2022 December 21 Archive - People's Balita

Archive for December 21st, 2022

Rep. GERALDINE ROMAN, tinalakay ang ‘pro-women issues’ sa Bangkok Forum

Posted on: December 21st, 2022 by @peoplesbalita No Comments

MAGLAKBAY sa Bangkok, Thailand kasama si Bataan District 1 Representative Geraldine Roman habang ibinabahagi niya ang mga highlight ng kanyang paglahok bilang Pinuno ng Delegasyon ng Kapulungan sa 30th Asia Pacific Parliamentarians Forum.

Dumalo siya sa Women Parliamentary Sessions upang pag-usapan ang mga hakbang sa pag-asenso ng kababaihan matapos ang COVID-19.

Ang 5-araw na paglalakbay sa pagtatrabaho ay binubuo ng 16 na oras na araw ng trabaho na lumipas nang maayos tulad ng simoy sa sikat sa mundong Chao Phrya River sa naturang lungsod.

Ayon kay Rep. Roman, “Nitong Oktubre 29 ay tinalakay at inaprubahan ng Working Group Meeting ng APPF Women Parliamentarians ang dalawang kumpletong tungo sa pag-unlad ng kababaihan sa post-COVID19:
“Pagbibigay-kapangyarihan sa Kababaihan na Makayanan ang mga Hinaharap na Krisis.”
“Pagpapalakas sa Pakikilahok ng Kababaihan sa Post-COVID19 Economic Recovery.”
“Pagyamanin ang kaalaman, at paigtingin ang partisipasyon sa usapang ekonomiya.”
‘Yan ang sagot sa sabay-sabay na pag-unlad.
Gamit ang mga hashtags na: #RomantikForAll
#WomenEmpowerment #PambansangCongresswoman

Samantala, panoorin ang pinakabagong edisyon ng kanyang You Tube vlog, GERALDINE ROMANTIK, ngayong Miyerkules, Disyembre 21, sa ganap na ika-pito ng gabi.

(ROHN ROMULO)

LTFRB: Pagbibigay ng prangkisa sa premium taxi, suspendido

Posted on: December 21st, 2022 by @peoplesbalita No Comments

SINUSPINDE ng Land Transportation Franchising and Regulatory Board (LTFRB) ang pagtanggap ng aplikasyon at pagbibigay ng prangkisa sa mga premium taxis sa buong bansa dahil sa alegasyon na may illegal sa kanilang operasyon.

Noong Dec. 13 ay naglabas ang LTFRB ng Memorandum Circular 2022-080 na nagsusupinde sa pagbibigay ng prangkisa sa mga premium taxis. Ang memorandum circular ay nilagdaan ng dating officer-in-charge Riza Marie Paches at board member Mercy Jane Leynes.

“We received reports that premium taxi operators are engaged in schemes that did not comply with their franchise to operate and inconvenienced passengers,” wika ng LTFRB.

Ang premium taxi ay inilunsad ng Department of Transportation (DOTr) sa ilalim ng “taxi modernization program” ng pamahalaan na nakaloob sa Department Order 2019-007.

May meter-based rate ang charge sa premium taxi katulad ng sa regular taxis. Ang premium taxis ay mga multi-purpose vans, utility vans o di kaya ay sports utility vehicles samantalang ang taxis ay sedans.

Ayon sa LTFRB na ang mga operators at drivers ng premium taxi ay gumagamit ng “ulo-ulo” scheme kung saan ang pasahero ay hinihingan ng bayad kada taon na dapat sana ay ang pinayagan na meter-based rate ng LTFRB. Ang ganitong paraan ay bawal sa provisions ng kanilang prangkisa.

Habang ang ibang operators at drivers ay gumawa ng terminals sa mga lansangan kung saan ang mga ito ay kumukuha ng mga pasahero na dapat sana ay tumatakbo ng paikot-ikot ang mga premium taxis sa mga lansangan upang kumuha ng mga pasahero.

“The technical division proposed to suspend the acceptance of application of new certificate of public convenience (CPC) to operate premium taxi service due to reports that premium taxis are operating a terminal or an ulo-ulo scheme,” dagdag ng LTFRB.

May mga nahuli na ang LTFRB na premium taxis na lumabag sa regulasyon at na-impound ang mga sasakyan.

Dahil dito ang ibang denominations ng transport group tulad ng UV Express ay nag-apela sa LTFRB na suspendihin muna ang pagbibigay ng prangki sa sa mga premium taxis dahil sa mga violations na ginagawa ng mga ito na siyang nagreresulta sa pagkakaroon ng unfair competition.

“The acceptance of applications for the issuance of new CPCs for premium taxi services shall be suspended pending the amendment of the Department of Transportation order that prescribes guidelines for the denomination,” saad ng LTFRB. LASACMAR

Sa pagkamatay ni JoMa Sison: Marks end of an era, hopefully ends insurgencies

Posted on: December 21st, 2022 by @peoplesbalita No Comments

SINABI ni dating Pangulong Rodrigo Duterte na ang pagkamatay ni Communist Party of the Philippines (CPP) founding Chairman Jose Maria Sison ay tanda ng “end of an era” na inaasahan niya na “end of insurgencies in the Philippines.”

Sa isang kalatas, nagpaabot ng pakikidalamhati si Duterte sa pamilya Sison, ipinagdarasal niya ang kapayapaan sa bansa.

Inilarawan ni Duterte si Sison bilang “someone known for his radical ideas that affected the course of the country’s history.”

“While Mr. Sison and I have had many disagreements—especially in the ways in which he chose to pursue and effect change in the country—I would like to believe that, at the end of the day, we shared the same dream of creating a better future for every Filipino,” ani Duterte.

“His death certainly marks the end of an era, and it is my hope that, with it, the end of insurgencies in the Philippines and the revolutionary movement that he has founded as well,” dagdag na wika nito.

Nanawagan din si Duterte para sa pagtatayo ng “more harmonious and united country for future generations.”

SA ulat, pumanaw na ang founding chairman ng Communist Party of the Philippines (CPP) na si Jose Maria “Joma” Sison, na nasa self-exile sa Netherlands, sa edad 83.

Ito ang inanunsyo ng CPP chief information officer na si Marco Valbuena.

“Prof. Jose Ma. Sison, founding chair of the Communist Party of the Philippines, passed away at around 8:40 p.m. (Philippine time) after two weeks of confinement in the hospital,” sabi ni Valbuena.

“The Filipino proletariat and toiling people grieve the death of their teacher and guiding light,” dagdag niya.

Itinatag ni Sison, isang aktibista, ang makakaliwang rebolusyonaryong organisasyon na CPP noong Disyembre 1968.

Limang dekada nang inilulunsad ng CPP ang pagrerebelde laban sa gobyerno, kasama ang armadong grupo nitong New People’s Army (NPA) and political arm National Democratic Front of the Philippines (NDFP).

“The entire Communist Party of the Philippines gives the highest possible tribute to its founding chairman, great Marxist-Leninist-Maoist thinker, patriot, internationalist and revolutionary leader,” sabi ni Valbuena.

Tulong medikal ng CDA pinuri ni Bong Go

Posted on: December 21st, 2022 by @peoplesbalita No Comments

DUMALO si Senator Christopher “Bong” Go sa pagbubukas ng Cooperative Development Authority-Philippine Charity Sweepstakes Office Partnership Program on Medical Assistance for Cooperatives (PMAC) sa CDA Main Office sa Quezon City.

Bilang bahagi ng inisyatiba, ang mga miyembro ng micro at small cooperative na may mga isyu sa kalusugan ay makatatanggap ng tulong pinansyal mula sa Charity Fund na itinatag sa pamamagitan ng PCSO.

Sa kanyang mensahe, pinasalamatan ni Go ang CDA sa malasakit sa kalagayan ng mga kooperatiba bilang pagtupad sa mandato nito. Dagdag pa rito, hinimok niya silang ipagpatuloy ang pamimigay ng tulong sa mga hopeless at helpless.

“Ako po’y nagpapasalamat sa CDA sa inyong inisyatibo, itong Malasakit sa Kooperatiba,” aniya.

“Nakapapagod rin pero mas fulfilling po ‘pag nakakatulong ka sa iyong kapwa Pilipino lalung lalo na po ‘yung mga mahihirap, ‘yung mga walang matakbuhan, ‘yung mga helpless, ‘yung mga hopeless. Tulungan po natin sila,” dagdag niya.

Noong Marso 7, 2022, nilagdaan ng CDA at PCSO ang isang memorandum of agreement upang palakasin ang papel ng cooperative hospitals bilang mga kasosyo habang nag-aalok ng mga serbisyong medikal at kalusugan sa mga micro at small cooperatives.

Samantala, binigyang-diin ni Go na mayroon na ngayong 153 Malasakit Centers sa buong bansa, na nagpapadali sa pag-access sa mga programang tulong medikal at pinansyal na iniaalok ng gobyerno. (Daris Jose)

DILG, umapela sa mga lokal na pamahalaan na tumulong sa information drive ng SIM registration

Posted on: December 21st, 2022 by @peoplesbalita No Comments

NANAWAGAN ang Department of the Interior and Local Government (DILG) sa lahat ng mga local government units sa bansa na tumulong sa ginagawang information campaign ng pamahalaan hinggil sa SIM Registration Act sa bansa.

Sa kabila ito ng kaliwa’t kanang reaksyon at opinyon ng ilan sa ating mga kababayan hinggil sa pagpapatupad ng nasabing batas sa Pilipinas.

Sa isang pahayag ay hinimok ni Interior Secretar Benjamin Abalos Jr. ang lahat ng mga lokal na pamahalaan na makiisa isa pagpapakalat ng mga benepisyo ng mandatory SIM card registration na alinsunod naman sa Republic Act 11934.

Ito aniya ay upang matiyak ang kaligtasan ng lahat maging sa online space sa gitna ng mga naglipanang iba’t-ibang cybercrime sa Pilinas.

Bukod pa dito ay ipinaliwanag din niya na sa pamamagitan ng nasabing batas ay matutulungan aniya ang Philippine National Police, kasama ang iba pang law enforcement agencies na masugpo ang talamak na electronic communication-aided criminal activities sa bansa tulad ng mobile phishing, text spams, online scams, bank frauds, at identity theft.

Sa pamamagitan kasi aniya nito ay madali nang matutunton ng mga otoridad ang mga indibidwal na gumagawa ng mga nasabing krimen.

Samantala, kaugnay nito ay nagbabala naman si Abalos na posibleng pagmultahin ng halagang Php100,000 hanggang Php300,000 at makulong mula anim na buwan hanggang dalawang taon ang sinumang magtatangkang magbigay ng pekeng identity at dokumento sa pagpaparehistro sa ilalim ng nasabing batas.

Habang mahaharap naman sa anim na taong pagkakakulong at multa na Php200,000 ang sinumang mapatunayan na sangkot sa mga krimeng may kinalaman sa cybercrime.

Mga motorsiklo papayagan na dumaan sa bike lane sa Valenzuela

Posted on: December 21st, 2022 by @peoplesbalita No Comments

INANUNSYO ni Valenzuela City Mayor WES Gatchalian na papayagan na ang mga single motorcycle na dumaan sa designated bike lane sa lungsod simula December 25, 2022.

Ito’y base sa nilagdaang City Ordinance No. 1064, Series of 2022, kung saan ang mga single motorcycle ay puwede na gamitin ang bike lane sa kahabaan ng Mc Arthur Highway simula Lunes hanggang Biyernes lang.

“Ito po malamang ay Christmas gift na rin natin sa ating mga motorista. Papayagan na pong dumaan ang mga single motorcycle sa designated bike lane natin sa Mc Arthur Highway,” pahayag ni Mayor WES.

Gayunman, pinaalalahanan ng alkalde ang mga nagmomotorsiklo na dapat ay hanggang 20 kilometro-per-hour lamang ang speed limit ng pagpapatakbo ng motorsiklo kung dadaan dito.

Samantala, hindi naman papayagan ang mga tricycle at pediceb driver’s na dumaan sa kahabaan ng Mc Arthur Highway.

Dagdag niya, ito ang naisip na sulusyon ng pamahalaang lungsod upang maibsan ang pagsisikip ng daloy trapiko sa ngayong kapaskuhan. (Richard Mesa)

MIF, behikulo para maka- attract ng resources para sa social, economic development-Balisacan

Posted on: December 21st, 2022 by @peoplesbalita No Comments

SUPORTADO ni Socioeconomic Planning Secretary Arsenio Balisacan ang Maharlika Investment Fund (MIF).

“With the Marcos Administration’s Economic Team members, I reiterate my strong support for creating the Maharlika Investment Fund as a complementary vehicle to help us attain the objective of rapid but inclusive and sustainable economic development,” ayon kay Balisacan sa isang kalatas.

Sinabi pa ni Balisacan na ang partisipasyon ng investment funds, gaya ng MI, ay maaaring maging behikulo para maka- attract ng resources.

Binigyang diin pa ni Balisacan ang pangangailangan ng bansa “to go beyond business as usual and be more ambitious than what has been done in the past decades.”

“The primary consideration here now is our need for vehicles that will attract investment funds which we can use for our development needs,” paliwanag ni Balisacan sabay sabing “We are aiming for a rapid transformation of our social and economic sectors and that will require a lot of resources.”

Habang ang batas ay naipasa na sa third at final reading ng Mababang Kapulungan ng Kongreso, masisimulan lang ng Senado na talakayin ang MIF kapag nagpatuloy na ang sesyon sa Enero.

Tiniyak naman ni Balisacan sa publiko na ang House version ay mayroong “stringent measures” sa kung sino ang makakasama sa MIF board na siyang nangangasiwa sa pondo.

Sinabi pa nito na ida-draft ang implementing Rules and Regulations (IRR) kapag nalagdaan na ang batas at naging ganap na batas para makapagbigay ng detalye at paglilinaw sa mga probisyon.

“For us, the governance architecture of the fund is properly set in place so that it develops confidence in the investing community not just from government but even pension funds from somewhere if they see that that is a good fund where they could put money, then they could put money and we could use those for our development infrastructure,” ang wika ni Balisacan.

“With sufficient governance safeguards to ensure the fund’s sustainability and responsible management, the proposed Maharlika Investment Fund will help support our country’s infrastructure development,” dagdag na pahayag ni Balisacan. (BISHOP JESUS “JEMBA” M. BASCO)

DOH, asang tatapusin na COVID-19 public health emergency sa 2023

Posted on: December 21st, 2022 by @peoplesbalita No Comments

UMAASA si Department of Health (DOH) officer-in-charge Maria Rosario Vergeire na magwawakas na ang COVID-19 public health emergency sa bansa sa 2023 kagaya ng pahayag ng World Health Organization (WHO) sa pandaigdigang sitwasyon.

“We are very hopeful on this, and hopefully by next year we can already see na mali-lift na itong public health emergency na ‘to,” saad ni Vergeire.

Ayon sa WHO, hindi na magiging ‘global health emergency’ ang COVID-19 sa isang punto ng 2023. Hinikayat din nito ang China na magbigay ng dagdag na impormasyon ukol sa aktuwal na pinagmulan ng pandemya.

“Very hopeful tayo dahil nagbigay naman ang WHO ng ganitong deklarasyon. Pero kailangan maintindihan din ng ating mga kababayan na we still need to be very cautious dahil ang sabi nga ng WHO, titignan natin na makita pa rin natin talaga na patuloy na bumababa ang mga kaso ng mga kritikal at saka mga namamatay sa COVID-19,” pahayag pa ni Vergeire.

Matatandaan na idineklara ang ‘public health emergency’ sa pamamagitan ng Proclamation 922 noong Marso 2020 ni dating Pangulong Rodrigo Duterte. Pinalawig naman ito ni Pangulong Bongbong Marcos hanggang Disyembre 31, 2022.

Iginiit ni Vergeire na isa pa rin sa pangunahing paraan para makaalpas sa ‘state of emergency’ ang pagpapabakuna ng publiko, maging sa ikalawang booster.

Sa kasalukuyan, nasa 603,905 healthcare workers ang nababakunahan ng second booster habang nasa 592,202 pa ang hindi nagpapabakuna nito.

Inamin ni Vergeire na isang malaking hamon ang paghikayat sa taumbayan na magpaturok ng second booster lalo’t maging mga healthcare workers ay hindi nagpapabakuna nito.

Pulis na lulong sa sabong, tiklo sa holdap

Posted on: December 21st, 2022 by @peoplesbalita No Comments

ISANG pulis ang inaresto ng kanyang mga kabaro matapos mahuli sa aktong nangholdap ng gasolinahan para umano pangtustos sa kanyang bisyo ng pagsusugal lalo na ang pagsasabong, sa bayan ng Trinidad, Bohol.

Kinilala ang nadakip na suspek na si Police Staff Sergeant Conchito Payac, 33, desk officer ng Dauis Police Station at residente sa Cantam-is Barangay Aguining, Pres. Carlos P. Garcia.

Ayon kay Police Lieutenant Colonel Joemar Pomarejos, hepe ng Provincial Intelligence Unit-BPPO, ala-1:00 ng hapon nang madakip ang suspek na hinoholdap ang gasolinahan sa Purok 4, Barangay Poblacion, Trinidad, Bohol.

Sinabi ni Pomarejos, na isinailalim nila sa surveillance si Payac matapos sa sunod-sunod na holdapan sa gasolinahan sa bayan ng Alicia at Duero ng nasabing probinsya noong Dec. 1 at 7, 2022 at pinaniniwalaan si Payac ang pangunahing suspek.

Nakuha sa suspek ang P8,000.00, inisyu na service firearm nitong 9mm Glock pistol na may magazine, at motorsiklo na walang plate number.

Paniniwala ng pulisya posibleng hindi na nakayanan ng suspek na sustentuhan ang kanyang mga bisyo at maging ang mga alaga niyang panabong na manok.

Nahaharap ngayon sa kasong kriminal at administratibo si Payac at nanganganib na masibak sa serbisyo. (Daris Jose)

Motorista, pinaiiwas ng Quezon City LGU sa ruta ng MMFF Parade of Stars

Posted on: December 21st, 2022 by @peoplesbalita No Comments

PINAYUHAN ng Quezon City Government ang lahat ng motorista na iwasan ang ruta na pagdarausan ng Metro Manila Film Festival (MMFF) Parade of Stars 2022 sa Miyerkules, Disyembre 21, 2022.

Nabatid na magsisimula ang parada ganap na alas-4 ng hapon.

Ang ruta nito ay Quezon Avenue mula Mabuhay Rotonda hanggang Quezon Memorial Circle, QC.

Nabatid na isasara simula alas-3 ng hapon ang westbound direction ng E. Rodriguez mula D. Tuazon hanggang Mabuhay Rotonda.

Bubuksan lamang ito kapag nakaalis na ang mga floats.

Payo ng QC LGU, sa gabi ng Disyembre 20, Martes, ay dapat na iwasan ng mga motorista ang E. Rodriguez Avenue mula Banawe hanggang Mabuhay Rotonda na magiging staging area para sa float ng mga pelikula.

Sasakupin anila nito ang isang lane ng westbound habang bukas naman sa trapiko ang eastbound direction.

Dahil dito, asahan ang pagbagal ng daloy ng trapiko sa mga lugar at dagsa ng mga manonood.

“Pinapayuhan ang mga motorista na dumaan sa mga alternatibong ruta,” anito pa.

“Maraming salamat po sa inyong pang-unawa.” (Daris Jose)