NAGBABALA si Alden Richards sa publiko laban sa fake tweets na ginagamit ang kaniyang pangalan, pati sina Kathryn Bernardo at Daniel Padilla.
Muling sinabi ni Alden na nais niyang maging pribado ang tungkol sa kanila ni Kathryn.
“Kahit kailan po hindi po ako magko-comment ng kahit anong defamatory words to someone na hindi ko naman masyadong nakakasama at wala naman akong karapatan na manghusga sa taong tinutukoy dun sa mga fake tweets na kumakalat.
“Ingat lang po tayo sa fake news dahil ang social media po eh pugad ng fake news, so not until ‘yung mga official accounts po ng mga artista ang nag-post nung mga tweets na kumakalat diumano, eh huwag po nating agad paniwalaan at mag-fact check po muna tayo bago tayo mag-call out ng judgement,” paalala pa ng aktor.
Muling nagkasama sina Alden at Kathryn nang kilalanin sila bilang Box Office King at Box Office Queen ng 2024.
Sa isang panayam sa magazine, nabanggit na rin ni Alden na nais niyang maging pribado kung ano man ang namamagitan sa kanila ni Kathryn na kaniyang naging malapit na kaibigan nang gawin nila ang pelikulang “Hello Love Goodbye.”
Sinabi rin ni Alden sa hiwalay na panayam na, “what you see is what you get,” ang tungkol sa kanila ng aktres.
Bibida si Alden ang upcoming series ng GMA na “Pulang Araw,” at makakasama niya sina Dennis Trillo, Barbie Forteza, David Licauco, at Sanya Lopez.
***
INAMIN ni Jestoni Alarcon na kinikilatis niya ang mga lalaking nanliligaw sa kanyang anak na si Angela.
“Actually, may mga dumadalaw sa kanya na boys sa bahay talaga. Ang gusto ko lang kasi, makilala ko. So natutuwa ako kapag nakikilala ko in person. Kung ano man ang magiging development nila, nasa kanya na ‘yon. Hindi naman ako magsasabing ‘O huwag ‘yan kasi ganiyan.’
“Tinitingnan ko rin kung okay. Kung sa tingin kong mukhang okay naman ‘yung bata, mabait naman, sa tingin ko mamahalin nang husto ‘yung anak ko, why not, ‘di ba?” kuwento ng aktor.
Si Angela naman, kinikilala rin nang mabuti ang kanyang mga manliligaw.
“Siguro it should be multiple dates po muna. I need to know first if worth it na po bang ipakilala sa parents. If genuinely I have a connection with the person, if alam ko naman ‘yung intention niya sa akin is mahal talaga niya ako, doon na po talaga ready ko siyang ipakilala.
“It’s more of my dad talaga. My mom is pretty chill about it. Okay lang kay mommy lahat. Happy siya basta happy ako. Pero si dad po talaga, talagang bina-background check niya,” sabi ni Angela.
Magkasama ang mag-amang Angela at Jestoni sa Kapuso action series na “Black Rider.”
(RUEL J. MENDOZA)
