“NEW beginnings” na talaga para sa actress na si Sunshine Cruz ang taong 2023. 

Obviously, wala na sa mga ganap niya ang boyfriend na si Macky Mathay at ang kasaman nila ng tatlong anak na babae ay ang ama nito at ex-husband na si Cesar Montano at bago nitong pamilya.

Sa Bohol pa nila sinalubong ang bagong taon kunsaan, “constant” na pinapasyalan ni Sunshine noong sila pa ni Cesar.

Nagpasalamat si Sunshine sa bagong partner ni Cesar na si Kath at sabi niya, para raw sa ikaliligaya ng mga anak nila ang magandang relasyon nil ani Cesar ngayon.

Ayon dito, “Thank you guys for the wonderful messages/comments. We appreciate it. Our family chose forgiveness and we are finally co parenting. I guess not a lot of people will understand but this is our family and whatever works and makes the children happy, dun kami. Para sa mga anak.

“Cesar is very blessed to have someone like Kath. Beautiful in and out. She accepted and loved my kids and I appreciate her so much. Happy New Year guys! Focus tayo sa positivity. Masarap po mabuhay ng may pagpapatawad at pagmamahal sa puso.”

***

KASALUKUYANG nasa Japan ngayon ang Asia’s Multimedia Star na si Alden Richards.  

Kasama ang kanyang ever-loyal assistant na si Mama Tenten.

Kaya sa Japan napili ni Alden na mag-celebrate nhg kanyang 31^st birthday. Nag-Instagram Live ito at pinapahulaan sa mga netizens kung nasaan siya. 

Marami rin naman ang nakahula na nasa Japan nga siya. Nagpasalamat din sa rami raw niyang natatanggap na messages.

Sabi ni Alden, isang taon na lang daw at wala na nga siya sa kalendaryo pero siyempre, sa mga achievements niya kung babalikan ‘yung panahon na nagsisimula pa lang siya, sobrang dami at sobrang bigat ng mga nangyari at nabago sa buhay niya.

Kinukulit si Alden ng mga nanood ng IG Live niya na 31 na raw siya, mag-girlfriend na siya. Pero walang sinagot si Alden sa mga nagko-comment na ganito.

Ang nakikita naming excitement ni Alden ay ang Myriad Esports na palagi niyang pino-promote at pino-post din sa kanyang social media account. Isa rin ito sa talagang binanggit niya sa kanyang Live.

Obviously, career at pagiging businessman pa rin talaga ang focus ni Alden. Pero baka naman tatahi-tahimik lang ito at manggulat na lang at may ipakilalang lovelife niya ngayong 2023, huh!

(ROSE GARCIA)

TULAD ng nakaugalian na ng kanilang pamilya ay sa bahay-bakasyunan nila sa Batangas sinalubong nina Judy Ann Santos at Ryan Agoncillo, with kids Yohan, Lucho and Luna, ang Bagong Taon.

Kasama ang halos buong pamilya nila on both sides, tulad ni Mommy Carol Santos ni Judy Ann at ilang piling kaibigan, ilang araw namalagi sa Batangas ang grupo.

At tulad rin na ng nakasanayan niya, si Judy Ann mismo ang nagluto at naghanda ng mga putaheng kanilang pinagsaluhan sa media noche at mismong New Year’s Day.

Pero bago siya sumabak sa pagluluto, may paandar si Juday; nag-target practice muna siya sa malawak nilang beachfront na bahay at dahil sanay naman si Juday sa mga action scenes sa mga projects na nagawa na niya in the past (tulad ng ‘Basta’t Kasama Kita’ at sa guesting niya sa ‘FPJ’s Ang Probinsiyano’), isang kalabit lang ni Juday sa baril ay tinamaan niya agad ang bull’s eye!

Kaya naman bonggang hiyawan at malakas na palakpakan ang naging reaksyon ng mga kasama ni Juday dahil sa husay niyang bumaril.

Nasa Instagram account niya ang video n may caption na, “Wait lang bub… tirahin ko lang to sandali bago ko magluto.”

“Bub” ang term of endearment nina Juday at Ryan sa isa’t-isa.

***

NAGING bahagi ng buhay ni Mark Bautista sa nakaraan ang pamosong kuwento na lumuwas siya ng Maynila mula Cagayan de Oro para mag-audition sa ‘Star For A Night’ sakay ang isang cargo vessel dahil wala silang pera ng kapatid niya para bumili ng tiket sa eroplano.

At tulad ng alam nating lahat, nagtagumpay si Mark at isa na sa maituturing na pinakasikat at pinakamahusay na male balladeer sa Pilipinas.

At nitong Bagong Taon, sa Siargao nagbakasyon si Mark at sa kanyang pamamasyal sakay ang isang barko ay may nadaanan siyang cargo ship na kapareho ng sinakyan nila noong hindi pa siya sikat.

Kaya naman nagbalik-tanaw si Mark kanyang pinagdaanan sa kanyang Facebook page kalakip ang larawan ng cargo ship at caption na…

“Nagflash back sakin upon seeing this cargo ship (2nd slide) ganito sinakyan namin ng brother ko noon for 2 and half days going to Manila (dahil mahal ang plane ticket )just to audition for the singing contest (Star For A Night) and now it’s more than 20 years and it made me question-what if i didn’t take that chance? what if i didn’t risk chasing my dream? It would’ve been a different story by now but thinking about it now, masasabi ko lang it was the best decision i made & i couldn’t be anymore grateful. God really works in so many ways that’s fit and good for you. ”

***

BONGGA ang mga Hari ng Kapuso at Kapamilya Network dahil pareho silang sinalubong ng isang acting award ngayong Bagong Taon.

Parehong nagwaging Best Actor sina Dingdong Dantes at Piolo Pascual sa katatapos lamang na 2022 TAG Awards Chicago.

Wagi si Dingdong bilang Best Actor para sa GMA mini-series na ‘I Can See You: AlterNate’ at win naman si Piolo para sa ‘Flower of Evil’ ng ABS-CBN sa awards night na ginanap nito lamang December 31.

Mula sa TAG MEDIA, ang nabanggit na award giving body ay kumikilala at nagpapahalaga sa mga achievement ng mga celebrity at influencer sa larangan ng entertainment, entrepreneurship at social media.

(ROMMEL L. GONZALES)