2024 May 11 Archive - People's Balita

Archive for May 11th, 2024

Paghahanda ng ‘legal briefer’ ng DOJ ukol sa ICC warrants, standard procedure lang – Garafil

Posted on: May 11th, 2024 by @peoplesbalita No Comments

“THIS is standard procedure, not a change in position,”

Ito ang tugon ni Presidential Communications Secretary Cheloy Garafil sa ginagawang paghahanda ng Department of Justice’s (DOJ) na ‘legal briefer’ sa mga legal na opsyon na magagamit ni Pangulong Ferdinand Marcos Jr. sakaling maglabas ng arrest warrant ang International Criminal Court (ICC) laban kay dating Pangulong Rodrigo Duterte.

Para kay Garafil, “standard procedure” na maglatag ng opsyon ang DoJ kaugnay sa arrest warrants ng ICC laban sa mamamayang Filipino.

Binigyang diin ni Garafil na ang Pangulo ay “remains clear and consistent” sa isyu ng ICC.

Gayunman, tungkulin aniya ng DOJ bilang pangunahing law agency ng gobyerno na “to explore all legal avenues and ensure that the President is fully informed of his options.”

“This is standard procedure, not a change in position, ensuring that our administration remains prepared for any scenario,” ayon kay Garafil.

Sa ulat, nagpahayag ng pagkabahala si Senador Chiz Escudero sa ginawang anunsyo ng DOJ tungkol sa paghahanda nito para sa isang legal briefing para kay Pangulong Marcos sa “possible legal options” sakaling ang ICC ay magpasya na arestuhin si dating Pangulong Duterte.

Ayon sa senador, magpapalala lamang ito sa tensyon sa pagitan ng mga Marcos at mga Duterte.

“What I don’t understand is why a presscon had to be called to announce something that is in the normal course of things or as it should be. Providing legal briefings to the President is standard procedure,” pahayag ni Escudero.

Nauna nito, inanunsyo ng DOJ na naghahanda na ito ng isang comprehensive briefer upang saklawin ang iba’t ibang mga senaryo na may kaugnayan sa warrant of arrest ng ICC, kabilang ang posibilidad ng muling pagsali sa ICC.

Gayunpaman, nananatiling mataas ang tensyon sa pagitan ng kampo ni Pangulong Marcos at dating Pangulong Duterte, at naniniwala si Escudero na ang mga hindi kinakailangang pampublikong anunsyo ay makakasakit lamang sa nagpapatuloy na lamat sa pagitan ng dalawang kampo.

Hinimok ng senador ang executive branch na maging mas maingat at linawin ang katwiran sa likod ng press conference at tiyakin na ang mga desisyon ay ginawa nang walang political agenda. (Daris Jose)

Ads May 11, 2024

Posted on: May 11th, 2024 by @peoplesbalita No Comments

PBBM, nag-donate ng P80.9M para sa AFP hospital sa Zamboanga City

Posted on: May 11th, 2024 by @peoplesbalita No Comments

TINURN-OVER ni Pangulong Ferdinand R. Marcos Jr. ang P80.9-million na halaga ng tseke sa Camp Navarro General Hospital (CNGH) mula sa Office of the President (OP).

Ang P80.9 million donation ng Pangulo ay gagamitin para bumili ng mga gamit para sa operating room ng ospital, diagnostics, ward, physical therapy, at iba pang kagamitan.

Iniabot ng Pangulo ang nasabing donasyon matapos na inspeksyunin ang bagong gawang gusali sa Western Mindanao Command (WESMINCOM) medical facility, araw ng Huwebes.

Ang tseke ay tinanggap ni CNGH chief Lt. Col. Giovanni R. Falcatan, nag- brief din sa Pangulo habang isinasagawa ang pag-inspeksyon sa bagong hospital building.

Sa kabilang dako, itinayo noong 1975, ang CNGH ay matatagpuan sa Upper Calarian, WESMINCOM, Zamboanga City, Zamboanga del Sur.

Isang 50 hanggang 100-bed capacity infirmary-level hospital, ang CNGH ay nagsisilbi sa mga sundalo, dependents, at awtorisadong sibilyan na kailangan ng ‘medical, surgical, at pediatric services’ sa lugar ng operasyon ng WESMINCOM.

Ang kamakailan lamang na pagkayari ng CNGH building ay magsisilbing Role III facility para makapaghatid ng mahahalagang medical service at suportahan kapuwa ang military at sibilyan sa ilalim ng hurisdiksyon ng WESMINCOM.

Ang ospital ay naka-programa para makapagbigay ng Role II functions para suportahan ang Camp Teodulfo Bautista Station Hospital sa Jolo, Sulu, nasa ilalim din ng kahalintulad na command. (Daris Jose)

2 drug suspects kulong sa P360K shabu sa Navotas

Posted on: May 11th, 2024 by @peoplesbalita No Comments

NASAMSAM sa dalawang umano’y tulak ng ilegal na droga ang mahigit P.3 milyong halaga ng shabu nang malambat ng pulisya sa ikinasang buy bust operation sa Navotas City.

Kinilala ni Navotas police chief P/Col. Mario Cortes ang naarestong mga suspek na sina alyas Wawie, 26, at alyas Ver, 52, kapwa residente ng lungsod.

Sa kanyang report kay Northern Police District (NPD) Director P/BGen. Rizalito Gapas, sinabi ni Col. Cortes na nakatanggap ng impormasyon ang mga operatiba ng Station Drug Enforcement Unit (SDEU) hinggil sa umano’y ilegal drug activities ng mga suspek kaya isinailalim nila ang mga ito sa validation.

Nang makumpirma na positibo ang report, ikinasa ng SDEU sa pangunguna ni P/Capt. Genere Sanchez ang buy bust operation na nagresulta sa pagkakaaresto sa mga suspek sa dakong alas-1:22 ng madaling araw sa Little samar St., Brgy. San Jose.

Nakumpiska sa mga suspek ang humigi’t kumulang 53.05 grams ng hinihinalang shabu na may stand drug price value na P360,740.00 at isang P500 bill na ginamit bilang buy bust money.

Mahaharap ang mga suspek sa kasong paglabag sa Comprehensive Dangerous Drug Act of 2002. (Richard Mesa)

Kelot na wanted sa rape sa Dipolog City, nabitag sa Valenzuela

Posted on: May 11th, 2024 by @peoplesbalita No Comments

NATAPOS na ang 21-taong pagtatago ng isang puganteng manyakis na nahaharap sa kasong panggagahasa sa lalawigan ng Zamboanga del Norte nang matunton ng pulisya ang kanyang pinagtataguang sa Valenzuela City, kamakalawa ng gabi.

Ayon kay Valenzuela Acting Police Chief P/Maj. Amor Cerillo, nakatanggap ng impormasyon ang mga operatiba ng Station Intelligence Section (SIS) hinggil sa pinagtataguan lugar sa lungsod ng akusadong si alyas “Kanor”.

Bumuo ng team ang SIS sa pangunguna ni P/Major Randy Llanderal saka ikinasa ang manhunt operation na nagresulta sa pagkakaaresto sa akusado dakong alas-6:20 ng gabi sa Esteban North St., Brgy Dalandanan.

Ani Major Llanderal, binitbit nila ang akusado sa bisa ng warrant of arrest na inilabas ni Judge Soledad A. Acaylar ng Regional Trial Court (RTC) Branch 7, ng Dipolog City na may petsang Setyembre 30, 2003, para sa kasong Rape.

Napagalaman na bago pa man lumabas ang arrest warrant sa akusado kaugnay sa kasong panggagahasa sa kanilang lugar sa Dipolog City, Zamboanga del Norte, noong taong 2003, lumuwas na siya ng Metro Manila at nagpalipat-lipat umano ng tirahan para malusutan ang batas.

Sa pag-aakala ng akusado na nakalusot na siya sa mahabang kamay ng batas, pumirmi na siya ng lugar sa Valenzuela City na dahilan para siya malambat ng pulisya.

Pansamantalang nakapiit sa detention facility ng Valenzuela Police Headquarters ang akusado habang hinihintay pa ang commitment order na ilalabas ng hukuman para siya maibiyahe patungong Dipolog City. (Richard Mesa)

Walang report ng destab plot sa hanay ng mga aktibong pulis laban sa kanya

Posted on: May 11th, 2024 by @peoplesbalita No Comments

TINIYAK ni Pangulong Ferdinand Marcos Jr. na walang report ukol sa mga aktibong police officials ang kasama sa nagpa-planong patalsikin siya sa puwesto.

Nauna rito, sinabi ni dating Senador Antonio Trillanes IV na may ilang retirado at aktibong high-ranking officials mula sa Philippine National Police (PNP) ang nangungumbinsi umano sa kanilang hanay para patalsikin sa puwesto si Pangulong Marcos.

Sinabi ni Pangulong Marcos na maaaring maging bahagi ng destab plot ang mga retirado mula sa police service subalit pagdating sa aktibo ay wala naman silang natatanggap na report.

“I don’t see—, wala kaming report na in the ranks. Iyong mga retired baka mayroon, mayroong mga gumagalaw, sumasama sa mga destab na ginagawa,” ayon pa rin sa Pangulo.

“Pero sa ating mga kapulisan at siyempre lalo na sa officer corps, wala naman tayong nakikitang ganun na namumulitika ang mga police,” dagdag na wika nito.

Tinuran ng Pangulo na ang kanyang main concern ay ang ‘security officials’ kabilang na ang military, na gagampanan ng mga ito ang kanilang tungkulin na magsilbi at proteksyunan ang bayan at mamamayan.

“So, ang loyalty check, hindi ko alam kung ano ‘yung loyalty check katotohanan. Anong sasabihin mo doon sa tao? Sasabihin, ‘loyal ka ba sa akin?’ Siyempre, oo ang sagot noon, ‘di ba, kahit na hindi siya loyal sa ‘yo. Pero titingnan natin mga record [nila.]” ayon sa Pangulo.

“Ang ano ko naman, kahit hindi mo ako binoto, okay lang sa akin basta’t maging professional ka, gawin mo ‘yung trabaho mo nang tama. Iyon lang naman ang hinihiling ko sa lahat ng police, sa lahat ng Armed Forces,” dagdag na wika ng Pangulo.

Samantala, nakiusap naman si PNP spokesperson Police Colonel Jean Fajardo kay Trillanes na huwag isama ang PNP sa naturang isyu. Iginiit niyang nakatuon ang kanilang atensyon sa pagtupad sa kanilang tungkulin.

Giit ni Fajardo, wala silang impormasyon na may aktibong opisyal ng PNP na sangkot sa destab plot laban sa gobyerno.

“Wala po tayong na mo-monitor na sino man na aktibong pulis na involve allegedly diyan sa sinasabing destabilization plot. At wala po tayong namo-monitor na destabilization plot for that matter,” dagdag niya. (Daris Jose)

Sultan Kudarat ‘buhay na pruweba’ ng ‘Unity at Work’ – PBBM

Posted on: May 11th, 2024 by @peoplesbalita No Comments

PINURI ni Pangulong Ferdinand R. Marcos Jr. ang provincial government at mga residente ng Sultan Kudarat para sa pagpapanatili ng kapayapaan at kaayusan sa lalawigan sa pamamagitan ng ‘unified efforts.’

Sa naging talumpati ng Pangulo sa isinagawang distribusyon ng financial assistance sa mga magsasaka, mangingisda at kanilang pamilya sa Sultan Kudarat Sports and Cultural Center, sinabi ni Pangulong Marcos na ang Sultan Kudarat ay isang ” buhay na pruweba” kung paano gumana ang pagkakaisa sa komunidad.

“Kayo ang buhay na pruweba na puwedeng mamuhay nang matiwasay ang mga mamamayan na iba’t iba ang relihiyon o sari-sari ang rehiyong pinagmulan. Ang resulta nito ay hindi lang mapayapang lipunan, ngunit isang maunlad na ekonomiya,” ayon sa Punong Ehekutibo.

Aniya pa ang “Isang asensadong Sultan Kudarat na payapa at progresibo.”

Nauna rito, pinangunahan ni Pangulong Marcos ang pamamahagi ng P100 milyon na presidential assistance sa provincial government ng Sultan Kudarat at Cotabato para sa kapakinabangan ng mga magsasaka at mangingisda na apektado ng El Niño phenomenon sa bansa.

Iniabot ng Chief Executive ang P50 million bawat isa kina Sultan Kudarat Governor Datu Pax Ali Mangudadatu at Cotabato Governor Emmylou Mendoza sa isinagawang ceremonial turnover ng tulong sa naturang venue.

Mainit namang tinanggap ng mahigit sa 14,000 na residente ng Sultan Kudarat si Pangulong Marcos sa Sultan Kudarat Sports and Cultural Center sa Isulan.

Ipinaabot naman ni Pangulong Marcos ang iba pang financial assistance at government services mula Department of Agriculture (DA), Department of Social Welfare and Development (DSWD), at Department of Labor and Employment (DOLE).

Namahagi naman ang Department of Trade and Industry (DTI) ng certificate grants na nagkakahalaga ng mahigit sa P940,000 sa tatlong farm agricultural groups habang ang Technical Education and Skills Development Authority (TESDA) ay namahagi ng 21 livelihood toolkits at allowances sa kanilang scholars.

Habang namahagi naman si House Speaker Martin Romualdez ng 5 kilong bigas sa bawat residente. (Daris Jose)

Bulacan gov celebrates birthday by providing free meals to thousands of Bulakenyos

Posted on: May 11th, 2024 by @peoplesbalita No Comments

CITY OF MALOLOS – Bulacan Governor Daniel R. Fernando threw a generous birthday bash, treating 11,600 Bulakenyos from various towns and cities in the province to a free meal at selected Jollibee, McDonald’s, Chowking, Greenwich, and Shakey’s establishments last Wednesday.

The first 200 customers per store were served with chicken with spaghetti and soft drink meal at 30 Jollibee and 22 McDonald’s stores province-wide excluding those within malls and along NLEX; Shakey’s branches in Brgy. Tikay, City of Malolos, Calumpit, and Pulilan; Greenwich at Malolos branch; and Chowking in Plaridel and City of Malolos.

In addition, approximately 3,000 employees of the Provincial Government of Bulacan were treated to a feast by the People’s Governor that took place at the Isidoro Torres Hall and the hallway connecting the Session Hall and Board Member Casey Estrella Howard’s Office at the Capitol Building.

Fernando expressed his gratitude to the Lord, his family, fellow public servants, and all those who have supported him throughout his public service career. He is truly thankful for the unwavering support he has received along the way.

“Pasasalamat ko ito sa ating Panginoong Diyos at sa inyong lahat. Sa loob ng mahabang panahon nang simulang ako’y maglingkod, simula noong ako’y SK hanggang maging governor, nandiyan pa rin ang mga pagsubok. Sobra po ang mga naging pagsubok ko, and thanks, God, thanks, Mama Mary and the apostles, ginagabayan tayo, ang ating mga panalangin pinapakinggan Niya,” Fernando said.

He also wished for a united province.

“Napakasaya ko po dahil nandito lahat ng lingkod bayan. ‘Yun pong winish ko ay para sa inyong lahat, na matupad natin ang lahat ng ating proyekto para sa inyong nasasakupan. Wish ko din na wala ng labanan, na magkaroon tayo ng One Bulacan,” the governor said.

PhilHealth: Breast cancer benefit, itinaas sa P1.4 milyon

Posted on: May 11th, 2024 by @peoplesbalita No Comments

MAGANDANG balita dahil umaabot na ngayon sa P1.4 milyon ang benepisyo sa gamutan na maaaring matanggap ng mga breast cancer patients mula sa Philippine Health Insurance Corporation (PhilHealth).

Ito’y matapos na aprubahan na ng state health insurer ang pagtataas ng kanilang “Z-Benefit Package.”

Sa isang public briefing, sinabi ni PhilHealth acting Vice President for Corporate Affairs Group Rey Baleña na inaprubahan na kahapon ng PhilHealth Board ang pagtataas ng package rate para sa breast cancer patients.

Dahil dito, mula sa dating P100,000 ay magiging P1.4 milyon na ito simula nitong Marso 30, 2024.

“Good news ito sa mga kababayan natin lalo na sa magpapagamot, kahit ‘yung kasalukuyang nagpapagamot na, for breast cancer,” pahayag pa ni Baleña.

Aniya pa, kung dati ay early stages lang ang kuwalipikado sa Z-benefit para sa breast cancer, ngayon ang lahat ng stages ng breast cancer ay maia-avail na ng pasyente.

4 drug suspects timbog sa halos P1M droga sa Caloocan

Posted on: May 11th, 2024 by @peoplesbalita No Comments

KALABOSO ang apat na hinihinalang drug personalities matapos makuhanan ng halos P1 milyong halaga ng droga nang maaresto sa magkahiwalay na drug operation sa Caloocan City.

Ayon kay Caloocan police chief P/Col. Ruben Lacuesta, nagsagawa ng beripikasyon ang mga operatiba ng Station Intelligence Section (SIS) matapos ang natanggap nilang impormasyon hinggil sa umano’y nagaganap na transaksyon ng illegal na droga sa Phase 10, Brgy., 176, Bagong Silang.

Pagdating sa lugar dakong alas-10:35 ng umaga, naaktuhan ng mga operatiba ang tatlong indibidwal, kabilang ang isang babae na nagtatransaksyon sa illegal na droga na nagresulta sa pagkakaaresto kina alyas Mark, 22 at alyas Juliana, 21, kapwa ng San Jose Del Monte, Bulacan habang nakatakas ang kanilang katransaksyon.

Nakumpiska sa mga suspek ang pitong kilograms ng hinihinalang pinatuyong dahon ng marijuana na may Standard Drug Price (SDP) value na P840,000.00.

Dakong alas-10:22 naman ng gabi nang maaresto ng mga operatiba ng Station Drug Enforcement Unit (SDEU) sa buy bust operation sa Sampaguita St., Barangay 156, sina alyas Jonjon, 34, at alyas Jeff, 37, kapwa ng Quezon City.

Nakuha sa mga suspek ang nasa 21.20 grams ng hinihinalang shabu na may katumbas na halagang P144,160.00 at buy bust money na isang P500 bill, kasama ang anim na pirasong P1,000 boodle money.

Pinuri naman ni NPD Director P/BGen. Rizalito Gapas Caloocan police sa kanilang magatumpay na drug operation na nagresulta sa pagkakaaresto sa mga suspek na mahaharap sa kasong paglabag sa RA 9165 o Comprehensive Dangerous Drug Act of 2002. (Richard Mesa)