NAGBIGAY ng reaksyon si Carla Abellana sa pag-amin ng ex-husband niyang si Tom Rodriguez na may dine-date na raw ito.

“I don’t see the need to comment or even react. Parang it’s not any of my concern anymore, parang gano’n,” diin pa ni Carla na handa rin kung sakaling aksidente silang magkita ni Tom.

Hindi rin naman daw sinasara ni Carla ang puso niya na umibig muli, pero di na raw siya muling magpapakasal.

“Ang love po hindi lang ‘yan romantic lang. Love is all around us, there’s family love, love for your career, everything, napakadami po niyan. I feel that, I still believe in love.

“Aminin ko po ang daming nag-change ‘yung mga perspective ko po, especially with marriage. ‘Yun po ang medyo nag-iba po ang aking pananaw or paningin pagdating sa marriage.

“I really honestly don’t see myself getting married again. Nag-iba po eh, nabulabog ang aking concept.”

***

SA Bali, Indonesia ang planong bakasyon sa darating na Holy Week ng Sparkle 10 girls na sina Liezel Lopez at Faith da Silva.

Pareho raw kasing puro trabaho ang dalawa kaya nagplano raw silang magbakasyon out-of-country sa Semana Santa.

“Yun ang naging plan namin ni Faith at sana po matuloy. Inaalam pa kasi namin yung schedules namin kasi may kanya-kanya kaming shows. Kapag nagtugma ang schedules namin, ituloy namin ang pagpunta sa Bali,” sey ni Liezel na miss na raw ang mag-emote sa beach.

Kapwa busy na sa kanilang careers sina Liezel at Faith after nilang sumali noon sa StarStruck season 6 noong 2015.

Si Faith ay may daily game show na ‘TiktoClock’ at magsimula na mag-taping for ‘Sang’gre’. Si Liezel ay nasa drama series na ‘Ng Asawa Ko’ at nasa sitcom din na ‘Walang Matigas Na Pulis Sa Matinik Na Misis.’

“Deserve namin ni Faith na umawra sa beach, ‘di ba? Puro kami work nitong mga nakaraang buwan kaya blessed na blessed kami.

“Kung matuloy kami sa Bali, ito yung unang bakasyon namin sa taong ito. Kahit ilang araw lang ay makapag-rest kami at makapag-sunbathing. Para may bagong bikini posts kami sa social media!” tawa pa ni Liezel.

***

NANALO ng dalawang Daytime Emmy Awards ang Filipino producer and talk show host na si Marc Anthony Nicolas para sa show na ‘The Talk.’

Naging goal nga raw niya as a Filipino and producer ang responsibility of representing Filipinos in the entertainment industry in the U.S.

“I felt like it was my duty as a Filipino and responsibility as well to highlight Filipinos on our shows. I highlighted Chef Val (Vallerie Castillo-Archer), and also Miss O for Olivia (Quido) for O [Skin] Med Spa.

“Winning the Outstanding Talkshow category was a really, really tough category back then, especially when you are up against some of the strongest talk shows like The Ellen DeGenres Show, The View, The Real, and Kelly and Ryan.

“When they called our name, my life flashed before my eyes. When I was walking up on stage, like it was slow motion and all I see are people clapping slowly or saying ‘congratulations.’

“With me being born in the Philippines, I remember the memory of stepping into the airplane and flying here when I was four years old, when I was graduating high school and when I was being a waiter in Olive Garden.”

(RUEL J. MENDOZA)

ITINANGGI ni Claudine Barretto ang isyung siya raw ang dahilan kung bakit wala si Jodi Sta.Maria sa ginanap na tribute para kay Mr. Johnny Manahan.

Paliwanag ni Claudine na wala raw talaga siyang kinalaman sa hindi pagsipot ng kapwa niya mga alaga dati ni Mr. M. Ayon pa rin sa aktres na kilalang very vocal, ay wala raw naman siyang kapangyarihan na magbabawal sa sinumang imbitado sa naturang okasyon.

Na kung saan pinagsama-sama ng Star Magic ang lahat ng mga talents na may malaking bahagi sa dati nilang mentor.

Dagdag paliwanag pa niya na baka naman daw may mahalagang appointment si Jodi nang araw na yun kung kaya hindi nakasipot ang magaling na aktres.

Matatandaang kay Claudine na rin nanggaling na may sama ng loob talaga siya kay Jodi. At may mga nasabi pa nga si Claudine against kay Jodi at sa dating asawang si Raymart Santiago na kung saan may isyu sa dalawa.

Ayon pa rin sa aktres na kung sakalıng dumating nga si Jodi sa nabanggit na okasyon ay malamang daw na iiwasan niya ito. “Alam naman nila na pranka akong tao. Totoo ako at Hindi ko tinatago ang anumang nararamdaman ko. Kumbaga paggalit, galit talaga,” sey pa ni Claudine.

***

UMANI ng iba’t-ibang reaksiyon at mga negatibong komento mula sa mga netizen ang Kamakailan lamang ginawang pagpapalit ng gamit na mikropono ni Bayambang Pangasinan Mayor at dating aktres na si Mayor Niña Jose-Quiambao. Nangyari Ito sa isang okasyon kung saan nagtalumpati ang dating aktres pero may kakaibang naamoy daw siya sa gamit gamit niyang mikropono. Pinapanood sa amin ang nasabing video at malinaw na malinaw ang pagkasabi ni Mayora Niña.

“Poca, can I change the mic? There’s bad breath here,” sey pa niya. “Sorry mabaho talaga ang mic. Sorry I can’t, ang baho, It’s amoy maaşim,“ dagdag pa niya. Binanggit pa rin naman ni Mayora Niña ayaw daw niyang magkaroon ng halitosis.

Pinilit naming makontak si Mayor Jose-Quiambao at kung sinuman sa mga staff niya sa pamamagitan ng iniwang telepono pero kagaya rin ng mga nauna naming pagpupumilit na makausap ang Mayora ng Bayambang, Pangasinan ay wala kaming nakausap. Pero sa totoo lang din nagpakatotoo lang din naman si Mayora Niña pero ang bukod tanging pagkakamali niya ay isina publiko pa niya ang hinaing niya. Pwede rin lang naman ibinulong na lang niya sa mga staff niya at ang mga ito na ang gumawa ng paraan, huh!

SA pamamagitan ng intimate wedding ceremony officiated by Quezon City Mayor Joy Belmonte, ikinasal ang celebrity couple na sina Ria Atayde at Zanjoe Marudo.

Naganap ang civil wedding last Saturday, March 23, around 3 in the afternoon. Sinaksihan ito ng pamilya at malalapit na kaibigan.

Sa Instagram post ng Kapamilya actor makikitang nakasuot siya ng black suit habang naka-white dress naman si Ria na may hawak na bouquet of flowers.

Ibinahagi rin ng aktor ang litrato ng kanilang bonggang wedding cake at isang black and white photo na tuwang-tuwa ang newly wed habang sinasabuyan ng petals ng bulaklak.

Caption ni Zanjoe, “03.23.24…
Happy Birthday MY WIFE!”

Itinaon talaga ang civil wedding sa 32nd birthday ni Ria, kaya double celebration ang nangyari sa panganay na babae nina Sylvia Sanchez at Art Atayde.

Naglabasan na rin ang mga photos na kuha sa wedding at sa reception.

Sa Balesin Island naman ang magaganap ang celebration na dadaluhan ng kani-kanilang pamilya at ilang malalapit na kaibigan.

Bumuhos naman ang mga pagbati sa pagpapakasal nina Ria at Zanjoe, na kung saan na-engage lang last month.

Nag-post din ng photo si Cong. Arjo Atayde na kuha sa wedding ng dalawa at may caption na, “Congratulations Ria and Zanjoe! Wishing you both a lifetime of love, laughter, and beautiful moments together. I love you both!”

Bago naman ang announcement ng kasal nina Ria at Zanjoe, nag-post din si Sylvia ng photo nilang mag-ina sa kanyang FB at IG account at may mensahe na, “Happy ako sobra dahil happy ka.
Happiest Birthday my Potpot @ria. Love u so much.”

Ilan sa mga unang bumati ng best wishes sa newly-wed ay sina Maine Mendoza, Rhea Tan, Marco Gumabao, Vina Morales, Carla Abellana at iba.

Mensahe naman ng kapatid ni Ria na si Gela Atayde, “Welcome to the family, kuya!”

Say naman ng aktres na si Jane Oineza, “Cutieeeees!!! So happy for the both of you!!”

“Uy wife!! Congrats mr & mrs marudo,” naman ang comment ni Angelica Panganiban.

Comment ni Isabelle Daza, “OMGGGGGG!”

“Congrats z and @ria!” sabi ni Kaye Abad.

“Congratulations tatayyy and ate @ria!” komento ni Kyline Alcantara.

“Wow! Congrats and best wishes Z!” sabi ng direktor na si Theodore Boborol.

“I’m soooo happy for ya both!!!,” say naman ni Arci Munoz.

Nag-comment din si Ms. Gloria Diaz ng, “Wow so happy for u both!”

Maging si Vice Ganda at nag-send din ng kanyang pagbati, “Congratulations Z and Ria!”

After ng civil wedding, tiyak na aabangan kung kailan naman magaganap ang church wedding kina Ria at Zanjoe, na for sure, magiging engrande din tulad ng kasalan Arjo at Maine last year.