2023 January Archive - People's Balita

Archive for January, 2023

Pagbubuwis sa luxury items, bahagi ng tax reform-NEDA

Posted on: January 19th, 2023 by @peoplesbalita No Comments

BAHAGI ng tax reform program ng pamahalaan ang pagbubuwis sa mga luxury items.

“This is still part of making the tax system simpler,” ayon kay National Economic and Development Authority (NEDA) Undersecretary Rosemarie Edillon.

Sa ulat, sinabi ni Albay Rep. Joey Salceda na pinag-aaralan na ng kanyang komite na patawan ng mas malaking buwis ang mga luxury goods sa harap ng panawagan na dagdagan ang kinukolekta sa mga mayayaman.

Sinabi ni Salceda, na siyang chairman ng House committee on ways and means na ito’y sa harap naman ng panawagan ng Oxfam International na patawan ng mas malaking buwis ang mga “super-rich” sa bansa.

“The committee is particularly studying taxing wristwatches, bags, and other leather items above P50,000, private jets, luxury cars above P5 million, the sale of residential properties above P100 million, beverages above P20,000 per bottle, traded paintings above P100,000, among other items,” sabi ni Salceda.

Nauna nang sinabi ng Oxfam ang inequality na nararanasan sa Pilipinas kung saan mas malaki pa ang yaman ng siyam na pinakamayayamang Pinoy kumpara sa pinagsamang yaman ng kalahati ng populasyon ng bansa na aabot sa P55 milyong piso.

Sinabi ni Edillon na ang pagbubuwis sa luxury goods ay “theoretically”, isang buwis sa mga mayayaman.

“So maganda na rin ito para makatulong sa pagkuha ng revenue. It’s also a way for the more fortunate ones na makatulong,” anito.

Gayunman, sinabi ni Edillo na ang “good governance” ang dapat na sukli o kapalit para sa “mas mataas at bagong buwis.”

“[Dapat] napupunta sa maayos na proyekto na pang-development and poverty reduction,” ayon kay Edillon. (Daris Jose)

Presensiya ng mga OFWs sa Middle East, isang “plus factor” para makapanghikayat ng Arab investors- PBMM

Posted on: January 19th, 2023 by @peoplesbalita No Comments

ISANG malaking factor ang malakas na presensiya ng overseas Filipino workers (OFWs) sa Gitnang Silangan para makapanghikayat ng mga investors mula sa Arab countries.

Sa open forum sa World Economic Forum (WEF) sa Davos, Switzerland, sinabi ni Pangulong Ferdinand Marcos Jr. na welcome sa Pilipinas ang anumang major capital intensive investment lalo pa’t sinusubukan nitong nakalabas mula sa utang na natamo nito.

Aniya, kailangan na mabawi ng Southeast Asia ang posisyon na mayroon ito bago ang COVID-19 pandemic.

Ang rehiyon ay mayroong fast-growing economy habang pinapanatili ang basic elements na nagdala sa nasabing punto bago pa mangyari.

“The workforce is still workforce, still exists. It is up to us as leaders, I think, to be very careful how we direct now the development of the economy because it’s not business as usual. The pandemic changed everything,” ang wika ni Pangulong Marcos.

“So specific to the Middle Eastern countries, we have very strong relations actually with the Middle Eastern countries,” dagdag na wika ng Pangulo sabay sabing “This is due to the huge numbers of OFWs in the Middle East.”

“Because in the talks that we’ve had with some of the leaders from the Middle East, the discussion always begins with the overseas Filipino workers,” ani Pangulong Marcos.

Winika pa ng Punong Ehekutibo na ang kalakalan ay bahagi ng talakayan sa Arab nations katulad ng pinag-uusapan naman ang panukalang sovereign wealth fund, Maharlika Investment Fund.

“Some of the examples that we’re looking at are the ones in the Middle East because they have been the ones that have been most successful,” ani Pangulong Marcos.

“The connections are there — we just not have — put it in that area. But I’m sure that any opportunities that we will be given… have to take full advantage of,” aniya pa rin. (Daris Jose)

Siya na raw ang ‘Donnalyn Bartoleme’ part 2: KRIS, nakisawsaw at ipinagtanggol pa ang maling ginawa ni ALEX

Posted on: January 19th, 2023 by @peoplesbalita No Comments

MARAMI ang pumuri kay Ria Atayde sa pagiging bagong Calendar Girl niya ng White Castle Whisky.

Binali kasi ni Ria ang nakasanayang image o molde ng isang White Castle Whisky Calendar Girl na kailangan payat na payat para masabing sexy.

Ang iprinisinta rin daw na advocacy ng brand ang dahilan kung bakit napa-oo siya, though, kahit si Ria, aminado na hindi niya na-imagine na magiging Calendar Girl pala siya.

“Noong kinausap kasi nila ko, buo na, ‘yung concept nila about body positivity kaya madali sa akin na mag-yes because it’s also my advocacy.”

Sabi pa niya, “Usually ang calendar girl, there’s a certain mold. That’s why this campaign resonated with me because it’s out to prove that beauty is in all forms, shapes and sizes.

“Definitely, I never thought that I’ll see myself as a calendar girl. If anything that changed, kaya ko pala. Kaya ko pala.

“Actually, I did a birthday shoot but it feels like my personal consumption kind of thing. Pero publicly, kaya pala. I think, it brings confidence in myself also.”

Supportive naman daw sa kanya ang pamilya ever since kaya hindi na niya kailangang magpaalam, kahit sa boyfriend na si Zanjoe Marudo. Na ngayon nga ay out na sila.

At least ngayon, mas open na sila ni Zanjoe at wala rin pagde-deny.

Katwiran niya, “I feel like it’s all out in the open anyway. I don’t think there’s something to deny or confirm. I feel like it’s already out , so take it for what it is, I guess.”

Parang seryosohan na talaga sila dahil nga sa pagiging open na nila sa publiko sa kanilang relasyon.

“Sana po, sana po,” nakangiti niyang sagot.

***

SUMAWSAW pa ang singer na si Kris Lawrence sa isyu ng kanegahan ni Alex Gonzaga.

Dinipensahan nito ang naging action ni Alex.

Nag-post ito ng comment na, “People always have something negative to say. Let’s fast forward and after this event that waiter just went viral, will probably get something after, and a LOT of sympathy. Most recognition he ever got as a waiter. So after all the noise… I’m sure he will be grateful that this happened. Looks like people just like to extract the negative out of things instead of the positive.”

At may kasunod pa itong post na, “So now it’s bad to put cake on someone’s face during a birthday? I thought that was a normal thing.”

Dahil sa mga post at comment na ito ni Kris, nag-land ang pangalan niya sa top trending sa Twitter. Either intentional o hindi, wagi si Kris sa pagpapa-ingay ng pangalan niya na halos hindi na masyadong namamalayan.

Ilan sa mga mababasang comment ng netizens tungkol sa kanya, “Grabeng pangmamaliit yung “most recognition he ever got” like WTF Kris Lawrence.”

“So utang na loob at dapat ipagpasalamat pa ata ni Kuya Allan ang nangyari sa kaniyang kahihiyan sa kamay ni malditang Alex Gonzaga. Ayon iyan sa bibliya ni Kris Lawrence.

“Kausapin niyo nga ‘yang La Ocean na songerette na ‘yan. KLK.”

“I never though Kris Lawrence will be this shallow. Well I guess the last picture shows. Another Donnalyn Bartolome wanna be. Dude, Alex Gonzaga is fucking rude. Calling out her bad attitude is not bullying. It’s just us letting her know.”

“Congrats to kris lawrence on achieving the most recognition he will ever get as a singer.”

“Imagine someone celebrating their birthday on a Kris Lawrence gig, he sings them happy birthday, and they surprisingly smeared a cake icing on his face while he is performing/working on stage. Yeah that seems pretty normal to me.”

Mababasa rin na si Kris daw ang Donnalyn Bartoleme part 2, huh!

(ROSE GARCIA)

Halos 5,000 indibidwal, nakatanggap ng P35.35 million na tulong medikal mula sa Philippine Charity Sweepstakes Office

Posted on: January 19th, 2023 by @peoplesbalita No Comments

NAGLABAS ng P35.35 milyon na tulong medikal ang Philippine Charity Sweepstakes Office sa kabuuang 4,704 na kwalipikadong benepisyaryo sa buong bansa mula Enero 9 hanggang Enero 13.

Sa pagbanggit sa datos na inilabas, sinabi ng ahensya na ang mga pondo ay inilabas sa mga benepisyaryo sa pamamagitan ng Medical Access Program.

Kabilang sa mga benepisyaryo ang 625 indigents mula sa National Capital Region na nakatanggap ng P7.8 milyong halaga ng tulong; 898 mula sa Northern at Central Luzon na binigyan ng P7.5 milyon; at 1,247 mula sa Southern Tagalog at Bicol Region na nakatanggap ng P7.4 milyon.

Sa Visayas, 874 na indibidwal ang nabigyan ng P6.1 milyon na tulong medikal habang 1,060 indibidwal ang nakatanggap ng P6.3 milyon sa Mindanao.

Ang Medical Access Program, na dating kilala bilang Individual Medical Assistance Program, ay dinisenyo upang dagdagan ang tulong medikal para sa mga mahihirap na Pilipino, partikular para sa pagkakulong sa ospital, chemotherapy, dialysis, at mga kinakailangang gamot. (Daris Jose)

Mas marami pang criminal complaints, inaasahang ihain laban kay suspended BuCor chief Bantag

Posted on: January 19th, 2023 by @peoplesbalita No Comments

INAASAHANG mas marami pang criminal complaints ang ihahain laban kay suspended Bureau of Corrections (BuCor) Director General Gerald Bantag.

Ayon kay BuCor Acting Director General Gregorio Pio P. Catapang Jr, patuloy na nangangalap ng ebidensiya ang BuCor laban kay Bantag para sa plunder charges nito sa umano’y maanomaliyang proyektong pagtatatag ng tatlong prison facilities na nagkakahalaga ng P900 million.

May mga witness na aniyang handang tumestigo laban kay Bantag kabilang na ang mga contractors ng nasabing proyekto.

Aniya, napilitan lamang ang mga ito na baguhin ang detalye para sabihin na 95% kumpleto ang proyekto subalit hanggang ngayon ay hindi pa natatapos.

Inihayag din ni Catapang na base sa BuCor official na nag-inspeksiyon sa naturang proyekto na wala pa sa mahigit 60% ang natatapos sa naturang proyekto.

Hiniling na aniya ang tulong ng Department of Justice para sa karagdagang dokumento para suportahan ang kasong plunder laban kay Bantag.

Kung maaalala, sinampahan si Bantag ng dalawang kaso ng murder o pagpatay may kinalaman sa Percy lapid killing at nahaharap din sa torture at physical injuries complaints dahil umano sa pananakit at pagmaltrato sa persons deprived of liberty (PDLs) na sina Ronald Usman at Jonathan Escopete sa New Bilibid Prison (NBP) sa Muntinlupa City na inihain sa Department of Justice (DOJ). (Daris Jose)

Warriors sumilip sa White House

Posted on: January 19th, 2023 by @peoplesbalita No Comments

Bumisita sa White House ang NBA defending champion na Golden State Warriors.

Mainit silang sinalubong ni US President Joe Biden at Vice President Kamala Harris.

Ayon kay Biden na nananatiling nakabukas ang White House para sa Warriors.

Tinagurian pa nito si Warriors star Stephen Curry na pinakamagaling na manlalaro.

Binigyan ng Warriors sina Harris at Biden ng kanilang basketball jersey.

Magugunitang tinalo ng Warriors ang Boston Celtics sa Game six para makuha ang kampeonato noong 2021-2022 season.

Noong panahon din ni dating US President Donald Trump ay hindi tumapak ang Warriors sa White House dahil sa kinontra nila ang ipinaglalaban nito. (CARD)

Alyssa Valdez matindi ang determinasyong makabalik sa paglalaro

Posted on: January 19th, 2023 by @peoplesbalita No Comments

Matindi ang pagnanais ni Alyssa Valdez na makabalik sa wastong porma sa lalong madaling panahon para makasabak sa 6th Premier Volleyball League (PVL) Open Conference sa February at sa Cambodia 32nd Southeast Asian Games sa May.

Siniguro ng 29-anyos, 5’9’ ang taas na dalagang outside hitter ng Creamline sa kanyang mga tagahanga na ginagawa niya ang mahusay na therapy at pag-aalaga sa sarili para agad gumaling makaraang magka-right knee injury noong December sa Cool Smashers-Chery Tiggo game.

“I am not wasting time to be able to recover but we are making sure na it will not go to waste,” giit ni ‘Phenom’ sa Philippine Sportswriters Association (PSA) Martes sa Philippine Sports Commission (PSC) conference room ng Rizal Memorial Sports Complex sa Malate, Manila.

Hinirit ni Valdez sa talakayang mga hatid ng San Miguel Corporation (SMC), MILO, PSC, Philippine Olympic Committee (POC), at Philippine Amusement and Gaming Corporation (PAGCOR), na kasama sa kanyang motibasyon at inspirasyon habang nagpapagaling ang makatawan uli ang bansa sa 11-nation, biennial sportefst.

“Yes po, isa po iyun sa aking matinding inspirasyon sa ginagawa ko po na paunti-unting pagpapagaling kasi po gusto ko po talaga na mairepresenta ang Pilipinas lalo na sa SEA Games. Malapit na po iyun kaya po sinisiguro namin ang pinakatamang direksyon na makabalik po ako sa paglalaro,” panapos na sey ng Batangueña mula sa San Juan at produkto ng Ateneo Blue Eagles. (CARD)

MARGOT ROBBIE, A FORCE OF DISRUPTION IN “BABYLON”

Posted on: January 19th, 2023 by @peoplesbalita No Comments

TWO-TIME Oscar-nominee Margot Robbie plays Nellie LaRoy, an unknown actress who is trying to get her big break into show business, in Paramount Pictures’ critically acclaimed epic, Babylon. A tale of outsized ambition and outrageous excess, the film traces the rise and fall of multiple characters during an era of unbridled decadence and depravity in early Hollywood.

[Watch the film’s “Margot Robbie” featurette at https://youtu.be/qna6omwTBvQ]

When Margot Robbie read the script for the first time, she says it was the strongest reaction she had ever had. “My team was actually a little alarmed at my intensity,” says Robbie. “I was like, ‘I have to do it. This role is mine.’”

“For a role like Nellie you need an actor who truly has no fear. Someone who can take the screen as though she’s grabbing it by the sides and shaking it to do whatever she wanted to do. That, to me, is Nellie. That, to me, is Margot. In many other respects they are incredibly different people, but there’s an energy and fervor and hunger that they both share,” says director-writer Damien Chazelle.

While Nellie’s character is inspired by a myriad of silent film stars, it was the true-life story of Clara Bow that really helped Robbie understand Nellie.

“Clara Bow had probably the worst childhood of anyone I’ve ever heard of,” says Robbie, referring to the trauma and abuse that Bow suffered as a child of poverty. “Clara’s parents never got a birth certificate for her because they had already lost two children, and they felt certain she would never make it past her childhood. When I read that, the character of Nellie really started to make sense to me. I could imagine she always felt that every day she was on the planet she was on borrowed time, so she was going for broke every single day.”

In an introduction befitting her wild nature, Nellie LaRoy first appears on screen as she’s careening her car into a statue outside studio mogul Don Wallach’s mansion. Nellie is determined to crash the party, so that all of Hollywood’s power brokers can witness the moment when a star is born.

“The operating principle with Nellie was that she’s a force of nature who just kind of crashes into everything that she encounters,” says Chazelle. “There’s a kind of magic that arises from that, and it’s part of why she becomes a star, but it’s also part of why she encounters so many problems in her career so quickly as well. She’s representative of that kind of wild-west spirit of the time where the old rules were out the window.”

Once inside the party, Nellie makes the most of her opportunity, mixing with all of the beautiful people while somehow standing out at the same time, and it all leads to her first big break in the business.

“This party scene shows how every little thing in Hollywood can lead to something big,” says Robbie. “It’s how I felt when I first got to L.A. too. There’s no roadmap of how to make it happen, but you know you need to make it happen, so you just do everything you can to create that moment. Nellie just instinctively knows that she needs to get into that party, because something’s going to happen tonight, and it’s going to be big,” she concludes.

In cinemas across the Philippines starting February 1^st, Babylon is distributed by Paramount Pictures through Columbia Pictures.

Connect with #BabylonMovie and tag @paramountpicsph

(ROHN ROMULO)

Deadline ng SIM registration, sa Abril 26

Posted on: January 18th, 2023 by @peoplesbalita No Comments

NILINAW kahapon ng Department of Information and Communications Technology (DICT) at ng National Telecommunications Commission (NTC) na ang deadline ng SIM registration, na Abril 26, 2023, ay alinsunod sa itinatakda ng batas.

Matatandaang ang mandatory SIM registration ay nagsimula noong Disyembre 27, 2022 at magtatagal lamang ng 180 araw o hanggang Abril 26, 2023.

Gayunman, may ilang users ang nagpahayag ng kalituhan kung ang deadline nito ay papatak ng Abril o Hunyo.

Paglilinaw naman ng regulators, ang deadline ay hindi nagbabago at nananatiling Abril 26, 2023.

“Said deadline is in line with the provisions of Republic Act No. 11934, or the Subscriber Identity Module (SIM) Registration Act, which states that ‘All existing SIMs subscribers shall register the same with their respective PTEs within one hundred eighty (180) days from the effectivity of this Act’,” anila pa, sa isang pahayag.

Sinabi pa ng mga naturang ahensiya na nakasaad sa batas na magiging epektibo ito 15-araw matapos ang paglalathala sa Official Gazette o sa isang pahayagan na may general circulation.

Anila, nilagdaan ito noong Oktubre 10, 2022 at nailathala sa Official Gazette noong Oktubre 12, 2022 at sa isang pahayagan noong Oktubre 13, 2022 naman.

“It therefore took effect 15 days after such publication, or no later than 28 October 2022,” dagdag pa nito.

Sinabi pa ng DICT na bagamat maaari nilang palawigin ang registration, ang goal pa rin nila sa ngayon ay matapos ito sa orihinal na deadline.

Hanggang nitong Enero 11, mahigit na sa 17 milyong SIM cards sa bansa ang nairehistro na.

Ito ay kumakatawan sa 10.47% ng mahigit 169 milyong mobile cellular subscribers sa buong bansa.

Tiniyak ni PBBM: China, hindi pipigilan ang mga Pinoy na mangisda sa West PH Sea

Posted on: January 18th, 2023 by @peoplesbalita No Comments

PUMAYAG ang bansang Tsina na mangisda ang mga Filipinong mangingisda sa West Philippine Sea.

Apektado na kasi ang ikinabubuhay ng mga mangingisdang Filipino dahil sa presensiya ng Chinese maritime forces sa pinagtatalunang lugar.

Tinuran ng Chief Executive na bahagi ng kasunduan ng Manila at Beijing, hindi umano pipigilan ng China ang mga Pinoy na mangisda sa kabila ng usapin ng dalawang bansa sa West Philippine Sea.

“Actually, I don’t know how the word partnership started to be used. It’s really an agreement that you will… that China will not stop our fishermen from fishing,” ang pahayag ng Pangulo sa isang panayam.

“They will continue to allow our fishermen to fish in the fishing grounds that they have been to, they have used for many generations. That’s it. It’s that simple,” dagdag na wika ng Pangulo.

Noong nakaraang linggo, sinabi ng nagbitiw na si National Security Adviser Clarita Carlos, na sinusuri ng pamahalaan ang mungkahing partnership ng China sa Philippine fishing villages. Pinalagan ng Pangulo ang pahayag na ito no Carlos.

Magugunitang, nagsagawa si Marcos ng three-day visit sa China noong Enero 3 hanggang 5, at kabilang sa mga tinalakay niya kay President Xi Jinping ng China, ang usapin ng mga Pinoy na nangingisda sa West Philippine Sea.

Ayon kay Marcos, nangako si Xi na “that we would find a compromise and find a solution that will be beneficial so that our fishermen might be able to fish again in their natural fishing grounds.”

Nagkaroon din umano ng kasunduan ang dalawang bansa na bubuo ng isang communication mechanism sa maritime issues na kabibilangan ng Department of Foreign Affairs (DFA) ng Pilipinas at Ministry of Foreign Affairs ng China. (Daris Jose)