MANILA ZOO, MAGBUBUKAS BAGO MAG-PASKO

BAGO sumapit ang Kapaskuhan, muling bubuksan sa publiko  ang Manila Zoo, ayon sa Pamahalaang Lungsod ng Maynila.

Ang Manila Zoo ay pansamantalang isinara mula noong Hunyo 2022 at ang reopening nito ay kasunod ng pagnanais ng ating mga kababayan na makapamasyal sa panahon ng Christmas season kasama ang kanilang mahal sa Buhay

Tiniyak naman ito ni Manila Mayor Honey Lacuna at sinabi na hintayin na lamang ang pormal na anunsyo ng petsa kung kailan ito muling bubuksan.

Sa ngayon ay puspusan pa rin ang repair o pagsasaayos at pagpapaganda ng Manila Zoo.

Aminado naman ang mga taga-pangalaga ng Manila Zoo na halos araw-araw ay may dumarating na mga bisita para mag baka-sakaling makapasok dito.

Ang ibang bisita, galing pa sa mga probinsya o kaya’y mga dayuhan at hindi alam na hindi pa pala bukas ang Manila Zoo, kaya sila ay nadidismaya. GENE ADSUARA