ANG Puregold CinePanalo Film Festival, ang pinakahihintay na event na nakatakdang iangat ang bagong henerasyon ng outstanding Filipino films.

Opisyal nang pinakilala ang mga tatanggap ng inaasam na film grant sa media conference na ginanap sa Artson Events Place, Quezon City noong Lunes, Enero 22.

Dinaluhan ito ng mga kinatawan mula sa Puregold, ang mga direktor ng pelikula, kani-kanilang mga producer, at iba pang pangunahing miyembro ng kanilang team.

Itinampok sa press conference ang pangunahing layunin ng Puregold, na magbigay ng plataporma para sa well-known at emerging filmmakers, and to showcase narratives na tinatawag nilang ‘Kuwentong Panalo’, na maaaring makaantig sa puso at magpapaalala sa ating matinding diwa ng Pilipino.

Mula sa daan-daang entries sa CinePanalo, tatlumpu’t isa lamang sa mga pinakamahusay ang napili bilang mga finalist. Pormal silang ipinakilala, na kung saan minarkahan din ang
simula ng huling yugto ng Puregold CinePanalo Film Festival.

Kabilang sa six full-length film finalists ang newcomer na si Kurt Soberano, sa kanyang entry na “Under the Piaya Moon,” at si Eugene Torres sa kanyang “One Day League: Dead Mother, Dead All”. Sila ang nakakuha ng “Producer’s Choice” title, kaya naging anim ang slots.

Kasama nila ang mga kilalang direktor na si Sigrid Bernardo para sa “Pushcart Tales,” Raynier Brizuela para sa “Boys at the Back,” Joel Ferrer para sa “Road to Happy,” at Carlo
Obispo para sa “A Lab Story”.

Ang anim na full-length film director ay nakatanggap ng substantial grant na Php 2,500,000 bawat isa, habang 25 short film student director ang nabigyan ng Php 100,000 bawat isa.
Bukod dito, lahat ng mga finalist ay nakatanggap din ng complimentary color grading mula sa Optima Digital, gayundin ang mga essential groceries mula sa Puregold para mas suportahan ang mga ito habang nasa produksyon.

Ang finished Puregold CinePanalo full-length and short films ay mapapanood sa Gateway Cinemas sa Cubao,QC, mula Marso 15 hanggang 17, 2024, na susundan ng potential regional screenings.
Magiging available din ang mga short film sa opisyal na social media channels ng Puregold sa YouTube at TikTok.

Ang mga kilalang selection committee ay binubuo ng beteranong direktor ng pelikula at telebisyon na si Jeffrey Jethurian; award-winning filmmaker na si Victor Villanueva; Puregold senior marketing manager na si Ivy Hayagan-Piedad; Lyle Gonzales ng Republic Creative; at festival director ng Puregold CinePanalo na si Chris Cahilig, na naging crucial ang role para sa paghubog ng trajectory ng naturang filmfest.

Narito naman ang 25 promising new student directors na nakapasa sa kanilang pihikang panglasa na maglaban-laban sa pagandahan sa kani-kanilang short film:

● Jenievive B. Adame – “Smokey Journey” (STI College Cubao)
● Ma. Rafaela Mae Abucejo – “Saan Ako Pinaglihi” (Polytechnic University of the Philippines)
● Alexa Moneii Agaloos – “Ka Benjie” (Polytechnic University of the Philippines)
● Kent Michael Cadungog – “Text FIND DAD and Send to 2366” (University of the Philippines)
● John Pistol L. Carmen – “Repeater si Peter” (Bicol University)
● Chrisha Eseo Cataag – “Hallway Scholar” (Pamantasan ng Lungsod ng San Pablo)
● Patricia W. Dalluay – “Lola, Lola, Paano Ba ‘Yan?” (Polytechnic University of the Philippines)
● Joanah Pearl Demonteverde – “Kang Pagpuli Ko” (University of the Philippines – Visayas)
● Joshua Andrey A. Doce – “I Am Mutya And I Thank You!” (Bicol State College of Applied Science and Technology)
● Neil M. Espino – “Sa Hindi Paghahangad” (De La Salle Lipa)
● Terrence Gale Fernandez – “Kaibigan ko si Batman” (Polytechnic University of the Philippines)
● Daniel Gil – “Distansya” (Ateneo de Davao University)
● Alexandra Lapid – “Queng Apag” (Mapúa University)
● Reutsche Colle Rigurosa Lima – “Tiil ni Lola” (University of San Carlos)
● Dizelle C. Masilungan – “Kung Nag-aatubili” (University of Santo Tomas)
● Jose Mikyl Medina – “Lutong Bahay” (De La Salle University)
● Ronjay-C Mendiola – “Last Shift” (Polytechnic University of the Philippines)
● Mark Terence Molave – “Paano po gumawa ng collage college?” (Polytechnic University of the Philippines)
● Jhunel Ruth A. Monterde – “Si Mary May Crush Kay Tess” (De La Salle College of Saint Benilde)
● Doxford D. Perlas – “Naduea Eoman Si Brownie (Brownie’s Lost Again!)” (University of the Philippines – Visayas)
● Andrea S. Ponce – “Layag sa Pangarap” (Polytechnic University of the Philippines – Sta. Mesa)
● Edz Haniel Teñido Purificacion – “Dzai Dzai Dzai Delilah” (Mapúa Malayan Colleges Laguna)
● John Wilbert Llever Sucaldito – “Tambal nga Sabaw” (Far Eastern University)
● Tyrone Lean J. Taotao – “Abandoned Lullabies” (Polytechnic University of the Philippines – Sta. Mesa)
● Marian Jayce R. Tiongzon – “May Kulay Rosas Ba Sa Bahaghari?” (University of the Philippines – Visayas)

(ROHN ROMULO)

UMANI ng papuri si Kaila Estada bilang isang mahusay na aktres sa online/TV series na ‘Linlang’, and this time, sa isang pelikula naman masusubok ang kanyang galing.

Sa historical film na kasalukuyang sinu-shoot ngayon na ‘Pilak’ ay unang beses na gaganap si Kaila sa isang dual role bilang babaeng nagpapanggap na lalaki.

Hindi naman raw kabado si Kaila sa pagtatawid sa naturang papel dahil may acting coach raw sila sa set na siyang tutulong kay Kaila.

Lahad ni Kaila, “Hindi lang dahil dual yung role but also because siyempre this is a period film so iba yung pananalita, iba yung kilos so thankfully we have somebody on set who will help me with that.

“Nag-yes po ako sa film kasi sobrang open po ako to new experiences. I really want to be able to challenge myself then this is something that’s really far from everything I’ve done so far.

“So it’s nerve-wracking pero I’m really, really, really excited so I’m really thankful that I was considered for this role.”

Para rin makapag-prepare si Kaila ay nanood siya ng mga pelikulang may ganitong tema, mga period films.

Kaya walang duda na kapag ipinalabas na sa Hulyo ang ‘Pilak’ ay aani muli ng paghanga at papuri si Kaila bilang aktres.

Ang “Pilak” ay produced ng Visionary Entertainment Productions nina Inah de Belen (na kapatid ni Kaila) at boyfriend na si Jake Vargas.

Yes, movie producers na sina Inah at Jake, pati na rin ang GMA actress na si Thea Tolentino na sumosyo sa “Pilak” kahit hindi mismong kasali sa Visionary. Kumbaga “guest” producer siya.

Producer rin ang mismong direktor ng pelikula na si Elaine “Alex” Crisostomo at Bea Glorioso at Uno Juan bilang executive producer.

Line produced naman ang pelikula ng Entablado Production USA at Ilaw Media kung saan artista rin ang ama ni Inah na si John Estrada.

First time ito na magkakasama sa isang pelikula o proyekto sina Kaila, John, Inah at Jake.

***

GUSTONG maging action star ni Xian Lim.

Tinanong kasi namin si Xian kung ano pang role ang gusto niyang subukan matapos gumanap bilang lalaking buntis sa ‘False Positive,’ bilang figure skater sa ‘Hearts On Ice’ at bilang isang lalaking paulit-ulit mamamatay at mabubuhay sa ‘Love. Die. Repeat.’

“Para sa akin po, hindi pa po ako nakakagawa ng action,” pakli ni Xian.

“I think iyon po, or I think something dark, na bida/kontrabida, something like that.

“In the future, hopefully, hopefully po.”

Si Xian ay gumaganap bilang si Bernard sa Love. Die. Repat.

Leading lady niya rito si Jennylyn Mercado bilang si Angela.

Mula ito sa direksyon ni Jerry Lopez Sineneng at Irene Villamor at napapanood weeknights, 8:50 pm sa GMA Prime.

(ROMMEL L. GONZALES)