ISANG napapanahon na pelikula ang hatid ng award-winning writer-director na si Njel de Mesa, ang “Must Give Us Pause,” na tungkol sa mga taong nawalan ng minamahal sa buhay nung pandemya at hindi man maayos na makapagpaalam.

Ang “Must Give Us Pause” na idinirehe, isinulat, at prinodyus ni Direk Njel na ang mga katauhang ginampanan ng mga bida ay magsisilbing hudyat sa ating mga puso at isipan para lalong mahalin ang ating mga buhay.

Ang pelikulang ito ay may malalim na paksang tumatalakay sa mental health at suicide isang tema na kailanman ay hindi dapat nawawala sa ating pansin.

“Iyakan kami parati sa set. Intense ang mga eksena dahil mahuhusay ang mga artista namin,’ pahayag ni Direk Njel.

Tampok sa pelikula ang dating ka-love team ni Sam Concepcion na si Cheska Ortega, sa rating musical film na “Pop Class” na pinagtulungan ni Direk Njel at Direk Paul Soriano.

Kasama rin ang NDM talent na si Shaneley Santos na talaga nga namang todo todo at sunud-sunod ang projects sa NDMstudios.

“Napakaganda po at kakaiba ang pelikula namin kasi wala pang tumatalakay sa impact ng mga namatayan nung pandemya, na hindi man lang nila nasamahan sa ospital ang mga mahal nila sa buhay,” sabi ni Shaneley.

Ang “Must Give Us Pause” ay hindi lamang isang drama. Ito ay isang mahalagang salamin ng realidad na kinakaharap ng maraming tao sa ating lipunan. Ito ay puno ng mga eksena na magdudulot ng mga luha at damdamin na magpapakilala sa atin sa mga taong patuloy na lumalaban sa kanilang mga personal na laban.

Ang kagandahan at pagiging kontrobersyal ng “Must Give Us Pause” ay naka-angkla sa kanyang paksa, ang mental health at suicide, mga usaping madalas na itinatabi ngunit kailangang harapin.

Kinunan ang kabuuan ng “Must Give Us Pause” sa Singapore, sa pakikipagtulungan ng Singapore Tourism Board na nagbigay ng kahanga-hangang backdrop sa pelikula.

Ang pagkakataong ito ay nagbigay-daan upang maipakita ang kahanga-hangang kultura at magagandang tanawin ng Singapore habang tinatalakay ang mahahalagang isyu.

Hindi maipagkakaila na ang “Must Give Us Pause” ay isang makabagbag-damdamin na pelikula na naglalayong magbuhat sa atin sa ating mga upuan, pukawin ang ating mga isipan, at hikayatin ang bawat isa na maging bahagi ng pag-uusap patungkol sa mental health at suicide.

Kasama natin ang buong mundo, sa pagsasabay-sabay na pagharap sa reyalidad ng mental health at suicide. Sa pamamagitan ng “Must Give Us Pause”, tayo ay magiging saksi sa mga kuwentong hindi lamang magpapaluha, kundi magpapabago rin ng pagharap sa buhay.

Malapit na itong ipalabas sa mga sinehan na sa susunod na taon.

(ROHN ROMULO)

RAMDAM mo ang happiness kay LJ Reyes nang mag-celebrate ito ng first Christmas kasama ang kanyang mister na si Philip Evangelista. 

Noong nakaraang Pasko, Mrs. Evangelista na si LJ.

Kasama sa Christmas photo nila LJ at Philip ang kanyang mga anak na sina Ethan Akio and Summer Ayana. Mga anak nito ni LJ sa mga dating partners na sina Paulo Avelinon at Paolo Contis.

Caption pa ni LJ: “I can’t ask for more in this lifetime. Merry Christmas everyone!”

Kinasal sina LJ and Philip noong October 7 sa The Bevin House in New York. Tumira si LJ sa New York kasama ang mga anak noong 2021 pagkatapos silang maghiwalay ni Paolo Contis. Nakilala niya si Philip a year after at ngayon ay mag-asawa na sila.

Mukhang wala pang balak na umuwi ng Pilipinas si LJ dahil wala naman siyang dahilan para magbakasyon dito. Nasa New York na ang kanyang kapatid at ina, pati na ang mga anak niya.

Kung showbiz career ang pag-uusapan, mukhang kuntento na si LJ sa narating niya dahil nanalo na siya ng best actress award mula sa Gawad Urian noong 2016 para sa pelikulang ‘Anino Sa Likod Ng Buwan.’

***

BALIK sa pagiging kontrabida si Kyline Alcantara sa upcoming adaptation of the hit K-drama ‘Shining Inheritance.’

Sa teaser video ng naturang teleserye, makikita na agad ang look at ano ang magiging character ni Kyline na siyang magiging hadlang sa buhay ng character ni Kate Valdez.

Huli nga raw nagkontrabida si Kyline ay sa ‘Kambal Karibal’ noong 2018 pa. Kaya muling nilabas ng Sparkle star ang kanyang husay sa pagmamaldita.

“So nice to be back!” sey ni Kyline na ang co-stars ay sina Paul Salas, Michael Sager and Ms. Coney Reyes.

Ang mga original stars ng Koreanoveka na ‘Shining Inheritance’ ay sina Lee Seung Gi, Han Hyo Joo, Moon Chae Won, and Bae Soo Bin.

***

OFFICIALY break na si Mariah Carey sa boyfriend niyang si Bryan Tanaka.

Fourteen years ang age gap ng Queen of Christmas sa kanyang dancer-boyfriend na nakarelasyon niya since 2016.

Ayon sa Page Six, pinag-awayan daw nila ay tungkol sa pagkakaroon ng anak: “Bryan wants to have a family. That’s not where she is at. Mariah is 54 and already has twins Moroccan and Monroe who are both 12. Bryan wants to start having his own life.”

Kaya pala wala si Bryan sa mga naganap na Christmas shows ni Mariah dahil tapos na ang relasyon nila.

ISANG isyu tungkol sa ‘Firefly’ ay ang pagkakaroon ng kakaunting sinehan na pinagpapalabasan nito ngayong Pasko.

Ano ang masasabi ni Ysabel Ortega tungkol dito?

Lahad ni Ysabel, “Of course we’re hoping na as the days go by mas dumami ang sinehan kasi naniniwala po talaga kami sa pelikula.

“And siyempre gusto namin ng chance na maipakita sa mga tao kung gaano kaganda itong film na ‘to so hopefully talaga hopefully once mapanood nila.

“Hopefully yung mga reviews that are coming out will be enough para madagdagan pa yung mga sinehan namin.

“We’re hoping for the best.”

Tinanong namin si ‘Ysabel’ kung pang-acting award ba ang ipinakita niya sa Firefly?

“Yung movie talaga na ito is really yung istorya nung mag-nanay so n aniniwala kami na yung performance nila is pang-award winning talaga so we’re rooting for them,” pahayag pa ni Ysabel na ang tinutukoy ay ang mga bida sa pelikula na sina Alessandra de Rossi (bilang si Elay) at Euwenn Mikaell (bilang si Tonton).

Mula sa GMA Pictures at GMA Public Affairs at sa direksyon ni Zig Dulay at panulat ni Angeli Atienza, nasa cast rin ng ‘Firefly’ sina Cherry Pie Picache, Yayo Aguila, Max Collins, Kokoy de Santos, Epy Quizon at si Dingdong Dantes.

***

“AKO personally malungkot,“ ang deretsahang pag-amin naman ni Miguel Tanfelix nang tanungin rin namin tungkol sa kakaunting sinehan ng Firefly na entry sa MMFF 2023.

“Dahil pag maganda yung output ng ginawa niyo, siyempre inaasahan mo, gusto mo mapanood ng maraming tao.

“Na matuto sila sa film ma-appreciate nila yung film.

“Kaso iyon nga, pag konti yung sinehan mas less yung opportunity nilang mapanood yung film namin kaya… hindi ko naman alam yung proseso diyan so ang magagawa ko na lang is malungkot,” at natawa si Miguel.

Umaasa rin si Miguel, tulad ni Ysabel, na habang dumadaan ang araw, sa pamamagitan ng word of mouth tungkol sa kagandahan ng ‘Firefly’, ay mas dumami pa ang mga sinehang pagpapalabasan nito.

“Iyon na nga e, so kailangan word of mouth na ibalita nila sa mga kapitbahay nila, Kapamilya nila, Kapuso nila, na Maganda yung film namin dahil kami, naniniwala kami sa film.”

Pang-award ba ang acting ni Miguel sa Firefly?

“Ibigay na po natin sa film, kay direk, kay ate Alex, kay Euwenn.

“Kami, kung bibigyan niyo po bakit hindi,” at tumawa si Miguel.

(ROMMEL L. GONZALES)

HAPPY na nag-share si Heart Evangelista ng six favorite Tagalog words niya during sa cover shoot ng Harper’s Bazaar Singapore.

Sa IG ng naturang mag, pinost ang video ni Heart na parang tinuturo sa kausap niya ang ilang Tagalog words. Una rito ay ang “Charot.”

“Charot, meaning like C-H-A-R-A-U-G-H-T, like it’s more saucy. The meaning of this is more like just kidding or whatever, so we use this a lot. It’s a very funny word.”

Sunod ay “Kilig”: “Basically, when you see someone, like if you see your favorite K-pop star, or when you see your crush, ‘Oh my gosh, ‘I’m so kilig,’ like that.”

Pangatlo ay “Nakakapagpabagabag”: “So nakakapagpabagabag is like, it’s bothersome, or ‘I’m bothered’”

Pang-apat ay “Ayoko na”: “It means I don’t want. You can also use it like ayoko na, meaning I cannot anymore.”

The fifth and sixth ones are “Grabe” and “Kaloka”: “Grabe, it’s like extremezYou can use it all the time, like, ‘Grabe, it’s so hot.’ Kaloka as an expression you can use to describe an extreme or crazy-like situation.”

(RUEL J. MENDOZA)

MISMONG Araw ng Pasko, Disyembre 25, sa pagsisimula ng 49th Metro Manila Film Festival, nang mapanood namin ang pinag-uusapang historical fiction/horror film ng Mentorque Productions, ang “Mallari” na pinagbibidahan ni Piolo Pascual.

May ibang pakiramdam na sa pagsisimula ng pelikula ay bubungad ang logo ng Warner Brothers Pictures kasabay ng musical score, ang lakas maka-Hollywood.
At kasunod nito ang panimulang pasabog na katatakutan hatid ng unang Mallari.

Ang pangunahing karakter na nakabatay nga sa first documented serial killer sa Pilipinas na si Fr. Juan Severino Mallari.

Tatlong characters ang mahusay na nagampanan ni Piolo, una ang orihinal na Juan Severino noong 1812, bilang John Rey Mallari noong 1946 na gumagawa ng mga dokumentaryo noong post-World War II, at sa present day bilang Jonathan Mallari, na isang doktor na naghahanap ng lunas para sa kanyang kasintahan (Janella Salvador), na nakita sa panaginip sa mamamatay sa darating na panahon.

Ang screenplay ng ‘Mallari’ ay gumawa ng paraan para ipakita ang paglalakbay ng mga Mallari sa pamamagitan ng astral projection.

Sa pagsisimula ng kuwento, si Dr. Jonathan Mallari ay bumalik sa ancestral home ng kanyang pamilya sa probinsya bago ito ibenta, sa pag-asang mahahanap ang sagot sa isang tuluy-tuloy at nakababahalang panaginip tungkol sa kanyang sarili at sa kanyang kasintahan.

Kasama rin niyang bumalik si Lucas (JC Santos) na naging tapat sa kanya sa buong buhay niya, na isa ring semenarista.

Sa kabuuan ng kanilang pamamalagi sa lumang bahay, may mga nangyari na naman na ‘di maipaliwanag na krimen. At natuklasan ni Jonathan na may higit pang natatagong sikreto bukod sa maalikabok na kasangkapan at mga rebulto.

Sa natatanging karakter ang ginampanan ni Piolo Pascual, mula sa pagtalon-talon sa tatlong magkakaibang panahon, na may mga senaryo ito na lumilipat mula sa mga isang bangungot pabalik sa katotohanan.

Sa tindi ng ginawa ni Piolo at sinasabing ito na ang pinaka-challenging na role ng kanyang career, isa siya sa mahirap na talunin sa pagiging Best Actor sa ‘Gabi ng Parangal’ ng 2023 MMFF na gaganapin ngayong gabi sa New Frontier Theater.

Maging si JC Santos, ay malakas din ang laban sa supporting actor category.

Nagpakitang gilas din sa kanilang pagganap sina Janella Salvador, Elisse Joson at si Ms. Gloria Diaz.

Strong contender din ang ‘Mallari’ sa Best Picture, Best Director at iba pang technical awards tulad ng cinematography, editing, musical score, at production design.

At dahil usap-usapan nga at marami ang natakot at napasigaw sa pelikula na mula sa direksyon ni Derrick Cabrido, as of December 26 ay higit 100 cinemas nationwide na ang ‘Mallari’.

Kaya pahuhuli ka pa ba sa paghahanap ng ‘sisiw’, sugod na sa malapit na sinehan sa inyong mga lugar.

Mabuhay ang Pelikulang Pilipino.

(ROHN ROMULO)