Ngayong 2024, muling magsasanib-pwersa ang SPEEd at leading telecom sa bansa Globe para sa ika-pitong edisyon ng The EDDYS (Entertainment Editors’ Choice) na gaganapin ngayong Hulyo.

Inaasahang mas magiging malaki at mas exciting ang ika-pitong edisyon ng pagbibigay parangal at pagkilala ng SPEEd sa mga natatangi, de-kalidad na pelikula na ipinalabas noong 2023 kasabay ng pagdagdag nila ng ibang special award.

Ayon kay Miss Yoly C. Crisanto, ang Chief Sustainability and Corporate Communications Officer ng naturang telecom company, isa ito sa mga paraan nila upang mas maisulong pa ang kanilang adbokasiya upang makatulong sa tuluyang pagbangon ng industriya ng pelikulang Pilipino.

Sabi naman ni Salve Asis, entertainment editor ng Pilipino Star Ngayon at Pang Masa, presidente na organisasyon ng mga entertainment editor ng leading broadsheet, websites, entertainment portals and tabloids na mas pagtitibayin ng partnership na ito ang adhikain ng SPEEd na hikayatin, lalong pataasin ang morale at patuloy na magbigay-inspirasyon sa Filipino filmmakers, producers, writers, actors at iba pang kasama sa pagbuo ng isang matino at de-kalibreng pelikula.

Ang Globe ay kinilala ng Intellectual Property Office of the Philippines (IPOPHL) para sa hindi matatawarang pangako nito sa pangangalaga sa mga intellectual property at paglaban sa digital piracy.

Bukod sa pagiging versatile actor sa mundo ng showbiz, isa ring magaling na iskultur o wood carver si Leandro na mula rin sa kilalang pamilya ng mga visual artist sa Paete, Laguna.

Karamihan sa mga obra ni Leandro bilang isang manlililok ay mga imahen ng Panginoong Hesukristo, ni Virgin Mary at iba’t ibang mga santo na talagang pang-worldclass ang kalidad at pang-export.

Marami na ring nagawang imahe ng santo si Leandro sa iba’t ibang simbahan sa buong Pilipinas.

Ayon sa aktor, pinag-isipan niyang mabuti kung paano mas pagagandahin at mas patitibayin ang trophy ng The EDDYS, lalo na ang magiging design nito para maging akma sa mission and vision ng SPEEd bilang isang award-giving body sa Pilipinas.

Sa kasalukuyan ay tinatapos na ng aktor at iskultor ang tropeo para sa ika-pitong edisyon ng The EDDYS at nakatakda ang unveiling nito bago ang pinakaaabangang awards night sa darating na Hulyo, 2024.

Nauna rito, inihayag din ng SPEEd bilang pagkilala sa mga naging bahagi ng muling pagbangon ng movie industry, isang special award ang ibibigay sa 7th edition ng The EDDYS.

Dito ay bibigyang-pugay ang mga pangunahing artista na bumida sa highest-grossing films sa bansa na naging daan upang muling sumugod sa sinehan ang mga manonood at manumbalik ang sigla ng pelikulang Pilipino.

Ang SPEEd ay binubuo ng mga current at former entertainment editors ng mga leading broadsheet, top tabloid newspaper at online portals sa Pilipinas.

KUMPIRMADONG sa taong 2026 ikakasal sina Shaira Diaz at Edgar Allan Guzman.

Nilinaw ito mismo ni Shaira nang maging guest siya sa ‘Fast Talk With Boy Abunda’ kamakailan.

“2026, opo,” ang sagot ni Shaira sa tanong ni Kuya Boy kung totoong 2026 sila ikakasal.

Nananatili pa ring mahigpit ang paniniwala nina Shaira at EA [Edgar Allan] sa celibacy o hindi pagse-sex hangga’t hindi sila ikinakasal.

Lahad ni Shaira, “Ako gusto ko talaga dahil naniniwala ako at ino-honor ko talaga po ‘yung mga binigay kong salita sa magulang ko, yung mga binigay nila sa aking advice.

“And siyempre sa Bible rin po. ‘Yun naman talaga, na dapat walang ganito before marriage.”

Pero nilinaw ng dalaga na hindi siya kontra sa mga magkasintahan na iba ang pananaw.

“Wala talaga akong against sa mga hindi gumagawa noon. Siguro sa akin talaga choice ko talaga na gusto ko na i-save iyon sa pagkakasal namin.”

Inihayag rin ni Shaira na napag-uusapan na rin nila ni EA kung sino sa kanila ang hahawak ng pera kapag ikinasal sila upang maiwasan ang pagtatalo na kadalasang dinaranas ng ibang mag-asawa.

“Yes. Actually alam nga namin ang savings ng bawat isa. Parang ginagawa namin siyang inside joke sa amin na ‘O ayan na naman ang laki ng papasok sa iyo. Maglibre ka naman!’”

Gusto raw ni EA na si Shaira ang mag-aasikaso ng kanilang pera sa hinaharap.

“Pero pagdating sa future, kapag ikinasal na kami, very open naman din kami, at si Edgar din po, sinasabi niya na ‘Kapag kasal na tayo ikaw na ang hahawak ng pera natin.'”

Kasalukuyang napapanood si Shaira sa ‘Unang Hirit’ at si EA naman sa ‘Lilet Matias: Attorney-At-Law’ sa GMA.

***

POSIBLE na ngang magsama sa television screen sina Boobay at Vice Ganda ngayong nasa GMA-7 na ang ‘It’s Showtime.’

Sa isang interbyu ni Boobay, sinabi niya na, “We’re looking forward na talagang makapag-guest sa atin ang Unkabogable star na si Mommy Vice at kami din sana makapag-guest sa It’s Showtime.”

Anim na taon na ang programa at hindi pa rin makapaniwala si Boobay sa success at tagal ng kanilang palabas.