong legal na batayan, na ang exclusive economic zone (EEZ) ay bukas sa sinumang nais pumasok, na hindi dapat kwestiyunin ang aksyon ng Chinese Navy dahil sa obligasyong tumulong, at na hindi umano ganap na binding ang 2016 arbitral ruling. Iginiit din na pinalala ng nakaraang administrasyong Aquino III ang sitwasyon sa pagdadala ng usapin sa arbitrasyon.Ang mga pahayag na ito ay nangangailangan ng malinaw at agarang paglilinaw batay sa umiiral na pandaigdigang batas o international law.Totoong ang paggamit ng terminong West Philippine Sea ay itinakda ng Administrative Order No. 29 noong 2012. Ngunit mali ang ipalagay na dito nagmumula ang karapatan ng Pilipinas.“Ang pangalan ay administratibo,” paliwanag ni Goitia. “Ang karapatan ay nagmumula sa batas.”Ang tunay umanong batayan ng karapatan ng Pilipinas ay ang United Nations Convention on the Law of the Sea (UNCLOS), isang may-bisang kasunduan o treaty na nilagdaan kapwa ng Pilipinas at China. Ang administrative order ay opisyal na pagtukoy lamang ng pangalan at hindi lumilikha ng soberanya o maritime rights.Tahasan umanong itinatakda ng UNCLOS ang saklaw ng EEZ bilang 200 nautical miles mula sa baselines ng coastal state. Hindi ito interpretasyon o haka-haka.Nilinaw din ng 2016 Arbitral Award na ang Recto Bank at ilang maritime feature na mas malapit sa Palawan ay nasa loob ng EEZ ng Pilipinas.“Hindi malabo ang hangganan,” diin ni Goitia. “Malinaw ito sa batas.”Hindi teritoryo ang EEZ, ngunit hindi rin ito bukas sa pang-aabuso.Tama umano na ang EEZ ay hindi soberanong teritoryo. Ngunit mali ang palagay na dahil dito ay wala nang karapatan ang Pilipinas.Sa ilalim ng UNCLOS, ang coastal state ay may eksklusibong karapatan sa pangingisda, eksplorasyon at pagmimina ng likas-yaman, at pamamahala ng yamang-dagat. Walang karapatan ang ibang estado na magsagawa ng law-enforcement activities, military intimidation, o resource exploitation sa EEZ ng ibang bansa.“Ang kalayaan sa paglalayag ay hindi lisensya para sa pamimilit,” wika ni Goitia.May obligasyon umano ang mga barko na tumulong sa mga mangingisdang nasa panganib. Ngunit hindi nito binubura ang mas malawak na konteksto ng presensya sa lugar.Sa West Philippine Sea, may dokumentadong padron ng militarisasyon at pananakot. Sa ganitong kalagayan, ang tinatawag na humanitarian act ay hindi maaaring gamiting palusot upang gawing normal o lehitimo ang presensya ng isang dayuhang puwersa sa loob ng EEZ ng ibang estado.Mali umanong igiit na walang bisa ang arbitral ruling dahil hindi ito isang UN body o dahil hindi lumahok ang China.Ang arbitration ay lehitimo umanong mekanismo sa ilalim ng UNCLOS. Ang hindi paglahok ng isang partido ay hindi nagpapawalang-bisa sa desisyon. Ang bisa nito ay nagmumula sa kasunduan o treaty, hindi sa pahintulot ng natalong panig.Mahalaga umano ang diplomasya, ngunit hindi ito maaaring ipalit sa batas. Ang pagtalikod sa UNCLOS at sa 2016 Arbitral Award ay kusang pagbitaw sa legal na lakas ng Pilipinas at pagpayag sa usapang pinaghaharian ng kapangyarihan, hindi ng katarungan.“Ang diplomasya na walang batas,” diin ni Goitia, “ay hindi landas ng kapayapaan kundi anyo ng kahinaan.”Ang West Philippine Sea ay hindi umanong emosyonal na imbensyon o huwad na patriotismo. Ito ay malinaw na bahagi ng EEZ ng Pilipinas, suportado ng UNCLOS, at pinagtitibay ng 2016 Arbitral Award.Sa gitna umano ng nagkakalat na maling pahayag at baluktot na pagbasa ng batas, kailangang maging mapanuri ang bawat Pilipino. Hindi lahat ng tila makatwiran ay totoo, at hindi lahat ng panawagan sa katahimikan ay naglilingkod sa kapayapaan.“Ang tunay na pagmamahal sa bayan,” pagtatapos ni Goitia, “ay ang matatag ngunit mahinahong pagtatanggol sa karapatan ng bansa gamit ang batas.” (Richard Mesa)
PBBM, tuloy tuloy na nagta-trabaho matapos na ma-diagnose ng sakit na diverticulitis
TULOY-TULOY lang sa pagtatrabaho si Pangulong Ferdinand R. Marcos Jr. makaraang ma- diagnosed nitong nakaraang Miyerkules na may diverticulitis.Sinabi ni Presidential Communications Office Secretary Dave Gomez, ka- meeting ng Pangulo ngayong araw ng Lunes, Enero 26 ang bahagi ng kanyang economic team.Ginagawa ang Economy and Development Council o ang EDC meeting sa Malacanang kahapon ng umaga na pinangungunahan ng Punong Ehekutibo.Kasama sa nasabing meeting ang Economic managers ng pamahalaan na inaasahang dinadaluhan ngayon ng mga opisyal mula sa DBM, DOF, NEDA, DTI, BSP, at iba pa.Magugunitang, isinugod sa ospital nitong nakaraang Miyerkules ng gabi ang Pangulo dahil sa diverticulitis subalit agad ding sumabak sa trabaho kinabukasan sa pamamagitan ng pagdalo sa mga private meetings. ( DARIS JOSE)
Valenzuela LGU, inilunsad ang unang Inclusive Summit
MATAGUMPAY na naisagawa ng Pamahalaang Lungsod ng Valenzuela, sa pangunguna ni Mayor Wes Gatchalian, ang unang Valenzuela City Inclusive Summit na ginanap sa Valenzuela City People’s Park, na pinagsama-sama ang mga ahensya ng gobyerno, tagapagturo, magulang, at tagapagtaguyod upang palakasin ang pangako ng lungsod sa inclusivity for persons with disabilities (PWDs).Isinagawa ito pagkatapos ng pagbabasbas at pagpapasinaya ng Valenzuela Special Education (ValSPED) Center Extension at groundbreaking ceremony ng Valenzuela Education Center, na parehong matatagpuan sa Barangay Malinta, na binibigyang-diin ang patuloy na pamumuhunan ng lungsod sa inclusive at accessible na mga pasilidad sa edukasyon.Kasabay ng ika-10 anibersaryo ng ValSPED, ang Inclusive Summit ay nagsilbing plataporma upang talakayin ang mga programa at proyekto ng lungsod sa inclusivity, partikular sa edukasyon, trabaho, kalusugan, at access sa mga serbisyo ng gobyerno.Ang mga talakayan ng panel ay nakatuon sa inklusibong trabaho, mga probisyon ng segurong pangkalusugan, at mga serbisyo ng pambansang pamahalaan na sumusuporta sa pagiging kasama, na nagbibigay sa mga magulang at stakeholder ng mahalagang impormasyon at direktang access sa mga tagapagbigay ng serbisyo.Sa kanyang mensahe, binigyang-diin ni Mayor Wes na ang inclusivity ay nananatiling isang pangunahing halaga ng pamamahala ng lungsod, na binanggit na ang pag-unlad ay dapat masukat sa kung gaano kahusay ang bawat Valenzuelano na kasama sa pag-unlad.“Ang tunay na progresibong lungsod ay ‘yung walang iniiwan. Sa Valenzuela, malinaw ang ating paninindigan – bawat bata ay may kakayahan, may pangarap, at may lugar sa ating lungsod.” aniya.Binigyang-diin ng alkalde ang diskarte sa Education 360 Degree Investment Program ng lungsod, na nagsisiguro na ang mga mag-aaral na may mga espesyal na pangangailangan ay sinusuportahan hindi lamang sa akademiko kundi pati na rin sa pamamagitan ng kalusugan, nutrisyon, at mga serbisyong panlipunan. Sa kasalukuyan, ang ValSPED ay naglilingkod sa 1,120 mag-aaral na may mga kapansanan, na sinusuportahan ng isang multidisciplinary team ng mga physical therapist, speech language pathologist, at occupational therapist.Binigyang-diin din ni Mayor Wes na ang inclusivity sa Valenzuela ay higit pa sa silid-aralan. Sa pamamagitan ng ordinansa ng lungsod na nagtataguyod ng inklusibong trabaho, binigyan ng kapangyarihan ng Valenzuela ang 285 persons with disabilities sa pamamagitan ng self-employment programs mula 2018 hanggang 2025, na tinitiyak na ang mga PWD ay nabibigyan ng patas na pagkakataon na lumahok sa lokal na manggagawa. (Richard Mesa)
6 na BI personnel, sinibak dahil sa ‘unauthorized privileges’ sa Russian vlogger- Malakanyang
KINUMPIRMA ng Malakanyang na anim na Bureau of Immigration (BI) personnel ang sinibak sa puwesto kasunod ng di umano’y ‘unauthorized privileges’ na pinagkaloob sa Russian vlogger na si Vitaly Zdorovetskiy sa panahon ng kanyang pagkakakulong.Sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na isang warden ang nagsumite ng kanyang courtesy resignation, na kagya’t namang tinanggap habang dalawa naman na deputy wardens ang sinibak mula sa kanilang puwesto“Three additional BI employees were also sacked in connection with the incident,” ayon kay Castro.Matatandaang inaresto si Vitaly ng mga awtoridad dahil sa umano’y pangbabastos at panggugulo sa mga Pinoy para sa kanyang content.Sa isang livestream kasama si Adin Ross kamakailan lang, lantaran niyang ikinuwento ang sinapit niya sa loob ng piitan mula sa matinding init, kakulangan sa basic needs, hanggang sa umano’y malalim na katiwalian sa detention center.Ayon kay Zdorovetskiy, hindi biro ang mga kondisyon sa loob ng kulungan na kanyang pinagdaanan.Ibinahagi ng vlogger na ang unang tatlong buwan niya sa kulungan ay isang complete isolation.Inilarawan niya ang kulungan bilang siksikan, marumi, at sobrang init, kung saan umaabot umano sa 35 degrees Celsius ang temperatura at halos walang maayos na bentilasyon.Para lang makayanan ang init, napipilitan daw ang mga preso na magbuhos ng tubig sa katawan gamit ang timba.Mas ikinabahala ng netizens ang kanyang pahayag na kontrolado raw ng mga guwardiya ang mga basic needs ng mga nakakulong mula sa inuming tubig, panglinis ng katawan, hanggang sa pagpapatingin sa doktor.“Access to basic needs depended on the guard. Sometimes I had to pretend to faint just to get water,” ang sinabi pa nito.Dagdag pa niya, madalas ay mabagal at hindi maaasahan ang tulong-medikal sa loob.Isa sa pinakamatinding rebelasyon ni Zdorovetskiy ang pag-amin na may cellphone siya sa buong panahon ng kanyang pagkakakulong.Diretsahan niyang sabi: “I had a phone the whole time in jail. I logged everything, and I will expose the corruption.”Ayon sa kanya, madaling makalusot ang mga ipinagbabawal na gamit tulad ng cellphone basta may kapalit na pera.“You pay the guard, and you are good,” pagbubunyag niya.Naipa-deport na siya pabalik sa Russia at hindi na papayagang makabalik muli sa Pilipinas.“Ang pagbibigay po at pag-a-allow ng paggamit ng cellphone ay para makausap lamang ang kanilang pamilya. At hindi po allowed na sila ay gumawa ng anumang video. Ang paggawa po ng video ng nasabing Russian vlogger ay hindi po naaayon sa rules at ito po ay walang authority o hindi awtorisado ng nasabing facility,” ang sinabi naman ni Castro.Idinagdag pa ni Castro na ipinag-utos ng Pangulo ang masusing imbestigasyon sa usapin.“Alam naman po ng bawat ahensiya…na nais ng Pangulo na malinis ang gobyernong ito mula sa korapsyon… Kung mahal nila ang kanilang trabaho at mahal nila ang bayan, sundin lamang po nila ang utos ng Pangulo,” aniya pa rin.Samantala, ang karagdagang aksyon kabilang na ang posibleng karagdagang disciplinary measures o isang reshuffle, ay depende sa kalalabasan ng nagpapatuloy na imbestigasyon. (Daris Jose)
Alex Eala, makakaharap si Alina Charaeva sa Round of 32 ng Philippine Women’s Open
HAHARAPIN ng Filipino tennis star na si Alex Eala ang Russian na si Alina Charaeva sa Round of 32 ng Philippine Women’s Open na ginaganap sa Rizal Memorial Tennis Center.
Si Eala, na naka-iskedyul bilang No. 2 seed sa makasaysayang WTA 125, ay maghahanap ng pagkakataon na maibsan ang isang naunang pagkatalo kay Charaeva, na tinalo siya anim na taon na ang nakalipas.
Si Charaeva, na kasalukuyang bilang na World No. 163, ay tinalo si Eala noong 2020 sa isang International Tennis Federation (ITF) sa Spain, sa score na 3-6, 3-6.
Ngunit marami na ang nagbago simula noon. Si Eala, na ngayon ay nasa top 49 ng mga WTA players at mayroong isang WTA title at maraming Grand Slam main draw appearances.
Ang mananalo sa laban ay makakaharap ang magwawagi sa pagitan ng mga Japanese na sina Nao Hibino at Himeno Sakatsume.
Samantala, ang top seed na Tatjana Maria ng Germany ay makakaharap si Leolia Jeanjean ng France.