2024 June Archive - People's Balita

Archive for June, 2024

Experience The Best Of British Theater A Second Time Around (part 2)

Posted on: June 12th, 2024 by @peoplesbalita No Comments

IN Jack Thorne’s The Motive and Cue, audiences are offered a glimpse into the politics of a rehearsal room and the relationship between art and celebrity. Coming to Ayala Malls Cinemas in Greenbelt, Makati on August 27, Richard Burton, newly married to Elizabeth Taylor, will play the title role in an experimental new Broadway production of Hamlet under John Gielgud’s exacting direction. But as rehearsals progress, two ages of theater collide and the collaboration between actor and director soon threatens to unravel.

Theater lovers and moviegoers at Ayala Vertis North and Ayala Center Cebu will have the chance to see Vanya on August 27.

Directed by Academy Award-winner Danny Boyle, with adaptation by Nick Dear, Frankenstein will return to the Ayala Malls Cinemas in Greenbelt, Makati on September 24. The thrilling, deeply disturbing Mary Shelley classic combines scientific responsibility, parental neglect, cognitive development and the nature of good and evil. Child-like in his innocence but grotesque in form, Frankenstein’s bewildered creature is cast out into a hostile universe by his horror-struck maker. Meeting with cruelty wherever he goes, the increasingly desperate and vengeful Creature determines to track down his creator and strike a terrifying deal.

Captured live on stage in 2011, the sold-out production stars Benedict Cumberbatch and Jonny Lee Miller, alternating between the roles of Victor Frankenstein and his creation. For September 24, Miller will be playing as the Creature.

The Motive and Cue will be shown at Ayala Vertis North and Ayala Center Cebu on September 24.

Come October 30, Fleabag will return to the Ayala Malls Cinemas in Greenbelt, Makati for the third time. Frankenstein, this time with Benedict Cumberbatch as the Creature, will premiere at Ayala Vertis North and Ayala Center Cebu on same day.

Witness Nye’s mind-bending life journey on November 26 at the Ayala Malls Cinemas in Greenbelt, Makati.

In Tim Price’s opus, Aneurin “Nye” Bevan confronted death in the eye, as he recollects his deepest memories from his childhood to mining underground, and his fights with Churchill

Benedict Cumberbatch plays the title role of yet another great Shakespearean tragedy, Hamlet, premiering on November 26, at Ayala Vertis North and Ayala Center Cebu. As the country arms itself for war, a family tears itself apart. Forced to avenge his father’s death but paralyzed by the task ahead, Hamlet rages against the impossibility of his predicament, threatening both his sanity and the security of the state. The play is directed by Lyndsey Turner.

Closing the 2024 CCP NTL’s lineup, Hamlet will return to the Ayala Malls Cinemas in Greenbelt, Makati on December 17. Dear England will premiere on the same day at Ayala Vertis North and Ayala Center Cebu.

Witness the magic of London National Theatre through CCP National Theatre Live. First launched in June 2009, the National Theater Live is a groundbreaking project to broadcast the best of British theatre live from the London stage to cinemas across the United Kingdom, around the world, and now in the Philippine shore.

Digitally filmed in high-definition quality, the NTL films their plays in front of live theater audiences, but optimized for the big screen and made accessible to theater fans across the globe.

(ROHN ROMULO)

Lalaki himas-rehas sa panghihipo sa wetpaks ng dalagita

Posted on: June 12th, 2024 by @peoplesbalita No Comments

REHAS na bakal ang hinihimas ngayon ng 48-anyos na lalaki na dumakma at pumisil sa wetpaks ng isang dalagita matapos siyang maaresto makaraang makahingi ng tulong ang biktima sa kapitbahay nilang pulis sa Caloocan City.

Sa ulat ni P/MSg Marjun Tubongbanua kay P/Col. Nixon Cayaban, hepe ng Valenzuela Police Station, dakong alas-12 ng tanghali nang lumabas ng kanilang bahay ang 15-anyos na dalagita matapos utusan ng kanyang tiyahin na bumili sa kalapit na tindahan sa kanilang lugar sa Brgy. 171, Caloocan City.

Hindi pa nakakalayo ang dalagita nang biglang sumulpot sa kanyang likuran ang suspek na si alyas “Macaraeg” at may pagnanasang dinakma at pinisil umano ang wetpaks ng biktima.

Nang lumingon ang biktima, nakita niya ang mahalay at malisyosong pigura ng suspek kaya sa labis na takot ay nagtatakbo itong umuwi para isumbong sa tiyahin ang kamanyakan ng lalaki.

Ayon pa kay MSg. Tubongbanua, patungo na siya sa Valenzuela Police Station kung saan siya nakatalaga nang masalubong niya ang biktima na nakayapak at nanginginig pa sa takot, kasama ang kanyang tiyahin kaya tinanong niya ang mga ito kung anu ang nangyari.

Matapos namang sabihin ng biktima ang ginawa sa kanya ng suspek at ang itsura saka ang suot nitong damit ay kaagad na tinugis ni MSg. Tubongbanua si ‘Macaraeg’ hanggang makorner, may 100-metro ang layo sa pinangyarihan.

Nanlaban pa at nagtangkang tumakas ang suspek subalit, nagawa siyang padapain ng pulis hanggang tuluyang madakip habang positibo namang kinilala ng biktima si ‘Macaraeg” na siyang nag-manyak sa kanya. (Richard Mesa)

Pinas, dapat maging handa sa gitna ng mga napaulat na external threats-PBBM

Posted on: June 12th, 2024 by @peoplesbalita No Comments

DAPAT na maging handa ang Pilipinas sa gitna ng napaulat na external threats bilang resulta ng umiigting na geopolitical tension sa Indo-Pacific.

Sinabi ni Pangulong Ferdinand R. Marcos Jr. sa mga miyembro ng 5th ID ng Philippine Army sa Camp Melchor dela Cruz sa Gamu, Isabela, ang distansiya ng Pilipinas sa Taiwan ang naglagay sa ‘area of interest’ ng Tsina kaya mahalaga na ang hilagang bahagi ng Pilipinas ay “well-prepared’ para sa anumang kaganapan.

“And that is why — the external threat now has become more pronounced, has become more worrisome. And that is why we have to prepare,” ang sinabi ng Pangulo sa mga miyembro ng 5th ID.

“So, that is the mission that you have before you. Now, you have two missions, whereas before it was only internal security,” dagdag na wika nito sabay sabing “while the Philippines isn’t taking territory, its leadership has to reorient its thinking and must adopt full commitment to defend the country’s territory.”

Bukod pa sa, kailangan din ng pamahalaan na maugnay sa iba’t ibang pagsisikap para mapanatili ang kapayapaan sa rehiyon gaya ng sa pamamagitan ng diplomasiya.

“We are not trying to take territory. We are not trying to redraw the lines of sovereign territory, the EEZ, the baseline,” aniya pa rin.

“Hindi natin binabago anything na kahit isang — not even one inch. Ngunit hindi tayo puwedeng pumayag na kukunin naman ‘yan sa atin.” ayon sa Punong Ehekutibo.

At dahil sa nagbabagong geopolitical landscape at paglutang ng mga bagong pagbabanta, nagdesisyon ang gobyerno na isama ang Cagayan bilang Enhanced Defense Cooperation Agreement (EDCA) site sa pamamagitan ng pakikipagtulungan sa Estados Unidos, pinakamalapit na military ally.

Sa kabilang dako, tinuran pa ni Pangulong Marcos, kabilang sa 5th ID’s mission ay ang territorial defense mula sa external threats, binigyang-diin nito ang kahalagahan na bigyan ang AFP ng equipment, pagsasanay, at pasilidad upang maging ‘highly capable force’ ito.

Sakop ng Joint Task Force (JTF) Tala ang bahagi ng Ilocos at Cagayan Valley regions at ang buong Cordillera Administrative Region, pangangasiwaan ang 501st, 502nd, at 503rd Infantry Brigades, Joint Task Group Baguio, Philippine Air Force (PAF) Tactical Operations Group 1, at ang Tactical Operations Group 2.

Kabilang naman sa kasalukuyang domestic security threats ay ang Ilocos-Cordillera Regional Committee (ICRC) at Komiteng Rehiyon Cagayan Valley (KRCV) groups.

Matatandaang, idineklara naman noong October 10, 2022 na insurgency-free ang lalawigan ng Quirino at ang Nueva Vizcaya noong December 18, 2023, at maging ang ibang bahagi ng Isabela (Ilagan City at ilang munisipalidad).

Nalansag naman ng government forces ang apat na communist terrorist group (CTG) operating units: dalawang KRCV (September 2022); isang KRCV at isang Komiteng Larangan Guerilla-ICRC noong Disyembre ng nakaraang taon. (Daris Jose)

SSS, muling inilunsad ang pension boosters

Posted on: June 12th, 2024 by @peoplesbalita No Comments

MAAARING mag-invest ang mga miyembro ng Social Security System sa kanilang pension fund dahil muling inilunsad ng SSS ang kanilang Pension Booster program.

Kilala noon bilang Workers and Investment Savings Program o WISP at WISP Plus, sinabi ni SSS President at CEO Rolando Macasaet na hinihikayat nila ang mga professionals at middle class workers na magdagdag pa sa kanilang pension savings bukod pa sa kanilang buwanang kontribusyon.

Sa ilalim ng revised scheme, ang WISP ay tatawagin bilang My SSS Pension Booster Mandatory, habang ang WISP Plus ay tatawagin naman bilang My SSS Pension Booster Voluntary. Ang bagong voluntary program ay nag-aalok sa mga miyembro ng minimum na P500 para palakasin ang kanilang pondo. Wala namang limit sa kung paano sila mag-iimpok ng pera.

“Ang Pension Booster po ay for people na may sobrang pera po. Halimbawa, OFWS, seafarers, doctor, dentista, mga empleyado ng gobyerno na member din ng SSS.Habang may kaya pa kayo, matigas pa ang tuhod, hindi na kung ano-ano nang investments,” ayon kay Macasaet.

Magsisimula sa P500 ang boluntaryong pagbabayad sa Pension Booster.

Pinapayagan naman ng flexible terms ang mga miyembro na mag-withdraw mula sa Pension Booster ‘in case of emergency.’ Ang kapabayaan sa pagbabayad ay hindi makaaapekto sa kontribusyon ng mga miyembro.

Gayunman, hinikayat ng SSS ang mga miyembro na panatilihin ang pagi-ipon ng pondo sa loob ng limang taon para ma-maximize ang tinatantiyang 7.2% na annual interest rate.

Ayon kay Macasaet, ang Pension Booster ay isang oportunidad para sa mga miyembro na magkaroon ng kanilang pension savings kagaya ng mga miyembro ng Government Service Insurance System (GSIS).

Ang share ng employer sa GSIS contributions ay 12% habang ang mga empleyado naman ay nagko-contribute ng 9% ng kanilang sahod.

Ang SSS contributions ay pinaghahatian ng empleyado at employer na may 14% contribution rate subalit sa Social Security Act, tanging P3,000 ang maximum na pinapayagan sa sahod ng empleyado para ma-cover.

Ang mga miyembro na kumikita ng mas higit pa sa P20,000 ay ‘automatically enrolled’ sa Pension Booster, kung saan pinapayagan ang mga miyembro na kumita ng mas higit pa sa contribution ceiling.

“Tumutulong ako sa mga miyembo namin na malaki ang kita pero nagrereklamo na maliit ang pension…It depends kung magkano ang iko-contribute mo depende sa edad. 25 (years old) kayo, 30 (years old) kayo, magdagdag ka lang ng P500 a month, siguro may additional ka nang P5,000 to P10,000 a month for life, ” ayon kay Macasaet.

Ang lahat ng SSS members ay maaaring mag-avail ng MySSS Pension Booster.

Ang enrollment ay maaaring gawin online sa pamamagitan ng SSS Member Portal sa ilalim ng WISP, na sa huli ay pinalitan ng Pension Booster.

Ang collection partners gaya ng mga bangko at Bayad Centers ang siyang magpo-proseso ng pagbabayad. (Daris Jose)

Pag-aaral sa umento sa sahod ng mga gov’t workers’, posibleng matapos ngayong Hunyo

Posted on: June 12th, 2024 by @peoplesbalita No Comments

SINABI ng Department of Budget and Management (DBM) na ang nagpapatuloy na pag-aaral para sa posibleng umento sa sahod ng mga manggagawa sa gobyerno ay target na makumpleto sa pagtatapos ng Hunyo ngayong taon.

Sa isang kalatas, sinabi ng DBM na ang Compensation and Benefits Study para sa salary adjustments ng mga manggagawa sa gobyerno ay isinasapinal na.

Ayon sa departamento, lubusang sinaliksik ng pag-aaral ang iba’t ibang aspeto ng kasalukuyang compensation system, kabilang na rito ang sahod, benepisyo at allowances, para tukuyin ang “areas for improvement.”

Kabilang sa nasabing pag-aaral ang benchmarking activities laban sa pribadong sektor at ang hangarin na magtatag ng ‘fair at sustainable pay structure” na makapagpapahusay sa kapakanan at pagiging produktibo ng mga manggagawa sa gitna ng epekto ng inflation.

“The results of the study will likewise serve as the basis for making necessary changes in the Total Compensation Framework of civilian government personnel to ensure fair and timely salary adjustment for government workers,” ayon sa DBM.

Sa oras na maisapinal na ang pag-aaral, ang resulta ayon sa Budget Department ay ipi-presenta sa DBM at sa Governance Commission ng government-owned and controlled corporation (GOCC).

“The DBM assures its readiness to support the implementation of the salary adjustment once approved, to ensure a competitive and equitable compensation package for our civil servants,” ayon sa kalatas.

“We will find a way to fund its implementation, subject to excess revenue to be collected by the national government,” ang nakasaad sa kalatas. (Daris Jose)

3 illegal na nangingisda sa Navotas, timbog sa Maritime police

Posted on: June 12th, 2024 by @peoplesbalita No Comments

ARESTADO ang tatlong kalalakihan matapos maaktuhang illegal na nangingisda sa karagatan na sakop ng Navotas City, kaugnay sa All Hands Full Ahead na ikinasa ng mga tauhan ng Northern NCR Maritime Police Station/Maritime Law Enforcement Team MLET BASECO.

Ayon sa inisyal na report, nagsagawa ng Seaborne Patrol Operation ang mga tauhan ng MLET BASECO sa pangunguna ni PEMS Antonio V Verzo, MLET BASECO, Team Leader, sa ilalim ng pamumuno ni PMAJ John Stephanie Gammad, hepe ng Northern NCR MARPSTA, kaugnay sa All Hands Full Ahead sakay nang loaned Banca sa karagatan na sakop ng Navotas City.

Dito, naispatan ng tauhan ni Major Gammad ang isang puting motorized fishing banca na may markings na “FBCa DHENNY CRUS” na illegal na nangingisda sa naturang lugar gamit ang active gear o tinatawag na (Trawl).

Dahil malinaw na paglabag ito Section 95 (Use of Active Gear in Municipal Waters, Bays and other Fishery Management Areas), at Sec. 86 (Unauthorized Fishing) sa ilalim ng R.A. 10654 ay inaresto ng mga tauhan ng Northern NCR MARPSTA ang kapitan ng naturang bangka at dalawang crew nito.

Nakumpiska sa mga dinakip ang kanilang Fishing Banca na may gross tonnage na 4.90, ang makina nito na Mitsubishi 67.11 KW, fish net na may humigit kumulang 200 metro, at tatlong banyera ng Alamang na may humigit kumulang 18 kilos.

Mahaharap ang mga suspek sa kasong paglabag sa Section 86 (Unauthorized Fishing), at Section 95 (Use of Active Gear in Municipal Waters, Bays and Fishery Management Areas) of R.A. 10654. (Richard Mesa)

DBM, aprubado ang 25 permanent posts para sa teacher education Council ng DepEd

Posted on: June 12th, 2024 by @peoplesbalita No Comments

INAPRUBAHAN ng Department of Budget and Management (DBM) ang paglikha ng 25 permanent positions pra sa Teacher Education Council (TEC) Secretariat sa ilalim ng Department of Education (DepEd).

Ang mga bagong posisyon ay kabilang sa organizational structure and staffing pattern (OSSP) para sa TEC Secretariat, na inaprubahan ni Budget Secretary Amenah Pangandaman noong May 21.

Ani Pangandaman, ang hakbang ay alinsunod sa Republic Act No. 11713, o Excellence in Teacher Education Act, at tugon sa direktiba ng Pangulo na gumawa ng hakbang para pagtibayin ang kapakanan ng mga guro sa iba’t ibang panig ng bansa.

“ Ang sabi nga po ni Pangulong Bongbong Marcos, kailangan nating magpatupad ng mga konkretong hakbang para isulong ang kapakanan ng ating mga guro ,” ayon sa Kalihim.

“ Kaya naman po, sisiguruhin nating mabibigyan ng suporta ang mga programa na magpapaangat sa kalidad ng kanilang pagtuturo,” dagdag na wika nito.

Tinitiyak naman ng TEC ang probisyon ng de-kalidad na edukasyon at pagsasanay ng mga guro sa pamamagitan ng pagtatatag ng scholarship program para sa mga ‘deserving students’, pagsusulong ng education degree programs, at itulak ang graduate degree programs para sa mga guro at school leaders at makapagbigay ng isang ‘dynamic, modern, at equitable education system.’

Para suportahan at tulungan ang Council sa pagganap sa tungkulin at implementasyon ng mga proyekto at programa, kinokonsidera ang paglikha ng apat na organizational units sa ilalim ng Secretariat.

Kabilang dito ang Office of the Executive Director, Student Incentives Support Office, Quality Pre-Service Teacher Education Office, at Quality Teaching Office.

Ang paglikha ng bagong organizational units at posisyon para sa TEC Secretariat ay kinonsidera na magbibitbit ng mandatong tungkulin nito na epektibo at episyente. (Daris Jose)

Malabon LGU naglunsad ng job fair para sa mga benepisyaryo ng 4Ps

Posted on: June 12th, 2024 by @peoplesbalita No Comments

NAGLUNSAD ng job fair ang Pamahalaang Lungsod ng Malabon para sa mga benepisyaryo ng Pantawid Pamilyang Pilipino Program o 4Ps kahapon, Martes.

Ito ay pinangunahan ng Malabon Public Employment Service Office (PESO) sa pakikipagtulungan ng Department of Social Welfare and Department (DSWD) na layong magbigay ng bagong oportunidad sa 4Ps beneficiaries.

Ka-partner din ng PESO sa naturang job fair ang iba’t ibang companies na handang magbigay ng trabaho para sa mga nangangailangan na ginaganap sa Malabon Sports Center at tatagal hanggang alas-4 ng hapon.

Kabilang sa mga trabahong maaaring aplayan sa naturang job fair ang service crew, maintenance worker, welder, accounting staff, delivery rider, at iba pa.

Umaasa naman si Malabon Mayor Jeannie Sandoval na maraming 4Ps beneficiaries ang makilahok sa job fair para makatulong sa pag-angat ng kanilang pamumuhay.
(Richard Mesa)

Nalungkot din sa hiwalayang Kathryn at Daniel: CES, kilalang-kilala si MARTIN kaya confident sa pagkatao nito

Posted on: June 12th, 2024 by @peoplesbalita No Comments

NAKASAMANG muli ng beteranang aktres na si Ces Quesada sina Kathryn Bernardo at Daniel Padilla sa ‘2 Good To Be True’ (2022) ng Kapamilya Channel, kaya nalungkot siya nang mag-break ang magkasintahan.

“Uy nalulungkot ako ha,” pahayag ni Ces nang makausap namin sa mediadon ng ‘Padyak Princess’ ng TV5.

“Alam mo si Kath at si Daniel nakasama ko ang mga iyan sa Princess and I (2012) pa, hindi pa sila noon.”

Dagdag pa ni Ces, “By the end of the series lang yata sila napapabalita noon. So ganung katagal ko na silang nakilala.

“Ngayon, nung narinig ko na ano, nalungkot ako kasi napaka-sweet ng dalawang iyon. Sila yung tipong alam mo naman na sikat na sikat pero sila yung unang bumabati sa iyo, walang hangin sa ulo palagi kang tinatanong kung kumusta ka na, ganyan-ganyan.

“So malungkot siyempre, na-shock ako siyempre kasi sa mga nakikita ko naman dati parang ano naman sila, maigi naman, oo.

“Hindi ko naman sila kasama panay-panay ano, pero ang tagal, tsaka kumbaga sa observation ko sa tuwing magsasama o magge-guesting kami e ayos naman.”

Sa tingin ba niya ay may tsansa pang magkabalikan ang dalawa?

“Naku hindi natin alam iyon. Kung magkabalikan well masaya siguro, maraming sasaya pero kung hindi man, siguro masaya din sila sa kani-kanilang desisyon.”

Kasama nga si Ces sa ‘Padyak Princess’, ang seryeng pinagbibidahan ni Miles Ocampo.

Nasa cast rin sina Ara Mina, Christian Vasquez, Cris Villanueva, Yayo Aguila, Gillian Vicencio, Jameson Blake, Jem Manicad, Joao Constancia, Karissa Toliongco, Kira Balinger, David Remo, and Miel Espinoza

Happy si Ces na pagiging freelance artist, na huling napanood sa ‘Maria Clara at Ibarra’ (2022) at ‘Royal Blood’ (2023) ng GMA. David

“Ay, siyempre masaya kasi alam mo naman na ang ating audience loyal tayo dapat sa ating audience at ang mga network e dapat… maganda nga ngayon at bati-bati na silang lahat, may collaboration.

“Ang talagang wagi diyan bukod sa aming mga workers sa industriya ay ang audience dahil nagsasanib-puwersa na silang lahat.

“Of course itong bago namang pamilya itong TV5 at siyempre masaya din naman ako dahil panibagong pamilya,” wika pa ni aktres na parte ng Artist Circle Management ng talent manager na si Rams David.

Ang ‘Padyak Princess’ ng TV5 ay napapanood Lunes hanggang Biyernes, 11:15 a.m. bago ang Eat Bulaga! sa TV5 at sa BuKo channel, 7:30 p.m.

***

PAMANGKIN ni Ces ang Kapuso hunk actor na si Martin del Rosario, at ayon sa aktres, malihim si Martin pagdating sa personal nitong buhay, tulad na lamang ng lovelife nito.

“Eversince,” lahad ni Ces, “wala pang ipinapakilala sa amin, hindi ko alam, kung dahil wala ba siyang nakikitang pangmatagalan or dahil alam niya na pag nakilala namin e talagang tatanungin namin ng kung anu-ano.

“Yang batang iyan wala talaga kaming nababalitaan. Pagka magkakasama kami at binibiro namin, aba’y tatawa-tawa lang.

“So kinakantiyawan naming madalas na, ‘Ano ba, kailan mo ba kami ipapakilala? Kahit… hindi mo naman pakakasalan kaagad.’

“Yung bang dyowa lang, kasi gusto naming kiligin… wala! Tawa lang ng tawa tapos, e darating din siguro tayo diyan, sabi ko, ‘Baka mamaya bibiglain mo lang kami.’”

Na bibiglain sila ni Martin na may nabuntis na pala ito, biro namin kay Ces.

“Ay sabi ko, ‘Dyusko ha, may mga pinsan kang babae, huwag kang ano!’

“Ibig sabihin alam natin na sa ganitong henerasyon ay iba na yung ano nila, pero ang sa akin huwag sasaktan ang babae.”

Hindi rin lingid sa kaalaman ni Ces na kinukuwestiyon ang gender o kasarian ni Martin.

“Alam mo si Martin, iyan ang isang malaking deadma na tao,” pahayag ni Ces tungkol sa isyu.

“Ako sa akin, alam ko ang totoong Martin, alam ko kung sino siya and I’m confident.”

“If ever, for the sake of argument, ito kaklaro ko ha, for the sake of argument,” pagdidiin pa ni Ces, “if ever, I mean sa akin, I will not think less of him. Kasi andami-dami kong friends na ganun ang gender, maayos silang tao.

“As long as you are a good person, gender does not matter.

“O baka ma-misquote ako niyan, ha?

“It is a non-issue for me kasi I know in my heart na hindi ganun si Mart. Nothing that would make me think na ganun siya.

“Pero in this day and age, gender should not be an issue anymore. I hope clear yun para hindi magkaroon ng doubt for those who would try to put malice into my stand on gender.

“My stand on gender is for all my friends and family and not only for Martin.”

(ROMMEL L. GONZALES)

Napa-OMG dahil sa sariling wax figure: LEA, pang-apat na Pinoy celeb sa Madame Tussauds Singapore

Posted on: June 11th, 2024 by @peoplesbalita No Comments

MAGKAKAROON na ng kanyang sariling wax figure sa Madame Tussauds in Singapore ang Filipino international star na si Lea Salonga.

Deserve ni Lea ang pagkilalang ito dahil siya ang kauna-unahang Filipino na manalo ng Tony Award para sa ‘Miss Saigon’. Tinanghal din si Lea bilang isa sa Disney Legends. Aktibo pa rin si Lea sa pag-perform on New York’s Broadway and London’s West End.

Sa Instagram account ng Madame Tussauds, naka-post ang photos at video nang pagkuha nila ng tamang measurements ng mukha at katawan ni Lea. Pati na ang pagkuha sa tamang skintone ng singer-actress.

“Shining, Shimmering, Splendid! The legendary Lea Salonga will have her very own wax figure in Madame Tussauds Singapore! Are you as excited as we are?” ayon sa caption.

Sey ni Lea: “When my manager said this is happening; that Madame Tussauds is interested in turning me into a wax figure, I was like ‘Oh, my God!’ It’s an absolute honor and privilege. It’s fantastic! I’m super delighted to be joining Madame Tussauds to get my very own wax figure. Are you ready?”

Si Lea ang ika-apat na Filipino celebrity na magkaroon ng wax figure sa Madam Tussauds in Singapore. Una ay si Miss Universe 2015 Pia Wurtzbach, pangalawa ay si Pambansang Kamao Manny Pacquiao at pangatlo ay si Miss Universe 2018 Catriona Gray.

***

NAGKOMENTO ang beteranang aktres na si Pilar Pilapil tungkol sa mga kabataang artista ngayon na napansin niyang hindi naghahanda kung minsan pagdating sa mga linya ng kanilang eksena.

“Some of them are good though. Ang problema ko lang kung minsan hindi sila masyadong nagfo-focus sa lines nila. Like for instance, before I go to the set, I prepare myself… as far as the role is concerned, and I really, really prepare my dialogues and all of that. You have to be able to be prepared in every way,” sey pa ng bagong kontrabida sa teleserye na ‘Abot-Kamay Na Pangarap.’

May ilang mga batang artista siyang nakakatrabaho na tila hindi pa kabisado o saulado ang mga linya pagdating sa shooting.

“Minsan kinakausap ko ‘yan. Privately lang. Kinakausap in the sense na, I make it come out like it’s an advice,” sey pa ni Pilar.

***

BINABAWI ng Howard University ang honorary degree na binigay nila sa rapper na si Sean “Diddy” Combs dahil sa kinakasangkutan nitong sexual assault lawsuits.

Ibabalik din ng university ang $1 million contribution ni Diddy para sa tinatag nitong scholarship.

Ayon sa statement ng HU: “The Board of Trustees voted unanimously today to accept the return by Mr. Sean Combs of the honorary degree conferred upon him in 2014. The decision revokes all honors and privileges associated with the degree. Mr. Combs’ behavior as captured in a recently released video is so fundamentally incompatible with Howard University’s core values and beliefs that he is deemed no longer worthy to hold the institution’s highest honor.“

Six women na ang nag-file ng kaso laban kay Diddy dahil sa ginawa nitong sexual assault and harassment.

(RUEL J. MENDOZA)