NAGSALITA na rin si Marjorie Barretto bilang pagbibigay siyempre ng lakas ng loob pa sa anak na si Julia Barretto.

Pagkatapos nga kasi nang naging interview ni Julia sa YouTube vlog ni Karen Davila, nagsunod-sunod na ang pagpo-post ng ama nito na si Dennis Padilla sa kanyang Instagram account. Marami itong sinabi at isa na rito ‘yung pagsasabi kay Julia na kalahati lang daw ng totoong kuwento ang alam nito.

Hindi na nag-post o sumagot si Julia na may konektado sa ama. Pero si Marjorie, bilang ina, ipinost niya ang picture ni Julia at saka nagbigay ng encouragement sa message niya.

Aniya, “Dearest Jul, I LOVE you with the kind of love that you can trust. Love that you can depend on, and the kind that will protect you and never betray you. Maybe you need to hear this today… I am so blessed to be able to call you my child.

“Here we go again, back in pur family bubble shutting off the noise outside. Only choosing to be grateful for the good things that is in front of us. Remember Jul, God is all knowing.”

Sa kabila na hindi pa rin masasabing super okay na ang relasyon ng magkakapatid na Barretto, nagbigay rin ng kanyang comment ang tiyahin ni Julia na si Claudine Barretto at diretsong nakiusap sa dati niyang bayaw na si Dennis na tumigil na raw ito.

Sey niya, “Kuya Tama na! Tumigil ka na pls! Sumusobra ka na! Maawa ka sa mga bata. pls stop!”

***

TRENDING ngayon ang latest video na ini-upload ng Kapuso Primetime Queen na si Marian Rivera sa kanyang Tiktok account.

Ang video kunsaan, inaayusan niya ng buhok ang anak na si Zia Dantes. Pero habang tinatali niya ang buhok ni Zia, pareho silang sumasayaw-sayaw.

Sa loob lang ng isang araw, umabot na agad ng 6.3 million views ang naturang video kunsaan, kitang-kita rin ang pagiging game at kakikayan ni Zia gaya ng kanyang ina. Ito rin ang most viewed video ni Marian since mag-open siya ng Tiktok.

Dahil ang song ay ang hit song ni Whitney Houston na “I Wanna Dance with Somebody” may mga comment ang netizens na aliw na aliw kay Zia at base sa mga ibang uploaded na kumakanta siya, “old soul” daw talaga ang anak nina Marian at Dingdong dahil tila mahilig ito sa mga old songs.

Siguro kung magsasama sa isang show o movie ang pamilya Dantes, wagas na maghi-hit ito.

(ROSE GARCIA)

BIGGEST break ng Sparkle Hunk na si Jeric Gonzales ang pagganap niya bilang Davidson Navarro o Dave sa adaptation ng hit Korean drama series na Start-Up PH.

Malaking hamon daw kay Jeric ang makatrabaho sa serye sina Alden Richards, Bea Alonzo, Yasmien Kurdi at ang iba pang cast members na may kanya-kanyang galing sa pag-arte.

“I’m beyond grateful, and sa lahat ng mga sumusuporta sa akin and nag-aabang and excited din. Ganu’n din ako, sobrang excited din ako, kaya nu’ng makita ko ‘yung mga teaser, overwhelmed pa rin ako na makita ‘yung sarili ko na ako ang nag-play doon sa character ni Dave, ni Nam Do San.

“Very inspirational si Davidson kasi nag-start talaga siya sa wala. From scratch nag-aral siya and then natututo siya, napu-pursue niya talaga ‘yung dream niya,” sey ni Jeric.

Dapat daw abangan ng marami ang grupo nila nina Boy 2 Quizon a Royce Cabrera sa serye na Three Sons Tech. Naging very close daw silang tatlo noong mag-lock in taping sila.

“Hindi ko inaasahan na magiging malapit ako kina Royce at Boy 2. Sobra silang masayang kasama kaya even after na ng lock-in taping namin, nagkikita-kita kami. Iba yung naging bonding namin sa show na ito.”

***

NAG-FILE na ng cyberlibel case ang Katips director at producer na si Vince Tañada laban sa komedyante at former Miss Q & A na si Juliana Parizcova Segovia.

Ayon kay Tañada, hindi nagustuhan ng kanyang co-producers na mga abogado ang mga malisyosong social media post ni Juliana.

“’Yung mga co-producer natin sa pelikulang ito ay mga abogado rin, e, kaya nasaktan sila dahil libelous nga naman ‘yung sinabi ni Juliana Parizcova. Ang alam ko nai-file na nila ‘yun sa piskalya at hinihintay na lang natin ‘yung decision about that,” sey ni Tañada.

Kung matatandaan ay kinuwestiyon ni Juliana ang pagkapanalo ng pelikulang Katips sa 2022 FAMAS Awards. Nanalo ng pitong awards ang Katips kabilang ang Best Picture, Best Director and Best Actor for Tañada.

Post ni Juliana sa Facebook account niya:  “Babatiin ko na sana yung humakot daw ng awards sa FAMAS at pelikulang pa-victim na kunwari tinatapangan para itapat sa Maid in Malacañang, kaso andaming resibo. Sige na nga…Congrats Hahahaha!”

Hindi nga pinalagpas ni Vince ang post na ito ni Juliana.

“Itong si Juliana ay nagtataka ako, hindi naman siya kasali sa pelikulang Maid in Malacañang, pero nakikialam siya at nagsasalita sa mga ganitong bagay.”

Hintayin na lang natin kung ano ang magiging resulta ng kaso ni Tañada laban kay Juliana.

***

PINAAHIT na ni Aquaman star Jason Momoa ang kanyang trademark na long hair bilang suporta nito sa environment at sa pagtigil ng paggamit ng single-use plastic na nakasisira sa karagatan sa buong mundo.

“Shaving off the hair. Doing it for single-use plastics. I’m tired of these plastic bottles, we gotta stop. Plastic forks, all that s**t. S**t goes into our land, goes into our ocean. … The things in our ocean, it’s just so sad. So, please, anything you can do to eliminate single-use plastics in your life. Help me,” pakiusap pa ng aktor sa marami.

Bilang siya nga ang gumaganap na Aquaman, maingat ang 43-year old actor kapag nagsu-shoot sila sa dagat. May dala siyang sariling aluminum water bottle at parati siyang may dalang reusable bag para sa kanyang mga gamit at paglagyan ng mga basura niya.

Sa latest post niya sa Instagram, nagpalagay ng tribal tattoo si Momoa na simbolo ng kanyang pagiging native Hawaiian.

Nasa New Zealand ngayon si Momoa para sa sisimulan niyang Apple TV+ series na Chief of War.

According to Variety: “Chief of War follow an epic telling of the unification and colonization of Hawaii from an indigenous point of view.”

(RUEL J. MENDOZA)

MASAYA ang isinagawang red-carpet screening and mediacon para sa upcoming Philippine adaptation ng Korean-drama na “Start-Up PH” sa Robinsons Galleria Cinema 2, dahil maraming kuwento ang mga bumubuo ng cast na most of them, ngayon lamang nagkatrabaho.  

Si Yasmien Kurdi ang unang nagkuwento ng tungkol sa pagiging fan daw niya ni Bea Alonzo noong bago pa lamang siyang nag-aartista.

“May taping ako noon ng “Bakekang” sa Baseco compound in Tondo,” kuwento ni Yas.

“Hindi ko alam mayroon din ibang nagi-taping doon, kaya pagdating ko sa location, inayos ko na ang gamit ko, inihanda ko na ang tulugan ko at matutulog muna ako habang naghihintay.

“Then may gumising sa akin, sabi niya, hindi raw kami roon, para raw sa taping ng “Maging Sino Ka Man” nina Bea Alonzo at John Lloyd Cruz iyon.  Nagulat ako, pero natuwa rin dahil nakita ko si Bea at hindi ko ikinaila na fan niya ako.

“May mga nagsabi pa ngang magkamukha raw kami ni Bea at papasa kaming magkapatid. At nangyari nga iyon ngayon dahil magkapatid kami dito sa “Start-Up PH.”  Thankful ako sa GMA Network na ibinigay sa akin ang role ni Ina, the older sister sa serye.  Napanood ko na ang original K-drama pero pinanood ko ulit kung kaya kong gampanan ang role ni Ina, pwede naman, at tinanggap ko nga ang offer.”

***

NAG-SHARE naman ng tuwa at pasasalamat si Gabby Eigenmann sa GMA Network sa dalawang projects na ginagawa niya ngayon.

“Hindi ko in-expect na dalawang foreign collaboration ang gagawin ko,” sabi ni Gabby. “Una kong ginawa ang “Voltes V: Legacy,” na isang Japanese production, while itong “Start-Up PH” ay isang Korean collaboration naman between GMA Network at SBS Studio of Korea.

“Sabi ko sa sarili ko, malaki pala itong dalawang projects ko, iba ang feeling ko.  Hindi pa naming tapos na tapos ang “Voltes V: Legacy.”  But dito sa “Start-Up PH,” I will play the role of the stepfather of Bea and Yasmien.  Happy ako, dahil hidden fan ako ng Bea Alonzo at John Lloyd Cruz. Matagal ko nang wish na makatrabaho sila, siguro kung sila ang lilipat sa GMA, matutupad ang wish ko, at nagkatotoo nga dahil sila ang narito ngayon at mga kapwa Kapuso ko na sila.”

Don’t miss the world premiere of “Start-Up PH” on Monday, September 26, 8:50PM.

Sa katatapos na mediacon, ipinakilala na nga ang buong cast ng serye na dinidirek nina Jerry Sineneng at Dominic Zapata.

(NORA V. CALDERON)