BINIGYANG DIIN ni Se­nator Christopher “Bong” Go ang mahalagang papel ng Republic Act No. 11959, kilala rin bilang “Regional Specialty Cen­ters Act”, bilang tugon sa nakababahalang istatistika na ang sakit sa puso ang pangunahing sanhi ng kamatayan sa Pilipinas.

Pangunahing itinagu­yod ni Go at isa sa mga may-akda sa Senado, ang batas ay nag-uutos sa paglikha ng mas mara­ming specialty center sa mga regional hospital sa buong bansa upang mailapit ang espesyal na pangangalaga sa mga nangangailangan.

Sa ilalim ng Regional Specialty Centers Act, ang mga kasalukuyang ospital ng Department of Health sa Pilipinas ay magkakaroon ng specialty center na nakatuon sa special care, kinabibilangan ng sakit sa puso, at iba pa, bukod sa Philippine Heart Center sa Quezon City.

“Meron kasing ibang nasa malalayong lugar na hindi na pumupunta sa mga espesyalista para magpakonsulta dahil sa sobrang layo. Imbes na igastos sa pamasahe, ibili na lang nila ng bigas at ulam,” paliwanag ni Go. “Kaya ang simpleng sakit katulad ng high blood pressure, dahil hindi natugunan, nahuhulog sa mas malalang kondisyon, katulad ng mga heart di­seases. Mas magastos pa para sa pamilya at sa gobyerno.”

Ang sakit sa puso ay nananatiling pangunahing sanhi ng pagkamatay sa Pilipinas sa unang kalahati ng 2023, ayon sa Philippine Statistics Authority.

Higit sa 123,000 pagkamatay ang naitala noong 2022 at higit sa 155,000 noong 2021.

Kasunod ang cancer, stroke at diabetes mellitus.

“Meron kasing ibang nasa malalayong lugar na hindi na pumupunta sa mga espesyalista para magpakonsulta dahil sa sobrang layo. Imbes na igastos sa pamasahe, ibili na lang nila ng bigas at ulam,” paliwanag ni Go. “Kaya ang simpleng sakit katulad ng high blood pressure, dahil hindi natugunan, nahuhulog sa mas malalang kondisyon, katulad ng mga heart di­seases. Mas magastos pa para sa pamilya at sa gobyerno.”

MAHIGIT sa 30 taong napagkaitan ng mga lupa ang may 1,000 magsasaka sa Palawan dahil sa paghahari ng pamilya ni Department of Environment and Natural Resources (DENR) Secretary Ma. Antonia Yulo-Loyzaga ay maghahain na ng kaso sa Office of the Ombudsman ang mga bumubuo ng Katipunan ng mga Samahang Magbubukid sa Timog Katagalugan (KASAMA-TK).

Inihayag ni Katipunan ng mga Samahang Magbubukid sa Timog Katagalugan (KASAMA-TK) Spokesman Orly Marcellana na ipinoproseso na umano ng kanilang hanay sa asiste ng kanilang legal counsels sa isasampang kaso sa Office of the Ombudsman dahil malinaw umano na may “CONFLICT OF INTEREST” ang pagkakatalaga kay DENR Secretary Ma. Antonia Yulo-Loyzaga ng hukuman na ito ang Executor ng YKR na umaangkin sa may 40,000 ektaryang lupain sa Coron at Busuanga sa Palawan.

Ang Manila Regional Trial Court Branch 17 ay naglabas ng resolusyon sa pagtatalaga kay Yulo-Loyzaga (DENR Secretary) bilang ito ang Executor ng YKR Corporation, kung saan itong si ACT Partylist Rep. France Castro ay naghain ng resolusyon para magsagawa ng “Investigation in Aid of Legislation” ang Congress.

Ang mga itinalaga ng korte bilang mga Co-Administrator ay isang Ma. Paz Socorro J. Yulo Cammack na kapatid ni DENR Secretary, na ang iba pang tagapagmana ng yumaong si Jose A. Yulo ay sina Teresa J. Yulo, Cecilia J. Yulo, Maria Teresa Carmen J. Yulo Gomez, Jose Luis J. Yulo, Jose Enrique J. Yulo, Ma. Carmen J. Yulo, Jose Manuel J. Yulo at Jose Maria J. Yulo.

Sa pagpupunto ni Marcellana ay may “CONFLICT OF INTEREST” sa naging paghirang at pagtanggap sa puwesto ni Yulo-Loyzaga bilang DENR Secretary.

Hinimok din ng mga magsasaka si House Speaker Martin Romualdez na magpakita ng sinseridad ang administrasyon sa pagpapaimplementa ng Republic Act 6657 o ang Comprehensive Agrarian Reform Law.

Nitong nagdaang buwan ay nag-atas si President Ferdinand “Bongbong” Marcos Jr. sa Department of Agrarian Reform (DAR) na kumpletuhin na ang pamamahagi ng Land Titles sa mga karapatdapat na Agrarian Reform Beneficiaries (ARB).

Sa pananaw ng mga bumubuo ng Makabayan Bloc ay malinaw umano na may “CONFLICT OF INTEREST” na bumabalot kay DENR Secretary para sa kapakanan ng YKR na pagmamay-ari ng Yulo Family sa Palawan, na rektang inaakusahan ni Act Partylist Rep. Castro si Yulo-Loyzaga sa kasong Ethical Violation nang tanggapin nito ang posisyon gayong batid nito na pinipetisyon ang YKR na ipamahagi na sa mga magsasaka ang lupain sa ilalim CARP.

Sa Fact-Finding and Solidarity Mission Report noong taong 2014 na sumasaklaw sa Coron at Busuanga ay isinalarawang “THE LARGEST AGRARIAN ANOMALY IN THE COUNTRY” ang LAND GRABBING CASE ng YKR.

Bago naangkin ng YKR ang nasabing lugar ay may mga magsasaka na ang naninirahan at nagsasaka noon pang early 1930’s, subalit dahil sa land grabbing ay napagkaitan ang mga magsasaka base sa Fact Finding Team na nagsagawa ng panayam sa mga residente mula sa 8 villages na naapektuhan tulad ng Decalachao, Guadalupe, San Jose, San Nicolas sa Coron at Quezon, New Busuanga, Cheey at Sto. Niño sa Busuanga. (PAUL JOHN REYES)