2024 July Archive - People's Balita

Archive for July, 2024

Pedicab driver tiklo sa P204K droga sa Valenzuela drug bust

Posted on: July 18th, 2024 by @peoplesbalita No Comments

MAHIGIT P.2 milyon halaga ng shabu ang nasamsam sa isang pedicab driver na sangkot umano sa pagtutulak ng ilegal na droga nang matimbog ng pulisya sa ikinasang buy bust operation sa Valenzuela City, Martes ng umaga.

Kinilala ni P/Capt. Joan Dorado, hepe ng Station Drug Enforcement Unit (SDEU) ng Valenzuela police ang naarestong suspek na si alyas ‘Dagul’, 42, at residente ng Brgy. Balangkas.

Sa kanyang report kay Valenzuela police chief P/Col. Nixon Cayaban, sinabi ni Capt. Dorado na nakatanggap ng impormasyon ang kanyang mga tauhan hinggil sa umano’y pagbebenta ng illegal na droga ng suspek.

Bumuo ng team si Capt. Dorado sa pangunguna ni P/Lt. Johnny Llave saka ikinasa ang buy bust operation na nagresulta sa pagkakaaresto sa suspek matapos umanong bintahan ng P8,500 halaga ng shabu ang isang pulis na nagpanggap na buyer dakong alas-7:00 ng umaga sa Kabesang Imo at Bignay Sts., Brgy. Balangkas.

Ayon kay Lt. Llave, nakumpiska nila sa suspek ang humgi’t kumulang 30 grams ng hinihinalang shabu na may standard drug price value na P204,000, buy bust money na isang P500 bill at 8-pirasong P1,000 boodle money, P200 recovered money, cellphone at coin purse.

Sinabi ni PMSg Carlos Erasquin Jr na sasampahan nila ang suspek ng kasong pagpabag sa Sections 5 at 11 under Article II of RA 9165 (Comprehensive Dangerous Drug Act of 2002) sa Valenzuela City Prosecutor’s Office.

Pinuri naman ni Gen. Gapas ang Valenzuela police sa kanilang pagsisikap para tugisin ang mga taong sangkot sa pagpapakalat ng ilegal na droga na nagresulta sa pagkakaaresto sa suspek.(Richard Mesa)

Sa direksyon ni Zig Dulay na naghatid ng ‘Firefly’: DENNIS, balik-MMFF din at bibida sa ‘Green Bones’ kasama si SOFIA

Posted on: July 18th, 2024 by @peoplesbalita No Comments

MMFF-bound muli ang GMA Network ngayong taon dahil kasama sa unang batch ng finalists sa Metro Manila Film Festival 2024 ang upcoming film ng GMA Pictures at GMA Public Affairs na “Green Bones.”

Isa ang “Green Bones” sa mga inanunsyo nitong July 16 na kasama sa mga magtutunggali sa 50th year ng MMFF. Pagbibidahan ito nina Kapuso Drama King Dennis Trillo at Kapuso young actress na si Sofia Pablo.

Ito ay sa direksyon ni Zig Dulay na siya ring nasa likod ng Best Picture “Firefly” na mula rin sa GMA Pictures at GMA Public Affairs.

Ang screenplay ng “Green Bones” ay mula kay National Artist Ricky Lee at MMFF 2023 Best Screenplay winner at GMA Public Affairs Senior Asst. Vice President Anj Atienza. Ang kuwento ay mula naman sa GMA Public Affairs Senior Program Manager na si JC Rubio.

Matatandaang umani ng papuri mula sa mga moviegoer at nag-uwi ng mga award sa loob at labas ng bansa ang “Firefly.”

(RUEL J. MENDOZA)

Senator Gatchalian may death threat

Posted on: July 18th, 2024 by @peoplesbalita No Comments

NAKATANGGAP umano ng banta sa kanyang buhay si Sen. Sherwin Gatchalian na may kinalaman sa aktibo niyang partisipasyon sa pagdinig ng Senado sa Philippine Offshore Gaming Operators (POGO) na konektado kay Bamban City Mayor Alice Guo at pamilya nito.

Pormal na sumulat si Gatchalian kay Major Paul Benjamin Mandane, Sub-Station Commander ng Pasay City Police Station upang i-report ang banta sa kanyang buhay at upang hilingin na imbestigahan ang nasabing death threat.

“I was informed by my staff of a video circulating online containing explicit threats directed at my personal safety and well-being,” sabi ni Gatchalian sa kanyang liham.

Inilakip ni Gatchalian sa sulat ang transcript ng nasabing video na inupload sa You Tube channel ng Pinas Insider na may pamagat na “Hala! Alice Guo nagbayad ng 10 million para iligpit si Sen. Risa at Win Gatchalian?”.

“I have attached a transcript of the aforementioned video for your reference. The creation and online dissemination of this video has caused me substantial concern for my security, as well as the safety of those around me, particularly my family and staff,” ani Gatchalian sa kanyang sulat.

Sa transcript ng video, sinasabing nagbayad umano si Guo ng tig-P5 milyon para sa “ulo” nina Gatchalian at Sen. Risa Hontiveros.

Hindi pa kinukumpirma ng tanggapan ni Hontiveros kung may death threat na natatanggap ang senadora. (Daris Jose)

Di umano’y Pharmally-POGO na nag-uugnay kay DU30, para sa ‘media mileage’ lang-Panelo

Posted on: July 18th, 2024 by @peoplesbalita No Comments

PARA kay dating presidential spokesman Salvador Panelo, isang malinaw na ‘media mileage’ lang ang intensyon ng naging pahayag ni Senator Risa Hontiveros kung saan pilit na iniuugnay nito si dating Pangulong Rodrigo Duterte sa kontrobersiyal na pharmacy anomaly at illegal Philippine offshore gaming operations (POGOs).

Malinaw na nais ni Hontiveros na mapakinabangan ang nasabing usapin para sa kanyang ‘political plans’ sa hinaharap.

“Her apparent intention is to malign the character of PRRD and at the same time she wants to be politically relevant and preparing to run for a higher office. She always want to be in the public eye for the name recall and media mileage,” ang naging pahayag ni Panelo sa isang kalatas.

Sinabi pa ni Panelo na si Hontiveros ay “desperately bent on connecting” ang dating Pangulo sa kontrobersiyal sa Pharmally at POGO, binigyang-diin na ito’y “no factual and legal bases to link FPRRD in any corrupt practice.”

Ipinagtanggol din ni Panelo si Duterte sa pagsasabing, hindi kailanman nasangkot ang dating Pangulo sa korapsyon.

Kapansin-pansing aniya na tila ginagamit na lamang ni Hontiveros ang kanyang komite para paratangan ang isang tao para sa publisidad.

“She keeps using her committee to try persons by publicity— denying them of the due process clause of the Constitution under the guise of legislative inquiry in aid of legislation — as exemplified by what she did to Pastor Apollo Quiboloy and Bamban, Tarlac Mayor Alice Guo, who have become victims of her injustice,” ayon kay Panelo.

Kaya nga, sinabihan ni Panelo si Hontiveros na sa halip na “nauseous grandstanding,” dapat na pagtuunan nito ng pansin at umpisahan ang mga legislative bills na makatutulong sa kahirapan, kasalatans a edukasyon at usapin sa kalusugan, public works, agrikultura, kalakalan at iba pa.

“She is wasting taxpayers money. This must stop. She must be fealty to her oath of office,” diing pahayag ni Panelo.

(Daris Jose)

DBM, tiniyak sa mga guro ang pagpapalabas sa 2022, 2023 productivity bonus

Posted on: July 18th, 2024 by @peoplesbalita No Comments

TINIYAK ng Department of Budget and Management (DBM) na ipalalabas nito ang Performance-Based Bonus (PBB) ng public school teachers para sa Fiscal Years 2022 and 2023 sa kabila ng ipinalabas na Executive Order (EO) No. 61, may mandato na rebisahing mabuti ang Result-Based Performance Management System (RBPMS) at ang Performance-Based Incentive System (PBIS).

Inihayag ito ni DBM Secretary Amenah Pangandaman sa isinagawang forum kasama ang mga Teachers’ Dignity Coalition (TDC), sa pangunguna ng chairperson nito na si Benjo Basas.

Ang makasaysayang unang pagpupulong sa pagitan ng DBM at TDC ay humimay sa kalagayan ng PBB para sa FY 2022, epekto ng EO 61 sa PBB at Productivity Enhancement Incentive (PEI), resulta ng pag-aaral ng DBM-GCG (Governance Commission for Government-Owned or Controlled Corporations) at developments sa panukalang salary increase para sa FY 2024.

Ang pagpupulong ay mahalagang hakbang para tugunan ang mga concerns sa umento sa sahod ng mga guro at insentibo para sa mga ito matapos na kagyat na humingi ng paglilinaw ang TDC ukol sa mga nasabing usapin sa isang liham na ipinadala kay Pangandaman noong nakaraang Hulyo 4.

Sa naturang pagpupulong, siniguro ni Pangandaman na mahigpit na nakikipag-ugnayan ang DBM sa Department of Education (DepEd) para resolbahin ang isyu sa implementasyon na may kinalaman sa PBB, at siguraduhin na ang lahat ng mga kinakailangang requirements ay maibibigay para sa bonus distribution.

Kabilang na rito ang pagpapatunay ng isinumiteng Form 1.0 para sa ‘inclusion of personnel not reflected in the Department’s Personnel Services Itemization and Plantilla of Personnel (PSIPOP), incorrect information, at duplicate records, among others.’

Sa kasalukuyan, ang Form 1.0 submissions mula sa walong DepEd Regional Offices – National Capital Region, Ilocos, Cagayan, Central Luzon, Calabarzon, Mimaropa, Bicol, at Western Visayas — ay ibinalik para sa ‘revision at validation’ ng DepEd.

“We must understand that the sheer size and complex structure of DepEd inherently complicates the process,” ayon sa Kalihim.

“Napaka-tedious ng requirements ngayon, napakadaming dokumento. Timely po na ma-review natin ang components and submissions natin sa PBB. We will endeavor to streamline this process,” aniya pa rin.

Sa ilalim ng Executive Order No. 61, susuriin ng DBM ang RBPMS at PBIS upang hindi gaanong pabigat at mas epektibo ang proseso.

Tinuran ni Pangandaman na ang pagbabago ay dapat na naka-align sa Socioeconomic Agenda ni Pangulong Ferdinand Marcos Jr., ang Inisyatiba ng pamahalaan para sa madaling pagnenegosyo, Philippine Development Plan 2023-2028, at international standards.

Samantala, sinabi ng DBM na ang budget allocation para sa FY 2024 PEI ay ganap nang ipalabas para sa DepEd simula pa noong Enero ngayong taon.

Sa inaasahang salary increase para sa civilian government employees, kabilang na ang public school teachers, sinabi ng DBM na nakapaglaan na ng pondo para sa FY 2024 General Appropriations Act.

Sinabi ng DBM na ang bagong pag-aaral ukol sa sahod at benepisyo ay isinasagawa para gabayan ang ‘salary tunings’ sa hinaharap.

Layon ng pag-aaral na lumikha ng ‘competitive, sustainable, fair pay structure’ para sa mga government employees.

Sinasabi na may ilang opsyon na ipi-presenta kay Pangulong Marcos para sa nilalayon habang ‘specific details’ naman kaugnay ng implementation dates at panukalang rates ang isinasapinal pa.

Tiniyak naman ni Pangandaman sa TDC ang kahandaan ng DBM para tugunan ng kanilang mga pangangailangan.

“I hope we can do this [meeting] regularly para magkaron po tayo ng updates at solusyon sa mga issues. The DBM is open [to discussing] lahat po ng inyong pangangailangan. We will endeavor to solve whatever problem to the best of our abilities.” aniya pa rin.

Pinuri naman ng TDC at pinasalamatan si Pangandaman para sa agaran nitong pagtugon sa kanilang request para sa isang pulong.

“Thank you po dahil (because) it’s the first time we had a dialogue with the DBM Secretary. Una po kasi, Usec and Asecs po ang humaharap sa ‘min. We appreciate the gesture,” ayon kay Basas.

“Nakapagsalita ‘yung mga tao. [The meeting was] democratic, and nabigyan po talaga kami ng space ni Secretary mismo na, makapagsalita at makapagpahayag ng aming hinaing. With the aid of the Usecs and Asecs, right away meron mga sagot sa aming queries,” ayon pa rin kay Basas. (Daris Jose)

Naging favorite ang character niya sa ‘Black Rider’: YASSI, nag-enjoy at gusto ulit makatrabaho si RURU

Posted on: July 18th, 2024 by @peoplesbalita No Comments

NAGING paboritong character ni Yassi Pressman si Bane/Vanessa dahil sa mala-roller coaster na pinagdaanaan ng character nito sa GMA actionserye na “Black Rider.”

“There’s just so many emotions din po para sa isang taong nagkaron ng amnesia na hindi ko rin na-portray noon. Hinahanap niya po kung sino siya at kung ano ‘yung mga experiences niya, ‘yung mga taong mahal niya, bakit ganito yung mga nararamdaman niya sa puso niya, kasabay ng mga brainwashing ng mga taong nasa paligid niya.

“Talagang napakatapang niya po at talagang mahal na mahal niya po ‘yung pamilya niya,” sey ni Yassi na gusto ulit makatrabaho si Ruru Madrid sa isang bagong project.

***

BACK to dating after two years ang kontrobersyal na Hollywood actor na si Johnny Depp. And dine-date niya ay isang 28-year-old model named Yulia Vlasova.

Ayon sa People, nothing is official with the 61-year old actor at sa Russian model. Casual dating daw sila for now.

Huling nakita sa big showbiz event si Depp ay noong May 2023 sa Cannes Film Festival kunsaan pinalabas ang pelikula niya na Jeanne Du Barry.

Ang kanyang ex-wife na si Amber Heard ay huling napanood sa ‘Aquaman And The Lost Kingdom’. Naka-base na ito sa Spain kasama ang kanyang daughter.

(RUEL J. MENDOZA)

GSIS, ikinasa na ang no-down-payment housing program

Posted on: July 18th, 2024 by @peoplesbalita No Comments

INILUNSAD na ng state-owned Government Service Insurance System (GSIS) ang bagong housing program na pinasadya para sa mga empleyado ng gobyerno na nagtatampok sa ‘zero down payment.’

Sa katunayan, inanunsyo ni Wick Veloso, GSIS president at general manager, araw ng Lunes, Hulyo 15, ang paglulunsad ng bagong programa, nagbibigay-daan sa mga ‘borrowers’ na pumili mula sa 2,000 GSIS-owned properties sa buong bansa.

Sa ilalim ng GSIS Pabahay program, maaaring makakuha ang isang manggagawa ng gobyerno ng isang property ng walang initial down payment. Sa halip, ang ‘eligible individuals’ ay maaaring makakuha ng mga property sa pamamagitan ng installment payments, gawing mas ‘accessible’ ang homeownership sa mga miyembro.

Winika pa ni Veloso na ang programa ay muling idinisenyo para mas maayos na ma-cater ang partikular na ‘housing needs’ ng kanilang miyembro.

“By eliminating the down payment requirement and offering a long-term installment plan, we are not just making homeownership more achievable for our members — we are providing an accessible and affordable housing program,” ayon kay Veloso.

“This combination of features is designed to open doors that were previously closed to many of our dedicated public servants,” dagdag na wika nito.

Sa kabilang dako, sa isinagawang GSIS stakeholders’ meeting sa Laoag, inanunsyo ng GSIS na ang bagong programa ay Nauna nang nakatanggap ng pagsang-ayon mula sa GSIS Board of Trustees.

Nagbigay ang Board ng ‘approval’ para sa updated guidelines, kung saan sa ngayon ay papayagan ang ‘current lessees to purchase their homes on an installment basis without any down payment.’

Ani Veloso, sinusuri naman nila ang karagdagang pagbabago para i- enhance at ayusin ang Lease With Option to Buy (LWOB) program, gawin itong mas akma sa requirements ng mga miyembro nito.

Ang aplikante ay kailangan na aktibong GSIS members na mayroong ‘updated premium contributions, permanent employment status, mayroong minimum na tatlong taon ng serbisyo, at net take-home pay ng kahit papaaano ay P6,000 matapos ang loan deductions.’

“This program is about recognizing that those who dedicate their lives to serving our nation deserve a real shot at the Filipino dream. No more impossible cash requirements. No more deferred dreams. Just a clear path to a place they can finally call their own,”dagdag na wika pa ni Veloso. (Daris Jose)

PBBM, abala sa paghahanda sa SONA

Posted on: July 18th, 2024 by @peoplesbalita No Comments

HANDS on si Pangulong Ferdinand Marcos Jr., sa pagsasapinal ng kanyang magiging talumpati para sa kanyang pangatlong State Of the Nation Address (SONA) sa darating na Lunes, Hulyo 22, 2024 sa Batasang Pambansa Complex sa Quezon City.

Sa katunayan, ayon sa Presidential Communications Office (PCO) ay walang anumang engagement ang Pangulong Marcos khapon, Miyerkoles dahil abala ito sa paghahanda para sa kanyang pangatlong SONA.

“The President is on top of finalizing his SONA speech. He has no engagement today because he is preparing for the SONA,” ayon sa PCO.

Nauna rito, sinabi ni Speaker Ferdinand Martin Romualdez na handa na ang Kamara para sa ikatlong State of the Nation Address (SONA) ni Pangulong Marcos Jr. na isasagawa sa darating na Lunes.

Sinabi ni Romualdez, na ang mga paghahanda para sa SONA 2024 ay matagumpay kaugnay naman ng isinagawang pinal na interagency meeting sa pagitan ng Office of the President, mga kinatawan ng Kamara at Senado at iba pang ahensya nitong Hulyo 15 para tiyakin ang seguridad sa SONA.

Ayon kay Romualdez habang ang SONA ay sumasalamin sa tagumpay ng administrasyong Marcos ay mai-outline rin ang plano ng Pangulo sa mga susunod na taon kabilang ang papel ng Kongreso para dalhin ang mga programa ng gobyerno sa mamamayang Pilipino.

Sinabi ni Romualdez na ang mahalagang talumpati sa bayan ng punong ehekutibo ay magbibigay ng komprehensibong pangkalahatang ideya sa progreso ng administrasyon at magtakda ng entablado para sa mga lehislatibong inisyatibo sa hinaharap para isaayos ang landasin ng bansa. (Daris Jose)

Naging abala sa marathon habang wala pang serye: KRISTOFFER, nag-first place for the first time sa ‘Super Aquathlon’

Posted on: July 17th, 2024 by @peoplesbalita No Comments

MATAPOS ang launch ng “Isa sa Puso ng Pilipino” station ID ng GMA Network na talaga namang ikinatuwa ng mga manonood at netizens, sumunod namang inilabas ng Kapuso Network ang lyric video nito.

Mapapanood sa video ang taos-pusong performance ng mga Kapuso artist sa pangunguna ng Asia’s Limitless Star na si Julie Anne San Jose. Kasama rin sa nasabing video ang Orchestra of the Filipino Youth (OFY).

Mapapanood ang #IsaSaPusoNgPilipino lyric video sa official website at official social media accounts ng GMA Network.

***

HABANG wala pang bagong teleserye after ‘Makiling’, naging abala ang Kapuso actor na si Kristoffer Martin sa kanyang sport na marathon.

Last July 7, nag-first place for the first time ang aktor sa Super Aquathlon na ginanap sa Ayala Vermosa Sports Hub. Competing in the All-star category, nakumpleto niya ang 450-meter swim, followed by a 4-kilometer run.

Post niya sa Instagram: “Unang 1st place ko po mga nakshie. Naiiyak ako. Pangarap ko to eh. Makalaro ko coach ko sa event. Ang saya pa ng first set pinapace pa niya ko eh. Hahah.

“Thanks coach Kevin Eijansantos! One for the books too. Napressure ako dagdag ka pa sa iisipin ko AG ko. Lakas mo! Grabe di ako pwede pumetiks!”

(RUEL J. MENDOZA)

Pagkatapos ng pakikipaglaban sa breast cancer: Hollywood actress na si SHANNEN DOHERTY, pumanaw sa edad na 53

Posted on: July 17th, 2024 by @peoplesbalita No Comments

PUMANAW sa edad na 53 ang Hollywood actress na si Shannen Doherty na kilala bilang si Brenda Walsh sa ‘90s drama series na ‘Beverly Hills 90210’ at bilang si Prue Halliwell sa ‘90s fantasy-comedy series na ‘Charmed’.

July 13 noong pumanaw ang aktres pagkatapos ang kanyang pakikipaglaban sa sakit na breast cancer since 2015.

Born in Memphis, Tennessee, nagsimula bilang child actor si Shannen at una siyang lumabas sa TV series na Little House on the Prairie.

Lumabas siya sa mga pelikulang Girls Just Want To Have Fun, Heathers, Mallrats at Jay & Silent Bob Strikes Back. Huli niyang TV appearance ay sa Riverdale.

Tatlong beses ikinasal si Doherty, na ang pinakahuli ay nauwi rin sa divorce noong 2023 sa photographer na si Kurt Iswarienko.

(RUEL J. MENDOZA)

***
GMA Pictures, may YouTube channel na!

IBANG level na ang panonood ng mga pelikulang Pinoy dahil ipinakilala na ng GMA Pictures ang official YouTube channel nito – www.youtube.com/@GMAPictures – ngayong Hulyo.

Tiyak na mae-enjoy ng viewers ngayong buwan ang high-quality at well-loved films na gawa ng GMA Pictures, katulad ng “The Road,” “Mulawin the Movie,” “Just One Summer,” “My Kontrabida Girl,” “I will Always Love You,” at marami pang iba.

Kasama rin sa mapapanood dito ang “Ang Panday,” “Dance of the Steel Bars,” “I.T.A.L.Y.,” “In Your Eyes,” “My Lady Boss,” “The Promise,” “When I Met U,” “Tween Academy,” “You To Me Are Everything,” “Boy Pick-Up The Movie,” “Patient X,” at “Temptation Island.”

Bukod pa sa Kapuso films, mahigit 300 pelikula pa ang inaasahang magiging available sa GMA Pictures YT channel, mula sa iba’t ibang genre tulad ng action, drama, comedy, romance, adventure, suspense, at historical movies.

Dahil sa paggawa ng mga high-quality at culturally relevant na pelikula, naging prominente ang GMA Pictures sa Philippine cinema landscape at umani ng papuri mula sa mga lokal at internasyonal na manonood.

Kabilang na rito ang Philippine Centennial offering ng GMA Films, ang highly successful na “Jose Rizal” na ipinalabas noong 1998. Sinundan pa ito ng “Muro Ami” noong 1999.

Noong 2023, muling ipinamalas ng GMA Pictures sa moviegoers ang paggawa ng mga fresh at edgy titles tulad ng “The Cheating Game,” “Video City” (co-produced kasama ang Viva Films), at “Five Breakups and a Romance” (co-produced kasama ang Cornerstone Studios at Myriad). Sa taon ding ito mas lalong pinagtibay ng GMA Pictures ang kanilang comeback sa pamamagitan ng “Firefly” na nanalo ng back-to-back Best Picture awards sa Metro Manila Film Festival (MMFF) at Manila International Film Festival sa Los Angeles.

Ngayong taon naman, inilunsad nito ang latest collaboration kasama ang Viva Films, ang suspense-thriller na “Playtime.”

Kabilang din ang GMA Pictures sa 2024 Cinemalaya Independent Film Festival. Mapapanood sa Cinemalaya ang full-length film entry na “Balota” mula sa GMA Pictures at GMA Entertainment Group. Ang kauna-unahang investigative docu-film ng GMA Public Affairs na “Lost Sabungeros” ay magiging bahagi rin ng film festival. Magkakaroon din ng special screening para sa “Firefly,” digitally-restored na “Jose Rizal,” at highly acclaimed documentaries ng GMA.

Mag-subscribe sa official Youtube channel ng GMA Pictures www.youtube.com/@GMAPictures. Para malaman ang iba pang tungkol sa GMA Pictures, bisitahin ang www.gmanetwork.com/films/.
Para sa latest updates sa GMA Network, bisitahin ang www.gmanetwork.com.
(ROHN ROMULO)