2024 June Archive - People's Balita

Archive for June, 2024

Kasama ang ilang gay celebrities: KLEA, proud na ma-feature sa ‘pride month issue’ ng isang magazine

Posted on: June 13th, 2024 by @peoplesbalita No Comments

NAGHAHANDA na ang Sparkle actors na sina Rayver Cruz, Derrick Monasterio, at Ken Chan para sa GMA Gala 2024 na mangyayari sa July 20.

Collaboration ng stylist na si Ivor Julian at designer na si Ryan Ablaza Uson ang susuotin ng tatlo.

Ayon kay Rayver: “Sabi ko lang sa kanila, na something classic, classy but unique. Favorite ko kasi ‘yung last year, e, so challenge na rin for them kung paano nila mas gaganda pa kaya ako excited.”

Para naman kay Derrick: “Bahala na ‘yung akin stylist d’yan. Gusto niya talaga mag-stand out ako kaya siya ang bahala.”

Para kay Ken: “Gusto ko ‘yung talagang plain ‘yung isusuot ko, walang masyadong nangyayari sa isusuot ko. And gusto kong ma-highlight ‘yung mga jewelries na isusuot ko for that night.”

Sinisigurado naman ng designer na si Ryan Ablaza Uson na dapper ang isusuot ng mga nasabing Kapuso actors.

“Our main goal is to make them look as dapper as they could. We really go on a timeless silhouette of suits.”

***

PROUD si Klea Pineda na mapasama sa Pride Month issue ng isang magazine.

March 2023 noong mag-out ang Kapuso actress at ipakilala via social media ang kanyang girlfriend.

Sa naturang magazine feature, nakasama ni Klea ang ilang gay celebrities na sina

Jonathan ‘Sweet’ Lapus, ESNYR, Sassa Gurl, Mimiyuuuh, at marami pang iba.

“Naging masaya ako, naging malaya ako. It still feels surreal to be part of Preview’s cover story this month alongside inspiring queer icons in the industry!

“Thank you Preview PH for giving us the space to shed light on queer representation! Happy Pride indeed!” caption ni Klea na napapanood sa teleserye na ‘Abot-Kamay Na Pangarap.’

***

SA isang pambihirang pagkakataon, nag-reunion ang apat na members ng famous Swedish group na ABBA para tanggapin ang prestigious Swedish knighthood from King Carl XVI Gustaf and Queen Silvia.

Benny Andersson (77), Agnetha Fältskog (74), Anni-Frid Lyngstad (78) and Bjorn Ulvaeus (79) received the Royal Order of Vasa and are now Commanders of First Class for “very outstanding efforts in Swedish and international music life.”

Sumikat ang ABBA noong 1974 noong manalo sila sa Eurovision Song Contest para sa song na “Waterloo.” Ang iba pang big hits nila ay “Mamma Mia,” “Dancing Queen”, “Fernando”, “The Winner Takes It All” and “Gimme! Gimme! Gimme!”

(RUEL J. MENDOZA)

Stephen King’s The Long Walk Adaptation Zeroes In On First Cast Members

Posted on: June 13th, 2024 by @peoplesbalita No Comments

THE Long Walk adaptation is confirmed for filming in July 2024, with potential leads Copper Hoffman and David Jonsson.

The premise suggests the need for multiple male actors, this Hoffman and Jonsson possibly portraying the main characters.

Hoffman and Jonsson, though not officially confirmed, have promising resumes for their potential roles in The Long Walk.

The adaptation of Stephen King’s The Long Walk is getting close to confirming its first couple of cast members. Set in a distant future, The Long Walk revolves around a deeply exacting, annual walking contest where about 100 teenage boys walk south through Maine and must not drop below four miles per hour, or they will be fatally shot. After languishing in limbo for years, it was finally confirmed that The Long Walk adaptation will happen and filming will begin in July 2024.

Now, with the filming start date of The Long Walk fast approaching, Deadline reports that Copper Hoffman, who recently starred in Ethan Hawke’s Wildcat, and Rye Lane cast member David Jonsson, are both currently in the mix to lead the forthcoming adaptation’s ensemble cast. The roles these two are likely to play is yet to be revealed.

The Long Walk’s premise suggests that this forthcoming adaptation to the big screen will require many male actors and characters to bring to life King’s distant, dystopian world. While no actors have been officially confirmed, Hoffman and Jonsson could be playing Raymond Garraty and Peter McVriees, the two main characters from King’s book. Both actors have a fairly light resume, but their recent and past works suggest that they could be a perfect fit for their respective roles.

Hoffman made his film debut only a few years ago, starring in Paul Anderson’s Oscar-nominated romcom Licorice Pizza. He played Gary Valentine, a teenage actor who develops a relationship with a 25-year-old photographer’s assistant. Hoffman’s performance led to subsequent roles in movies like the aforementioned Wildcat and the upcoming comedy, Old Guy.

Jonsson started his career on the theater stage and eventually made his film debut in 2018, starring in ITV’s detective drama Endeavor. He appeared briefly as a field agent in another British show titled Deep State before signing on to play Dom in Rye Lane and Augustus Lackey in Industry, arguably his most famous role to date. He can also be seen in the upcoming Alien: Romulus. Jonsson and Hoffman have yet to be officially confirmed for The Long Walk, but if they are, it’ll be interesting to see how they both tackle their respective roles. (Source: deadline.com)

(ROHN ROMULO)

Mas mabigat na parusa vs illegal foreign workers

Posted on: June 12th, 2024 by @peoplesbalita No Comments

NAIS ni Bicol Saro Partylist Rep. Brian Raymund Yamsuan na mapatawan ng mas mabigat na parusa ang mga dayuhang nagtatrabaho sa bansa ng iligal kabilang na ang pagkakakulong ng hanggang 6 na taon at mataas na multa.

Sa House Bill 1279, pinatataasan nito sa P50,000 ang kasalukuyang nakasaad sa batas na P10,000 multa sa bawat taon ng pagtatrabaho nito ng iligal. Kasunod na rin ito sa pagkakaaresto nitong nakalipas na linggo ng may 37 Chinese nationals dahil sa pagpapatakbo ng illicit retail at restaurant operations sa Parañaque City.

Naghain din ang mga senadot ng resolusyon para sa pagsasagawa ng imbestigasyon sa reklamo ng ilang may-ari ng Multinational Village homeowners sa Barangay Moonwalk kaugnay sa pagdagsa ng Chinese nationals na pinagsususpetsahang sangkot sa illegal Philippine Offshore Gaming Operations (POGOs) sa naturang subdibisyon.

Inaresto din ng pulisya ang 10 Chinese nationals noong Mayo 2, sa Multinational Village, dahil sa umano’y human trafficking.

“We certainly welcome foreign nationals in our country if they have valid employment permits (EPs) and if they do not compete with our equally, and at most times better, skilled workforce. But we should draw the line when it comes to foreigners who not only work here illegally, but also pose a threat to the peace and order in our communities,” ani Yamsuan.

Nakasaad sa HB 1279, na ang mga nonresident foreign nationals na may EPs ngunit piniling magpalipat sa ibang trabaho o employer ng walang notice at pag-apruba mula sa Secretary of the Department of Labor and Employment (DOLE), ay pagmumultahin ng P50,000 hanggang P100,000.

Habang ang employer o authorized representative na nag-hire ng nonresident foreign nationals para magtrabaho ng iligal sa bansa ay pagmumultahin naman ng mula P100,000 hanggang P200,000. (Vina de Guzman)

Ads June 12, 2024

Posted on: June 12th, 2024 by @peoplesbalita No Comments

DBM, aprubado ang paglikha ng 89 plantilla positions sa National Museum

Posted on: June 12th, 2024 by @peoplesbalita No Comments

INAPRUBAHAN ng Department of Budget and Management (DBM) ang naging kahilingan ng National Museum of the Philippines (NMP) para sa ‘organizational at staffing changes’ kabilang na ang paglikha ng 89 karagdagang permanent positions.

Ang pagpayag ng DBM ay pagkilala sa mahalagang papel ng cultural heritage at kasaysayan sa economic development ng bansa at para tumulong na madagdagan ang operasyon ng National Museum.

“We believe that these organizational and staffing changes will significantly enhance the National Museum’s operations, allowing the agency to better serve the public and fulfill its mission to preserve and promote our cultural heritage,” ayon kay Budget Secretary Amenah Pangandaman.

“Nais po ni Pangulong Bongbong Marcos na kasama sa ating national agenda ang pagpapalakas sa turismo at pangangalaga sa ating pagkakakilanlan. Kaya naman po patuloy pong bibigyang suporta ng DBM ang NMP at mga programa nito,” dagdag na pahayag ng kalihim.

Sa ilalim ng Republic Act (RA) No. 11333 o National Museum of the Philippines Act, “the NMP is regarded as the primary institution for the management and development of museums and collections of national scope or significance in the areas of arts, cultural heritage, and natural history, to protect, preserve, study, and promote national patrimony.”

“The creation of 89 plantilla positions in various units of the NMP across the country will support the existing staff of the agency, as well as further enhance its operations,” ayon sa departamento.

Ang iba pang organizational modifications na inaprubahan ng DBM ay ang pagbabago sa nomenclature ng nakatitiyak na unit upang malinaw na ipahiwatig ang ‘specific roles, functions, at activities’ nito at maging ang ‘reclassification at conversion’ ng siguradong posisyon para suportahan ang NMP sa pagganap sa mahalagang tungkulin gaya ng pagbibigay ng ‘lectures/gallery talks, paghahanda ng reports at iba pang dokumento, at pagsasagawa ng iba pang technical at general support-related tasks.

Samantala, inaprubahan din ang paglilipat ng ilang posisyon mula sa isang unit tungo sa iba pa.

Nakapaloob naman sa Notice of Organization, Staffing and Compensation Action na ipinalabas ng DBM ang pag-apruba sa ‘organizational at staffing modifications’ ng museum noong May 21, 2024. (Daris Jose)

May delayed telecast sa ALLTV: Gabi ng Parangal ng ‘The 7th EDDYS’, tuloy na tuloy sa July 7

Posted on: June 12th, 2024 by @peoplesbalita No Comments

MAS maningning at kaabang-abang ang awards night ng ‘The 7th EDDYS’ ng Society of Philippine Entertainment Editors (SPEEd) ngayong 2024.

Ang ika-7 edisyon ng The EDDYS (Entertainment Editors’ Choice) ay gaganapin sa darating na July 7, sa Ceremonial Hall ng Marriott Grand Ballroom, Pasay City.

Mapapanood naman ang delayed telecast ng idaraos na Gabi ng Parangal sa ALLTV sa darating na July 14, 10 p.m.

Muli itong ididirek ng award-winning actor at filmmaker na si Eric Quizon. Siya rin ang nagdirek sa ika-6 edisyon ng The EDDYS nitong nagdaang taon.

Ang Brightlight Productions naman ang magsisilbing line producer ng awards night.

Sa pakikipagtulungan ng Newport World Resorts, ALLTV at Sound Check, kasama pa rin ng SPEEd sa pagtatanghal ng The 7th EDDYS ang Globe Telecom bilang major sponsor.

Katuwang din ng grupo ngayong taon ang Beautéderm ni Rhea-Anicoche Tan, Unilab, Camille Villar, former Ilocos Sur Governor Chavit Singson at ang Echo Jam.

Ipagkakaloob ng 14 acting at technical awards, na pipiliin mula sa mga nominadong pelikula na ipinalabas sa mga sinehan at ilang digital platforms noong 2023.

Tulad sa mga nakaraang taon, magsisilbing highlight ng event ang pagbibigay-pugay sa bagong batch ng EDDYS Icons na itinuturing nang mga haligi ng movie industry.

Una na nga riyan ang posthumous award para sa yumaong comic strip creator, movie producer at direktor na si Carlo J. Caparas para sa natatangi niyang kontribusyon sa Philippine movie industry.

Ang Movie Icon Awards naman ngayong 2024 ay ibibigay kina Nova Villa, Leo Martinez, Lito Lapid, Eva Darren at Gina Alajar bilang pagkilala sa hindi matatawarang pagmamahal, dedikasyon at patuloy na paglaban para mas maiangat pa ang kalidad ng bawat pelikulang Pilipino.

Ang ilan pa sa mga special award na ipamamahagi ay ang Isah V. Red Award (ang mga walang sawang tumutulong at nagbibigay inspirasyon sa mga kababayan nating nangangailangan), at ang Joe Quirino Award at Manny Pichel Award (para sa mga natatanging miyembro ng entertainment media).

Pararangalan din sa awards night ang Rising Producer of the Year.

Bilang pagkilala naman sa mga naging bahagi ng muling pagbangon ng Philippine movie industry, isang special award din ang ibibigay sa gabi ng parangal – ang The EDDYS Box Office Heroes.
Igagawad ang special award kina Dingdong Dantes, Marian Rivera, Alden Richards, Julia Montes, Kathryn Bernardo at Piolo Pascual.

Ang annual event na ito, na mula sa samahan ng mga entertainment editors sa Pilipinas, na binubuo ng mga current at former entertainment editors ng mga leading broadsheet, top tabloid newspaper at online portals sa Pilipinas sa pangunguna ng presidente na si Salve Asis ng Pilipino Star Ngayon at Pang-Masa.

***

SA Friday, June 14 na magsisimula ang 3-day TOYCON PH (The Philippine Toys, Hobbies and Collectibles Convention).

Ang TOYCON Evolution 2024 ay gaganapin sa SMX Manila, Pasay City, na hanggang June 16, araw ng Linggo.

Isa sa dapat abangan, ang pagbubukas ng Freddy’s Sari Sari Store ng Funko Funatic Philippines na kung saan mabibili ang Funko exclusive for TOYCON MNDSTYL FANX 2024, Freddy Funko – Funko Philippines.

Limited lang ito for 3,000 pcs. and available din ang Funko exclusive tee na limited to 500 pcs. at sa bibili ng Pop! or Tee, makakuha ng isang limited enamel pin, na ten design to collect, na distributed to other Funko retailers.

Required ang TOYCON ticket to purchase this item.

Mabibili ito sa SM ticket outlets or through this link: https://smtickets.com/events/view/13012

Ayon pa kay Nikko Lim, founder ng FFP, “100% of the proceeds will be used in our various Funatics Give Back charity drives.

“I suggest also, na everyday sila pumunta, not just one day, dahil iba-iba ang mangyayari. Different guest performers, may games and prizes, meet and greet. It’s a whole weekends event.
“Sa Friday, meron tayong ribbon cutting and opening at 10 a.m., nandun si Sir Rico Hizon at Janno Gibbs, na collector din.

“Jed Madela, our co-collector is also performing on Sunday.

“See you all there, Funatics!”

(ROHN ROMULO)

Cellphone ban sa klase inihain na sa Senado

Posted on: June 12th, 2024 by @peoplesbalita No Comments

Isinulong na sa Senado ang panukalang ipagbawal ang paggamit ng mobile device at electronic gadgets sa mga paaralan sa oras ng klase.

Sa ilalim ng Electronic Gadget-Free Schools Act (Senate Bill No. 2706) na inihain ni Sen. Sherwin Gatchalian, sakop ng panukala ang mga mag-aaral sa kindergarten hanggang senior high school sa mga pampubliko at pribadong paaralan. Ipagbabawal din sa mga guro ang paggamit ng mga mobile devices at electronic gadgets sa oras ng klase.

Bagama’t naniniwala si Gatchalian na mahalaga ang papel ng mga mobile devices at electronic gadgets sa edukasyon, binigyang diin niya na maaari rin silang makapinsala sa pag-aaral, lalo na kapag nakakaabala sila sa oras ng klase.

Lumabas sa resulta ng 2022 Programme for International Student Assessment (PISA) na 8 sa 10 mga 15-taong-gulang na mag-aaral ang iniulat na naabala sila sa paggamit ng smartphone sa klase. Parehong bilang ng mga mag-aaral ang nagsabing naabala sila ng paggamit ng ibang mag-aaral ng smartphone sa oras ng klase. Lumalabas din sa resulta ng PISA na nauugnay ang pagkakaabala na dulot ng paggamit ng smartphone sa pagbaba ng 9.3 points sa mathematics, 12.2 points sa science, at 15.04 sa reading.

Ngunit may mga pagkakataon namang maaari pa ring gumamit ng mga smartphones at electronic gadgets. Halimbawa ng mga ito ang classroom presentation at iba pang mga gawain.

Sa 2023 Global Education Monitoring Report, 13% ng mga bansa sa mundo ang may mga batas na nagbabawal o naghihigpit sa paggamit ng mobile phones sa mga paaralan, habang 14% ang mga may polisiya, estratehiya, o mga pamantayan para sa parehong layunin.

Iwa, nag-comment ng ‘let’s celebrate’: Kasal ni JODI kay PAMPI, na-annul na after 13 years

Posted on: June 12th, 2024 by @peoplesbalita No Comments

MATAPOS ang labing-tatlong taon na paghihintay, na-annul na ang kasal ni Jodi Sta. Maria kay Pampi Lacson.

Sa pamamagitan ng kanyang Instagram post, ibinahagi ni Jodi ang magandang balita, kasama ng isang quote at picture niya sa Instagram page.

Mababasa sa quote, “So I close my eyes to old ends, and open my heart to new beginnings.”

“Finally after 13 years of waiting, my petition for nullity of marriage has been granted by the Supreme Court.

“It was indeed a test of faith and trust — FAITH in God’s promises and TRUST in God’s timing,” panimula niya.

“The time I spent in His waiting room was never easy nor was it comfortable. It was frustrating, discouraging, and even heartbreaking. I cried, prayed, questioned and complained. I made “tampo,” asked for forgiveness, prayed some more. I wanted to give up but He never let go of me.”

Pagpapatuloy ng award-winning actress, “Looking back it was His grace that sustained and carried me. He had a purpose for the waiting. And that was made clear to me by the Lord.

“I know some of you might be in His waiting room. May I encourage you with this? “When the time is right, I, the Lord, will make it happen.” – Isaiah 60:22

“God is never in a hurry. He is never too late. Never too early. Believe He is able to do something about your situation. Trust He has a plan for you and that plan is even better than the one you have for yourself.

“And when God finally calls you out of the waiting room, don’t forget to thank Him and give Him all the glory.”

Panghuli sa mahabang post, pinasalamatan ni Jodi ang mga taong nakasama at nakatulong sa kanyang journey…

“Before I end this already lengthy post, please allow me to thank the people who were with me on this journey. My prayer warriors you guys know who you are – salamat for standing with me in prayer And to my lawyer and friend, @conniejaquino of Calleja Law Office for the guidance, patience, and friendship. Thank you for never giving up on my case.

“Now I can finally say…CASE CLOSED.”

Nagbigay naman ng congratulatory messages ang ilan sa mga fan at celebrity friends ni Jodi, kasama na rito na ang dating aktres at partner ngayon ni Pampi na si Iwa Moto.

Say niya, “Let’s celebrate. Love you amor!”, na sinagot niya ng, “we should! Pagbalik nyo.”Comment naman ni Coney Reyes, “Jodi! Congratulations! Your long wait is over! Big, big hug, anak! God’s timing is always so perfect. Love you.”

Ilan pa sa bumati kay Jodi sina Iza Calzado, Shaina Magdayao, Roderick Paulate, Sunshine Cruz, Rita Avila, Chery Pie Picache, Janine Gutierrez, Gabbi Garcia, Donita Rose at marami pang iba.

(ROHN ROMULO)

Ipagbawal at gawing krimen ang operasyon ng POGO sa bansa, inihain ng mambabatas

Posted on: June 12th, 2024 by @peoplesbalita No Comments

PINANGUNAHAN ni House Deputy Minority Leader at ACT Teachers Party-List Rep. France Castro ang paghahain ng panukalang magbabawal at gawing krimen ang operasyon ng Philippine Offshore Gaming Operators (POGOs) sa bansa.

Sa panukalang “Anti-POGO Act,” idedeklara ang polisiya ngestado na ipagbawal o i-ban ang POGOs na “increasingly become a social menace and a source of unimaginable corruption” by mocking Philippine laws against money laundering, immigration violations, tax evasion, and other criminal offenses.

Ayon kay Castro, dala rin ng pogo ang ilang krimen na pinatunayan ng ilang police raids – tulad ng rape, murder, illegal recruitment, human trafficking, prostitution, illegal detention, inhumane labor practices, money laundering, and immigration bribery at iba pa.

Pinababawi rin ng panukala ang lahat ng lisensiyang ibinigay sa pogo.

Pagbabawalan din ang mga ahensiya ng gobyerno na magbigay ng work permits at visas na may kaugnayan sa offshore gaming, at kinakailangang magsumite ng annual compliance report mula sa kaukulang ahensiya.

Kasama ni Castro sa paghahain ng panukala sina Reps. Arlene Brosas (Gabriela Women’s Party) at Raoul Danniel Manuel (Kabataan Party-List.

“We call on our colleagues in Congress to swiftly approve this bill that will protect Filipino families and communities from the proliferation of crimes and social ills brought about by POGOs,” pagtatapos ni Castro. (Vina de Guzman)

Bebot na ‘tulak’ laglag sa P238K droga sa Valenzuela

Posted on: June 12th, 2024 by @peoplesbalita No Comments

MAHIGIT P.2 milyong halaga ng shabu ang nasamsam ng pulisya sa isang babae na umano’y tulak ng illegal na droga matapos madakip sa buy bust operation sa Valenzuela City, Martes ng madaling araw.

Kinilala ni Valenzuela police chief P/Col. Nixon Cayaban ang naarestong suspek na si alyas Noezel, 36, (SLI/Pusher) ng Brgy. Marulas.

Sa kanyang report kay Northern Police District (NPD) Director P/BGen. Rizalito Gapas, sinabi ni Col. Cayaban na dakong alas-4:35 ng madaling araw nang maaresto ang suspek ng mga operatiba ng Station Drug Enforcement Unit (SDEU) sa Liwayway St. Brgy., Marulas.

Nauna rito, nakatanggap ng impormasyon ang mga operatiba ng SDEU hinggil sa pagbebenta umano ng suspek ng shabu kaya ikinasa nila ang buy bust operation kontra sa kanya.

Nang tanggapin ng suspek ang isang P500 bill na may kasamang walong pirasong P1,000 boodle money mula sa pulis na nagpanggap na buyer kapalit ng isang plastic sachet ng shabu ay agad siyang inaresto ng mga operatiba.

Nakumpiska sa suspek ang nasa 35 grams ng hinihinalang shabu na may standard drug price value na P238,000.00, buy bust money, P300 recovered money, cellphone at coin purse.

Ayon kay PMSg Ana Liza Antonio, kasong paglabag sa Sections 5 at 11 under Article II of RA 9165 (Comprehensive Dangerous Drug Act of 2002) ang isasampa nila laban sa suspek sa Valenzuela City Prosecutors Office.

Pinuri naman ni Gen. Gapas ang Col. Cayaban at ang kanyang mga tauhan sa kanilang matagumpay na operation kontra ilegal na droga na nagresulta sa pagkakaaresto sa suspek. (Richard Mesa)