2024 April Archive - People's Balita

Archive for April, 2024

Sekyu na tumodas sa bading sa Valenzuela, timbog

Posted on: April 10th, 2024 by @peoplesbalita No Comments

ARESTADO ang isang security guard na tumodas sa bading na streetsweeper sa Valenzuela City nang matunton ng pulisya sa pinagtaguang lugar sa Quezon City, kamakalawa ng hapon.

Hindi nakapalag ang suspek na si alyas “Tanieca”, 25, nang dakmain siya ng mga tauhan ni Valenzuela police chief P/Col. Salvador Destura, Jr. dakong alas-2 ng hapon sa Seminary Road, Project 8, Quezon City, sa tulong na rin ng kuha ng mga CCTV at pakikipagtulungan ng kasamahang security guard ng salarin.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Destura, nangyari ang insidente ng pamamaril sa biktimang si alyas “Glemor”, 41, ng Ilang-Ilang St. Brgy. Maysan nitong Linggo ng gabi, Abril 7, sa Bypass Road, Brgy. Veinte Reales.

Sa pahayag ng testigong si alyas “Sarmeo” kay P/Cpt Armando Delima, hepe ng Investigation Unit, nagkita sila ng biktima sa lugar para mang “hala” ng lalaki nang dumating ang suspek dakong alas-10 ng gabi na kaagad niyang inalok na makipag-sex subalit hindi umano sila nagkasundo sa presyo.

Ang biktima naman aniya ang kumausap kay Tanieca at bahagya silang lumayo habang nag-uusap pero ilang minuto lang ay binaril na ng suspek ang kanyang kasama bago tumakas, tangay ang bisikleta at cellphone ng nasawi.

Isinugod naman ang biktima sa Valenzuela Medical Center subalit, idineklara siyang dead-on-arrival.

Positibong kinilala ni Sarmeo ang suspek habang nabawi rin ng pulisya sa kanya ang tinangay na bisikleta at mobile phone ng biktima na may kabuuang halagang P15,500, pati na ang kalibre .38 revolver na may karga pang apat na bala na ginamit niya sa pamamaril.

Ipiprisinta ng pulisya sa Valenzuela City Prosecutor’s Office ang suspek para sa inquest proceedings kaugnay sa kasong robbery with homicide na isasampa laban sa kanya. (Richard Mesa)

House-to-house wellness check

Posted on: April 10th, 2024 by @peoplesbalita No Comments

Nanawagan ang isang mambabatas sa mga mayor sa buong bansa na atasan ang kani-kanilang barangay na magsagawa ng jouse to house visits lalo na sa mga mahihirap na pamilya.

Ayon kay Senior Citizen Party List Rep. Rodolfo Ordanes, para sa kapakanan ng mga buntis, sanggol, bata, seniors, at PWDs ay nanawagan siya sa mga mayor na maging pro-active sa kanilang aksyon sa nakakapasong init ng panahon.

Sensitibo aniya ang mga sanggol at bata sa matinding init dahil madali silang ma-dehydrate.

Sinabi pa nito na kung ang mga nasa day care at kinder hanggang Grade 6, kapag pumalo na sa 39 degrees ang heat index forecast au mas makabubuting suspendihin na dapat agad ang face-to-face classes isang araw bago ang klase.

Mayroon naman aniyang 2-day heat index forecast ang PAGASA na madaling makita sa kanilang website.

Sa junior high school, senior high school, at college, ipinapayo ng kongresista nahuwag na munang magkaroon ng outdoor activities at gawing indoor muna lahat ng aktibidad at huwag silang ibilad sa araw.

Para naman sa mga sanggol, mga batang wala pa sa edad ng day care, at kanilang mga ina, problematic na ang mga sintomas kapag tumuntong na sa Extreme Caution na 33 to 41 degrees ang heat index.

“Nawa’y magkusa ang na mga Barangay Kapitan na tingnan ang kalagayan nila. O kung hindi man ay dapat ipag-utos ito ng Mayor.Mainam kung magbabahay-bahay ang mga barangay health workers, tanod, at social welfare officers ng munisipyo sa pook ng mga mahihirap. Ang mga nakatira sa barung-barong, yung mga walang kisame ang bahay. Sila ang pinaka-kawawa sa tuwing sobrang init ng panahon,” anang mambabatas.

Bukod sa dapat siguruhin na mayroong tubig na maiinom ang mga mahihirap ay dapat siguruhin din ang fire safety lalo na sa mga kabahayang gawa sa light materials tulad ng kahoy.

ang faulty electrical wiring, defective chargers at batteries, overheating appliances, gas stoves, at charcoal stoves ang kabilang sa mga madalas maging sanhi ng sunog. (Vina de Guzman)

PBBM, tinurn over ang Balanga housing units sa 216 relocated families

Posted on: April 10th, 2024 by @peoplesbalita No Comments

PINANGUNAHAN ni Pangulong Ferdinand R. Marcos Jr. ang pag-turn over ng housing units sa 216 informal settler families sa Balanga, Bataan na naapektuhan ng cleanup at relocation operations sa hazard-prone areas.

Ang relocated settlers ay nakatira noon sa kahabaan ng Talisay River.

Ang Balanga City Low-Rise Housing Project ng National Housing Authority (NHA), matatagpuan sa Barangay Tenejero, tampok ang anim na condominium-style buildings.

Ang bawat unit, may sukat na 27 square meters, ay mayroong dalawang bedrooms, isang kitchen, toilet, bath, at fully operational water at power supplies.

Sa naging talumpati ng Pangulo, sinabi nito na ang proyekto ay bahagi ng Pambansang Pabahay para sa Pilipino Housing (4PH) program ng gobyerno, naglalayon na tugunan ang anim na milyong housing backlog sa 2028.

“Sa loob ng maraming taon, humarap kayo sa peligrong dala ng pagtira sa tabi ng ilog. Kaya narito tayo upang bigyan ng lunas ang kanilang suliranin,” ayon sa Pangulo sa kanyang naging talumpati.

“Kayo ngayon ay maninirahan sa sariling bahay na ligtas, de-kalidad, at komportable. Ngayon pa lamang po ay binabati ko na ang ating mga benepisyaryo ng congratulation sa pagsisimula ng panibagong yugto ng inyong buhay,” dagdag na wika nito.

Tiniyak naman ng Punong Ehekutibo na nananatiling committed ang gobyerno na magtayo ng mas ligtas, de kalidad at komportableng housing units.

Samantala, plano naman ng NHA na magtayo ng basic facilities sa housing community, gaya ng four-story school building na may 20 silid-aralan, isang multi-purpose building, at isang covered basketball court.

May isang community center building ang naitayo na rin sa loob ng housing project upang matiyak na ang mga benepisaryo ay magkakaroon ng ‘access’ sa mga pangunahing bilihin, educational facilities at iba pang pangangailangan ng komunidad.

Mayroon itong health center, daycare center, barangay learning hub, mga tanggapan ng homeowners’ association at local government unit housing satellite office. (Daris Jose)

2 drug suspects huli sa P100K droga sa Valenzuela

Posted on: April 10th, 2024 by @peoplesbalita No Comments

MAHIGIT P.1 milyong halaga ng droga ang nasamsam sa dalawang hinihinalang drug personalities matapos matimbog ng pulisya sa magkahiwalay na buy bust operation sa Valenzuela City.

Sa kanyang report kay Valenzuela police chief P/Col. Salvador Destura Jr., sinabi ni PMSg Carlos Erasquin Jr na dakong alas-10:15 ng Martes ng umaga nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni P/Capt. Ronald Sanchez sa Dump Site, Area 4, Pinalagad, Brgy., Malinta laban kay alyas “Glenn”, 32 ng Brgy. Marulas.

Nang matanggap ang pre-arrange signal mula sa kanyang kasama na nagpanggap na poseur-buyer na hudyat na nakabili na siya ng droga sa kanilang target ay agad lumapit ang back-up na operatiba saka pinosasan ang suspek.

Nakumpiska sa suspek ang nasa 10 grams ng hinihinalang shabu na nagkakahalaga ng P68,000 at buy bust money na isang P500 bill, kasama ang 7-pirasong P1,000 at dalawang P500 boodle money.

Nauna rito, bandang alas-2:25 ng Martes ng madaling araw nang maaresto naman ng kabilang team ng SDEU sa buy bust operation sa kahabaan ng Gen T. De Leon Rd., Brgy. Gen. T. De Leon, si alyas “Ponching”, 21, construction worker.

Ani PMSg Ana Liza Antonio, nakuha sa suspek ang humigi’t kumulang 5 grams ng hinihinalang shabu na nagkakahalaga ng P34,000, isang gramo ng marijuana na nasa P120 ang halaga at buy bust money na isang P500, kasama ang 8-pirasong P1,000 boodle money at P200 recovered money.

Pinuri naman ni NPD Director P/BGen. Rizalito Gapas ang Valenzuela police sa kanilang pagsisikap para tugisin ang mga taong sangkot sa pagpapakalat ng droga na nagresulta sa pagkakaaresto sa mga suspek na mahaharap sa kasong paglabag sa Comprehensive Dangerous Drug Act of 2002. (Richard Mesa)

Walang banta sa buhay ni Teves-PBBM

Posted on: April 10th, 2024 by @peoplesbalita No Comments

MULING inulit ni Pangulong Ferdinand Marcos Jr. na walang banta sa buhay ni dating Negros Oriental Representative Arnolfo “Arnie” Teves Jr., itinuturong utak umano sa masaker sa Negros Oriental noong Marso 2023 na ikinasawi ng 10 katao, kabilang ang gobernador na si Roel Degamo.

”Same thing. Wala naman kami… sa lahat ng mga sinasabi ni Arnie Teves, takot siya sa buhay niya, wala kaming report na ganoon. Walang nagbabanta sa buhay niya,” ayon kay Pangulong Marcos.

Sa ulat, sinasabing dinakip si Teves sa Dili East Timor habang naglalaro ng golf.

Kasalukuyan ngayong nasa kustodiya ng Timorese police si Teves.

Sinabi ni Justice Secretary Jesus Crispin “Boying” Remulla na nakikipag-ugnayan na umano ang mga awtoridad ng Pilipinas sa mga awtoridad ng East Timor para maibalik sa bansa si Teves.

Matatandaang, Marso 2023 nang salakayin ng mga armadong lalaki ang tahanan ni Degamo sa Pamplona, Negros Oriental, at pinagbabarilin ang mga tao na nandoon pati na ang gobernador.

Nasawi si Degamo at siyam na iba, habang marami pa ang nasugatan.

May kinakaharap ding kaso si Teves sa hiwalay na pagpatay sa tatlong tao sa Negros Oriental noong 2019.

Nang mangyari ang masaker, nasa labas ng bansa si Teves at hindi na umuwi ng bansa. Hanggang sa matukoy na nasa East Timor siya at humihiling ng asylum.

Noong Agosto 2023, idineklara si Teves na terorista ng Anti-Terrorism Council, kasama ang 11 iba pa.

Pinatalsik din siya ng liderato ng Kamara de Representantes bilang kongresista dahil sa hindi na niya nagagampanan ang kaniyang trabaho bilang mambabatas.

Dati nang itinanggi ni Teves ang mga alegasyon laban sa kaniya. Iginiit din niya na may banta umano sa kaniyang buhay.

Nitong nakaraang Pebrero, inilagay si Teves sa red notice list ng International Criminal Police Organization (INTERPOL).

Ang red notice ay kahilingan upang hanapin ang isang tao na may kinakaharap na kaso at arestuhin para maiuwi sa kaniyang bansa.

Ikinatuwa naman ni Pamplona Mayor Janice Degamo, asawa ng nasawing gobernador, ang pagkakaaresto kay Teves. (Daris Jose)

Lalaki umakyat sa poste ng ilaw sa Navotas

Posted on: April 10th, 2024 by @peoplesbalita No Comments

NABULABOG ang tulog ng mga residente sa isang barangay sa Navotas City nang tatlong oras na mawalan ng supply ng kuryente matapos umakyat sa tuktok ng poste ng kuryente ang isang lalaki, Martes ng madaling araw.

Napuwersang putulin pansamantala ng Meralco ang supply ng kuryente sa kahabaan ng M. Naval St. Brgy. Sipac Almacen nang umakyat ang suspek na si alyas “Arnold” 39, residente ng Naic, Cavite dakong alas-2:30 ng madaling araw sa posteng kinalalagyan ng mga high tension wire sa tapat mismo ng Navotas City Hall sa M. Naval Street.

Ayon kay Navotas police chief P/Col. Mario Cortes, unang inireport sa kanila ang pagwawala ng suspek subalit nang respondehan ng kanyang mga tauhan, umakyat ang lalaki sa tuktok ng poste na dahilan upang mapuwersa naman ang Navotas Bureau of Fire Protection (BFP) na hilingin sa Meralco na putulin muna ang supply ng kuryente upang hindi makompromiso ang pagliligtas nila sa suspek.

Ilang oras ding hinimok ng rescue team ang suspek na bumaba na ng poste subalit patuloy lang na tumatanggi at hiniling na makausap ang kanyang asawa.

Dakong alas-5:06 ng umaga nang matagumpay na naibaba ng mga tauhan ng Special Rescue Force (SRF) ng Navotas, Caloocan at Valenzuela ang lalaki sa tulong ng dalawang boom truck na kanilang sinakyan kaya’t ibinalik muli ang supply ng kuryente alas-5:19 ng umaga.

Inamin ng lalaki na kamakailan ay gumamit siya ng ilegal na droga at may kinaharap na kasong murder at frustrated murder sa Bataan at Leyte provinces subalit, napawalang-sala na umano ito.

Ito aniya ang dahilan kaya’t hindi siya makapaghanapbuhay para buhayin ang kanyang pamilya subalit natuklasan ng pulisya na may kaso pa siyang robbery sa Malabon City.

Inisyal na kasong alarm and scandal ang isasampa ng pulisya laban sa suspek habang kinakalkal pa ang rekord ng iba pa niyang posibleng kinakaharap na kaso. (Richard Mesa)

Hindi katanggap-tanggap: banta sa mga karapatan sa soberanya, makapipinsala sa mga Pinoy -PBBM

Posted on: April 10th, 2024 by @peoplesbalita No Comments

“UNACCEPTABLE!”

Ito ang binigyang diin ni Pangulong Ferdinand Marcos Jr. sa kasalukuyang banta sa karapatan sa soberanya na makapipinsala sa mga Filipino.

Sa isinagawang paggunita sa Araw ng Kagitingan, nanawagan ang Pangulo sa mga Filipino na huwag payagan ang tinatawag nitong “oppressors in our territory.”

“Some present threats to our sovereign rights have in fact already caused physical harm to our people. Ang mga ito ay hindi katanggap-tanggap, hindi makatwiran o makatarungan,” ang bahagi ng naging talumpati ng Pangulo.

“Tulad nang ipinamalas ng ating mga ninuno, hindi tayo dapat magpasupil at magpaapi lalo na sa loob ng sarili nating bakuran,” dagdag na wika nito.

Ang pahayag na ito ng Pangulo ay bago pa lumipad patungong Washington, D.C. para dumalo sa trilateral summit kasama ang Estados Unidos at Japan.

Layon ng summit na itaas ang “ironclad alliance” sa kabilang ang tatlong bansa sa gitna ng tensyon sa West Philippine Sea bunsod ng agresibong aksyon ng puwersa ng Tsina.

Ang pahayag ng Pangulo ay matapos mapaulat na may apat na crew ng resupply vessel ng bansa ang sugatan kamakailan makaraang bombahin ng tubig ng dalawang China Coast Guard vessels habang nasa rotation and resupply mission patungong BRP Sierra Madre sa Ayungin shoal.

Dahil dito, tinuligsa ng National Security Council ang huling insidente ng pang-haharass ng China sa lehitimong operasyon ng Pilipinas sa West Philippine Sea.

Ayon sa NSC, 4 na crew ng Unaizah May 4, isa sa dalawang resupply boat na patungo sa BRP Sierra Madre, ang sugatan nang mabasag ang windshield nito sa pambobomba ng water cannon ng 2 barko Chinese Coast Guard.

Ang apat na sugatang crewmen ay nilapatan ng lunas sa Philippine Coast Guard vessel MRRV 4407, na nagtamo din ng pinsala matapos na unang banggain ng CCG vessel 21555.

Dahil sa pinsalang tinamo sa mapanganib na pagkilos

Ayon sa NSC, ang mga patuloy na iligal at iresponsableng aksyon ng China ay nagpapakita na kaduda-duda ang kanilang sinseridad na ayusin sa mapayapang dayalogo sa tensyon sa WPS.

Samantala, ayon sa Punong Ehekutibo ang Fall of Bataan ay tanda ng muling pagkabuhay ng “genuinely independent at sovereign Philippines.”

”82 years on, our nation remains confronted with novel challenges, in varying forms and degrees, but with the same existential impact. Some portend clear and present threats to our sovereign rights, and in fact have already caused physical harm to our people,” ayon sa Pangulo.

Samantala, nanawagan naman ang Chief Executive sa mga Filipino na tularan ang kabayanihan at katatagan ng mga bayani na pinagtanggol ang Bataan noong panahon ng

World War II para mapaglabanan ang kasalukuyang hamon na kinahaharap ng bansa.

Ayon sa Pangulo, ang mga kasalukuyang hamon ay ”no way less grave with offensive forces continuing to threaten the nation outside and within, endangering the country’s hard-fought gains.”

“There are times when our struggles seem too complex or too daunting. Still, these are precisely the moments that we must stand by our cherished freedoms and principles, perform our tasks with utmost dedication and diligence, and fight fiercely for a better life and a brighter future,” aniya pa rin.

(Daris Jose)

RYAN GOSLING AND EMILY BLUNT LEAD THE HILARIOUS, HARD-DRIVING, ALL-STAR APEX-ACTION THRILLER “THE FALL GUY”

Posted on: April 9th, 2024 by @peoplesbalita No Comments

HE’S only the stuntman, but he’s stealing the show.

Fresh from his Oscar®-nominated turn as Ken in “Barbie,” Ryan Gosling stars as a stuntman coming out of a brief hiatus and straight into a crazy conspiracy in “The Fall Guy,” a new action thriller with the perfect dose of comedy, irreverence and romance, from director David Leitch. Not only does Leitch’s directorial credits boast of hits such as “Bullet Train,” “Deadpool 2,” “Atomic Blonde” and “Fast & Furious Presents: Hobbs & Shaw”; he himself used to be a stunt performer.

In “The Fall Guy,” Gosling plays Colt Seavers, who, like everyone in the stunt community, gets blown up, shot, crashed, thrown through windows and dropped from the highest of heights, all for people’s entertainment. And now, fresh off an almost career-ending accident, this working-class hero has to track down a missing movie star, solve a conspiracy and try to win back the love of his life while still doing his day job.

Watch the trailer: https://youtu.be/B5_TsoRovDo?si=dzzxrWI01RAJLBw1

At the SXSW premiere of “The Fall Guy” in March, Gosling gave a shout out to his own stunt performer for the film, Logan Holladay. “There is a moment in the film where he buckles me in for a stunt that he is about to do. Then I get out of the car and he pats me on the back for a stunt that he just did,” said Gosling. “What I love about this movie is in any other film, you would never know that but in this one you do. It’s an opportunity to finally acknowledge the stunt performers and the incredible contribution that they already make to movies.”

Blunt, who also just had a very successful awards season thanks to her Oscar®-nominated performance in “Oppenheimer,” plays Jody Moreno, director of the mega-budget movie that Colton is currently working on – and also his not so welcoming ex.

Blunt had a blast exploring the world of making action movies from the inside. “Here we show the juxtaposition of the spectacle and the reality of making movies, which is beautiful. It’s absurd and wonderful at the same time,” said Blunt. “And there is another layer of tension that comes with action films, like setting up these stunts for hours to then drop someone off a building.”

“The Fall Guy” is director David Leitch’s most personal film yet, a love letter to action movies and the hard-working and under-appreciated crew of people who make them. In the hands of Leitch, the film offers an exciting inside look at what it’s like to be on a huge action movie set. “It was a love letter to stunts. We knew we had to be authentic in that world,” said Leitch, who produced the film with his producing partner and wife Kelly McCormick, and Gosling, at the SXSW festival.

Find out why “The Fall Guy” has gotten so much love, including from the Steven Spielberg, when the movie opens in Philippine cinemas May 1. #TheFallGuyMoviePH

Follow Universal Pictures PH (FB), UniversalPicturesPH (IG) and UniversalPicsPH (TikTok) for the latest updates on The Fall Guy.

(ROHN ROMULO)

PBBM, hinikayat ang publiko na magpartisipa sa traffic summit

Posted on: April 9th, 2024 by @peoplesbalita No Comments

INIMBITAHAN ni Pangulong Ferdinand R. Marcos Jr. ang publiko na makilahok sa nalalapit na traffic summit at sumali sa talakayan sa paghahanda ng paraan para mapabuti ang sitwasyon sa trapiko.

Sa kanyang YouTube vlog, sinabi ni Pangulong Marcos na habang ang long-term infrastructure projects ay isinasagawa, patuloy pa ring naghahanap ang gobyerno ng paraan para mabigyan ang mga mananakay at motorista ng agarang lunas mula sa traffic congestion.

“Concerned government agencies and local government units will discuss in detail the steps to be taken that would address the perennial traffic woes,” ayon sa Pangulo.

“Makilahok din kayo kahit sa comments section para malaman namin ang iba niyong mga idea at mga naiisip ninyo,” aniya pa rin.

Ang townhall meeting-style summit ay gagawin sa FilOil EcoOil Centre sa San Juan City, araw ng Miyerkules.

Sa kanyang six-minute vlog, sinabi ng Pangulo na ang pag-develop at pagpapabuti sa mobility sa kalapit-lalawigan ng Kalakhang Maynila gaya ng Bulacan, Pampanga, Laguna, at Cavite ay prayoridad para tugunan ang matinding problema sa trapiko.

Gayunman, humingi naman ng pang-unawa si Pangulong Marcos dahil matatagalan pa para makumpleto ang large-scale infrastructure projects.

Umapela rin ang Punong Ehekutibo sa mga mananakay at motorista na maging disiplinado at sumunod sa batas-trapiko.

“Ang higit nating kakulangang mga Pilipino sa daan ay ang disiplina. Dapat susunod tayo sa traffic rules. Para tayong mauubusan lagi ng kalye. Bago man ang kalye, kung luma pa rin ang ugali natin, eh wala rin,” ayon sa Pangulo.

“Ang pagbibigayan sa daan ay kailangan pa nating ipaalala sa bawat isa at sa ating mga sarili. Ang Bagong Pilipino ay disiplinado, sumusunod sa batas trapiko, nagbibigay sa kapwa at higit sa lahat hindi naghahari-harian sa daan,” dagdag na wika ng Chief Executive.

Gayundin, kinilala naman ng Pangulo ang benepisyo at pagiging epektibo ng flexible work arrangements na ginagamit ng pribadong sektor dito sa Pilipinas at sa ibang bansa sa kasagsagan ng Covid-19 pandemic.

Binanggit din nito na ang paggamit ng work-from-home setup at four-day workweek scheme, ay maaaring makatulong para tugunan ang traffic situation sa bansa. (Daris Jose)

Pamahalaang Panlalawigan ng Bulacan, nagsagawa ng sportsfest para sa mga PDL

Posted on: April 9th, 2024 by @peoplesbalita No Comments

LUNGSOD NG MALOLOS – Bilang bahagi ng pangako ng Pamahalaang Panlalawigan ng Bulacan na palawigin ang rehabilitation programs para sa persons deprived of liberty (PDLs), pinangunahan ng Provincial Civil Security and Jail Management Office sa pamumuno ni PCOL. Rizalino A. Andaya ang Bulacan Provincial Jail Sportsfest 2024 na may temang ‘Programang Pampalakasan, Tungo sa Malusog na Piitan’ na ginanap sa BPJ Plaza dito noong Biyernes.

Isasagawa ang mga aktibidad ng sportsfest sa buong buwang ng Abril kung saan siyam na koponan na may 10-12 na manlalaro ang maglalaban sa Basketball; dalawang koponan na may 8-12 na manlalaro sa Men’s Volleyball; apat na koponan na may 8-12 na manlalaro sa Women’s Volleyball; walong manlalaro para sa Class A Billiard at 16 para sa Class B Billiard; at 12 indibidwal naman ang magtatagisan sa chess tournament.

Sa kanyang mensahe sa isinagawang kick-off ceremony, binigyang diin ni Gob. Daniel R. Fernando ang adbokasiya ng Pamahalaang Panlalawigan na “Kapitolyo for Life” na nagsusulong na mapabuti ang kalidad ng pamumuhay ng bawat Bulakenyo gaya ng mga nasabing sports activities, kaya naman inihayag niya ang kanyang pasasalamat sa BPJ at iba pang katuwang na organisasyon para sa kanilang dedikasyon na gabayan ang mga PDL tungo sa matuwid na landas sa pamamagitan ng Community Service Programs at Skills Trainings habang nagsisilbi ng kanilang sentensiya.

“Everybody deserves a second chance, lalo’t higit ang mga taong pursigidong magkaroon ng maayos na pamumuhay. Ipagpatuloy niyo lang ang inyong magandang nasimulan upang maging mabubuting mamamayan ng ating lalawigan. Patuloy pong susuporta ang inyong lingkod sa inyong pagsisikap na magbago, kaya’t atin pong palalawigin ang holistic approach ng inyong rehabilitasyon, kung saan pangangalagaan natin ang inyong physical, mental, emotional at spiritual wellbeing,” anang gobernador.

Binati rin ni Fernando ang BPJ bunsod sa papuring natanggap mula kay Igg. Hukom Julie P. Merculito ng RTC Bulacan Branch 12 hinggil sa maayos at malinis na mga pasilidad sa Bulacan Jail.

Samantala, ang mga mananalo sa bawat sport event ay tatanggap ng cash prizes at tropeo mula sa Pamahalaang Panlalawigan.