2025 July 23 Archive - People's Balita

Archive for July 23rd, 2025

LTO, DOTr naglunsad ng online platform na PRMIS para mapabilis ang paglabas ng OR/CR, LICENSE PLATES

Posted on: July 23rd, 2025 by @peoplesbalita No Comments

INILUNSAD ng Land Transportation Office (LTO), sa pamumuno nina Department of Transportation (DOTr) Secretary Vince Dizon at LTO Chief, Assistant Secretary Atty. Vigor D. Mendoza II, ang sistemang tuluyang nagwakas sa 60-taong pahirap sa mga Pilipinong may-ari ng sasakyan na matagal na naghihintay para sa kanilang rehistro at plaka.

Tinawag na Plate Registration Management Information System (PRMIS), ang online platform na ito ay tugon sa direktiba ni Pangulong Ferdinand “Bongbong” R. Marcos Jr. na i-digitalize ang lahat ng serbisyo ng pamahalaan, at layuning maisakatuparan ang proseso ng pagrerehistro at paglalabas ng plaka sa loob lamang ng tatlong araw.

Habang abala ang LTO sa mga nagdaang buwan sa pagtapos ng milyong backlog ng plaka, tahimik din nitong sinubukan ang pinakamabilis na proseso kung saan parehong OR/CR at plaka ay maaaring maibigay sa loob ng pinakamaikling panahon.

At ilang araw lang matapos maresolba ang backlog, handa nang ipakilala ng LTO at DOTr sa milyun-milyong motorista ang PRMIS, ang solusyong magwawakas sa matagal nang kultura ng paghihintay sa rehistro at plaka.

Noong Mayo 6 ngayong taon, inilunsad ng LTO ang pilot implementation ng PRMIS sa Metro Manila, Region III, at Region IV-A.

At nitong Hulyo 15, isinagawa na ito sa buong bansa. Bawat dealership, bawat opisina ng LTO, bawat bagong sasakyan saklaw na ng bagong patakaran: Walang sasakyang lalabas sa dealership kung walang opisyal na rehistro at nakakabit na plaka. Hindi ito pansamantalang proyekto, ito na ang bagong patakaran.

Ayon kay Asec Mendoza, nakipag-ugnayan na ang LTO sa mga dealership sa buong bansa upang ipatupad ang isang pinasimpleng proseso kung saan ang pagrerehistro ay isinasagawa online, at ang plaka ay nailalabas sa loob lamang ng ilang minuto hanggang isang oras.

Sa likod ng tagumpay na ito ay hindi isang malaking anunsyo o magarbong teknolohiya kundi matibay na political will at kagustuhang maghatid ng resulta. “Sa loob ng maraming taon, sinasabi ng ilan na sobrang laki, komplikado, at sistematiko ang problemang ito. Ngunit napatunayan naming mali sila. Ganito ang Bagong Pilipinas: walang drama, serbisyo lang.”

Tinanggap na rin ng mga dealership ang bagong polisiya, batid nilang ito na ang bagong pamantayan. Ang mga motorista na sanay sa matagal at nakakainis na proseso, ay ngayo’y nararanasan na ang serbisyong noon pa sana naging pamantayan, isang gobyernong kumikilos sa oras na kailangan mo ito.

Simula ngayon, aktibo na ang sistema. Malinaw na ang mga patakaran. At may matibay na mensahe. Kung walang rehistro at plaka, walang ilalabas na sasakyan mula sa dealership.

(PAUL JOHN REYES)

DOTr, naglibreng sakay sa commuters na na-istranded

Posted on: July 23rd, 2025 by @peoplesbalita No Comments

NAGPATUPAD ang Department of Transportation (DOTr) ng mga libreng sakay para matulungan ang mga commuters na na-istranded dahil sa mga pagbaha sa Metro Manila kamakalawa ng hapon.

Sa Facebook post ng Department of Transportation (DOTr), nabatid na lahat ng linya ng tren sa Metro Manila, kabilang na ang Light Rail Transit Lines 1 (LRT-1) at Line 2 (LRT-2) at Metro Rail Transit Line 3 (MRT-3) ay nagpatupad ng libreng sakay para sa kanilang mga parokyano simula 12:00 ng tanghali, alinsunod na rin sa kautusan ni Pang. Ferdinand Marcos Jr..

Anunsiyo ng DOTr, “Dahil sa nagpapatuloy na malakas na pag-ulan, iniutos ni Pangulong Ferdinand Marcos Jr. na magpatupad ng libreng sakay sa MRT-3, LRT-1, at LRT-2, simula 12:00 ng tanghali ngayong araw, July 21.”

Sinabi pa ng DOTr na nag-deploy na rin ang Philippine Coast Guard (PCG) at Philippine Ports Authority (PPA) ng libreng sakay sa mga bus at truck para sa stranded passengers.

Kasabay nito, siniguro rin ng DOTr na prayoridad nila ang kaligtasan ng mga pasahero at tiyaking mabilis at ligtas silang makakauwi sa kanilang bahay, sa kabila ng malakas na pag-ulan at pagbaha sa ilang mga lugar sa Metro Manila.

“Nakahanda ang Department of Transportation (DOTr) na tulungang maibsan ang paghihirap ng ating mga kababayan na stranded ngayon dahil sa pagbaha dulot na malakas na pag-ulan, para makauwi ng komportable at ligtas,” anang ahensiya.

Upcoming movies opening in cinemas on August 6 and 13, 2025

Posted on: July 23rd, 2025 by @peoplesbalita No Comments

DON’T miss these titles, opening in cinemas in August 2025!

August 6 – Materialists (Columbia Pictures)

Cast: Dakota Johnson, Chris Evans, Pedro Pascal

Directed by: Celine Song

A young, ambitious New York City matchmaker finds herself torn between the perfect match and her imperfect ex in “Materialists.” The film is directed by Celine Song, who was nominated for an Academy Award for Best Picture and Best Original Screenplay for her directorial debut, “Past Lives.”

August 6 – Weapons (Warner Bros. Pictures)

Cast: Josh Brolin, Julia Garner, Alden Ehrenreich

Directed by: Zach Cregger

From New Line Cinema and Zach Cregger, the wholly original mind behind “Barbarian,” comes a new horror/thriller: “Weapons.” When all but one child from the same class mysteriously vanish on the same night at exactly the same time, a community is left questioning who or what is behind their disappearance.

August 13 – The Naked Gun (Paramount Pictures)

Cast: Liam Neeson, Pamela Anderson, Danny Huston

Directed by: Akiva Schaffer

Only one man has the particular set of skills… to lead Police Squad and save the world! Lt. Frank Drebin Jr. (Liam Neeson) follows in his father’s footsteps in “The Naked Gun,” directed by Akiva Schaffer (“Saturday Night Live,” “Popstar: Never Stop Never Stopping”) and from producer Seth MacFarlane (“Ted,” “Family Guy”). Joining the case are cast Pamela Anderson, Paul Walter Hauser, CCH Pounder, Kevin Durand, Cody Rhodes, Liza Koshy, Eddie Yu, with Danny Huston.

August 13 – Nobody 2 (Universal Pictures)

Cast: Bob Odenkirk, Connie Nielsen, RZA, Christopher Lloyd, Sharon Stone

Directed by: Timo Tjahjanto

Nobody ruins his vacation. Bob Odenkirk (“Breaking Bad,” “Better Call Saul”) returns as family man and assassin Hutch Mansell in “Nobody 2,” the new chapter to the 2021 hit action thriller.

*Schedules are subject to change without prior notice.*

(ROHN ROMULO)

Bukod sa nadagdagan na naman ang autoimmune disease: KRIS, kinumpirmang naka-wheelchair na dahil ‘di na makalakad

Posted on: July 23rd, 2025 by @peoplesbalita No Comments

ANG latest update kay Kris Aquino, bukod sa nadagdagan na naman ang kanyang autoimmune disease, hindi na raw siya nakalalakad at naka-depende na siya sa wheelchair.

Kaya pala yung lumabas na larawan ni Kris kunsaan, karga siya ni Bimby sa pagpunta lang ng comfort room, yun ang sagot. Nag-post si Kris sa kanyang Instagram account kunsaan noong Linggo, sinabi niyang ang anak na si Bimby na ang magte-takeover o hahawak ng kanyang Instagram account na merong 4.8 million followers.

Part ng post ni Kris, “Let’s have fun. Bimb will soon take over my IG (with me checking before he posts) get to know us because we are very different people now.”

Tinupad naman nga ni Kris at sinagot ang ilang tanong ng kanyang followers na tingin niya ay worth answering. Sa mga sagot niya namin nalaman na sa may tabing dagat pa rin sila nakatira at nadagdagan na naman ang sakit niya.

Ayon kay Kris, “not just for Kuya Josh and Bimb yung effort kong lumaban. I now have 9 primary autoimmune diseases, #10 is the result of the 9, and I have an 11^thdisease that came about because of my lupuus, rheumatoid arthritis, sjogren’s and a few of my autoimmune diseases. I love my sons and they’re aren’t ready to lose me—especially Bimb who just turned 18.”

At dito rin nga sinabi ni Kris kung saan na siya nakatira ngayon. Na pagmamay-ari raw ng kanyang Kuya—posibleng ang namayapang President Noynoy Aquino ang tinutukoy ni Kris.

“I am currently staying at the compound of a very kind friend of my brother. This place is very peaceful and living where I get fresh sea air and listen to the waves was always my dream. Too bad I am now wheelchair bound. I still need to learn how to walk again.”

Sa isang banda, siguradong nakakahugot din ng lakas si Kris sa kanyang mga followers na patuloy na nagsasabing kasama siya sa dasal na gumaling na siya.

***

ITINANGGI ni Klea Pineda nang maging guest siya sa ‘Fast Talk ni Kuya Boy Abunda’ kung may third party involved ba sa break-up nila ng kanyang girlfriend na si Katrice Kierulf.

Ayon kay Klea, wala raw cheating na naganap.

Pero mukhang iba ang nagiging impression ng mga netizens at damay rito si Janelle Salvador. Kung bakit, si Janella ang tinuturo ng ilang netizens na diumano’y third party.

Bukod sa larawan nilang magkasama na kasabay ng break-up issue, nandiyang may mga naglalabasan din from some netizen’s accounts na kesyo spotted daw sina Klea at Janella sa ilang pagkakataon, lalo na sa BGC.

At may anggulo pa na sa kanyang Tiktok account, nila-like raw ni Katrice kapag may nagtatanong rito kung si Janella ba ang third party. So para na raw kinukumpirma nito?Naku ha, kung may katotohanan talaga ang Janella-Klea or whatever, isa lang ang sigurado, lalabas din ang katotohanan.

(ROSE GARCIA)

Nagpapasalamat sa tiwalang ibinigay sa kanya: KATRINA, ginawang inspirasyon ang real-life daughter na si KATIE para sa role

Posted on: July 23rd, 2025 by @peoplesbalita No Comments

MALAKI ang naging pasasalamat ni Kapuso actress Katrina Halili para sa tiwala na binigay sa kaniya na gampanan ang karakter na si Emma sa hit GMA Afternoon Prime series na ‘Mommy Dearest.’

Sa Facebook nagbahagi ng ilang litrato si Katrina mula sa serye at ilan na mula sa behind the scenes ng kanilang taping. Kalakip nito ang mensahe niya ng pasasalamat sa network at sa creatives ng kanilang serye.

“Thank you GMA network, sa mga bosses, production team, creatives ng Mommy Dearest, salamat po sa tiwala na ibinigay niyo po sa akin para gampanan si Emma,” sabi ni Katrina.

Kasama ni Katrina sa serye sina Camille Prats, na gumaganap bilang sina Olive at Jade, si Shayne Sava na ginagampanan naman ang karakter ni Mookie, at si Dion Ignacio bilang si Danilo.

Ayon sa aktres, ginawa niyang inspirasyon ang real-life daughter na si Katie para gampanan ang pagiging ina niya kay Mookie habang ginagawa nila ni Shayne ang kanilang mga eksena.

Pinasalamatan din ni Katrina ang iba pa niyang co-stars para sa pagkakaibigan at pagiging pamilya na nabuo sa pagitan nila.

“Sa mga taong nagmahal at sumuporta sa Mommy Dearest marami ng salamat po… Panuorin po natin ang huling linggo ng mommy dearest,” pagtatapos ni Katrina.

***

THE Tony Award-winning actress and Grammy-nominated singer, Nicole Scherzinger ay nag-final performance na sa Andrew Lloyd Webber musical na Sunset Blvd. after 20 previews and 312 regular performances sa St. James Theatre in New York City.

“Today, the sun sets on Sunset Blvd for the final time. After living and breathing Norma Desmond for the past two years, it’s almost impossible to grasp that today is the last show. What began as a limited run, then extended, now somehow, nearly 10 months on Broadway have flown by. For the dreamers. The fighters. The believers. The warriors. For those unshakable in their purpose and power, doing what they love most,” post niya sa Instagram.

Nagbukas on Broadway on October 2024 ang Sunset Blvd. after a successful run in London’s West End on Sept. 2023 hanggang Jan. 2024.

As Norma Desmond, napanalunan ng 47-year old former Pussycat Doll member ang awards mula sa Laurence Olivier at Tony Awards for best actress in a musical.

(RUEL J. MENDOZA)

‘Green Bones’, humakot ng awards sa ‘8th EDDYS’: MARIAN at DENNIS, tinanghal na Best Actress at Best Actor

Posted on: July 23rd, 2025 by @peoplesbalita No Comments

HUMAKOT ng awards ang ‘Green Bones’ sa 8th Entertainment Editors’ Choice (The EDDYS) na ginanap noong Linggo, Hulyo 20.

Ang naturang pelikula ay nakakuha ng limang parangal, kabilang ang Best Picture, Best Director, at Best Actor.

Si Zig Dulay ang nagwaging Best Director habang si Dennis Trillo ang nakasungkit ng Best Actor. Nakuha rin ng pelikula ang Best Cinematography at Best Supporting Actor na napagwagian ni Ruru Madrid, na kung saan ka-tie niya si Aga Muhlach para sa ‘Uninvited’.

Si Marian Rivera naman ay ginawaran ng Best Actress para sa ‘Balota’. Si Lorna Tolentino ay nakakuha ng Best Supporting Actress para sa ‘Espantaho’, na nanalo rin ng Best Visual Effects.

Kasama sa iba pang mga nanalo ang ‘Under A Piaya Moon’ para sa Best Screenplay, ‘Isang Himala’ para sa Best Musical Score, ‘The Kingdom’ para sa Best Production Design, ‘Topakk’ para sa Best Sound, at ‘My Future’ You para sa Best Editing.

Ang “Museo” ni Eliza Maturan, na mula rin sa ‘My Future You’, ang nakapag-uwi ng parangal para sa ‘Best Original Theme Song’.

Isa sa highlights ng 8th EDDYS ang Box Office Heroes na iginawad kina Kathryn Bernardo at Alden Richards (‘Hello, Love, Again’), Vice Ganda (‘And The Bread Winner Is…’), Julia Barretto at Joshua Garcia (‘Un/happy for You’), Piolo Pascual at Vic Sotto (‘The Kingdom’), at sina Dennis at Ruru para sa ‘Green Bones’.

Ang pagkilala ay ipinagkakaloob sa mga bida na ang mga pelikula ay kumita ng mahigit P100 milyon.

Nagbigay pugay din ang 8th EDDYS sa mga alamat ng industriya na sina Laurice Guillen, Odette Khan, Perla Bautista, Pen Medina, Rosemarie Gil at Eddie Mesa, at ang National Artist na si Kidlat Tahimik, tumanggap sila ng Movie Icon award para sa kanilang body of work sa Philippine cinema.

Si Ogie Diaz ang tinanghal na tatanggap ng Joe Quirino Award. Ang beteranong entertainment editor na si Crispina Belen ay pinarangalan ng Manny Pichel Award.

Si RS Francisco naman ay tumanggap ng Isah V. Red Award, na nagpaparangal sa mga indibidwal na sumusuporta at nagbibigay inspirasyon sa mga mahihirap na Pilipino.

Pinangunahan nina Alexa Ilacad, Darren Espanto, Kaila Estrada, at Kyline Alcantara ang awards night na ginanap sa Ceremonial Hall ng Marriott Grand Ballroom sa Pasay City. Si Mr. Fu at Alexa Miro ang nagsilbi mga host ng red carpet.

Nagkaroon din ng special participation sa 8th EDDYS ang Pop Diva na si Kuh Ledesma at OPM icon at singer-songwriter na si Ice Seguerra, kasama sina Jackie Lou Blanco, Arman Ferrer, Carla Guevara, at David Young.

Samantala, ang delayed telecast ay mapapanood sa Kapamilya Channel at Jeepney TV, na may international streaming sa iWantTFC simula Hulyo 27.

Ang event ay inihatid ng Playtime PH sa pakikipagtulungan sa Newport World Resorts at ABS-CBN. Kasama sa mga co-presenters ang Globe at Unilab.

Ang karagdagang suporta ay nagmula kay Senators Camille Villar, Mark Villar, at Chiz Escudero, Beautederm Corporation, Luxxe White, Puregold CinePanalo Film Festival, Kat Corpus, My Daily Collagen, at Brightlight Entertainment.

Ang awards night ay mula sa mahusay na direksyon ni Eric Quizon.

Ang nag-verify ng mga boto ay pinangasiwaan ang auditing firm ni Juancho Robles, Chan Robles & Company, CPAs.

Ang EDDYS ay inorganisa taun-taon ng Society of Philippine Entertainment Editors (SPEEd), isang non-profit na grupo na binubuo ng kasalukuyan at dating mga entertainment editor mula sa mga pambansang pahayagan, tabloid, at online platform.

Para sa karagdagang impormasyon, sundan ang The Eddys sa Facebook sa The Eddys (The Entertainment Editors’ Choice).

(ROHN ROMULO)

Ads July 23, 2025

Posted on: July 23rd, 2025 by @peoplesbalita No Comments

23 – 4-merged