- April 21, 2026
Ang Diyaryong Pinagkakatiwalaan
Archive for January, 2023
Pareho silang naka-relate ni Sunshine sa bagong serye: SNOOKY, inaming na-trauma nang pinilit pasuotin ng puting kamison
KAPWA naka-relate sina Snooky Serna and Sunshine Cruz sa mga bida ng bagong GMA Afternoon Prime series na ‘Underage’ dahil may eksena sina Lexi Gonzales, Elijah Alejo at Hailey Mendes na nakaputing kamison sila sa isang eksena.
Nakaranas ng magkaibang experience sina Snooky at Sunshine noong pasuotin sila ng puting kamison sa pelikula nila.
Child star si Snooky noong ’70s hanggang sa maging Regal Baby siya noong maging teenager ito. Noong bigyan siya ng launching film noong 1981 na ‘Bata Pa Si Sabel’, na-trauma raw ito dahil pinilit daw siyang pasuotin ng puting kamison noong nagsu-shooting sila.
“Sa totoo lang, iniyakan ko ‘yung eksenang pinapagawa sa akin. I was somehow traumatize. Pinipilit nila ako na isuot yung puting kamison. Pakiramdam ko that time, ginagawa nila akong sexy star. Kaya iniyakan ko talaga. Pero wala akong magawa dahil utos yun ni Mother Lily (Monteverde). Ang ginawa na lang nila ay pinatungan nila ‘yung mga parts ng katawan ko na puwedeng makita kapag nabasa yung kamison. Ginawa ko pa rin yung eksena kahit labag sa kalooban ko,” sey ni Snooky.
Sa kaso naman ni Sunshine ay game na game daw siyang magsuot ng puting kamison noong i-launch siya bilang Regal Baby noong 1992 sa pelikulang ‘First Time… Like A Virgin’ kasabay sina Jackie Forster, Karla Estrada at Shirley Fuentes.
“The first time na pinasuot ako ng puting kamison was in a comedy. Kamison yun na may terno na shorts tapos ang eksena ay nag-iigib ako ng tubig. Tapos may mga lalake sa pilahan ng tubig na parang binososohan ako. Yung father ko dun was Rene Requiestas at siya yung sumita sa mga lalakeng binabastos.
“Comedy yung eksena kaya okey lang. Noong mag-artista ako, okey sa akin kung ano ang ipasuot sa akin. Ito kasi ang gusto kong gawin talaga. Hanggang dumating na sa point in my career na wala na akong suot na kahit kamison, ‘di ba?” tawa pa ni Sunshine.
Sa ‘Underage’ ay gaganap si Sunshine bilang ina nila Lexi, Elijah at Hailey. Si Snooky naman ay gaganap na kontrabida na aapihin ang tatlong bidang babae.
***
MAS naging disiplinado raw si Matt Lozano noong mapili siya na gumanap bilang si Big Bert Armstrong sa live-action adaptation ng GMA ng ‘Voltes V: Legacy’.
Inamin ni Matt na ang kanyang timbang ang naging problema niya noon kaya siya na-depress at muntik na siyang mag-suicide. Pero nahimasmasan daw siya at tinuon niya ang kanyang focus sa paggawa ng music na siyang naging saving grace niya.
“Matagal ko nang problema ang weight ko… Ang problema ko lang ‘yung disiplina. Ngayon lang ako nagkaroon ng disiplina sa sarili ko kasi mayroon tayong malaking pinaghahandaan, eh. Nakaka-proud kasi kaya ko rin pala na maging disiplinadong tao,” sey ni Matt.
Ang pinakamabigat na inabot daw ng kanyang timbang ay 278 pounds. Ngayon ay 240 pounds na lang siya dahil sa high-protein diet.
“Right now I’m 240 pounds, may muscles na pero malaki pa rin ang body fats. Pero mini-make sure ko kasi na healthy pa rin ang pagkain ko. Nagwo-workout ako regularly para rin handa ako pagkawala akong ginagawa, patuloy pa rin ako nagre-review ng scripts ko.”
Naranasan din ng body shaming si Matt. Pero hindi raw iyon naging hadlang para hindi niya ituloy ang mag-audition noon oara sa ‘Voltes V; Legacy’. Hnaggang sa sumabak siya sa matinding martial arts training at cinematic stunts para sa naturang serye.
“Alam mo ‘yung pakiramdam ko nu’ng time na ‘yun, parang body shaming sa sarili. Kasi doon ko nakita sa sarili ko na, ‘Ano ang ginagawa ko sa sarili ko bakit ako naging ganito?’
“Eventually noong nag-audition ako sa Voltes V, nag-thrive ako na, okay lang na mataba pa rin ako pero dapat healthy tayo.
“Proud ako na sabihin din na kahit malaki ako, kaya ko ‘yan kasi nagte-training kami. And thankful ako kasi sa Voltes V, nabago nila ako. Kahit na mataba pa rin ako, I can say na I’m healthy.”
Bukod kay Matt, kasama rin sa cast sina Miguel Tanfelix, Ysabel Ortega, Radson Flores, at Raphael Landicho.
(RUEL J. MENDOZA)
Speaker Romualdez tiwalang maibibida ng PBBM ang Pilipinas bilang investment hub sa World Economic Forum
KUMPIYANSA si House Speaker Martin Romualdez na magiging produktibo ang pagdalo ni Pangulong Ferdinand R. Marcos Jr., sa World Economic Forum (WEF) sa Davos Switzerland.
Ayon kay Speaker Romualdez, pagkakataon ito na maibida ng pangulo ang mga napagtagumpayan ng Marcos administration, at maibida ang Pilipinas bilang investment destinations at maipaliwanag din ang Maharlika investment fund.
Kumpiyansa si Romualdez, na hindi mahihirapan ang chief executive na ibahagi ang mga economic gain ng bansa at iba pang plano nito, dahil sa mga nakaraang global fora na dinaluhan niya ay malinaw nitong nailahad ang posisyon ng Pilipinas sa iba’t ibang isyu.
Si speaker Romualdez ang naging susi sa pagtatagpo ni Pangulong Marcos Jr. at WEF founder Dr. Klauss Schwab sa sidelines ng Association of Southeast Asean Nations (ASEAN) Summits, na ginanap sa Cambodia.
Dito kasi personal na inimbitahan ni Schwab ang Pangulo na dumalo sa World Economic Forum.
Maliban sa mahigit 50 heads of state, kabilang sa mga dadalo sa naturang pulong ang mga kilalang business leader sa buong mundo.
Kung maalala pinagtibay ng House of Representatives noong December 16, 2022 House Bill (HB) No. 6608, na bumubuo ng Maharlika Investment Fund (MIF) bill kung saan overwhelming ang boto mula sa mga mambabatas.
Si Romualdez, ang principal author ng nasabing measure at tiniyak na may sapat na safeguards ito.
Samantala, Binigyang-diin ni Pangulong Ferdinand R. Marcos Jr. sa isang luncheon meeting sa Switzerland na walang pinapanigan at kinikilingan ang mga miyembro ng Association of Southeast Asian Nations (ASEAN) at Asia-Pacific Economic Cooperation (APEC) sa kasalukuyang mga geopolitikal tensions.
Sa kanyang talumpati, ipinaabot din ni Pangulong BongBong Marcos Jr ang pasasalamat sa pribadong sektor na isang mahalagang bahagi sa pagpapalakas ng ekonomiya at pagbangon ng bansa mula sa pandemya.
Binigyang-diin ng Pangulo na mahalaga ang public- private partnership sa paglago ng isang bansa.
Pito sa pinakamalalaking business tycoon sa bansa ang kasama sa delegasyon ng Pilipinas sa Davos, Switzerland upang bigyang suporta si Pangulong Marcos Jr sa kaniyang unang pagdalo sa 2023 Annual Meeting of the World Economic Forum (WEF). (Daris Jose)
Tatum: 7th 50 point game
Hindi umubra ang diskarte ng Charlotte Hornets matapos nitong malasap ang pagkatalo laban sa nangunguna pa rin sa Eastern Conference ng National Basketball Association na Boston Celtics ngayong araw.
Tinalo ng Celtics sa kanilang game 3 ang Hornets sa score na 130 – 118.
Pinangunahan ng star player ng Celtics na si Jayson Tatum ang kanyang team at umiskor ito ng solid season high 51 points at 9 rebounds.
Ito rin ika pitong pagkakataon na nakakuha si Tatum ng 50 points ngayong season.
Umariba ang Celtics sa unang quarter ng game habang lumamang naman ang Hornets sa ikalawa at ikatlong quarter habang nabawi ng Celtics ang ika-apat na quarter.
Nakapag ambag din ang power forward ng Hornets na si Jalen McDaniels ng kabuuang 26 points ngunit bigo pa rin itong ipanalo ang kanyang team.
Ginanap ang naturang laban sa Spectrum Center Arena na balwarte ng Hornets at pinanood ng mahigit 19,000 na NBA fans. (CARD)
Valdez, Palou at Ravena papalakasin ang Spiker’s Turf
HANGAD nina Sports Vision President Ricky Palou, Spiker’s Turf President Alyssa Valdez pati si tournament director Mozzy Ravena na maging tuntungan tungo sa matagumpay na career ng mga lalaking volleyball player ang muling pagbomba ng Spiker’s Turf.
Hahataw muli ang men’s volleyball simula Enero 22 sa bagong season ng Spikers’ Turf na may 11 koponan sa Open Conference sa Paco Arena sa Maynila.
Markado ang National U-Sta. Elena squad na winalis ang Cignal HD sa finals noong nakaraang taon sa ligang tatlong taong napahinga dahil sa pandemya.
“It’s really a blessing that we’re getting more teams interested in joining the Spikers’ Turf. We’re growing and this is a good sign. It just shows everybody that there really is interest not only in women’s volley but also in the men’s side,” sabi ni Ricky Palou, pangulo ng nag-oorganisang Sports Vision sa PSA (Philippine Sportswriters Association) Forum sa ground floor ng Rizal Memorial Sports Complex, Martes.
“Our aim is to really look for new talents for the sport to hopefully come up with a really good national team. So far, it’s slowly happening and we’re happy with the results and we hope it’s going to get bigger and we’re hoping to bring the Spikers’ Turf to greater heights.”
Ang Bulldogs, na ngayon ay suportado ng Archipelago Builders, ay magbabalik para sa isa pang korona, ito ay puno ng hamon sa kanilang mga kamay dahil hindi makakasama ang mga star player na sina Joshua Retamar at Nico Almendras na pamumunuan ang kampanya ng NU sa UAAP Season 85 sa Pebrero.
Samantala ang Cignal, PGJC-Navy, Philippine Army, VNS Volleyball Club at Santa Rosa City ay bumalik din sa fold kasama ang Air Force, isa sa mga nanalong koponan sa liga na may tatlong titulo kasama ang HD Spikers.
Sasabak sa unang pagkakataon ang AMC Volleyball, City of Imus, D’ Navigators Iloilo at Vanguard Volleyball.
“Our tagline is “Where Power Meets Passion.” It’s very apt kasi ‘yung men’s volleyball alam naman natin hindi at par with popularity and support na nakukuha ng women’s volleyball so itong mga nakikita ninyo dito (sa forum), lahat ito very passionate people and even the players and the people behind Sports Vision,” sabi naman ni tournament director Mozzy.
“Gusto po nating maipakita kung gaano ka-exciting and fun ‘yung men’s volleyball. We’re just really happy na hindi nagsasawa ‘yung mga teams and sponsors to be here, to be part of the Spikers’ Turf. Gusto po namin na makita na magkaroon ng career sa volleyball pagkatapos ng college,” sabi ni volleyball icon at league president Alyssa Valdez.
Dumalo din sa PSA Forum na hatid ng San Miguel Corporation, Milo, Philippine Sports Commission, Philippine Olympic Committee at ng Philippine Amusement and Gaming Corporation (Pagcor) sina Cignal head coach Dexter Clamor, Imus head coach Sammy Acaylar, Santa Rosa assistant coach Carlos Cantor, D’ Navigators coordinator Francis Babon, Navy head coach Cecille Cruzada, Air Force head coach Jhim Merza, Army player Ken Baloaloa, Vanguard head coach Edjet Mabbayad, VNS head coach Ralph Ocampo, at NU’s Ariel Dela Cruz. (CARD)
Kyrgios di muna makakalaro dahil sa injury
Si Nick Kyrgios ay umatras sa Australian Open ngayon Lunes dahil sa injury nang hindi nito natamaan ang bola at masama ang kanyang loob at hindi siya makakalaban sa Grand Slam na ginanap sa kanyang bansa.
Ang talentadong ngunit masungit na Australian, na itinuturing na isang panlabas na pagkakataon na manalo ng titulo, ay nakipaglaban sa isang isyu sa bukung-bukong na humahantong sa kaganapan.
Ngunit ang kakulangan sa ginhawa sa tuhod ang nagtulak sa Wimbledon finalist na lumabas, isang araw bago siya nakatakdang harapin ang Russian Roman Safiullin sa unang round. Mangangailangan siya ng minor surgery.
Pinaplano rin ni Kyrgios na ipagtanggol ang kanyang titulo sa doubles kasama si Thanasi Kokkinakis.
Sumali siya sa dumaraming listahan ng mga manlalaro na aalis sa pagbubukas ng Grand Slam ng taon, kabilang ang world number one na si Carlos Alcaraz at two-time women’s champion na si Naomi Osaka.
“I’m devastated, obviously,” aniya sa isang mabilis na inayos na press conference sa Melbourne Park, na naglalarawan sa sakit bilang isang “patuloy na pagpintig”.
“Nagkaroon ako ng ilang magagandang paligsahan dito, nanalo sa doubles noong nakaraang taon at naglalaro ng tennis ng aking buhay na malamang na pupunta sa kaganapang ito.
Sinabi ng kanyang physio na si Will Maher na ang isang pag-scan ay nagpakita ng isang cyst bilang resulta ng isang maliit na punit sa kanyang lateral meniscus, ngunit hindi ito isang pinsala na nagbabanta sa karera. (CARD)
AFTER nearly a year since wrapping filming, Dexter Fletcher has teased the release window for Chris Evans and Ana de Armas’ new movie, Ghosted.
The upcoming Apple TV+ film marks the third major collaboration between Evans and de Armas, with the two first crossing paths in Rian Johnson’s Knives Out, starting off as reluctant allies before becoming adversaries, followed by the Russo brothers’ The Gray Man, in which they again played against one another in the globe-trotting action thriller. Production on Ghosted kicked off in February 2022 and after wrapping in May, audiences are getting an exciting bit of insight for the progress of the film.
The director confirmed that post-production is well underway on the romantic adventure film, noting that he’s putting the “finishing touches” on it now. Fletcher also offered a release window for the movie, teasing that it may be coming sooner than audiences expect, “Production is well-wrapped. I’m just putting the finishing touches to it now. It’ll be ready for April. I mean, I don’t know if I’m even allowed to say that, but I’ve said it. [Audiences should be] standing by their TVs and their Apple boxes for April.”
While their first outing together proved to be a critical and commercial hit, Evans and de Armas’ second collaboration on The Gray Man proved to be somewhat of a disappointment. Though praised for its ensemble cast, namely Evans in a scene-chewing villainous performance, and action sequences, the Netflix action-thriller received largely mixed reviews for its unoriginal writing, story and minimal character development amid its non-stop pace. In spite of these underwhelming reviews, The Gray Man would go on to be the most-watched film on Netflix in 84 countries in its opening weekend, securing both a sequel greenlight with Gosling set to return, and a spinoff centered on an undisclosed character penned by Deadpool duo Rhett Reese and Paul Wernick, who also scripted Ghosted.
Though it may have been a general success as far as numbers go for the streamer, it will be interesting to see how Ghosted fares in comparison to The Gray Man. Reese and Wernick have enjoyed a steady string of successes since exploding on the scene with 2009’s Zombieland, going on to not only pen its 2019 sequel, but also co-write both Deadpool movies, returning for is Marvel Cinematic Universe-set threequel, and the modestly received sci-fi horror film Life. However, considering their previous collaborations with Netflix resulted in the poorly received 6 Underground and Spiderhead, it does raise the question of if they have the occasional miss, or if their shift to a new streamer will net a much better result.
Plot details for Ghosted remain under wraps, though the film is said to be a romantic action-adventure in the same vein as Romancing the Stone, a promising comparison considering this subgenre has enjoyed a resurgence with the Sandra Bullock and Channing Tatum-led The Lost City. The duo will be joined by a star-studded roster that includes Adrien Brody, Mike Moh, Amy Sedaris, Tim Blake Nelson, Tate Donovan, Lizze Broadway, Mustafa Shakir and Fahim Fazli. With Fletcher teasing that Ghosted is aiming for an April release, audiences will have to keep their eyes peeled for a trailer to appear sometime in the near future. (source: screenrant.com)
(ROHN ROMULO)
Rachel Anne Daquis sumilip sa bahay-ampunan
PATULOY na nagpapakalat ng inspirasyon at kawang-gawa si Cignal HD Spikers team captain Rachel Anne Daquis kasunod ng pagbisita nito sa isang bahay-ampunan sa Tanay, Rizal.
Nakipagkulitan at nakipag-bonding ang 34-anyos na tinaguriang “Queen Tamaraw” sa mga kabataan ng Destiny’s Promise Home for Children Foundation.
Namahagi rin ito ng pagkain mula sa isang sikat na fast-food chain, mga gatas at bitamina na galing sa isang malapit na kaibigan.
Kilalang tagasulong ng pampalakasan ang multi-titlist outside at open hitter na nagawang magpalaganap ng larong volleyball sa kanyang itinulak na RAD Volleyball Camp noong Nobyembre 2022.
“Weekend with our angels, I’m super happy knowing our older kids are active in sports. They just came from a football practice (every Saturday they have practice and games). Good job kiddos!” pahayag ni Daquis sa kanyang Instagram post. “Special thanks to Aguinaldo Family for donating milks and vitamins for our angels.”
Puro papuri ang natanggap ng Taytay, Rizal native.
“Ms. Rachel I really admire how kind hearted and generous you are. May our God continue to bless you and your family,” saad ng isang fan.
“Kaya po lodi ko kayo eh. Beautiful inside and out. Thank you captain ganda for always sharing your time and blessings to people who are in need. God bless you po always,” wika naman ng isa.
Naghahanda ang koponan ng Cignal upang sumabak sa darating na 2023 season ng Premier Volleyball League (PVL) Open Conference sa susunod na buwan.
Back-to-back bronze medal at runner-up finish sa nagdaang 2022 season ng Open at Invitational Conference at Reinforced, ayon sa pagkakasunod, ang Cignal ni Daquis. (CARD)
Nanggulat sa pagpayag na maging ‘calendar girl’: RIA, ipakikita na champion sa pagtataguyod ng body positivity
MINAMARKAHAN ng Destileria Limtuaco & Co., Inc. ang ika-60 na anibersaryo ng White Castle Whisky kasama si Ria Atayde bilang 2023 White Castle Whisky Girl.
Na-immortalize ang imahe ng White Castle Girl na naka-suot ng pulang bikini sa ibabaw ng puting kabayo sa Pinoy pop culture.
At ngayon at nanggulat nga ang na bahagi na si Ria Atayde sa prestihiyosong roster ng White Castle girls na kinabibilangan nina Evangeline Pascual, Lorna Tolentino, Techie Agbayani, Carmi Martin, Maria Isabel Lopez, Cristina Gonzales, Glydel Mercado, at Roxanne Guinoo.
Ginawa ng White Castle Whisky ang di inaasahan sa panahon ng internet. Bago mag-2021, ginulat ng brand ang mga netizens nang ipinakilala nila ang YouTube chef at content creator na si Ninong Ry bilang kaunaunahan nilang White Castle Boy.
“We weren’t looking to take ourselves too seriously at the time.
Coming from the pandemic and working with our tagline ‘Dapat Light Lang’, we decided that we should
feature someone that had also persevered and created a following during the pandemic,” ayon kay Aaron
James Limpe Aw, na Executive Vice President ng Destileria Limtuaco. “Gumawa ng content para sa amin si
Ninong Ry created kaya naman naisipan namin na suportahan ang mga sumusuporta sa amin.”
Nuong 2021, ibinigay ng brand ang desisyon sa mga tao nang buksan nila ang titulo ng kanilang calendar
model sa publiko. Sa public online search na ito, ang TikTok sensation na si Sassa Gurl ang nagwagi at
siya ang naging 2022 White Castle Calendar na talaga namang pinuri sapagkat ito ay inclusive at isang
tagumpay para sa LGBT community. “Nung umpisa, hindi naman talaga naming ito intensyon and it was
definitely a gamble. We knew there were those who would have negative reactions to our move,” sabi ni
Brandon Jon Limpe Aw, na VP for Administration ng Destileria Limtuaco.
Ganunpaman, naglikha ito ng malakas na alingawngaw sa media firestorm at napagtanto ng brand madami
pa itong maaaring gawin sa kanilang taunang kalendaryo. Gaya nga ng sabi ng Destileria Limtuaco
President at CEO na si Olivia Limpe-Aw, “ni-launch ng mga kalendaryo namin ang karera ng maraming mga
aktres at mga modelo. With that kind of clout, nag-desisyon kami na maaari naming gamitin ang platform ng
aming kalendryo para mag-launch ng iba’t-ibang klaseng causes at advocacies.”
“Sexy calendars have become a contentious concept. The featured beauty standards have been deemed
unrealistic and not representative of the everyday female,” sabi ni Limpe-Aw.
Ipinapakita ng newest calenday girl na si Ria, na isang champion ng body positivity, sa pamamagitan ng kalendaryong ito, na ang pagiging sexy ay ang kumpinsya at pagiging kumportable sa sarili.
“Beauty comes in countless forms, shapes, and sizes. At this day and age, hindi pwedeng i-kahon ang kagandahan,” sabi ni Ria.
“Honored ako at ako ang napili bilang White Castle Whisky Girl as the brand allows and supports me in my advocacy to empower each and every woman to embrace her femininity and celebrate her body.”
Wala namang naging problema sa pamilya ni Ria, dahil suportado siya nina Papa Art Atayde at Sylvia Sachez at maging si Cong. Arjo Atayde. For sure, proud na proud din ang boyfie na si Zanjoe Marudo sa new achievement na ito ni Ria.
Magkasama ang White Castle Whisky at si Ria Atayde sa paghatid ng positive at affirming message sa
malawak na diversity ng beauty at maraming uri ng pagiging confident at sexy sa pagnanasang yakapin ng
milyun-milyong mga kababaihan ang kanilang tunay na kapangyarihan habang lapit bisig sila na gawing
mas maganda ang mundo.
Para sa karagdagang impormasyon ukol sa White Castle Whisky at para sa mga kapanapanabik na news
updates ukol kay Ria Atayde, i-like ang White Castle Whisky sa Facebook.
(ROHN ROMULO)
P1.3 B nakalaan sa libreng sakay
NAGLAAN ang Department of Budget and Management (DBM) ng P1.3 billion para sa programa ng pamahalaan sa service contracting kung saan ang libreng sakay ay ibibigay sa mga pasahero sa loob at labas ng Metro Manila.
Ayon kay DBM secretary Amenah Pangandaman nasa ilalim ng 2023 national budget, ang P1.285 billion ay nakalaan para sa SCP ng pamahalaan na ipamamahagi ng Department of Transportation (DOTr).
Sa ilalim ng SCP, pinapayagan ang ahensiya ng pamahalaan na mag-hire ng public utility vehicles upang magbigay ng serbisyo sa mga ruta ng transportasyon at magbigay na libreng sakay sa mga pasahero sa EDSA busway kasama ang iba pang rehiyon sa labas ng Metro Manila.
“Since the DOTr is the implementing agency, it is up to them to identify the scope and coverage of the program. They have the option to spread or limit its coverage, based on the result of their study,” wika ni Pangandaman.
Binuo ang programa upang masiguro na magkakaroon ng mahusay at ligtas na operasyon ang mga pampublikong transportasyon sa ilalim ng bagong normal condition. Ang SCP ay magbibigay ng financial support sa mga service providers ng transportasyon sa pamamagitan ng performance-based payouts.
Binigyan diin ng DBM na ang libreng sakay ay malaking tulong sa mga Filipinong pasahero sapagkat nagkakaroon sila ng transport savings na kung saan puwede nilang gamitin ang nasabing savings sa ibang pangunahing pangangailangan ng mga tao tulad ng pagkain at mga bayarin sa bahay.
Naitala ng pamahalaan na ang EDSA busway sa ilalim ng Libreng Sakay ay nakapagsakay ng may kabuuang 165 million na pasahero noong nakaraang taon. Naitala rin na may 389,579 na pasahero kada araw ang sumakay na may pagtaas ng bilang ng pasahero na 400,000 noong holidays kada araw.
Naibalita naman ng DOTr na kanilang tinitingnan kung matatapos ngayon taon ang privatization ng P551 million na EDSA busway na ibig sabihin ay ang pamamahala at operasyon nito ay ibibigay sa pribadong sektor.
Sa kabilang dako naman, ang Ilocos provincial government ay nagsabing kanilang itutuloy ang programa sa Libreng Sakay ngayon taon. Sa ngayon ay ang Metro Ilocos Norte Council ay namahagi na ng “free ride” stubs sa kanilang constituents.
Mayroon 780 na ang nakakuha ng stubs na binubuo ng indigent students, senior citizens at persons with disabilities (PWDs) mula sa lungsod ng Laoag at mga bayan sa San Nicolas, Bacarra at Sarrat na nagkakahalaga ng P500 kada pasahero. LASACMAR