2023 January Archive - People's Balita

Archive for January, 2023

Marcos nanawagan ng ‘unity’ sa 2023

Posted on: January 4th, 2023 by @peoplesbalita No Comments

UMAPELA si Pangulong Ferdinand “Bongbong” Marcos Jr. sa mga Filipino na magkaisa at maging solido bilang isang bansa sa pagharap sa mga darating na pagsubok ngayong taon.

Sa mensahe ni Marcos sa pagsalubong sa Bagong Taon, hangad niya na magpatuloy ang pagtutulungan para makamit ang pangarap na magandang kinabukasan para sa lahat.

Sinabi pa ng Pangulo na buhay ang Bayanihan sa mga Pilipino kaya tuloy ang pagsulong sa kabila ng mga balakid at pagsubok na siyang nagpapatatag at nagpapalakas sa lahat bilang isang bansa.

“I join the entire Filipino nation with hope and optimism in welcoming the New Year. I hope that we will draw strength and inspiration from what truly binds us together — our genuine love for our fellow Filipinos and our country. This is the essence of our call for unity and the impetus for our continued invitation to work together for the realization of our shared inspirations as a people,” pahayag ng Punong ehekutibo.

Sa kabila nito naniniwala naman si Marcos na sa sandaling magkaisa ang lahat ay malalagpasan natin ang lahat ng mga pagsubok at maiaangat ang bansa patungo sa kaunlaran at kaayusan.

Bukod pa rito, hinikayat din ng pangulo ang sambayan na manatiling matatag at patuloy na magkaisa sa tulong at gabay ng Diyos tungo sa mas maayos at masaganang kinabukasan.

“As we look forward to a fruitful and hopeful New Year, let us remain steadfast and united as ever as we ask the Almighty’s continued guidance in our journey toward a better, brighter and more prosperous future for our nation,” giit pa ni Marcos. (Daris Jose)

Parang kailan lang nang makilalang si Trudis Liit: JILLIAN, pinaghahandaan na ang bonggang debut next month

Posted on: January 4th, 2023 by @peoplesbalita No Comments

PARANG kailan lang, ang 6-year old na nakilalang si Trudis Liit, si Kapuso young actress Jillian Ward, ay magiging isang beautiful debutante na on February 23, 2023.

Sa ngayon ay plantsado na pala ang mga paghahanda, pero ayaw pang i-divulge ng bida ng GMA inspirational-medical drama series na “Abot-Kamay na Pangarap” na si Dra. Analyn Santos, kung ano ang theme at ang magiging kaganapan sa kanyang coming debut.

Sino kaya ang magiging special escort niya?

“Basta ang gusto ko po lamang is to have fun at ma-invite ko lahat ng mga mahal ko sa buhay at mga kasamahan ko sa industriya,” wika ni Jillian sa isang interview sa kanya sa “24 Oras.”

“Nagpapasalamat din po ako sa mga sumusubaybay sa akin sa aming GMA Afternoon prime series. And I’m happy working with veteran actors na kasama ko, like Sir Richard Yap, Sir Dominic Ochoa and Tita Carmina Villarroel, who’s my nanay Lyneth sa serye.

“Sila po ang natatanungan ko kung tama ang ginagawa ko sa eksena. I’m nervous but super grateful po ako sa kanila, mahirap po kasing mag-memorize ng medical terms.”

Ang tinutukoy ni Jillian ay ang challenging role niya bilang isang young genius doctor na nakaramdam din ng panghahamak dahil may ayaw maniwalang isa na siyang doctor.

Since extended pa ang “Abot-Kamay na Pangarap,” na napapanood Mondays to Saturdays sa GMA-7, after ng “Eat bulaga,” may sorpresa kaya kay Jillian ang top-rating afternoon show sa debut niya?

***

CONGRATULATIONS sa “Voltes V: Legacy” team ni Director Mark Reyes, dahil umani sila ng million viewers nang ipalabas nila ang Ultraelectromagnetic Megatrailer nang ipalabas ito sa “Kapuso Countdown to 2023” last December 31 sa GMA Network.

Na-excite din ang viewers nang makita sa trailer si Kapuso Drama actor Dennis Trillo, na siya palang gumaganap sa role ni Ned Armstrong, at anak niya ang Armstrong brothers na ginagampanan nina Miguel Tanfelix, Matt Lozano, Radson Flores at Raphael Landicho.

Napanood din sa trailer ang iba pang cast na sina Carla Abellana, Ysabel Ortega, Martin del Rosario, Epy Quizon at Albert Martinez.

Nothing to worry ang mga fans ni Dennis, dahil hindi ito mag-overlap sa top-rating historical fantasy portal series nilang “Maria Clara at Ibarra,” dahil sa kanilang timeslot papalit ang “Voltes V Legacy,” sa first quarter of 2023.

***

LIVE ang New Year presentation ng “Eat Bulaga” last January 2, na dinaluhan nina Tito Sen, Vic Sotto, Allan K, Jose Manalo, Wally Bayola, Paolo Vallesteros, Ryan Agoncillo at Maine Mendoza.

Wala si Joey de Leon dahil on vacation siya with his family abroad. Happy ang mga viewers ng EB, dahil matagal na pala nilang request kung pwedeng ibalik ang mga dating segments ng longest-running afternoon show.

Kaya ngayon ay muling napapanood ang segment nilang “Pinoy Henyo,” ang “Bulagaan” segment ni Miss Dizon (Ryzza Mae Dizon) at ibabalik din nila ang “Juan for All All for Juan” segment sa barangay.

(NORA V. CALDERON)

Sa ibinahaging mga larawan ni Vice Gov. Mark: KRIS, unti-unti nang bumubuti ang kalusugan at patuloy na pinagdarasal

Posted on: January 4th, 2023 by @peoplesbalita No Comments

MARAMI ang natuwa na makita ang bagong larawan ni Kris Aquino, na unti-unti na ngang bumubuti ang kalagayan habang patuloy na nagpapagamot sa Amerika.

Kahapon, January 3, ay pinost ni Batangas Vice Governor Mark Leviste sa kanyang Instagram account ang mga photos nila ni Kris, kasama ang mga anak na sina Joshua at Bimby.

Dahil nasa Amerika ang pamilya ni VG Mark, kaya dinalaw na rin niya ang kaibigang TV host at makikita nga ang improvement sa kalusugan nito.

May caption ng post ng, “Spending the first day of the year with the Queen [yellow heart, sparkle emojis]”

Patuloy namang ipinagdarasal ng mga netizens ang tuluyan ng paggaling ni Kris at pinasalamatan din nila si Mark sa pagbisita at pagbabahagi ng mga bagong larawan ng TV host.

Sa tulong ng Diyos at kung ipagkakaloob ay tuluyang makaka-recover at gagaling si Kris, manalig lang tayong lahat.

***

NANAWAGAN siya at narinig naman.

“Gusto kitang maging kumare, bilang ninang ng ipapanganak pa lang na anak ko,” panawagan ni Whamos, katuwang ni Anjanette sa kanilang joint social media vlog na Whamonette.

Matagal na palang sinusundan ng mag-asawa ang mga posts ni Bataan District 1 Representative Geraldine Roman.

“Gustung-gusto ko ang mga sinasabi niya, pati na ang mga payong ibinibigay niya,” natutuwang inilahad ni Whamos sa kanilang malaganap na vlog.

Ipinakiusap pa niya sa kanyang followers na i-tag si Cong Geraldine upang makarating dito ang kanyang panawagan.

Nakarating nga at dininig naman ni Cong Geraldine ang hiling ng mag asawa. Naganap ang kanilang masayang pagtatagpo at ito naman ang kwentong hatid sa atin ni Rep. Roman sa kanyang You Tube vlog, Geraldine Romantik. Mapapanood ito ngayong ika-pito ng gabi (Enero 4).

Abangan kung paano sila naging mag-kumare at kumpare sa isang masaganang bagong taon.

(ROHN ROMULO)

30M Pinoys, makikinabang mula sa 6-year housing program

Posted on: January 4th, 2023 by @peoplesbalita No Comments

TINATAYANG 30 milyong Filipinos ang inaasahang makikinabang sa 6-year housing program ng administrasyong Marcos sa 2028.

Tinukoy ang year-end report ng administrasyon, sinabi ng Office of the Press Secretary (OPS) na ang Pambansang Pabahay para sa Pilipino program ng Department of Human Settlements and Urban Development’s (DHSUD) ay nakikitang mapakikinabangan ng 30 milyong Filipino sa pamamagitan ng pagtatayo ng 6.15 million housing units sa loob ng anim na taon.

Layon kasi ng programa na tugunan ang housing backlog ng bansa sa pamamagitan ng pagtatayo ng “decent and sustainable” na pabahay.

“Between the program’s launch in September until Dec. 22, the DHSUD has signed memorandums of understanding with some 47 local government units to help work on the housing initiative,” ayon sa OPS.

Inaasahan din ayon sa OPS na magpapalabas si Pangulong Marcos ng isang executive order hinggil sa implementasyon ng batas na magbibigay mandato sa mga ahensiya ng gobyerno na “jointly identify idle state lands suitable for housing and rural development.”

“Beyond the provision of shelter, especially to the underprivileged and calamity-affected families, the government is working towards building inclusive and sustainable settlements and well-planned communities,” ayon sa OPS, base na rin sa year-end report ng administrasyong Marcos.

Nauna rito, inamin ni Pangulong Marcos na ang pagtatayo ng isang milyong low-cost housing units kada taon hanggang sa matapos ang kanyang termino ay isang “ambitious target.”

Gayunman, nangako ang Pangulo na ang kanyang administrasyon ay “try very, very hard.” (Daris Jose)

Avatar 2 Box Office Just Knocked Harry Potter Off All-Time Top 15 List

Posted on: January 4th, 2023 by @peoplesbalita No Comments

Avatar: The Way Of Water’s continued box office success has pushed it into the top 15 grossing films of all-time worldwide list, bouncing Harry Potter And The Deathly Hallows: Part 2 from the exclusive club.

James Cameron’s long-awaited sequel to the highest-grossing movie of all-time finally dropped on December 16th after a 13-year wait. While Avatar: The Way Of Water continues to pass financial milestones, it has also been praised not only for the groundbreaking use of motion capture technology to bring Pandora to life both above and below the surf, but also for its strong messages of family unity and environmental responsibility.

Variety has reported that with its $86.3 million haul over the four-day New Year’s weekend, Avatar: The Way Of Water has brought its worldwide total to a tidy sum just under $1.4 billion. That means that it has now passed iconic blockbusters such as Black Panther ($1.382 billion) and Star Wars Episode VIII: The Last Jedi ($1.332 billion) while also pushing Harry Potter And The Deathly Hallows: Part 2 ($1.342 billion) out of the vaunted top 15 all-time worldwide list.

Like most major tent poles, the lion’s share of Avatar: The Way Of Water’s revenue has come from international markets, where the movie has grossed just shy of $957 million, while domestic markets have contributed just over $440 million to the movie’s worldwide box office.

Cameron himself has estimated that with its $350 million budget plus the $100 million spent on marketing, Way Of Water needs to gross over $2 billion to be deemed a success. Avatar: The Way Of Water held extremely well in its third weekend of release, as the $66.8 million three-day haul actually represented a four percent increase over its previous weekend. It was the fourth-highest third weekend gross in history, and considering that the movies in third (Black Panther) and fifth place (Avengers: Endgame) both topped $700 million domestically, Avatar: The Way Of Water can expect to put up similar numbers. With a dearth of competition hitting the big screens over the next month, and the big business it’s certain to continue doing overseas, Avatar: The Way Of Water may be poised to surpass Cameron’s aggressive goal.

The third of Cameron’s five planned Avatar films was shot back to back with Avatar: The Way Of Water, in part to avoid what is now known as the Stranger Things problem. Unlike the previous hiatus, Avatar 3 will come only two years after Way Of Water.

Cameron has revealed that the next installment will take the story to an all-new setting on Pandora where Jake Sully, Neytiri, and their brood will come into contact with the Fire Na’Vi, or the “ash people.”
Most of the cast of Avatar: The Way Of Water will be returning for Avatar 3, with Oona Chaplin and David Thewlis joining the cast as new Na’Vi characters and Michelle Yeoh coming on board in a live-action role. (source: screenrant.com)

(ROHN ROMULO)

Pamumuhunan na inaprubahan ng Board of Investments, tumaas ng 11%

Posted on: January 4th, 2023 by @peoplesbalita No Comments

NAGBIGAY ng malaking tulong ang renewable energy (RE) sa 11 porsiyentong taunang pagtalon sa mga inaprubahang pamumuhunan ng Board of Investments (BOI) sa ngayong taong 2022 habang nilalayon nila ang P1 trillion na halaga ng pamumuhunan sa 2023.

Ang datos na inilabas ng Department of Trade and Industry (DTI) ay nagpakita na ang BOI-approved investments ay tumaas sa humigit-kumulang P729 bilyon piso sa ngayon ngayong taon mula sa P655 bilyon noong 2021.

Ang inaasahang paglago ng trabaho ay humigit-kumulang 454 percent hanggang 260,000 mula noong nakaraang taon sa paligid ng 47,000.

Dagdag dito, sinabi ni Trade Secretary Alfredo Pascual na ang mga antas ng 2022 Board of Investments Approval ay malinaw na nagpapahiwatig na sa kabila ng matagal na epekto ng pandemya, kasama na ang pandaigdigang pagbaba ng mga pamumuhunan dahil sa digmaang Russia at Ukraine, ay patuloy na may malakas na kumpiyansa para sa ekonomiya ng Pilipinas.

Ipinaliwanag ng Dept of Trade and Industry na ang mga proyektong nakarehistro sa Board of Investments Approval ay tumaas sa usapin ng kapital ngunit ang mga ito ay hindi kinakailangang labor intensive.

DA, tinitingnan ang P80/kg presyo ng sibuyas ngayong taon

Posted on: January 4th, 2023 by @peoplesbalita No Comments

TARGET ng Department of Agriculture (DA) na ibaba ang presyo ng sibuyas ng P80/kg per kilo mula sa P170 per kilo ngayong taon.

Sinabi ni Agriculture Assistant Secretary at spokesperson Kristine Evangelista na inaasahan nila ang “better supply” ng local onion harvest ngayong taon lalo pa’t hindi nila kinokonsidera ang pag-angkat noong nakaraang taon at naglagay sila ng mas maraming cold storage facilities sa strategic areas na mgpapahaba ng shelf life ng nasabing kalakal.

Gayunman, nais ng DA na magpalabas ang mga onion farmers ng price points para maging stable ang farmgate prices sa buong taon.

“I hope it will be less than P170. I hope we can see months wherein we see P80. But the thing is, we are also looking at price stability. We’re trying to help our farmers make price points of which that their farmgate prices will be stable.

They know how to spread their losses as well, and to come up with price points that will be stable all throughout the year considering also the cost of cold storage facilities,” anito.

“P170 and even lower is…I think within all throughout the year is something we’d like to achieve,” dagdag na pahayag ni Evangelista.

Sinabi pa ni Evangelista, sa kalagitnaan ng Enero 2023, umaasa ang DA ng mas mababang presyo ng sibuyas sa gitna ng pagsisikap na mapabilis ang sapat na suplay nito (sibuyas) sa mga pamilihan at ang inaasahang harvest season.

Magkagayon man, sinabi ni Evangelista na kailangan pa rin nilang magsagawa ng stakeholders meeting bago sila magdesisyon sa presyo ng sibuyas, sa presyong P200/kg o mas mababa pa.

“January 15 is the start of harvest. Of course the peak is March and April, but with the better supply, then we can see prices going down,” aniya pa rin. (Daris Jose)

LTO chief inutusan ang mga licensing centers tapusin mga backlog ng mga driver’s license

Posted on: January 4th, 2023 by @peoplesbalita No Comments

Inutusan ni Land Transportation Office chief Jay Art Tugade ang mga licensing centers sa buong bansa na tapusin ang backlog sa pagbibigay ng driver’s license sa katapusan ng buwan sa darating na taon.

Naglabas din ang LTO ng memorandum na nagsasaad ng guidelines para sa printing at issuance ng drivers’ licenses upang mabigyan ng solusyon ang problema sa tumataas na backlog. Nakatuon ang memorandum sa mga regional directors, division chiefs, district offices at lahat ng opisyal at empleyado ng LTO.

“All backlogs shall be completely addressed not later than Jan. 15, 2023,” wika ni Tugade. Ang memorandum ay nilagdaan ni Tugade noong Dec. 9.

Ayon sa report, ang backlog sa drivers’ licenses ay umaabot sa 92,000 cards simula nitong December. Ang backlog ay dahil sa kakulangan ng mga functional laser engravers at sa ginagawang repairs ng mga sirang units sa mga licensing centers sa buong bansa.

Nakalagay sa guidelines na ang mga motorista ay dapat dalahin sa pinakamalapit at accessible na LTO office kung saan may gumaganang machine. “LTO clients may also opt to undergo the end-to-end process, which includes capturing biometrics but without the issuance of the driver’s license card on the same day,” saad ni Tugade.

Bibigyan naman ang mga motorista ng printed official receipt na valid hanggang 30 araw. Habang ang mga LTO office naman ay makikipag coordinate sa ibang centers upang masiguro na ang driver’s license ay magagawa ng hanggang isang linggo.

Dagdag pa ni Tugade na hinihintay nila ang kanilang mga biniling spare parts ng mga laser printers na nasira dahil sa sensitivity at dahil na rin sa katagalan at sobrang gamit ng machines. LASACMAR

Wish ng fans na magkaanak na sila ni Kat: CHRISTIAN, ‘di pa rin makapaniwalang 20 years na sa showbiz

Posted on: January 2nd, 2023 by @peoplesbalita No Comments

HINDI makapaniwala si Christian Baustista na dalawang dekada na siya sa showbiz at bilang pasasalamat sa mga sumuporta sa kanya, may pinaghahandaan itong anniversary concert ngayong January.

Nagpapasalamat ang tinaguriang Asia’s Romantic Balladeer na maayos at malakas ang kanyang pangangatawan para magawa niyang ma-celebrate ang 20 years sa industriya.

“We’re gonna obviously reminisce through my music in the past 20 years. Hopefully some of my friends from the past 20 years in the industry will be able to go as well para we can connect and reconnect as well. Most importantly it’s a thanksgiving also for the fans,” ,” pang-anyaya pa ni Christian sa kanyang ‘The Way You Look At Me Thanksgiving Concert’ sa January 28 sa Samsung Performing Arts Theater in Makati City.

Sa February naman ay magkakaroon siya ng Valentine show sa Indonesia kunsaan marami pa rin siyang mga tagahanga. Magsisimula na rin sa taong ito ang The Clash Season 5 sa GMA.

Nagsimula makilala bilang singer si Christian noong 2003 dahil sa pagsali niya sa singing competition ng ABS-CBN na Star In A Million. Kahit hindi siya ang naging winner, kinontrata siya ng Warner Music Philippines at tumanggap ng multi-platinum records ang kanyang self-titled debut album. Naging hit ang single niyang “The Way You Look At Me”, hindi lang dito sa Pilipinas kundi pati na sa ibang Asian countries tulad ng Indonesia, Singapore, Malaysia and Thailand. Kaya siya nabigyan ng titulong Asia’s Romantic Balladeer.

Wish naman ng netizens at fans ni Christian ay ang magkaroon na sila ng anak ng misis niyang si Kat Ramnani dahil ito na lang daw ang kulang sa buhay niya.

Four years na raw kasi silang kasal at panahon na raw na magkaroon na sila ng baby.

(RUEL J. MENDOZA)

Patunay lang na maayos pa rin ang pagsasama: HEART, tinupad ang sinabing makakasama si Sen. CHIZ sa Bagong Taon

Posted on: January 2nd, 2023 by @peoplesbalita No Comments

“HAPPY 2023” ang nilagay na caption ni Heart Evangelista sa kanyang pinost na New Year photo sa Instagram kunsaan kasama niya ang kanyang mister na si Senator Chiz Escudero at ang dalawang anak nila.

Tinupad nga ang ni Heart ang sinabi nito na magkikita na sila ng kanyang mister sa Bagong Taon. Bagama’t marami ang nagduda, pero nakauwi nga si Heart ng Pilipinas mula Paris para makasama ang kanyang pamilya bago pumasok ang 2023.

Sa isang photo ay makikitang holding hands pa sina Heart at Chiz. Patunay lang na maayos ang pagsasama nila at kung may nagdududa pa rin, hindi na siguro sila problema ng mag-asawa dahil sapat na yung magkasama silang buong pamilya na nagdiwang ng Bagong Taon sa kanilang tahanan.

Nabanggit din ni Heart na magiging mas busy siya ngayong 2023. Mas madadalas pa ang mga biyahe niya. Siguro naman ay may napagkasunduan na sila ni Chiz na magiging abala naman sa pagiging senador nito.

***

BAGO natapos ang 2022, dalawang female icons ang magkasunod na pumanaw.

Una ay ang British fashion designer na si Vivienne Westwood noong December 29 at pangalawa ay ang American broadcast journalist na si Barbara Walters noong December 30.

Pinagluksa ng fashion industry sa buong mundo ang pagpanaw ni Vivienne Westwood sa edad na 81 sa Clapham, South London.

Si Westwood ang nag-revolutionize ng modern punk and new wave fashion sa London noong ’70s and ’80s. Sumikat ang clothing boutique niya sa London called SEX dahil na rin sa partner niya na si Malcom McLaren na manager ng bandang Sex Pistols. Ang naturang punk band ang nagsusuot ng mga creations ni Westwood na umabot hanggang sa Amerika.

Naging advocate din si Westwood ng ilang political causes tulad ng Campaign for Nuclear Disarmament, climate change and civil rights groups.

Noong 1992, ginawaran si Westwood ng OBE (Order of the British Empire) by Queen Elizabeth II dahil sa pagiging legendary figure in British fashion. Noong 2006, binigay sa kanya ang titulong “Dame” dahil sa kanyang contribution and service to the fashion industry sa buong mundo.

Naging iconic ang mga runway fashion shows ni Westwood dahil sa kakaibang designs niya. Ginamit pa sa pelikulang Sex And The City in 2008 ang kanyang dinesign na wedding gown para isuot ni Sarah Jessica Parker sa ilang eksena. Sinuot naman ni Pharrell Williams ang Westwood Buffalo hat sa 56th Annual Grammy Awards in 2014 na galing sa Westwood’s 1982–83 collection.

Isang pioneer naman sa kanyang propesyon bilang broadcast journalist si Barbara Walters na pumanaw sa edad na 93 sa kanyang tahanan sa Manhattan, New York.

Nagsimula bilang writer for CBS News si Walters hanggang sa magkaroon ito ng TV news career sa Today Show ng NBC noong 1961. Nasubukan din ni Walters ang maging weather at features reporter bago pinagkatiwala sa kanya ang maging co-anchor ng ABC Evening News in 1976 at ang solo show niya na 20/20 in 1979.

Nakapanayam ni Walters ang halos lahat ng sikat na celebrities at politicians sa buong mundo. Inaabangan taun-taon ang kanyang year-end Most Fascinating People special sa ABC. Tumakbo ito from 1993 hanggang 2015.

Noong 1997, naging host and producer si Walters ng daytime talkshow na The View. Nag-retire siya sa pag-co-host nito in 2014.

Ilan sa mga biggest achievements ni Walters sa kanyang 65 year career ay ang kanyang three Emmy Awards, a star on the Hollywood Walk of Fame, and Lifetime Achievement Awards from the New York Women’s Agenda and the News and Documentary Emmy Awards. Naging outspoke icon din siya ng pakikipaglaban sa sexism sa kanyang propesyon.

(RUEL J. MENDOZA)