2024 January Archive - People's Balita

Archive for January, 2024

Herbosa, umapela kay PBBM na suspendihin ang PhilHealth premium hike

Posted on: January 19th, 2024 by @peoplesbalita No Comments

TINITIMBANG na mabuti at masusing pinag-aaralan ng Malakanyang ang rekomendasyon ni Health Secretary Ted Herbosa kay Pangulong Ferdinand Marcos Jr. na suspendihin ng implementasyon ng premium rate increase ng Philippine Health Insurance Corporation’s (PhilHealth) ngayong 2024.

“The President is studying the request,” ayon kay Communications Secretary Cheloy Garafil nang hingan ng reaksyon sa naging pahayag ni Herbosa.

Nauna rito, nagpadala si Herbosa kay Pangulong Marcos ng recommendation letter, araw ng Martes na nagbibigay-diin na ang nasabing hakbang ay walang makabuluhang epekto sa financial standing ng PhilHealth kung ang pagtaas ng premium rate ay maaantala.

“If ever the President will agree to the contribution, my recommendation is to start from where we stopped, not the current 5%. If we stopped at 2% or 3% increase, we start at where it was suspended. That for me is the logical way to lift suspension. We don’t jump to a very high [rate] kasi kawawa ang mga tao,” ayon kay Herbosa.

“My position is that, I think PhilHealth has enough money to actually continue to give benefits. It will not be hurt by delaying the increase in premium. I need to see good actuarials on this one. You need to have a science-based policy. Hindi ‘yung whim na itataas mo lang . There are other things that are supporting health care,” dagdag na wika nito.

Iniugnay ng Kalihim ang posisyon niyang ito para mapanatili ang suspensyon ng premium hike sa gitna ng tumataas na presyo ng mga pangunahing bilihin.

“Nagtataasan kasi [ang presyo ng] lahat ng bilihin eh, so it is the right time to actually already fill in. I know PhilHealth is healthy with a very good reserve and a very good investment,” ang pahayag ni Herbosa.

Sa ulat, muling ipinaalala ng PhilHealth na itataas na sa 5% ang premium rate ng kontribusyon para sa taong 2024.

Kung matatandaan sa nakalipas na taon nasa 4% lamang ang premium rate na nagiging kontribusyon ng bawat empleyado.

Ayon kay PhilHealth President Emmanuel Ledesma Jr., sa loob ng 13 taon, nito lamang December 2023 sila nagtaas ng premium rate para sa kada buwan na kontribusyon.

Aniya, malaki ang maitutulong ng pagtaas ng premium rate ng kontribusyon para sa mga miyembro at empleyado nito dahil sa makukuhang benefit sa bawat mangangailangan ng serbisyo ng PhilHealth.

Kung noon ay nasa ₱400 lamang ang kontribusyon ng bawat empleyado ngayon ay nasa ₱500 to ₱5,000 na kada buwan na ang kontribusyon para sa mga sumasahod ng ₱10,000 to ₱100,000 o basic pay kada buwan.

Samantala, tiniyak naman ng PhilHealth na magagamit ng mga empleyado at mapupunta sa tama ang mga kontribusyon ng bawat empleyado para maihatid sa kanila ang iba’t-ibang serbisyo na ino-offer ng Philhealth. (Daris Jose)

PBBM, Unang Ginang Liza Marcos pinangunahan ang inagurasyon ng “showcase area” ng Pasig River urban development project sa Maynila

Posted on: January 19th, 2024 by @peoplesbalita No Comments

PINANGUNAHAN nina Pangulong Ferdinand R. Marcos Jr. at Unang Ginang Liza Araneta-Marcos ang pagpapasinaya sa showcase area ng Pasig River urban development project sa Maynila.

Sakop ng showcase area ang mahigit sa 500 metro, sa likod ng Manila Central Post Office building, ay bahagi ng “initial phase” ng komprehensibo, multi-agency urban renewal project sa pangunguna ng Inter-Agency Council for the Pasig River Urban Development (IAC-PRUD), kung saan ang tumatayong chairman ay si Department of Human Settlements and Urban Development (DHSUD) Secretary Jose Rizalino Azucar.

Binansagan bilang “Pasig Bigyan Buhay Muli” (PBBM), ang proyekto ay naglalayong i-transform ang Pasig River sa isang sentro ng economic activity, tourism at i- promote ang transportation connectivity sa Kalakhang Maynila at kalapit na lalawigan.

Ang newly-constructed showcase area ay magsisilbing public park na binubuo ng pedestrian-friendly walkway sa isang konkretong platform na may water fountain na bibigyang-buhay ng pailaw at sitting areas na magsisilbi bilang open-air venue para sa mga event.

“Patunay po ito na kapag nagsama-sama ang lahat ay walang imposible. Sa pagkakaisa ng gobyerno at pribadong sector ay nabuo ang napakagandang parke na ito na sumisimbolo sa bagong pag-asa,” ayon kay Pangulong Marcos.

“Asahan po ninyo na ako, kasama ang First Lady, ay makakasama ninyo hanggang sa mabuo ang proyektong ito na isa na namang malaking hakbang patungo sa Bagong Pilipinas,” dagdag na wika nito.

Matatandaang noong Hulyo 25, 2023, nagpalabas si Pangulong Marcos ng Executive Order 35, nagbibigay mandato sa “rehabilitation of the Pasig River to its historically pristine condition conducive to transport, recreation and tourism.”

Kaagad namang bumuo ang IAC-PRUD ng master plan para sa rehabilitation project at pagkatapos ay inaprubahan.

Ang Unang Ginang ang unang nagbigay ng kanyang buong commitment sa proyekto.

Ang recreational at wellness amenities gaya ng public parks at ang daan sa pagdya-jogging at pagba-bike ay itatayo sa key areas sa kahabaan ng 26-kilometer stretch ng ilog na bumabagtas sa 11 lungsod sa metropolis.

Bilang tugon sa panawagan ng EO 35 na “improve the quality of life along the banks of the river and its surrounding communities,” kabilang sa master plan ng IAC-PRUD ay ang relokasyon ng informal settler families (ISFs) na kasalukuyang nakatira sa kahabaan ng river banks.

Ang relokasyon ng ISFs ay isasagawa bilang bahagi ng flagship Pambansang Pabahay Para sa Pilipino Program na ipinatupad ng DSHUD.

“The showcase area behind Manila Central Post Office is highlighted by a transition bridge under the Jones Bridge that will ensure seamless connectivity from Manila Bay’s north harbor to Laguna de Bay,” ayon sa ulat.

“The government envisions Pasig River to play a significant role in economic development activities in the metropolis just like waterways in other major cities in the world, like the Thames River in London, the Chao Phraya in Bangkok and the Seine River in Paris,” ayon pa rin sa ulat.

“We already have the all-out support of the President and the First Lady. With the dedication of the inter-agency council and financial help from donors in the private sector, we hope to transform the First Couple’s vision into reality, restore the beauty of the Pasig River and transform it into a prominent landmark for tourism and economic activity,” ang pahayag naman ni Azucar. (Daris Jose)

Marami pang kaabang-abang na eksena: MARICEL, ‘di makapaniwala sa tagumpay ng ‘Linlang’

Posted on: January 18th, 2024 by @peoplesbalita No Comments

MATUTUNGHAYAN na sa free TV ang teleserye version nang gumimbal at pinag-usapang “Linlang” na pinagbibidahan nina Paulo Avelino, Kim Chiu, JM de Guzman at si Diamond Star Maricel Soriano.

Sa ginanap na mediacon sa Dolphy Theatre noong January 15, inamin premyadong aktres, na hindi niya inakala ang tagumpay ng “Linlang” na napanood sa higit 200 countries sa pamamagitan ng Prime Video noong nakaraang taon.

“Nakanganga ako noon, ‘yung tulala. Siya nga ba? Sabi ko, ‘Totoo ba ito o chika-chika lang tayo?’ Pero totoo raw kaya sabi ko, ‘Ay ang ganda naman nang nangyari,” pahayag ni Marya.

Excited na rin siya na maipapalabas na ang teleserye version ng “Linlang” kung saan nakilala ang kanyang karakter na si Amelia, ang ina ng magkapatid na sina Victor (Avelino) at Alex (de Guzman).

“Kasi sigurado iba ‘yung dito sa (teleserye version), iba ‘yung sa kanila (sa Prime Video) kasi isang oras ‘yon eh. At saka may araw lang, dito everyday mapapanood,” say pa ni Soriano.

“Yung turn-about ng mga pangyayari talagang si God lang ang pwedeng makaalam lang noon. Kaya gulatan factor ‘yung nangyari sa amin, nagkagulatan,” dagdag pa ng aktres.

Isa sa mga hindi makakalimutan at nag-viral na eksena sa “Linlang” ay ang “iconic sampal” ni Marya kay Kim, na isang pangarap na natupad, kaya ito ang favorite scene niya.

Inamin ni Kim, tatlong beses siyang pinagsasampal ni Maricel sa isang eksena.

“Three takes yun, rehearsal, tapos blocking, take take. Aray!

“Kaya gusto ko ring magpasalamat kay Inay, kasi gusto talaga niyang lumabas ang totoong aray. And I think, naramdaman din ng audience yung totoong sakit,” kuwento ni Kim.

Nag-usap naman daw sina Maricel at Kim para magawa ng tama ang intense scene.

Say pa ni Maricel, “kung hindi naman nakisama si Kim, at hindi niya alam ang gagawin niya, hindi naman magiging maganda yun.”

Marami pa ngang aabangan sa teleserye version ng “Linlang” na siguradong magugustuhan ng mga manonood, dahil nasa 60% pa ang hindi naipalabas sa Prime Video.

Kaya sigurado silang magugustuhan ito ng televiewers.

“Positive ako na mas magugustuhan niyo ito. Kung nagustuhan niyo ‘yung doon sa ibang bansa maganda ‘yon pero iba naman tayong mga Pinoy, hindi ba? So sa tingin ko mas maiiyak kayo rito,” dagdag pa ni Maricel na ibinuking na mayroon pang makakatikim ng sampal niya sa teleserye version ng “Linlang.”

At masasagot na rin ang mga katanungan tungkol sa mga characters ng serye, tulad na lang ng role ni Kim bilang Juliana na labis na kinamuhian.

“Yes, mas maiintindihan na nila si Juliana, kung saan siya nanggaling, kung bakit ganun ang naging reaction niya.

“Kung bakit ganun niya kamahal si Alex at kung bakit ganun ang trato niya kay Victor.

“Actually dito sa teleserye version mas maipapaliwanag ni Juliana ang sarili niya sa lahat ng may galit sa kanya,” esplika pa ni Kim.

Mula ito sa direksiyon nina FM Reyes at Jojo Saguin, kabilang din sa serye sina Ruby Ruiz, Kaila Estrada, Jaime Fabregas, Raymond Bagatsing, Albie Casiño, Jake Ejercito, Heaven Peralejo, Adrian Lindayag, Race Matias, Benj Manalo, Lovely Abella, Frenchie Dy, Ross Pesigan, Hanna Lexie, Juno Advincula, Connie Virtucio, Lotlot Bustamante, Meann Espinosa, Danny Ramos, Bart Guingona, Marc Mcmahon, Anji Salvacion, at Kice.

Mapapanood ang “Linlang: The Teleserye Version” simula na ngayong Lunes, Enero 22 sa Kapamilya Channel, Kapamilya Online Live, iWantTFC, TFC, A2Z at TV5.

DENR INALMAHAN NG TRIBONG DUMAGAT SA LUMILIIT NG MINANANG LUPAIN

Posted on: January 18th, 2024 by @peoplesbalita No Comments

BARAS, Rizal — May 800 na pamilya na kabilang sa tribong Dumagat ang umalma sa balak na palayasin sila sa kanilang minanang lupain na sakop ng mga bayan ng Tanay, Baras, at Antipolo.

Sa isang panayam, bilang pinuno ng grupong Dumagat-Remontado sa Barangay San Ysiro, binanatan ni Alex Bendaña ang Department of Environment and Natural Resources (DENR) dahil sa kabiguan nitong protektahan ang Upper Marikina River Protected Landscape (UMRPL) at ang kanilang minanang lupain mula sa land grabbers na nagpapanggap na environmental advocates.

Sa ngalan ng isa sa pitong tribong Dumagat na naninirahan sa pinaka katimugang dulo ng kabundukan ng Sierra Madre, nagpahayag ng pagkatakot si Bendaña sa agresibong pagsisikap na paalisin sila sa kanilang tahanan sa harap ng mga hakbang na buwagin ang Indigenous Peoples’ Rights Act (IPRA).

“Nabalitaan namin na may nagsusulong sa Kongreso na i-abolish ang IPRA, yun na nga lang po tanging batas na kalasag ng mga katutubo tapos aalisin pa nila,” sabi ni Bendaña sa panayam. Nang tanungin kung anong partikular na lugar ang pinangangambahan nila, nagpahiwatig ang pinuno ng Dumagat-Remontado tungkol sa 13,000 ektaryang minanang lupaing malapit sa Marikina Upper Marikina River Basin Protected Landscape.

Nang hingan pa ng detalye, pinunto ni Bendaña ang malalaking istraktura sa loob ng parehong protektadong lugar ang watershed at ang kanilang lupain na nagbibigay duda sa pagbenta ng DENR.

“Nakakapagtaka nga lang po talaga kung paano nakakuha ng clearance sa DENR ‘yung mga may-ari ng naglalakihang mansyon at iba pang istraktura dito sa loob ng protected area,” sabi ni Bendaña at idinagdag pa nya ang pangangailangan ng pagpapatupad ng mga umiiral na batas kasama ang IPRA at Presidential Decree 324, na nagbaha-bahagi ng watershed para sa agroforestry.

Ipinakita ng mga talaan na ang UMRPL pa lang ay may mga 26,126 ektarya. Subalit, ang patuloy na pagkawasak ng kagubatan at habitat ay malawakan, na dulot ng illegal tree cutting, construction of residential subdivisions, at establishment of commercial establishments na epektibong pinaliit ang watershed area ng mga 408 ektarya kada taon. Sa minanang lupain ng Dumagat-Remontado, sinabi ng grupo na ang kanilang lupain ay binawasan ng mahigit kalahati kasunod ng Memorandum of Agreement (MOA) na pinasok ng dating yumaong DENR Secretary Gina Lopez sa Blue Star Construction and Development Corporation (pinangalanang Masungi Georeserve nang bandang huli) noong 2017. “Wala na po kaming pupuntahan kapag nawala pa ang IPRA. Kung meron man dapat gawin ang pamahalaan, repasuhin at palakasin ang IPRA. Hindi nila yan pwede ibasura kasi wala na kami mapupuntahan, hindi kami mabubuhay kung magpapakalat-kalat kami sa Maynila at magpapalipas ng gabi sa ilalim ng tulay.” (PAUL JOHN REYES)

Nagseselos daw sa closeness ng dalawa: ZEPHANIE, masaya na makitang masaya sina MICHAEL at CASSY

Posted on: January 18th, 2024 by @peoplesbalita No Comments

SA wakas ay umamin na si Althea Ablan na sila nga ni Prince Clemente.

Well, kahit naman hindi deretsahang umamin ang dalawa ay halata naman na may relasyon sila noon pa.

Anyways, mas nakumpirma dahil sa guesting ni Althea sa “Fast Talk with Boy Abunda” ay umamin na nga ang dalaga na may “prinsipe” na siya.

Sa tanong kasi ni Tito Boy kay Althea na, “Sino ba talaga ang prinsipe ng buhay mo?” ay kinikilig na sumagot ang dalaga.

Lahad ni Althea, “I know naman po nakikita naman ng public pero yeah if you’re watching,” sabay tawa ng aktres.

“Parang ang pula ng blush on ko.”

Mas diniretso na ni Tito Boy ang tanong, “I’ll put it straight because you’re saying ‘Hi’ to him. Are you officially together? You and Prince?”

“Yes,” ang diretso ring pakli ni Althea.

Yun na!

Anyways, kahit may lovelife, siyempre ang career ang focus ni Althea; napapanood ang dalaga sa 3^rd installment ng “Sparkle U” series, ang “Sparkle U: Soundtrip” kasama sina Zephanie, Michael Sager, at Matthew Uy.

***

SPEAKING of Zephanie at Michael Sager, ano ang isyu na tila nagseselos raw si Zephanie sa closeness nina Michael at Cassy Legaspi?

Paano na si Darren Espanto na special friend ni Cassy?

Bakit magseselos daw si Zephanie? E kasi nga noon pa sila nali-link sa isa’t-isa kasi nga the best of friends ang dalawa.

At heto pa nga at partners sila sa sa “Sparkle U: Soundtrip”.

Ano naman ang konek nina Michael at Cassy?

E pareho silang hosts ng “Tahanang Pinakamasaya” (na dating Eat Bulaga!) nina Paolo Contis at Isko Moreno.

Sina Michael at Cassy ang partners sa “Dancing Duo Double Double” segment ng show.

Palagi ring may dancing video ang dalawa online.

Kaya sa “Fast Talk With Boy Abunda” pa rin ay nilinaw ni Zephanie ang selosan issue na ito.

Lahad ni Zephanie, “Tito Boy, actually siguro wala naman. Kasi kapag naman nakikita ko sila I feel like just…katulad po ng relationship namin ni Michael na yung genuiness ng friendship nila or whatever the relationship they have I can see it po.”

Dagdag pa ni Zephanie, “Siguro, I just really want to see Michael happy, and I’m happy to see him happy with Cassy.”

Tinanong naman ni Tito Boy si Zephanie kung mas gugustuhin ba niya na siya lamang ang espesyal para kay Michael?

“Ang hirap,” ang natatawang pakli ni Zephanie, “Siguro Tito Boy ang masasabi ko lang masaya ako kapag masaya siya.”

(ROMMEL L. GONZALES)

Halos P.2M droga nasabat sa Malabon, Navotas drug bust

Posted on: January 18th, 2024 by @peoplesbalita No Comments

HALOS P.2 milyong halaga ng ilegal na droga ang nasamsam ng pulisya sa apat na hinihinalang drug personalities na naaresto sa magkahiwalay na buy bust operation sa Malabon at Navotas Cities.

Sa report ni Malabon police chief P/Col. Jay Baybayan kay Northern Police District (NPD) Director P/BGen. Rizalito, alas-11:30 ng gabi nang ikasa ng mga operatiba ng Station Drug Enforcement Unit (SDEU) ang buy bust operation kontra kay alyas “Jayz”, 21, sa Dr. Lascano St., Brgy. Tugatog matapos ang natanggap na impormasyon na nagbebenta ito ng shabu.

Isang pulis na nagpanggap na buyer ang nagawang makipagtransaksyon kay Jayz ng P500 halaga ng droga at nang tanggapin niya ang marked money mula sa pulis kapalit ng isang sachet ng shabu ay agad siyang dinamba ng mga operatiba, kasama ang kanya umanong parukyano na si alyas “Bukol”, 42.

Nakumpiska sa dala ang humigi’t kumulang 22.26 grams ng hinihinalang shabu na nagkakahalaga ng P153,680.00, buy bust money at coin purse.

Sa Navotas, nalambat naman ng mga operatiba ng Navotas police SDEU sa pangunguna ni P/Cpt. Genere Sanchez sa buy bust operation sa Ayungin St., Brgy., NBBS Kaunlaran dakong alas-4:05 ng madaling araw sina alyas “Jenny”, 45 at alyas “Dre”, 40 ng Tondo Manila matapos bintahan ng P500 halaga ng shabu ang isang pulis na nagpanggap na buyer.

Ani Navotas police chief P/Col. Mario Cortes, nakuha sa mga suspek ang nasa 5.28 grams ng umano’y shabu na may standard drug price value na P35, 904.00 at isang P500 bill na ginamit bilang buy bust money.

Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Promodiser, 1 pa laglag sa Caloocan drug bust, P2.5M shabu nasamsam

Posted on: January 18th, 2024 by @peoplesbalita No Comments

UMABOT sa mahigit P2.5 milyong halaga ng shabu ang nasamsam sa dalawang tulak ng ilegal na droga na kabilang sa mga high value individual (HVI) matapos matimbog sa ikinasang buy-bust operation ng pulisya sa Caloocan City.

Kinilala ni Caloocan Police Chief P/Col. Ruben Lacuesta ang mga suspek na sina alyas “Adrian” 32, promodiser ng malaking supermarket at residente ng Phase 9 Package 7 Bagong Silang, Brgy. 176 at alyas “Anthony Kulot”, 42. ng Gaya-Gaya Heroes Village, Bulacan.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Lacuesta na ikinasa ng mga operatiba Station Drug Enforcement Unit (SDEU) sa pangunguna ni P/Capt. Emmanuel Aldana ang buy bust operation kontra sa dalawa matapos magpositibo sa isinagawa nilang validation ang impormasyong ibinulgar sa kanila ng isang Regular Confidential Informant (RCI) hinggil sa illegal drug activities ng mga suspek.

Dakong alas-12:44 ng madaling araw nang dambahin ng mga operatiba ang dalawa matapos tanggapin ang P29,000.00 boodle money na may kasamang isang tunay na P1,000 na marked money bilang buy-bust money kapalit ng ibinentang shabu sa isang pulis na nagpanggap na buyer sa Robes 1, Brgy., 175 Camarin.

Ani Col. Lacuesta, nakumpiska sa mga suspek ang humigi’t kumulang 375.6 gramo ng hinihinalang shabu na nagkakahalaga ng P2,554,080.00, buy bust money at isang paper bag.

Pinuri naman ni Gen. Gapas ang Caloocan police sa pamumuno ni Col. Lacuesta sa kanilang pagsisikap para tuguisin ang mga taong sangkot sa pagpapakalat ng ilegal na droga.

Kasong paglabag sa Section 5 at 11 ng Article II ng R.A. 9165 o ang Comprehensive Dangerous Drugs Acts of 2002 ang isasampa ng pulisya kontra sa mga suspek sa Caloocan City Prosecutor’s Office. (Richard Mesa)

Galit daw ang ina ni Elisse kaya ‘di inimbita: McCOY, hindi nakapunta sa surprise birthday party ng anak

Posted on: January 18th, 2024 by @peoplesbalita No Comments

WHAT this we heard na nagkakatampuhan daw ngayon ang magkaparehang sina Elisse Joson at McCoy De Leon.

Hindi raw kasi dumating ang huli sa surprise birthday celebration ng una.

In fairness ang mommy ni Elisse ang lahat ng may plano sa nabanggit na pa surpresa para sa kaarawan ng anak.

Inimbitahan daw ng ina ni Elisse ang lahat ng mga malalapit na kaibigan ng birthday celebrant na halos dumating naman lahat.

Dumating sina Alexa Ilacad, Michelle Vito at marami pang mga close friends ni Elisse pero no where to be found ang ama ng anak nilang si Felipe na si McCoy De Leon.

Ayon pa sa nakuha naming tsika ay may galit daw ang ina ni Elisse kay McCoy kung kaya hindi napasama ang aktor sa mga inimbitahan.

***

ANG Kapamilyang sexy aktres na si Ivana Alawi ang tampok sa latest blog ng kapuso aktres Bea Alonzo.

Sa kanyang A to Z challenge ay deretsahang inamin ni Ivana kay Bea na napaka-wild daw niya kapag lasing na lasing sa alak.

Pero wild daw naman si Ivana in the sense na umuwi raw naman agad siya sa bahay at iniiwasan na raw na pumunta pa sa kung saan saan.

Basta sa ngayon ay in love si Ivana sa isang non-showbiz guy na ang hula ng karamihan ay siya raw ngayon ang karelasyon ng isang mayamang pulitiko na hiwalay sa asawa.

(JIMI C. ESCALA)

TUPAD ‘di ginagamit sa ‘Cha-cha’ – DOLE

Posted on: January 18th, 2024 by @peoplesbalita No Comments

ITINANGGI ni Department of Labor and Employment (DOLE) Secretary Bienvenido Laguesma na ginagamit ang kanilang Tulong Panghanapbuhay sa Ating Disadvantaged/Displaced Workers (TUPAD) program kapalit ng pagpapapirma para sa “people’s initiative” na magtutulak sa pag-amyenda sa Konstitusyon.

Kasunod ito ng mga pagbubulgar ng ilang mambabatas na ginagamit umano ang TUPAD para mapapirma ang mga benepisaryo sa isinusulong na charter change (Chacha).

“Hindi po puwede na ipangako po ‘yan dahil mayroon pong proseso—nagkakaroon ng profiling kung eligible ka, at dapat masunod din ‘yung mga requirements sa documentation ng ating Commission on Audit,” paliwanag ni Laguesma.

Nagpahayag din siya ng kalungkutan na nadadawit ang TUPAD sa mga alingasngas sa Chacha gayung layunin nito na makapagbigay ng hanapbuhay sa mga kababayan na dumaranas ng hirap.

Iginiit ng kalihim na may mga “safeguards” na nakalagay sa programa para sa maayos na implementasyon nito, kabilang ang ebalwasyon sa mga benepisaryo at koordinasyon sa mga regional offices at mga lokal na pamahalaan.

“Ito po ay cash-for-work, hindi po ito ‘yung dole out lamang – ito po’y pinagtatrabahuhan at mayroong minimum at maximum period at lagi po ang sweldo rito ay bumabatay sa existing na minimum wage sa anuman pong rehiyon na mayroong programa ang DOLE na TUPAD,” ayon pa sa Laguesma.

“Hindi pahihintulutan ng DOLE na kami’y maging kasangkapan sa mga gawaing hindi naman angkop sa batas,” dagdag pa ng kalihim.

Nagbabala siya sa sinuman na mapapatunayan na ginagamit ang TUPAD sa ibang layunin ay ididiskuwalipika sa paggamit ng pondo ng programa. (Daris Jose)

“Migration” is Illumination’s latest original comedy that families shouldn’t miss

Posted on: January 18th, 2024 by @peoplesbalita No Comments

In “Migration,” the Mallard family is led by dad Mack (voiced by Kumail Nanjiani), who is content to keep his family safe paddling around their New England pond forever, and mom Pam (Elizabeth Banks), who prefers to shake things up and show their kids—teen son Dax (Caspar Jennings) and duckling daughter Gwen (Tresi Gazal)—the whole wide world. When a migrating duck family alights on their pond with thrilling tales of far-flung places, Pam seizes the opportunity and persuades Mack to embark on a family trip, via New York City, to tropical Jamaica.

Find out what some reviewers are saying about the movie!

Says Deadline, “It is the kind of animated entertainment that all ages will find something to like, and in terms of the creative talent involved it is a breath of fresh air in the genre.“ “Benjamin Renner’s new comedy ‘Migration’ offers a winning combination of a charming narrative and distinctive animation style,” says The Hollywood Reporter.

It’s breezy and lighthearted but manages to hit a bullseye when it comes to the type of stories we need this season,” Collider shares.

Of the film’s animation, the Los Angeles Times says, “Where many animated productions sport a plastic sheen, ‘Migration’s’ textured look conveys a less-manufactured touch. There are lovely vistas taken in from the air. The hue palette is more muted than the usual candy-colored explosions. The light feels gentler with mellower shadows. We’re often in the magic hours of dusk or dawn. In the distance, the haze blurs to an almost watercolor effect.”

“Illumination soars to creative new heights with a hilarious CGI adventure that’s beautifully animated. Migration delivers a feast for the eyes that tickles your funny bone with wonderful character dynamics,” says MovieWeb.

“Migration,” from Universal Pictures International, is now showing nationwide. #MigrationMoviePh

(ROHN ROMULO)