2023 January Archive - People's Balita

Archive for January, 2023

6 cold storage facilities, itatayo sa onion-producing regions

Posted on: January 18th, 2023 by @peoplesbalita No Comments

MAGTATAYO ang Department of Agriculture (DA) ng anim na cold storage facilities sa apat na onion-producing regions simula ngayong taon.

Layon nito na suportahan ang mga lokal na magsasaka.

Ang bawat pasilidad ay mayroong 20,000 bags na nagkakahalaga ng P40 million at itatayo sa Ilocos, Cagayan Valley, Central Luzon at Mimaropa regions.

“Tayuan po ng mga storage facility nang sa gayon during peak season ng harvest, malagyan na. Hindi po sagot ang importation. Napakalaking potensyal po ng lugar namin,” ayon kay San Jose, Occidental Mindoro agriculturist Romel Calingasan sa Senate hearing.

Dalawang cold storage facilities naman ang itatayo sa Occidental Mindoro subalit ang inaalala ni Calisangan ay ang lokasyon.

“For instance, a planned facility in Rizal town is about 16 to 20 kilometers away from San Jose, the largest onion-producing area in the province. The other planned site in Sablayan is farther at 97 kilometers,” ayon sa ulat.

Sa kabilang dako, muling inulit ni Pangulong Marcos ang pangangailangan na suportahan ang mga magsasaka, Iginiit na ang importasyon ay hindi dapat “long-term response” para protektahan ang mga magsasaka at makinabang ang mga consumers sa mababang commodity prices.

“We have to go back to the onion growers and help them so that we can have production, we don’t need to import. We became so used to importation… When we take supplies from abroad, its inflationary forces are also being brought to the Philippines,” ang wika ng Pangulo.

Samantala, nanindigan naman si Pangulong Marcos na kailangan pang umangkat ng sibuyas ng gobyerno dahil na rin sa kakulangan ng suplay nito.

“May nagsasabing onion, hindi kailangan mag-import. Papaano naman hindi kailangang mag-import? Tignan mo ‘yung production ng Pilipinas, tignan mo ‘yung demand, malayo talaga,” pahayag ni Marcos sa mga mamamahayag na naka-base sa Malacañang habang patungo sila sa World Economic Forum sa Davos, Switzerland nitong Linggo.

Hindi rin aniya nagamit ang mga smuggled na sibuyas dahil kulang pa rin ito sa target na suplay nito kaya napipilitang umangkat na lang ang pamahalaan.

Kamakailan, inanunsyo ng Department of Agriculture (DA) na aangkat ng sibuyas ang pamahalaan sa kabila ng nalalapit na anihan sa gitna ng patuloy na pagtaas ng presyo nito sa mga nakalipas na linggo.

Gayunman, nagpahayag ng pangamba ang ilang grupo ng magsasaka dahil sa posibilidad na maapektuhan sila ng naturang hakbang. (Daris Jose)

Miyembro ng “Compendio Drug Group”, kasabwat timbog sa buy bust sa Valenzuela

Posted on: January 18th, 2023 by @peoplesbalita No Comments

DALAWANG hinihinalang drug personalities, kabilang ang isang miyembro ng “Compendio Drug Group” na listed bilang high-value individual (HVI) ang nalambat sa isinagawang buy bust operation ng pulisya sa Valenzuela City.

Kinilala ni Valenzuela police chief P/Col. Salvador Destura Jr, ang naarestong mga suspek bilang si Alex Estrella alyas “Tropa”, 44, (HVI), miyembro ng “Compendio Drug Group” at Joel Ofiaza, 36, kapwa residente ng M. Gregorio St., Brgy. Canumay West.

Sa ulat ni Col. Destura kay Northern Police District (NPD) District Director PBGEN Ponce Rogeliop Peñones Jr, dakong ala-1:40 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni P/Capt. Joel Madregalejo ng buy bust operation in relation to SAFE NCRPO at Anti Criminality Law Enforcement Operation sa kahabaan ng Gen T. De Leon Road, harap ng De Gula Compound, Brgy., Gen. T. De Leon kung saan isang undercover police ang nagawang makipagtransaksyon sa mga suspek ng P500 halaga ng droga.

Nang matanggap ang pre-arrange signal mula sa kanilang kasama na nagsilbi bilang poseur-buyer na hudyat na nakabili na siya ng shabu sa mga suspek ay agad lumapit ang back-up na mga operatiba at inaresto ang dalawa.

Ani PSSg Carlito Nerit Jr, nakumpiska sa mga suspek ang humigi’t kumulang 10 grams ng hinihinalang shabu na may standard drug price value P68,000.00, marked money, P200 bills, sling bag, 2 cellphones at isang motorsiklo.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

MAG-INGAT sa PAGBILI/PAGSALO sa mga SASAKYAN – mga SINDIKATO TALAMAK na NANGBIBIKTIMA ng mga BUYERS

Posted on: January 18th, 2023 by @peoplesbalita No Comments

ISA sa mga lumapit sa Lawyers for Commuters Safety and Protection (LCSP) para magpatulong ay may kakaibang karanasan sa pagbili ng sasakyan.

Naghangad na bumili ang biktima ng sasakyan at sa isang sikat na on-line market siya tumingin. Nang may nakursunadahan ay nakipagkita siya sa seller. Isang Montero na halos Isang Milyon piso ang halaga ang ipinakita sa kanya sa parking lot ng isang sikat na mall. Hindi gaanong bihasa sa pag inspect at pagbusisi ng dokumento ang biktima kaya lalong madali na nakumbinsi sya ng seller. Maliban sa sasakyan ay pinakita sa kanya ang isang blankong deed of sale na pirmado daw ng registered owner at ang OR/CR.

Kinabukasan ay nagkita ang biktima at selker sa bangko at cash na binayaran ang sasakyan. Noong unang taon na pinarehistro ng biktima sa LTO ay narehistro pa ang sasakyan. Pero sa ikalawang taon ay sinabi sa kanya ng LTO na hindi tugma ang plate number sa sasakyan. At nairehistro na raw ang sasakyan na may ganung plate number sa ibang LTO office kaya kaagad na in-impound ang nasabing Montero. Laking gulat ng biktima!

Ilan ulit niya na kinontak ang seller pero cannot be reached na ito. Sa tulong ng LCSP volunteers ay natukoy namin ang registered owner ng Montero. Nagulat ang owner na nabenta ang sasakyan. Peke ang pirma niya sa deed of sale at MATAGAL NA NIYA ISINUKO SA BANGKO ANG MONTERO dahil hindi na niya kaya bayaran ang monthly payment sa nito.

Kung naisuko na sa bangko paano ito napunta sa seller? At paano na iba ang plate number? Paano narehistro sa LTO noong unang pinarehistro ito?

Sinulatan na ng LCSP ang bangko upang malaman nila na ang na isang sasakyan na isinuko sa kanila ay nailabas at naibenta na may pekeng plate number.

Isang paalala ng LCSP – magingat sa pagbili ng sasakyan lalo kung pasalo ito at lalo kung hindi alam ng bangko ang transaction. Huwag magtiwala basta-basta na nag-a-ahente at wala ang registered owner. Ipa-verify sa LTO ang status ng sasakyan. Kung hindi pa fully paid sa bangko ay lalong mag-ingat. May mga lumapit din sa LCSP na yung nakabili ay kinasuhan pa ng carnapping.

Makikipag-ugnayan ang LCSP sa mga Transport Agencies tungkol sa modus na ito.

Sino man pong may mapait na karanasan na tulad nito ay maari pong lumapit sa LCSP sa #97C Matatag st, Piñahan Quezon City (malapit lang ito sa SSS building sa East Avenue, Quezon City). (ATTY. ARIEL INTON)

Narco-cops walang lusot, hahabulin kahit magretiro

Posted on: January 18th, 2023 by @peoplesbalita No Comments

TINIYAK ni Department of the Interior and Local Government (DILG) Secretary Benjamin “Benhur” Abalos, Jr. na kahit pa magretiro na ay hindi pa rin makakatakas sa imbestigasyon at prosekusyon ang mga tinaguriang narco-cops o yaong mga pulis na hinihinalang sangkot sa illegal drug trade sa bansa.

Sinabi ni Abalos na umaarangkada na sa ngayon ang case build-up laban sa mga hinihinalang narco cops.

Binigyang-diin ni Abalos na ang proseso na isinasagawa nila ay hindi magtatapos lamang sa pagtanggap sa courtesy resignation ng mga police officials na hinihinalang sangkot sa illegal drugs.

Ayon kay Abalos, gagamiting gabay ng 5-man Advisory Group at ang National Police Commission (Napolcom) ang mga ebidensiyang hawak nila sa pagsasampa ng kaukulang kaso sa mga ito.

“The process does not end upon the acceptance of courtesy resignation,” ani Abalos.

“As I previously stated, even if a police official is allowed to retire for the time being, the monitoring and investigation must continue, to gather evidence that may lead to eventual criminal prosecution. We must always act within the rule of law. As a lawyer, I want to make sure that cases filed shall succeed and can withstand court litigation,” dagdag pa niya.

Tiniyak ni Abalos na ang retirement ng mga pulis, na may kinalaman sa illegal drug trade, ay hindi nangangahulugang absuwelto na sila dahil bubuo aniya ang departamento ng solidong kaso laban sa mga ito upang ma-prosecute ang mga ito. (Daris Jose)

Isabela muling maghohost ng Patafa Open

Posted on: January 18th, 2023 by @peoplesbalita No Comments

ISASAGAWA muli ang taunang Philippine Athletic Track and Field Association (Patafa) National Open sa mistulang bahay nito sa mga nakalipas na taon bago naganap ang malawakang COVID-19 pandemic sa tinaguriang “Corn Capital of the Philippines” na Ilagan, Isabela.

“Watch out for this historic sporting event happening again in our beloved City of Ilagan this 2023 !,” post ng MyCity PIO ng local government unit ng Isabela.

Una nang itinakda ng Patafa ang muling pagsasagawa ng kada taong torneo sa Marso 21 hanggang 26.

“Save the date 21-26 March 2023. LGUs, School Teams, and Gov’t Agency Teams may send their request for invitation to participate to patafa_nsa@yahoo.com by providing the name, designation, and complete address of the invitation addressee,” post ng Patafa.

Pangunahin ang Patafa National Open sa mga torneo na gagamitin ng asosassyon para masubok ang lahat ng mga miyembro ng pambansang koponan habang hangad din nito na makahanap ng mga bagong sibol at papaangat na mga atleta. (CARD)

Wagi rin sina Dennis. Juancho at Barbie: ANDREA, pararangalan sa ‘7th GEMS Awards at kinabog si JULIE ANNE

Posted on: January 18th, 2023 by @peoplesbalita No Comments

NAG-POST si Suzette Doctolero, creative writer ng “Maria Clara at Ibarra,” ng listahan ng mga nagsipagwagi sa 7^th GEMS Awards.

Ang GEMS – Hiyas ng Sining ay isang samahang nagbibigay pagkilala sa mga katangi-tanging alagad ng sining sa larangan ng Panulat, Digital, Tanghalan, Radyo, Telebisyon at Pelikula.

Sa ikapitong taong pagpaparangal ng Samahan, limitado na lamang ang bilang ng mga gagawaran ng karangalan. May ilang publikasyon, istasyon at produksyong di na ganoon kaaktibo, kaya di na sapat ang batayan ng pagpipilian. Magkakaroong na rin muli ng aktuwal na pagga-gawad ng karangalan para sa mga magsisipagwai. Isang liham-paanyaya na naglalaman ng petsa at daloy ng programa ang ipadadala sa mga gagawaran ng parangal.

Narito ang mga pararangalan: Best TV Series – Maria Clara at Ibarra (GMA-7); Best Performance by an Actor in a Supporting Role (TV Series) – Juancho Trivino – Maria Clara at Ibarra; Best Performance by an Actress in a Supporting Role (TV Series) – Andrea Torres – Maria Clara at Ibarra; (kinabog pa niya si Julie Anne San Jose) Best Performance by an Actor in a Lead Role (TV Series) – Dennis Trillo – Maria Clara at Ibarra; Best Performance by an Actress in a Lead Role (TV Series) – Barbie Forteza – Maria Clara at Ibarra; TV Station of the Year – GMA-7.

Ilang weeks na lamang at magtatapos na ang historical fantasy portal series ng GMA Network na patuloy pa ring mapapanood after “24 Oras.”

***

LEXI Gonzales expressed her gratitude to GMA Network, dahil sunud-sunod ang mga work niya, after niyang maging runner-up sa “StarStruck 7”. Of course, ang isang hindi niya malilimutan ay nang makabilang siya sa seven contestants ng Korean adaptation ng top-rating ang biggest reality game show na “Running Man Philippines.”

Hindi man siya ang naging ultimate winner, hindi niya malilimutan ang mga natutunan niya roon, ang mga pagkakaibigan na hindi makakalimutan.

Ngayon nga ay may sarili na siyang Afternoon Prime, ang “Underage” na kasama niya sina Elijah Alejo at Hailey Mendes, Isang panibagong experiences daw ang naranasan niya nang ginagawa na nila ang teleserye.

“As Celine, ang eldest sa three sisters, na-experience ko po lahat ng hirap, saya, struggles ng character ko, Thankful po rin ako na very helpful po ang lahat sa akin sa mga mahihirap na eksena kong ginawa, ginabayan po nila ako at hindi nila pinabayaan all thourghout po ng taping namin ng serye.”

***

IBA naman ang naging experience ni Elijah Alejo nang ginagawa nila ang “Underage.”

“Ang pinaka-challenging po sa akin dito, ay iyong pag-shift ko po ng character mula sa kontrabida,” paliwanag ni Elijah.

“Tatlong taon ko po kasing ginampanan sa una kong teleserye, ang ‘Prima Donnas’ bilang si Briana, kasi magkaibang-magkaiba ang ugali ni Briana kay Chynna. May pagka-happy go-lucky dito si Chynna, may pagka-spoiled na bibo, na malambing sa mga kapatid niya, sina Celine at Carrie (Hailey). Kaya hindi na po ninyo makikita si Briana dito sa ‘Underage.’”

(NORA V. CALDERON)

Teenager na tulak timbog sa P54K marijuana sa Caloocan

Posted on: January 17th, 2023 by @peoplesbalita No Comments

BAGSAK sa kulungan ang isang teenager na umano’y tulak ng ilegal na droga matapos maaresto sa isinagawang buy bust operation ng pulisya sa Caloocan City.

Kinilala ni Caloocan police chief P/Col. Ruben Lacuesta ang naarestong suspek bilang si Paul Jerrie Lira, 18 ng No. 9021, Saint Catherine St., Barangay 177.

Sa kanyang ulat kay Northern Police District (NPD) District Director PBGEN Ponce Rogelio Penones Jr, dakong alas-2:45 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni P/Major Dennis Odtuhan, kasama ang 3rd MFC RMFB-NCRPO ng buy bust operation sa bahay ng suspek matapos ang natanggap na impormasyon hinggil sa pagbebenta umano niya ng marijuana.

Nang tanggapin ang P500 marked money mula sa isang pulis na nagsilbing poseur-buyer kapalit ng isang plastic bag ng marijuana ay agad dinakma ng mga operatiba ang suspek.

Nakumpiska sa suspek ng tatlong medium resealable transparent plastic bags kabilang ang subject of sale at isang large resealable transparent plastic bag na naglalaman ng humigi’t kumulang 450 grams ng hinihinalang pinatuyong dahon ng marijuana with fruiting tops na may standard drug price value P54,000, buy bust money at malaking paper bag.

Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Opisyal ng PSC Chairman si Dickie Bachmann

Posted on: January 17th, 2023 by @peoplesbalita No Comments

PATULOY na susulong ang pamunuan ng Philippine Sports Commission (PSC) sa ilalim ng bagong hinirang na chairman na si Richard Bachmann.

Sa simpleng turnover ceremony na ginanap sa Rizal Memorial Sports Complex sa Maynila kahapon, pormal nang ipinasa ni dating PSC chief Jose Emmanuel “Noli” Eala ang PSC chairmanship kay Bachmann, dahil ganap na tinanggap ng huli ang hamon bilang bagong pinuno ng nasabing ahensiya.

Ipinahayag ni Bachmann ang kanyang pasasalamat sa kanyang hinalinhan na nagsilbing ika-11 chairman ng komisyon at nanguna sa matagumpay na pagbabalik ng Batang Pinoy National Championships grassroots program sa face-to-face competition noong 2022.

“I would like to thank and honor former Chairman Noli Eala for his service and dedication to support our National Sports Associations and national athletes. I look forward to learning more about the programs that are in the pipeline, as well as those that are already being implemented,” ani Bachmann.

Gayundin, pinasalamatan ni Eala si Bachmann sa pagbibigay sa kanya ng pagkakataong ibahagi ang kanyang kaalaman na natamo sa panunungkulan bilang PSC chairman. Tiniyak niya sa bagong pinuno ng ahensiya ang kanyang buong suporta.

Pinasalamatan din ni Bachmann ang PSC workforce na patuloy na gumaganap ng mahalagang bahagi sa pangkalahatang papel ng ahensiya sa Philippine sports, habang ipinagdiriwang ng PSC ang ika-33 anibersaryo nito ngayong buwan.

Ang PSC ay itinatag bilang pambansang ahensiya ng palakasan sa bisa ng Republic Act 6847 noong Enero 24, 1990, na pinalitan ang Project Gintong Alay. (CARD)

Sobrang witty at pinayuhan na sumali na: Tweet ni JANINE sa pagkatalo ni CELESTE sa ‘Miss Universe’, kinaaliwan kaya nag-viral

Posted on: January 17th, 2023 by @peoplesbalita No Comments

LAST Sunday, nag-viral din pala ang tweet ni Janine Gutierrez na, “As anak ni Lotlot, sending all my love to everyone affected by today’s event.”

Kaya agaw-eksena rin siya bukod sa trending topic na #CelesteCortesi at #MissUniverse2022.

Ang “Lotlot” na tinutukoy ng anak ni Lotlot de Leon ay ginagamit sa showbiz para sa talo o talunan.

Kaya naman aliw na aliw ang mga netizens na nakabasa ng tweet ng aktres, habang nadismaya talaga ang mga Pinoy na naligwak agad ang pambato ng Pilipinas sa 71st Miss Universe na ginanap sa New Orleans, Louisiana, USA.

In-expect kasi ng karamihan ng papasok si Celeste sa Top 16 finalist at makalalaban pa sa Top 5, pero laglag agad sa first cut pa lang, kaya nasira niya ang record ng bansa sa Miss U.

Nagwaging Miss Universe 2022 ang pambato ng USA na si R’Bonney Gabriel, na isang half-Pinay, kaya happy na rin ang mga Pinoy kahit na-lotlot nga si Celeste.

Nag-viral ang tweet ni Janine at dumagsa ang mga reaksiyon at pati ang ina ay nag-comment din sa kanyang post.

“Mga anak! Okay lang yan.. babawi daw tayo next year!” say ni Lotlot.

Ilan sa tweet ng mga netizen…

“HAHAHAHAHA! LOTLOT AND FRIENDS!”

“Waaahahahah… kaya idol kita eh, hndi ka lang super beautiful, apakasmart at witty mo pa.”

“Kaw naman sumali, maganda at matalino ka naman beh. Game!”

“Sali kana inay sa Ms. U. beauty and brain ka po. Kayang-kayang mo un.”

“Manok kita noon pa sa beauty pageant eh.”

“Bilisan mo na kasi diyan naghihintay na ang korona sa’yo mare.”

“Hahahaha! Kaya super love na talaga kita Janine! So witty!”

“That was pretty good! It is hilarious! I just made a loud guffaw! You got me on that!”

“This made my day.”

“Ang witty! Love you Ms. Janine! Can’t wait for the Dirty Linen!”

Nagbigay din ng saloobing si Miss Universe 2018 Catriona Gray sa pagkatalo ni Celeste at sa iba pang kandidata mula sa Asia.

Comment ni Queen Cat, “Guys, you are not alone. Philippines, Thailand, Mexico, Indonesia—I know you might be feeling a little bit of disappointment right now, but we always have next year.”

***

LULUTUAN kita. Aawitan ka rin ba niya?

Ito ang pangakong tinupad ni Bataan Rep. Geraldine Roman sa kanyang congressional staff at mga kaibigan na kanya namang ibinabahagi sa madlang pipol sa pamamagitan ng kanyang malaganap na You Tube vlog, GERALDINE ROMANTIK.

Panoorin kung gaano kagaling at kasarap magluto ng mga Spanish dishes si Cong Geraldine sa Miyerkules, January 18, 7 p.m.

Ilan lamang sa mga lulutuin ng bagong reyna ng mga kusinera ay Sopa de Ajo (ano raw?), Gambas al Ajillo, Pescado al Horno.

Matatandaang nanirahan ng 23 taon si Cong Geraldine sa Espana, kung saan nag-trabaho siya bilang journalist sa isang, take note, Spanish newspaper lang naman.

Get to know more about Cong Geraldine, ang kanyang intimate story, up close and personal, sa kanyang You Tube vlog.

(ROHN ROMULO)

Jordan Clarkson nagparamdam ng kasabikan na maglaro sa Gilas Pilipinas

Posted on: January 17th, 2023 by @peoplesbalita No Comments

Nagpahayag ng kasabikan si Filipino-American NBA player Jordan Clarkson para sa paglalaro niya sa 2023 FIBA World Cup sa buwan ng Agosto.

Ayon sa Utah Jazz player na patuloy ang kaniyang ginagawang ensayo para sa manguna ang basketball team ng Pilipinas sa nasabing torneo.

Pagtitiyak nito na agad itong uuwi sa Pilipinas kapag sinimulan na ng Gilas Pilipinas ang ensayo para sa world cup.

Magugunitang dalawang beses na naglaro si Clarkson noong Agosto sa window ng Asian Qualifiers ng FIBA World Cup. (CARD)