2024 April Archive - People's Balita

Archive for April, 2024

PBBM, hindi inisip na magdeklara ng National State of Calamity sa gitna ng El Niño

Posted on: April 9th, 2024 by @peoplesbalita No Comments

HINDI inisip ni Pangulong Ferdinand Marcos Jr. ang magdeklara ng national state of calamity sa gitna ng epekto ng El Niño phenomenon.

Sa isang ambush interview sa Bacolod City, araw ng Lunes, sinabi ng Chief Executive na maaaring maramdaman ang epekto ng phenomenon subalit hindi naman ito mapanganib.

”Ang katotohanan niyan lahat maaapektuhan, ngayon gaano kalala ang magiging effect ng El Niño… It’s really, ang mga probinsya sa western side na… Western Luzon tapos dito Region 6. So those are the areas na nagde-declare ng calamity but the other areas, although ramdam pa rin, hindi naman critical,” ayon kay Pangulong Marcos.

”As a matter of fact, kasi naglagay nga tayo ng mga dam, patuloy na inaayos ang ating irigasyon, we should and we are trying to find new techniques of planting. We are harvesting more palay now than we are last year, that’s despite the El Niño, so it’s taking effect,” dagdag na wika nito.

Tinatayang nasa 18 local government units (LGUs) na ang nagdeklara ng state of calamity dahil sa epekto ng nagpapatuloy na El Niño phenomenon.

Sa kabilang dako, batay sa pinakabagong report, ipinakita ng National Disaster Risk Reduction and Management Council na ang mga apektado ng LGUs ay ang 11 bayan sa lalawigan ng Occidental Mindoro

1. Bulalacao, Oriental Mindoro

2. Mandalay, Oriental Mindoro

3. San Vicente, Palawan

4. San Andres, Romblon

5. Mayoyao, Ifugao

6. Sinaloa, Antique

7. Zamboanga City

Base naman sa data mula sa Department of Agriculture (DA) na ang pinsala at pagkalugi sa agriculture sector dahil sa nakapapasong init ay tumama sa mahigit sa P2.63 bilyong piso.

Samantala, sinabi ni Presidential Communication Office Assistant Secretary Joey Villarama, tagapagsalita ng Task Force El Niño na mas maraming indibiduwal na lungsod at munisipalidad ang nagpahayag ng kanilang interest sa deklarasyon subalit “still need to fulfill the criteria to declare a state of calamity.”

Hindi pa inirerekomenda ng Office of the Civil Defense (OCD) ang pagdedeklara ng state of calamity sa Pilipinas dahil sa El Niño.

Ito ay kahit na inaasahang mararanasan ng mahigit 50 probinsiya ang matinding tagtuyot sa mga susunod na buwan.

Paliwanag ni OCD Administrator USec. Ariel Nepomuceno na sa ngayon nasa 20 probinsiya ang nakakaranas ng mahigpit na tagtuyot at inaasahan na sa buwan pa ng Abril posibleng titindi ito. Sinabi din nito na magkakaiba ang sitwasyon sa bawat probinsiya.

Ginawa ni Nepomuceno ang naturang pahayag kasabay ng kaniyang pagbisita sa Oriental Mindoro kung saan ang nagdeklara na ng state of calamity sa may bayan ng Bulalacao dahil sa El Nino.

(Daris Jose)

Libreng bakuna vs Pertussis, larga na sa Maynila

Posted on: April 9th, 2024 by @peoplesbalita No Comments

LARGA na ang 44 health centers ng lungsod ng Maynila sa pagbibigay ng libreng bakuna laban sa nakamamatay na sakit na Pertussis na karaniwang tumatama sa mga sanggol o bata.

Nanawagan si Mayor Honey Lacuna sa mga magulang at guardian na dalhin ang mga anak na bata sa pinakamalapit na health center at pabakunahan dahil sa lumolobong mga kaso ng pertussis sa bansa.

Ginawa ni Lacuna ang apela sa gitna ng mga ulat na mahigit 800 kaso ng pertussis ang naitala na ng Department of Health (DOH) mula Enero 1 hanggang Marso 31, 2024 lamang.

Ayon sa alkalde, ang lungsod ng Maynila ay mayroong 44 na health centers sa ilalim ng Manila Health Department (MHD) na pinamumunuan ni Dr. Arnold Pangan na nagbibigay ng libreng bakuna sa mga bata upang maprotektahan sila laban sa iba’t ibang uri ng sakit.

Ayon kay Dr. Pangan na maaaring bumisita sa MHD online appointment system para sa appointment sa pamamagitan ng http:/www.ManilaHealthDepartment.com.

Bilang isa ring doktor, binigyang-diin ng alkalde ang kahalagahan ng bakuna sa pertussis para mapigilan ang pagdami ng mga kaso na ang iba ay nauuwi rin sa kamatayan kung hindi agad matutuklasana ng mga sintomas at maaagang panggagamot.

Aniya, ang lungsod ay gumagawa ng sarili nitong pagsisiyasat sa kaso, pagsubaybay sa contact, prophylaxis at pagbabakuna upang matugunan ang problema.

Kinumpirma ng DOH na umabot na sa 862 ang mga kaso ng pertussis sa bansa, kung saan 49 ang nasawi. Ang datos na naitala mula Enero hanggang Marso ay 30 beses na mas mataas kaysa sa parehong panahon noong nakaraang taon na may 79 porsiyentong mga batang wala pang limang taong gulang.

Karamihan sa mga kaso ay nagmula sa MiMaRoPa, na may 187 kaso na sinundan ng National Capital Region (NCR) na may 158 kaso; Central Luzon, 132; Central Visayas, 121 at Western Visayas, 72.

Sa mga batang apektado, 66 porsiyento o anim sa sampu ay alinman sa hindi nabakunahan o walang alam na kasaysayan ng pagbabakuna.

Outreach program ng SPEEd, umabot na sa Nueva Ecija at Aurora

Posted on: April 9th, 2024 by @peoplesbalita No Comments

MARAMI na namang napasaya at nabigyan ng tulong ang Society of Philippine Entertainment Editors (SPEEd) matapos ang isinagawa na taunang outreach program.

Nagtungo ang mga opisyal at miyembro ng SPEEd sa Nampicuan, Nueva Ecija at Dingalan, Aurora nitong nagdaang Huwebes at Biyernes, Abril 4 at 5,

para maghatid ng tulong sa ilang residente roon.

Dumalaw at nagbigay ng cash donation ang SPEEd, sa pangunguna ng aming presidente na si Salve Asis (Pilipino Star Ngayon at Pang Masa), sa isang parokya sa Nampicuan at sa isang barangay sa Dingalan, Aurora.

Katuwang ng aming grupo sa pagsasakatuparan ng makabuluhang misyon na ito ang Beautéderm Corporation ni Miss Rhea Anicoche-Tan, at Unilab na wala pa ring sawang sumusuporta sa SPEEd mula noon hanggang ngayon.

Unang binisita ng samahan ng mga entertainment editors sa Pilipinas ang Immaculate Conception Parish Church, Diocesan Shrine of the Holy Face of Jesus sa Nampicuan.

Sa pakikipagtulungan ng Parochial Vicar at Head ng Promotion Committee ng naturang simbahan na si Fr. Renz Valente, nagsagawa roon ng dental mission para sa mga kabataan.

Kasama ang ilang deboto at volunteers, pinangunahan ni Dr. Rex Gaculais ang naturang dental mission kung saan umabot sa 100 estudyante at residente sa Nampicuan ang nabigyan ng libreng dental service.

Nagkaroon din ng Egg Caldo Caravan mula naman sa Magtalas family na binubuo nina Councilor Alvin Magtalas kasama ang kanyang butihing maybahay na si Filipina Magtalas at ang anak nilang actor-singer na si Beaver Magtalas na bibida sa pelikulang ‘When Magic Hurts’ na ipalalabas na sa buwang ito.

Kasunod nito, nagtungo naman ang SPEEd sa Dingalan, Aurora upang magbigay ng food goodies at gamot sa isang Dumagat community doon, katuwang pa rin ang Magtalas family at si Miss Emily Grey ng 428 Mercado Hotel and Resort.

Ang iba pang sumuporta at nagbigay ng donasyon para sa SPEEd Outreach 2024 bukod sa Beautéderm at BlancPro ni Miss Rhea Tan, Unilab at Magtalas family, ay sina Sen. Bong Revilla, Jr. at Rep. Lani Mercado, Ogie Alcasid, Kathryna Pimentel, Cong. Toby Tiangco at USec. Nina Taduran.

Nais ding pasalamatan ng SPEEd sina Local Water Utilities Administration Chair Ronnie Ong, Noel Ferrer, Wilson Lee Flores, Miss Faye, Leo Dominguez, Igan Foundation, Federation of Filipino Chinese Chambers of Commerce and Industry, Inc. (FFCCCII), Tyrrone James Escalante, Colorete Clothing, Manay Lolit Solis at Mayor Joy Pascual.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas.

(ROHN ROMULO)

Foreign trips ni PBBM nagbubunga ng 43% sa P175.7-B investments na inaprubahan ng PEZA

Posted on: April 9th, 2024 by @peoplesbalita No Comments

NAGBUBUNGA na ang mga nakuhang investments ni Pangulong Ferdinand Marcos Jr., mula sa kaniyang mga biyahe sa abroad.

Ayon kay Philippine Economic Zone Authority (PEZA) Director General Tereso “Theo” Panga ang investment na nakuha ng Pangulo mula sa mga foreign investors ay halos kalahati ng kabuuang pamumuhunan na inaprubahan ng PEZA na P75 bilyon mula sa P175.7 bilyon na investments na inaprubahan.

Ang P175.7 bilyong halaga ng kabuuang pamumuhunan ay nakakuha ng green light mula sa PEZA noong 2023, na nagkaroon ng 25% na pagtaas mula sa P140.7 bilyon noong 2022.

Sinabi ni Panga, ang mga biyahe ng pangulo ay “napaka-epektibo” at naging instrumento sa makabuluhang pagtaas pamumuhunan sa bansa.

“I would say that it’s because of the President reaching out to people and economies and taking advantage of our FTAs [free trade agreements] that we as a nation are able to attract investments. The President is very clear in his messaging that the Philippines is ready to attract investments,” pahayag ni Panga.

Gayunpaman, idinagdag ni Panga, ang mga pamumuhunan na ito ay maaari lamang itulak at aktwal na magkaroon ng hugis kung ang mga tamang patakaran ay nasa lugar upang mapadali at suportahan ang mga ito.

Ang tinutukoy ng PEZA chief ay ang kasalukuyang moratorium sa pagtatatag ng ecozones sa Metro Manila sa ilalim ng Administrative Order No. 18 (AO18) noong 2019.

“New entrant investors have always preferred the National Capital Region (NCR) as the location for their businesses. Unfortunately, with the moratorium in place, we might be limiting the scope of new partnerships and slowing down our development,” pahayag ni Panga.

Inihayag din ng PEZA chief na kung nais natin masustine ang paglago ng IT-BPM sector para sa susunod na apat na taon na may annual target na 10% increase sa exports at makakabuo ng 200,000 na trabago mahalaga na paghandaan ang mga locations para sa bago at pagpapalawak ng IT locators.

Paliwanag naman ni Panga na kapag naipatupad ng maayos ang CREATE law sa National Capital Region, masususportahan nito ang panawagan ng ilang local government units sa Metro Manila na pinagkaitan bunsod ng moratorium na maging host ng IT parks at locator companies sa ilalim ng kanilang hurisdiksyon.

Dagdag pa ni Panga na kaisa sila sa hangarin ng Pang. Ferdinand Marcos Jr na i-roll-out ang red carpet para sa mas maraming investments ang magbubukas sa bansa.

“This is why we find it truly necessary to ensure that we have sound regulatory policies in place, maximizing the potential of every new partnership coming our way,” pahayag ni Panga. (Daris Jose)

Ads April 9, 2024

Posted on: April 9th, 2024 by @peoplesbalita No Comments

Piston nagbanta muling maglulunsad ng welga laban sa PUVMP

Posted on: April 9th, 2024 by @peoplesbalita No Comments

SA GITNA ng darating na crackdown sa mga traditional jeepneys, ang mga drivers at operators ay nagbantang maglulungsad na naman ng isang welgang bayan sa Metro Manila habang padating ang deadline sa April 30 upang sila ay sumunod sa consolidation sa ilalim ng public utility vehicle modernization program (PUVMP) ng pamahalaan.

Sinabi ni Piston president Mody Floranda na sila ay humiling kay President Ferdinand Marcos na kanyang ipagutos ang pagrerepaso sa PUVMP bago magtapos ang tatlong buwan na palugit na kanyang pinagutos.

“We condemn the impending crackdown as we all know that jeepney drivers and operators are really suffering,” wika ni Floranda.

Ito ang sagot ni Floranda matapos magbigay ng isang pahayag si Land Transportation Franchising and Regulatory Board (LTFRB) chairman Teofilo Guadiz na ipapatupad nila ang panghuhuli sa mga colorum na public utility jeepneys simual May 1.

“During our meeting with chairman Guadiz last week, we asked him to study the PUVMP. That is what we are demanding, especially now that many of those who joined the consolidation program withdrawn from corporations because since operators joined the cooperatives, they have lost their source of income,” dagdag ni Floranda.

Hindi lang welga ang gagawin ng pinagsanib na grupo ng Piston at Manibela kasama na rin ang paglulungsad ng mga rallies.

“For us, holding a transport strike is always an option. We are prepared for all forms of protests, including big rallies,” saad ni Floranda.

Nagpahayag naman si Floranda ng pagasa na ang Supreme Court (SC) ay magbibigay ng temporary restraining order (TRO) upang ihinto ng pamahalaan ang pagpapatupad ng PUVMP.

“We are still hoping that the high court will issue a TRO, based on petition we filed on Dec. 20, 2023,” sabi ni Floranda.

Nilinaw niya na hindi sila tutol sa modernization. Ang tutol sila ay yoon consolidation ng prangkisa na ayon sa kanila ay bakit kailangan pa na ma revoke ang binigay na prangkisa upang makalahok sa kooperatiba o korporasyon. Dagdag pa nila na sana ay ang pamahalaan ay binigyan pansin ang mga lehitimong transport associations.

Base sa mga report na natanggap nila, ang mga PUV operators na nag withdraw sa programa sa consolidation ay mula sa National Capital Region (NCR), Iloilo, Bacolod, Southern Tagalog at Bicol region. LASACMAR

Higit 300 preso inilipat sa bagong Quezon City Jail sa Payatas

Posted on: April 9th, 2024 by @peoplesbalita No Comments

NAILIPAT na sa bagong Quezon City Jail sa Barangay Payatas ang nasa 364 Persons Deprived of Liberty (PDLs) na mga senior citizens at may karamdaman.

Ang paglilipat sa mga PDLs ay personal na isinagawa ni QC Jail Warden, JSupt. Warren Geronimo at mga opisyal ng Bureau of Jail Management and Penology (BJMP).

Nabatid na ang bagong pasilidad ay may lawak na 2.4 na ektarya at may kakayahan para ma-accommodate ang higit 3,000 PDLs pa sa lumang jail facility.

Nauna nang itinurn-over ng Quezon City government sa BJMP ang bagong pasilidad upang mas mabigyan ng maayos na piitan ang mga preso.

Inayos na rin ang mga perimeter fence na makakapagtiyak sa seguridad ng pasilidad.

Dahil dito, nagpasalamat ang pamunuan ng QCJMD kay Quezon City Mayor Joy Belmonte dahil sa malaking kaginhawaan para sa mga PDL ang bagong pasilidad lalo na sa problema ng pagsisikip sa lumang QC Jail.

Tiniyak din ni Geronimo na patuloy pa rin ang kanilang decongestion program sa city jail. (Ara Romero)

Sa unang araw na pag-ere sa GMA: ‘It’s Showtime’ nina VICE GANDA, pumalo agad sa mataas na rating

Posted on: April 9th, 2024 by @peoplesbalita No Comments

FEW days ago ay isinulat na namin although blind item ang sinasabing nagdadalang-tao na raw ang maganda at magaling na aktres at kapatid ni Cong Arjo Atayde na si Ria Atayde.

Hindi naman denenay at hindi rin naman inamin ng kampo ng mga Atayde.

Pero kalat na kalat na raw ang naturang isyu at may mga nakakaalam na raw sa malalapit sa mga Atayde. Pero hanggang hindi mismo manggaling sa kanila ay mananatiling tsismis ito.

Pero tiyempong tumawag ang source namin sa balitang ito at pinanindigan pa rin niya ang isyung buntis daw talaga si Ria bago ikinasal sa asawa na nga niya ngayong si Zanjoe Marudo.

Well, wala namang masama kung totoong buntis nga ang magaling na Kapamilyang aktres dahil legal na silang asawa.

Maski na nga sa programang “Cristy Ferminute” ay ibinahagi ni Nanay Cristy na may source daw sila na nagsasabing nagdadalang-tao nga ang anak ng super talented na si Sylvia Sanchez.

“Pero mas maganda talaga kung diretso nating maririnig ang pag-amin mula sa mag-asawa o kaya ay sa kani-kanilang pamilya,” pagbabahagi ni Nay Cristy.

Dagdag pa ng premyadong showbiz talk show host na labis raw na ikasasaya ng pamilya Atayde at Marudo ang pagdating ng bagong blessing sa kanilang pamilya.

Pagpapatuloy niya, “Pero may source po kami na nagsabi na tatlong buwan na raw pong nagdadalang-tao ngayon si Ria Atayde na talaga namang ikinatutuwa ng magkabilang pamilya Marudo at Atayde.”

***

SUPER successful at talaga namang pumalo raw sa pinaka-mataas na rating ng isang noontime show ang unang araw ng pagiging kapuso ng kapamilyang show na “It’s Showtime.“

Sinabayan pa ng selebrasyon ng kaarawan ng main host na si Vice Ganda kung kaya pinag-uusapan at walang nagawa ang kalaban kungdi tanggapin na ang “It’s Showtime” ang nagwagi sa unang araw ng paglipat ng programa sa GMA-7.

Pero may tsika agad ang source naming ABS-CBN insider na hindi lang daw ang “It’s Showtime” ang magiging kapamilya’t kapuso kundi may susunod pa.

Tsika pa sa amin na malamang daw na sa pagbabalik ng “Pinoy Big Brother” ay sa GMA-7 na rin ito mapapanood.

“Gusto namin ipaalam, magbubukas na ulit ang bahay ni Kuya. The PBB house will open this June and sa loob ng isang-daang araw, meron tayong bagong batch of housemates.

“We will be scouting and having auditions,” banggit pa Direk Lauren Dyogi sa isang livestream noong Biyernes.

“We will have four important on-ground audition venues and dates. The audition will happen on the last week of April and then May. One in Metro Manila, Visayas, and Mindanao, and Luzon,” dagdag pa ni Direk Lauren.

Pero sa GMA nga ba? Well, well, abangan natin yan!!!

(JIMI C. ESCALA)

Kelot na nanggulo habang armado ng sumpak, swak sa selda

Posted on: April 9th, 2024 by @peoplesbalita No Comments

ISANG lalaki na nanggulo at nambulabog sa katahimikan ng gabi habang armado ng baril ang bitbit ng pulisya sa selda sa Caloocan City.

Dakong alas-1:30 ng madaling araw nang mabulabog ang gising ng mga residente ng Robes II, Brgy. 175 Camarin sa ginawang panggugulo at paghahamon ng away ng suspek na si alyas “Topak” habang may bitbit na isang sumpak.

Ayon kay Caloocan police chief Ruben Lacuesta, kaagad itinawag ng isang concerned citizen sa lugar ang pagwawala ng suspek na dahilan upang respondehan ng mga tauhan ng Cadena De Amor Police Sub-Station-11 na nakakasakop sa lugar.

Pagdating sa lugar ay naabutan ng mga pulis, kasama ang ilang barangay tanod ang suspek na palakad-lakad at patuloy sa pagwawala habang hawak ang isang baril na dahilan upang dambahin kaagad siya ng mga otoridad.

Nakumpiska sa suspek ang isang improvised shotgun na may karga pang isang 12-gauge na bala.

Sasampahan ng pulisya ng kasong paglabag sa RA 10591 o Comprehensive Firearms and Ammunations Regulations Act ang suspek sa Caloocan City Prosecutor’s Office. (Richard Mesa)

Babaeng dalaw sa kulungan, buking sa droga na itinago sa ari

Posted on: April 9th, 2024 by @peoplesbalita No Comments

HINDI na nakalabas ng kulungan ang isang babaeng dadalaw lang sana sa nakakulong niyang kinakasama matapos mabisto ng babaeng jail officer ang shabu na itinago niya sa kanyang maselang parte ng katawan sa Caloocan City.

Ayon kay Caloocan City Jail (CCJ) Warden J/Supt. Jerome Verbo, alas-3:30 ng hapon nang dumating ang suspek na si alyas “Jezyl” sa CCJ sa Talimusak corner Tanigue St., Kaunlaran Village, Dagat-Dagatan para dalawin ang kinakasamang si alyas “Samya” na nakakulong sa naturang kulungan dahil sa kasong paglabag sa R.A 10591.

Inakala ng suspek na maipupuslit niya para sa kinakasama ang mga kontrabandong itinago niya sa kanyang maselang parte ng katawan subalit, napansin ni JO1 Eme Rose Bautista ang kakaiba niyang paglalakad na inihalintulad sa paglalakad ng isang pato.

Dahil dito, isinailalim sa pribadong pagrerekisa ng jail officer ang ginang at dito natuklasan ang nakapasok na 60-stick ng sigarilyo, anim na plastic sachets na naglalaman ng hinihinalang shabu, at dalawang alluminum foil sa kanyang ari na nakasilid sa parang-condom na lalagyan.

Dinakip ang ginang na sinampahan ng kasong paglabag sa R.A. 9165 o ang Comprehensive Dangerous Drug Act of 2002 sa Caloocan City Prosecutor’s Office. (Richard Mesa)