INIHAYAG ni San Miguel Corporation (SMC) CEO Ramon S. Ang na hindi na itutuloy ng kanilang kumpanya ang pagtatayo ng kontrobersyal na Pasig River Expressway (PAREX).

Taong 2021 ng ihayag ng SMC ang kanilang kasunduan na isang Public-Private Partnership (PPP) sa pagtatayo ng nasabing expressway bilang isang bahagi ng programa ng pamahalaan sa ilalim ng Build! Build! Build.

Ang nasabing expressway ay itatayo mula east hanggang west na idudugtong sa R-10 ant C-6. Ito ay isang radial tollway na magbibigay ng derechong daan sa pagitan ng Maynila at Taytay sa Rizal kasama ang mga lungsod at bayan na malapit sa nasabing lugar. Magkakaron rin ito ng koneksyon sa Skyway 3.

Subalit ang nasabing proyekto ay nag-ani ng maraming batikos sapagkat maraming grupo ang tutol dito dahil ang mga pillars nito ay itatayo sa baybayin ng Pasig River.

“There was an outcry from several groups over the environmental impact of the construction of such a project on the ecology of the Pasig River, as well as the impact it could have on the many treasured heritage sites along the way,” wika ni Ang.

Samantala, agad naman sinagot ni Ang ang mga lehitimong concerns at mga misinformation tungkol sa nasabing proyekto at kanyang napag desisyunan na hindi na ituloy ang pagtatayo ng PAREX.

Sinabi rin ng isang grupo ng pangkalikasan na ang magiging malaking problema ay ang alignment nito kung saan ito ay dadaan at ilalagay sa itaas ng Pasig River. Dagdag pa ng grupo na ang ganitong malaking proyekto ay siguradong magkakaron ng hindi Magandang epekto sa ecology ng ilog kahit na ang SMC ay nangako na babawasan ang masamang epekto nito sa ilog.

Isa sa mga nakitang problema sa pagtatayo ay ang pagkakaron ng mga construction debris, constricting parts ng ilog, polusyon tulad ng rubber particles at kapag tapos na ang pagtatayo, ang ibang bahagi ng waterway ay mawawalan ng kailangan sikat ng araw kumpara sa pa sa dati.

Ang iba pa na rason kung bakit hindi na ito itutuloy ay dahil makakaapekto rin ito sa patuloy na ginagawang rehabilitation at beautification projects sa baybahin ng Pasig River. May plano rin na ilungsad ang revitalized ferry service sa kahabaan ng ilog. LASACMAR

PINAKIKILOS na ni Quezon City Mayor Joy Belmonte ang iba’t ibang departamento sa city hall upang agad na matugunan at maresolba ang sakit na ‘pertussis’ o ­whooping cough sa lungsod.

Kasunod ito ng deklarasyon ng QC LGU ng ‘pertussis outbreak’ matapos na sumipa sa 23 ang naitalang kaso sa lungsod kung saan apat na ang nasawi.

Ayon naman kay QC Epidemiology and Surveillance Dept Chief Dr. Rolly Cruz, kadalasang biktima ng sakit na ito sa lungsod ay mga sanggol na wala pang anim na buwang gulang. Aniya, ang pagsirit sa kaso ng pertussis ay dulot ng kawalan nang bakuna ng mga sanggol.

Sa kasalukuyan, 14 brgy na ang apektado ng pertussis sa QC kung saan pinakamarami ang kaso sa Brgy. Payatas B.

Gayunman, tiniyak ni Belmonte na walang dapat ikabahala ang mga residente dahil nakatutok na ang pamahalaang lungsod para agad na matugunan ang sitwasyong ito.

Kabilang sa hakbang ng LGU ay ang pinaigting na surveillance, at contact tracing para maiwasan ang pagkalat ng sakit. Plano na rin ng pamahalaang lungsod na bumili ng sariling Pentavelant Vaccine panlaban sa kumakalat na pertussis.

Kaugnay nito, pinayuhan naman ng LGU ang mga residente na sundin ang tamang respiratory hygiene lalo na kapag umuubo, at ugaliin pa rin ang tamang pag-iingat gaya ng regular na paghuhugas ng kamay.

Para sa mga may anak na sanggol pa, iwasan munang dalhin ito sa matataong lugar.

Hinikayat din ang mga may sintomas ng ubo na agad magpakonsulta sa pinakalamalapit na health center, magsuot ng face mask at huwag munang lumapit sa mga sanggol.