2024 October Archive - People's Balita

Archive for October, 2024

‘Talagang may death squad ako noon’ – Ex-Pres. Duterte

Posted on: October 31st, 2024 by @peoplesbalita No Comments

INAMIN ni dating pangulong Rodrigo Duterte na inutusan niya ang mga dating hepe ng Philippine National Police na hikayatin ang mga suspected criminals na lumaban at kapag kumasa ay doon patayin.

Ito ang isiniwalat ni Duterte sa imbestigasyon ng Senate blue ribbon subcommittee hinggil sa madugong war on drugs noong nakaraang administrasyon.

Hindi naman pinalampas ni Senadora Risa Hontiveros ang naging rebelasyon ng dating pangulo.

Inamin din ni Duterte na meron siyang death squad sa Davao ngunit hindi mga pulis kundi mga gangster.

Mayayaman aniya ang mga ito na handang pumatay ng mga krimimal at nasa pitong miyembro ng kaniyang death squad.

Ayon sa dating pangulo, kaniyang ikukumpisal na “niyayari” nya ang mga kriminal. At libo aniya ang bilang ng kaniyang mga ipinatumbang kriminal noong alkalde siya sa Davao.

Paglilinaw ni Duterte hindi niya binabayaran ang miembro ng kaniyang death squad dahil mayayaman ang mga ito.

Sinabi ni Hontiveros na “bombshell” ang sinabi ni Duterte na mayroong death squad police man o hindi ang sangkot.

Ito aniya ang sinisiyasat nila kung ang ginawa sa Davao City ay naging template ng drug war sa buong bansa nung maging pangulo si Duterte

Sinabi naman ni dating Senadora Leila de Lima, ang paghikayat upang pumatay ay hindi kabilang sa mandato mayor man o pangulo ng bansa.

DOJ umalma sa pahayag ni Duterte na tumaas ang krimen pagkatapos ng kaniyang termino

Inalmahan ng Department of Justice (DOJ) ang naging pahayag ni dating Pangulong Rodrigo Duterte na tumaas umano ang krimen pagkatapos ng kaniyang termino.

Ayon sa DOJ na ang nasabing pahayag ng dating Pangulo ay taliwas sa mga komprohensibong datus mula sa Philippine National Police (PNP).

Kung maikukumpara aniya mula Hulyo 1, 2022 hanggang Enero 31,2024 ay mayroong 324,368 na kaso o mas mababa ng 10.66 percent na naitala mula Disyembre 1, 2020 hanggang Hunyo 30, 2022.

Ilan sa mga krimen na bumaba ay ang rape, physical injury, robbery, murder, carnapping at homicide.

Magugunitang inihayag ni Duterte noong ito ay inimbitahan sa senado na tumaas ang krimen pagkatapos ng kaniyang termino. (Daris Jose)

DHSUD, sinimulan na ang cash distribution sa mga biktima ng ‘Kristine’ sa Albay

Posted on: October 31st, 2024 by @peoplesbalita No Comments

SINIMULAN na ng Department of Human Settlements and Urban Development (DHSUD) ang pamamahagi ng cash assistance sa mga residente ng lalawigan ng Albay kung saan ang mga tirahan ay totally o partially damaged na resulta ng pananalasa ng bagyong “Kristine” .

Sa paunang ulat, 60 pamilya mula sa bayan ng Daraga, isa sa pinakatimaan na lugar sa Albay, nakatanggap ng unconditional cash aid sa Ilalim ng DHSUD’s Integrated Disaster Shelter Assistance Program (IDSAP) kung saan P30,000 ay ipinagkaloob sa mga pamilya na ang mga bahay ay totally damaged habang P10,000 naman sa mga bahay na partially damaged.

Sinabi ni DHSUD Secretary Jose Rizalino Acuzar na ang 60 IDSAP beneficiaries ay binubuo ng tatlong pamilya na may totally damaged houses at 57 partially damaged residences.

Ang mga Ito ay mula sa Barangays Ibaugan, Lacag, Budiao, Busay, Bagumbayan, Kiwalo, San Vicente Pequeño, Ilawod, Malobago, Cullat, Market Site, Pandan– lahat ay sa Daraga.

“As instructed by the President, we will provide everything within our mandate to assist our affected kababayan—from cash assistance to moratorium of monthly payment for housing loans,” ayon kay Acuzar.

Sinabi pa nito na ang DHSUD ay handa na, na i-relocate ang mga residente na naninirahan sa danger zones.

Sinabi naman nj DHSUD Undersecretary for Disaster Response Randy Escolango, na ang DHSUD ay patuloy na nagpo-proseso ng mga aplikasyon para sa IDSAP mula sa ibang apektadong rehiyon.

Sinabi pa niya na ang lahat ng DHUSD regional offices na apektado ng “Kristine’- ay inatasa na madaliin at pangasiwaan ang pag-proseso ng IDSAP claims. (Daris Jose)

Paglipat ng pondo ng Philhealth sa National Treasury, pinigil ng Korte Suprema

Posted on: October 31st, 2024 by @peoplesbalita No Comments

PINIGILAN ng Korte Suprema ang paglilipat ng pondo ng Philippine Health Insurance Corporation o Philhealth sa pamamagitan ng paglalabas ng temporary restraining order (TRO).

Naglabas ng temporary restraining order kahapon (TRO)ng Korte Suprema laban sa karagdagan pang paglilipat ng P89.90 bilyon pondo ng Philippine Health Insurance Corporation (PhilHealth) sa National Treasury.

Sinabi ni Supreme Court spokesperson Atty. Camille Ting, na pinagbigyan ng Mataas na Hukuman ang kahilingan sa tatlong petisyon na inihain ng 1Sambayan, Sen. Aquilino “Koko” Pimentel, at ng Bayan Muna.

Nakasaad sa TRO ang “effective immediately” na nag-uutos na hindi na masundan pa ang paglilipat ng pondo.

Ipinaliwanag ni Ting na saklaw lamang ng TRO ang pagpigil sa paglilipat ng pondo ng PhilHealth na hindi pa naililipat, subalit ang nauna nang nailipat sa National Treasury ay hindi naman ipinababalik sa PhilHealth.

Bago ang pagpapalabas ng TRO, ang PhilHealth ay nagsagawa ng tatlo sa apat na nakatakdang paglilipat sa National Treasury.

Ayon sa tagapagsalita ng SC na si Atty. Camille Sue Mae Ting, ang naturang TRO ay epektibo kaagad matapos na paburan ng korte ang prayers o kahilingan ng tatlong petitioner.

Kung maaalala, nailipat na ang aabot sa P20 billion na pondo noong May 10 at karagdagang P10 billion noong August 21, 2024.

Nailipat na rin ang ikatlong tranche nagyong buwan na nagkakahala nang aabot sa P30-B.

Paliwanag pa ni Atty. Ting , hindi na maibabalik sa Philhealth ang pondo nito na una nang nailipat sa National Treasury dahil hindi na ito sakop ng TRO. (Daris Jose)

Ads October 31, 2024

Posted on: October 31st, 2024 by @peoplesbalita No Comments

Rebulto ni Wade ng Miami Heat umani ng mga reaksyon

Posted on: October 30th, 2024 by @peoplesbalita No Comments

UMANI ng magkakahalong reaksyon mula sa basketball fans ang ginawang rebolto para kay NBA star Dwayne Wade.

Sa isang ginawang pagkilala sa Miami Heat star ay ipinakita dito ang kaniyang rebolto sa labas ng Kaseya Center.

Siya lamang ang unang manlalaro sa franchise ng Heat na nabigyan ng sariling rebolto.

Ang nasabing rebolto ay hango sa iconic na galaw niya ng makuha ang buzzer-beater at talunin ang Chicago Bulls 130-127 sa overtime noong Marso 9, 2009.

Nagwagi si Wade ng tatlong NBA titles sa Heat noong 2006, 2012 at 2013 nakuha rin niya ang 2006 Finals Most Valuable Player at naging 13-time All-Star player.

Ilan sa mga nakapuna ay kahawig pa ng Hollywood actor na si Laurence Fishburne habang ang ilan naman ay mas itinuturing pa nila itong isang Asyano.

Warriors star Stephen Curry hindi makakapaglaro ng 2 laro dahil sa injury

Posted on: October 30th, 2024 by @peoplesbalita No Comments

POSIBLENG hindi makakasama ng Golden State Warriors ng dalawang laro si Stephen Curry matapos na magtamo ng injury.

Ayon sa Warriors, na nagpapagaling ito sa kaniyang ankle injury.

Natamo nito ang nasabing injury sa pagkatalo ng Warriors laban sa Los Angeles Clippers nitong Lunes sa score na 112-104.

Sumailalim ito sa MRI exam at wala namang structural damage subalit meron siyang peroneal strain sa bahagi ng tendons na nagkokonekta sa fibula at ankle.

Ang two-time NBA Most Valuable Player ay may average na 18.3 points, 6.7 assists, 5.3 rebounds at 2 steal.

‘My Working Team’ ipinakilala ni Tolentino para sa POC elections

Posted on: October 30th, 2024 by @peoplesbalita No Comments

PINATINGKAD ng tatlong gold medals sa magkasunod na Olympic Games at apat na ginto sa Asian Games tampok ang men’s basketball title ang pamamahala ni Abraham “Bambol” Tolentino sa Philippine Olympic Committee (POC).

Idagdag pa sa matagumpay na pagmamando ni Tolentino sa POC ang nakamit na overall championship sa pamamahala ng bansa sa 30th edition ng Southeast Asian Games noong 2019.

Sa nasabing biennial meet ay humakot ang mga Filipino athletes ng 149 gold, 117 silver at 121 bronze medals sa 56 sports na higit sa 50 golds na nakuha ng second-placed Vietnam.

“It’s about teamwork, it’s about setting and achieving goals, it’s about cooperation,” ani Tolentino sa isang video na tinawag niyang “My Working Team” para sa POC elections sa Nobyembre 29.

Mahirap nang mapantayan kundi man ay malampasan ang nasabing POC administration na nagtampok sa dalawang Olympic gold ni gymnast Carlos Yulo sa Paris 2024 matapos ang kauna-unahang ginto ng Pinas mula kay weightlifter Hidilyn Diaz-Naranjo sa Tokyo 2020.

Nagdaraos ang POC ng eleksyon tuwing ikaapat na taon o katumbas ng isang Olympic cycle.

Muling maghahangad si Tolentino, pinamumunuan din ang cycling federation simula noong 2008, ng panibagong four-year mandate bilang president ng highest sports-governing body sa bansa kasama ang kanyang “Working Team” na binubuo nina Alfredo “Al” Panlilio (basketball) First Vice President, Rep. Richard Gomez (modern pentathlon) bilang Second Vice President, Dr. Jose Raul Canlas (surfing) Treasurer at Donaldo “Don” Caringal (volleyball) bilang Auditor at Alexander “Ali” Sulit (judo), Ferdinand “Ferdie” Agustin (jiu-jitsu), Leonora “Len” Escolante (canoe-kayak) at Alvin Aguilar (wrestling) at Leah Jalandoni Gonzales (fencing) bilang mga miyembro ng Executive Board.

“This is ‘My Working Team’ and the mission is ‘Faster, Stronger, Higher —Together,’” ani Tolentino. “It will be much tougher this time as the Los Angeles 2028 beckons, but rest assured, we will be more committed and active to our task, all for Philippine sports.”

Magbabalik din ang Commission on Elections para sa national Olympic body na pinamumunuan nina Atty. Teodoro Kalaw IV bilang chairman kasama sina Colegio de San Juan de Letran Calamba Rector at President Rev. Fr. Napoleon Encarnacion, O.P. at Philippine Sports Commission Commissioner Olivia “Bong” Coo bilang miyembro.

Nagsimula na ang pagsusumite ng kandidatura noong Oktubre 15 at matatapos ngayong araw.

May 59 voting members ang POC — 34 Olympic national sports associations, 22 non-Olympic federations, dalawa mula sa Athletes Commission at si International Olympic Committee representative to the Philippines Mikaela María Antonia “Mikee” de los Reyes Cojuangco-Jaworski.

Dating Bamban Mayor Alice Guo, kinasuhan ng misinterpretation

Posted on: October 30th, 2024 by @peoplesbalita No Comments

SINAMPAHAN na ng Commission on Elections (Comelec) ng kasong material misrepresentation sa Regional Trial Court ng Tarlac si dating Bamban Mayor Alice Guo o Hua Ping Lin Guo.

Ayon kay Comelec Chairman George Garcia, nilabag ni Guo ang Section 74 ng Omnibus Election Code na may kauganyan sa Section 262 ng parehong code .

Ito ay ang paghahain nito ng kanyang Certificate of Candidacy (COC) noong Okt.1,2021 kaugnay sa May 9, 2022 National and Local Elections sa munisipalidad ng Bamban,Tarlac.

Ayon sa Comelec, kusa at labag sa batas na gumawa ng material misrepresentation sa paghahain ng kanyang kandidatura sa pagiging Mayor ng Bamban,Tarlac si Guo at ang pagdedeklara na siya ay karapat-dapat para sa posisyon na hinahangad na mahalal sa kabila na siya ay Chinese citizen at residente ng Fujian, China.

Si Guo ay sentro ngayon ng mga pagdinig sa Senado matapos ito maaresto sa Indonesia dahil sa pagkakasangkot sa sinalakay na POGO hub sa Tarlac. GENE ADSUARA

4.5 milyong pasahero dadagsa sa mga terminal, airports sa Undas

Posted on: October 30th, 2024 by @peoplesbalita No Comments

AABOT sa 4.5 milyong mga pasahero ang dadagsa sa mga bus terminals, airports at seaport ngayong Undas.

Ayon kay Transportation Secretary Jaime Bautista, nasa 3 milyong pasahero ang dadagsa sa airports at seaports habang nasa 1.5 milyon sa mga bus terminals.

Mas mataas ito ng 20 hanggang 30 porsyento sa karaniwang bilang ng mga pasahero kada araw.

Kasabay nito, pinapayuhan ni Bautista ang mga bus operators na iwasan na munang ibiyahe ang mga bus patungo sa Bicol region dahil nasa 30 kilometro na ang haba ng pila ng mga sasakyan sa Matnog, Sorsogon.

“Ang LTO just issued a memorandum, informing mga buses, bus operators po sana na huwag munang magbiyahe doon sa Bicol, lalung-lalo na iyong pupunta doon sa Matnog, dahil napakahaba pa nung queue. In fact, kanina, I heard a radio report na almost 30 kilometers daw iyong pila nung mga sasakyan doon.Kaya we are encouraging iyong mga bus operators na siguro i-monitor iyong situation doon before allowing their buses to ply to those destinations,” ani Bautista. ( Daris Jose)

Betrayal of public trust, graft batayan sa impeachment vs VP Sara

Posted on: October 30th, 2024 by @peoplesbalita No Comments

ITO ang dalawang nakikitang batayan ng House Committee on Good Government and Public Accountability na maaring magamit sa paghahain ng impeachment complaint laban kay Vice President Sara Duterte kaugnay ng hindi nito maipaliwanag na paggastos ng confidential funds sa Office of the Vice President (OVP) at Department of Education (DepEd).

Sinabi ni Manila 3rd District Rep. Joel Chua, Chairman ng Blue Ribbon panel na, ang mga natuklasan gaya ng paggastos ng P125 milyong confidential funds ng OVP na naubos sa loob lamang ng 11 araw noong Disyembre 2022 ay sapat na upang magdulot ng mga pagdududa kung tama ang ginawang paggastos sa pondo ng bayan.

Noong Agosto, naglabas ang COA ng Notice of Disallowance sa kuwestyunableng paggamit ng P73.28 milyon na bahagi ng P125 milyong confidential fund ng OVP noong 2022.

Ang tanggapan ni Duterte ay nakatanggap din ng P500 milyon confidential fund noong 2023 at sa halagang ito ay P375 milyon ang nagastos. Hindi na ginamit ng OVP ang nalalabing P125 milyon.

Ang P15 milyon sa confidential funds ng DepEd na ginamit umano sa pagbabayad ng reward sa mga impormante at P16 milyon na ginastos ng OVP sa renta ng mga safehouse sa loob ng 11 araw noong 2022.

Gayundin ang paggasta ng P15-M sa Youth Leadership Summit kung saan lumilitaw na sumakay lamang ito sa programa ng Philippine Army at walang inilabas na pondo kahit singko. ( Daris Jose)