2024 April Archive - People's Balita

Archive for April, 2024

Pastor Quiboloy, dapat harapin ang kaso dito sa Pilipinas at sa Estados Unidos upang patunayan ang kanyang sarili

Posted on: April 9th, 2024 by @peoplesbalita No Comments

TINULIGSA ni ACT Teachers Partylist Rep. France Castro si Kingdom of Jesus Christ leader Pastor Apollo Quiboloy kasunod na rin sa kanyang mga demands bago sumuko.

Ayon sa mambabatas, dapat harapin nito ang kaso dito sa Pilipinas at sa Estados Unidos upang patunayan ang kanyang sarili laban sa mga alegasyong ibinabato sa kanya.

“Quiboloy should just face the charges against him here and in the US to prove if he is indeed innocent. He should also attend the hearings in Congress and the Senate instead of just being a fugitive. Sa pagtatago nya lalo lang lumalakas ang argumento na mukhang guilty talaga siya,” pagdidiin ni Castro.

Ilan sa mga hinihingi ni Quiboloy ay written guarantee na hindi makikialam ang US sa kaso niya dito sa Pilipinas at hindi rin makikialam ang Federal Bureau of Investigation (FBI), Central Intelligence Agency (CIA) at US embassy.

Nais din ni Quiboloy na maglabas ng written guarantee mula kina Presidente Marcos, Department of Justice Secretary Jesus Crispin Remulla, Philippine National Police (PNP) chief Gen. Rommel Francisco Marbil at National Bureau of Investigation (NBI) director Medardo de Lemos na hindi makikialam ang US government.

“Feelingero talaga hanggang ngayon,” ani Castro sa mga demand ni Quiboloy.

Una nang naglabas ang isang Davao City court ng warrants of arrest laban kay Quiboloy at sa lima nitong f ollowers dahil sa paglabag sa Republic Act 7610 oSpecial Protection of Children Against Abuse, Exploitation and Discrimination Act. (Vina de Guzman)

Wala raw political color or motives ang life story: CLAUDINE, puring-puri ni IMELDA sa pagganap sa kanyang biopic

Posted on: April 9th, 2024 by @peoplesbalita No Comments

PINURI ni Imelda Papin si Claudine Barretto sa pagganap nito sa kanyang film bio na ‘Imelda Papin: The Untold Story.’

“The best talaga sa akin si Claudine Barretto. She’s not just a big star, but also a best actress. Claudine was the best choice to play me in the movie. I like to thank her for accepting this movie.

“Hindi lang naman ako ang nag-decide to get her for the movie. Kasama sa pag-decide are my daughter, Maffi (Papin) and our director Gabby Ramos. We made the best decision kasi Claudine really gave her best,” sey ni Imelda na former vice-governor ng Camarines Sur at present president ng Actor’s Guild of the Philippines.

Dagdag pa ni Imelda na walang political color or motives ang kanyang life story. Istorya raw ito ng isang simpleng taong nangarap na maabot ang kanyang mga pangarap.

“It’s an inspirational and educational movie. It’s all about love for your God, family, and friends. ‘Yung kaibigan na napunta sa hindi masyadong maayos na lugar. Pero naroon ka para damayan sila. And siyempre pagmamahal po sa bayan.”

***

DAHIL gusto na ulit magkaroon ng isa pang anak si Katya Santos, sumasailalim ito ngayon sa IVF o Invitro Fertilization.

Kaya on-hold muna ang wedding plans nila ng fiance na si Paolo Pilar.

“I’m in the process of IVF. I’m already 42, so we prioritized na mag-baby muna more than the wedding,” sey ng former Viva Hot Babes.

May isang anak na si Katya na si Tala mula sa ex-husband na si Anton delos Reyes. Matagal na raw sumusubok sina Katya at Paolo na magka-baby sa normal na paraan pero may ilang nadiskubreng komplikasyon sa katawan ni Katya ang kanyang doktor.

“I have myoma. And then medyo mababa na ‘yung ovarian reserve ng eggs, that’s why we opted for an emergency IV. We had already had five harvests, meron na kaming dalawang embryo. Hopefully, this July, i-implant na siya.

“Gusto ko pa talagang magkaroon ng isa pang baby kasi ‘yung daughter ko is already 10 years old. Siyempre, naghahanap na rin siya ng kapatid. At least dalawa lang, para meron din kaming baby together,” sey ni Katya.

***

MAY misyon ang Hollywood socialite na si Paris Hilton na tulungan ang ilang American boys na nakakaranas ng pang-aabuso sa boarding school na Atlantis Leadership Academy sa Jamaica.

Nasa proteksyon na raw ng Jamaica’s Child Protection and Family Services Agency ang mga boys ages 14 to 18. Under investigation na ang founder ng school na si Randall Cook.

Nagtatag si Hilton ng advocacy para sa troubled teens pagkatapos niyang makaranas din ng pang-aabuso sa Utah’s Provo Canyon School noong teenager siya.

Ayon kay Paris: “When these boys asked for me and wanted me to come to the hearing, I dropped everything to travel here. No child deserves to be silenced or to testify about abuse alone.

“I also immediately sent supplies and clothing for the boys and brought more items with me today to help them stay comfortable during this stressful and traumatic experience. This is a global issue that requires systematic change. I am dedicated to eliminating child abuse and neglect in youth residential programs.”

(RUEL J. MENDOZA)

4 drug suspects nalambat sa Malabon, Navotas buy bust

Posted on: April 9th, 2024 by @peoplesbalita No Comments

BAGSAK sa kalaboso ang apat na drug suspects, kabilang ang dalawang ginang matapos mabingwit ng pulisya sa magkahiwalay na buy bust operation sa Malabon at Navotas Cities.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Malabon police chief P/Col. Jay Baybayan na dakong alas-3:00 ng madaling araw nang magsagawa ang mga operatiba ng Station Drug Enforcement Unit (SDEU) ng buy bust operation sa Gozon Compound, Brgy. Tonsuya kontra kay alyas “Merlin”, 58 (pusher/listed) ng Brgy. Longos.

Nang tanggapin ng suspek ang marked money mula sa pulis na nagpanggap na buyer kapalit ng isang sachet ng shabu ay agad siyang dinakip ng mga operatiba, kasama si alyas “Kang Kang”, 53, na bumili din umano ng droga kay ‘Merlin’.

Nakumpiska sa mga suspek ang nasa 5.0 grams ng hinihinalang shabu na nagkakahalaga ng P34,000 at buy bust money.

Sa Navotas, nalambat naman ng mga operatiba ng Navotas Police SDEU team sa buy bust operation sa Tanigue St., Brgy., NBBS Dagat-Dagtan dakong alas-10:18 ng gabi sina alyas “Vecvec”, 59, electrician ng Brgy. NBBS at alyas “Aron”, 20 ng Brgy. NBBN.

Ayon kay Navotas police chief P/Col. Mario Cortes, nakuha sa mga suspek ang aabot 5.5 grams ng hinihinalang shabu na may katumbas na halagang P37,400.00 at buy bust money.

Pinuri naman Gen. Gapas ang Malabon at Navotas police sa kanilang matagumpay na drug operation na nagresulta sa pagkakadakip sa mga suspek na mahahrap sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Libreng bakuna vs Pertussis, larga na sa Maynila

Posted on: April 8th, 2024 by @peoplesbalita No Comments

LARGA na ang 44 health centers ng lungsod ng Maynila sa pagbibigay ng libreng bakuna laban sa nakamamatay na sakit na Pertussis na karaniwang tumatama sa mga sanggol o bata.

Nanawagan si Mayor Honey Lacuna sa mga magulang at guardian na dalhin ang mga anak na bata sa pinakamalapit na health center at pabakunahan dahil sa lumolobong mga kaso ng pertussis sa bansa.

Ginawa ni Lacuna ang apela sa gitna ng mga ulat na mahigit 800 kaso ng pertussis ang naitala na ng Department of Health (DOH) mula Enero 1 hanggang Marso 31, 2024 lamang.

Ayon sa alkalde, ang lungsod ng Maynila ay mayroong 44 na health centers sa ilalim ng Manila Health Department (MHD) na pinamumunuan ni Dr. Arnold Pangan na nagbibigay ng libreng bakuna sa mga bata upang maprotektahan sila laban sa iba’t ibang uri ng sakit.

Ayon kay Dr. Pangan na maaaring bumisita sa MHD online appointment system para sa appointment sa pamamagitan ng http:/www.ManilaHealthDepartment. com.

Bilang isa ring doktor, binigyang-diin ng alkalde ang kahalagahan ng bakuna sa pertussis para mapigilan ang pagdami ng mga kaso na ang iba ay nauuwi rin sa kamatayan kung hindi agad matutuklasana ng mga sintomas at maaagang panggagamot.

Aniya, ang lungsod ay gumagawa ng sarili nitong pagsisiyasat sa kaso, pagsubaybay sa contact, prophylaxis at pagbabakuna upang matugunan ang problema.

Kinumpirma ng DOH na umabot na sa 862 ang mga kaso ng pertussis sa bansa, kung saan 49 ang nasawi. Ang datos na naitala mula Enero hanggang Marso ay 30 beses na mas mataas kaysa sa parehong panahon noong nakaraang taon na may 79 porsiyentong mga batang wala pang limang taong gulang.

Karamihan sa mga kaso ay nagmula sa MiMaRoPa, na may 187 kaso na sinundan ng National Capital Region (NCR) na may 158 kaso; Central Luzon, 132; Central Visayas, 121 at Western Visayas, 72.

Sa mga batang apektado, 66 porsiyento o anim sa sampu ay alinman sa hindi nabakunahan o walang alam na kasaysayan ng pagbabakuna.

Political amendment proposals, huwag pansinin

Posted on: April 8th, 2024 by @peoplesbalita No Comments

Hinikayat ni Cagayan de Oro Rep. Rufus Rodriguez si Speaker Ferdinand Martin Romualdez na huwag pansinin ang political amendment proposals ni presidential adviser at ex-senatorial candidate Larry Gadon.

“I urge Speaker Romualdez to completely disregard Gadon’s letter (proposing political amendments),” ani Rodriguez, chairman ng House committee on constitutional amendments.

Naniniwala ito na ibabasura din lamang ng pinuno ng Kamara ang naturang liham dahil matagal nang sinabi nito na sususortahan lamang ng kamara ang panukalang economic Charter reforms.

Bilang presidential adviser, sinabi nito na dapat pakinggan ni Gadon ang pahayag ng pangulo.

Matatandaan aniya na sa isinagawang speech ni Pangulong Marcos sa Philippine Constitution Association noong Pebrero 8, sinabi ng presidente na isinusulong lamang niya ang economic amendments.

isa si Rodriguez sa mga co-authors ng Resolution of Both Houses (RBH) No. 7, na nagsusulong sa economic Charter change proposals na mag-aamyenda lamang sa probisyon ng public utility, higher education at advertising. Habang ang senate version naman ay RBH No. 6.

“As a co-author of RBH 7, I will never support political amendments,” ani Rodriguez.

Kabilang sa mga panukala ni Gadon na political amendment ay ang pagbabago sa termino ng mga local officials at kongreso mula tatlong taon sa anim na taon, kahalintulad sa termino ng President, Vice President at senators, upang magkakaroon lamang ng eleksyon tuwing anim na taon sa halip na kada tatlong taon. (Vina de Guzman)

34 heat-related illness, 6 patay naitala ng DOH

Posted on: April 8th, 2024 by @peoplesbalita No Comments

NAKAPAGTALA na ang Department of Health (DOH) ng 34 kaso ng heat-related illnesses sa bansa, kabilang ang anim na namatay, ngayong mataas ang heat index sa ilang lugar.

Base sa kanilang Event-Based Surveillance and Response System, ang naturang 34 heat-related illness cases ay naiulat mula Enero 1 hanggang Abril 18, 2024 lamang.

Ang mga pasyente ay mula sa Central Visayas, Ilocos Region, at Soccsksargen.

Sa naturang bilang, anim katao na umano ang iniulat na nasawi ngunit biniberipika pa ang dahilan ng kanilang kamatayan.

“The most number of heat related illnesses in recent years was recorded at 513 in the year 2023,” wika pa nito.

Nabatid na ang heat index ay ang sukatan ng temperatura na nararamdaman ng isang tao.

Ito ay iba umano sa aktwal na temperatura ng hangin. Nasusukat ito sa pamamagitan ng humidity at air temperature.

PBBM, ipinag-utos ang adopsyon ng Nat’l Cybersecurity Plan 2023-2028

Posted on: April 8th, 2024 by @peoplesbalita No Comments

IPINAG-UTOS ni Pangulong Ferdinand R. Marcos Jr. ang adopsyon at implementasyon ng National Cybersecurity Plan (NCSP) 2023-2028 para palakasin ang seguridad at katatagan ng cyberspace ng bansa.

Sa ilalim ng Under Executive Order (EO) 58 na tinintahan ni Pangulong Marcos nito lamang Abril 4, ang NCSP 2023-2028 na nilikha ng Department of Information and Communications Technology (DICT) ay magsisilbi bilang “whole-of-nation roadmap for the integrated development and strategic direction of the country’s cybersecurity.”

Sa pamamagitan ng EO 58, binibigyan nito ng mandato ang lahat ng ahensiya ng pamahalaan at instrumentalities na bumalangkas, mag-adopt at magpatupad ng kanilang cybersecurity plans at estratehiya na may kaugnayan sa kani-kanilang mga mandato, alinsunod sa NCSP 2023-2028.

Hinikayat naman ang Local government units (LGUs) na gawin din ito.

“Pursuant to its mandate under Section 15 of RA (Republic Act) 10844, the DICT formulated the National Cybersecurity Plan (NCSP) 2023-2028, which outlines the country’s policy direction and provides operational guidelines towards a trusted, secured, and resilient cyberspace for every Filipino,” ang nakasaad sa EO.

“It is imperative for all concerned national government agencies and instrumentalities, and local government units, to support and cooperate towards the successful implementation of the NCSP 2023-2028,” dagdag na pahayag ng EO.

Inatasan ang DICT na mag-adopt ng sistema para sa epektibong implementasyon, monitoring, at pagrerebisa ng NCSP 2023-2028, nababatay sa umiiral na batas, rules and regulations.

Ipinag-utos naman ng EO 58 sa DICT na makipagtulungan sa pribadong sektor sa pagbibigay ng kinakailangang technical assistance sa ibang ahensiya ng pamahalaan at tanggapan para sa implementasyon ng NCSP 2023-2028.

Ayon sa EO, kailangan na magsumite ng DICT sa Pangulo, sa pamamagitan ng Office of the Executive Secretary at National Cybersecurity Inter-Agency Committee, ng isang bi-annual report hinggil sa kalagayan at progreso ng implementasyon ng NCSP 2023-2028.

Ang budget na kakailanganin para sa implementasyon ng EO 58 ay huhugutin sa kasalukuyan at available na appropriations ng mga concerned agencies, iyon nga lamang ay “subject to pertinent budgeting, accounting, and auditing laws, rules and regulations.”

Ang kakailanganing pondo para sa pagpapatuloy ng implementasyon ng kautusan ay isasama sa General Appropriations Act, nakabatay sa karaniwang budget preparation process.

“The strengthening of security and resilience of the country’s cyberspace is one of the key strategies to ensure safety and security in cyber and physical spaces under the Philippine Development Plan 2023-2028,” ayon sa ulat.

Ang kopya ng EO 58 ay ipinalabas araw ng Sabado. Magiging epektibo ang kautusan sa oras na mailathala na sa Official Gazette o pahayagan na may general circulation.

(Daris Jose)

April 10, idineklarang regular holiday ni PBBM para sa pagdiriwang ng Eid’l Fitr

Posted on: April 8th, 2024 by @peoplesbalita No Comments

IDINEKLARA ni Pangulong Ferdinand R. Marcos Jr. na regular holiday ang April 10, araw ng Miyerkules, sa buong bansa bilang pagdiriwang ng Eid’l Fitr, o Feast of Ramadhan.

Sa pamamagitan ng Proclamation No. 514, idineklara ng Pangulo ang nasabing petsa na regular holiday “in order to bring the religious and cultural significance of the Eid’l Fitr to the fore of national consciousness.”

Aniya pa, idineklara niya ang Eid’l Fitr, o Feast of Ramadan na regular holiday upang pahintulutan ang buong sambayanang filipino na makiisa sa mga kapatid na Muslim sa kapayapaan at pagkakaisa.

Ang naturang proklamasyon ay nilagdaan ni Executive Secretary Lucas P. Bersamin, araw ng Huwebes, Abril 4, 2024. (Daris Jose)

100 days countdown ng Paris Olympics sinimulan na sa pamamagitan ng pagsindi sa Olympic torch

Posted on: April 8th, 2024 by @peoplesbalita No Comments

SININDAHAN na ang Olympic torch para sa Paris 2024 Olympic Games sa Olympia.

Ang nasabing seremonya ay hudyat ng huling paghahanda matapos ang pitong taon na pagpaplano para sa torneo na magsisimula sa Hulyo 26.

Nanguna ang Greek actress na si Mary Mina na siyang gumanap bilang high priestess na nagsimulang pailawan ang Olympic torch.

Dahil sa nakakaranas ng sama ng panahon ay gumamit sila ng backup flame para sa simula ng relay sa Greece at France.

Magtatapos ang nasabing torch relay sa Paris na siyang magiging host ng Olympic ngayong taon.

Ito na ang pangatlong beses na naging host ang Paris na ang una ay noong 1900 at 1924.

Sa talumpati ni International Olympic Committee (IOC) president Thomas Bach, ang Olympic ay siyang magbibigay ng pag-asa lalo na sa mga nararanasang kaguluhan at giyera sa iba’t ibang bahagi ng mundo.

Ang Olympic flame ay opisyal na ipapasakamay sa Paris Games organizers sa Athens Panathenaic stadium sa Abril 26 matapos ang 11-araw na relay sa Greece.

Dadalhin ito sa France kung saan darating ito sa Marseille sa Mayo 8 kung saan inaasahan ang 150,000 katao ang manonood sa seremony kapag dumating na sa lugar.

Ang torch relay sa France ay magaganap ng 68 araw at ito magtatapos sa Paris para sa pagsisimula ng pagpapasindi ng Olympic flame sa Hulyo 26.

4 drug suspects nalambat sa Malabon, Navotas buy bust

Posted on: April 8th, 2024 by @peoplesbalita No Comments

BAGSAK sa kalaboso ang apat na drug suspects, kabilang ang dalawang ginang matapos mabingwit ng pulisya sa magkahiwalay na buy bust operation sa Malabon at Navotas Cities.

Nakumpiska sa mga suspek ang nasa 5.0 grams ng hinihinalang shabu na nagkakahalaga ng P34,000 at buy bust money.

Ayon kay Navotas police chief P/Col. Mario Cortes, nakuha sa mga suspek ang aabot 5.5 grams ng hinihinalang shabu na may katumbas na halagang P37,400.00 at buy bust money.