2022 September Archive - People's Balita

Archive for September, 2022

Pacquiao dapat labanan si McGregor- Del Rosario

Posted on: September 2nd, 2022 by @peoplesbalita No Comments

ANG pagsagupa ni retired world eight-division champion Manny Pacquiao kay Ultimate Fighting Championship (UFC) star Conor McGregor ang dapat maitakda.

Ito ang paniniwala ng retiradong taekwondo living legend na si Monsour del Rosario sa hinihintay ng mga fans na exhibition match nina Pacquiao at McGregor.

“It’s still the fight that people would love to watch, including me because both fighters are real certified crowd drawer in their respective sports,” sabi ni del Rosario, ang 1987 at 1989 Southeast Asian Games gold medalist.

Idinagdag ng 1985 Seoul, Korea World Championships bronze medalist at 2017 Taekwondo Man of the Year na ang McGregor fight ang magpapasok kay Pacquiao ng malaking pera na maaari nitong gamitin para sa kanyang charitable cause.

Kamakailan ay inihayag ng dating Senador ang kanyang exhibition bout kay South Korean YouTuber DK Yoo sa Disyembre.

Ang Paradigm Sports Management (PSM) na nasa ilalim ng CEO Audie Attar ang manager ni McGregor.

Ngunit may nakasampang legal case ang PSM sa 43-anyos na si Pacquiao sa Superior Court of California dahil sa breach of contract noong 2021.

Gov’t-led job fair, tutulong para punan ang tourism labor shortage- DOT

Posted on: September 2nd, 2022 by @peoplesbalita No Comments

SA PAGPASOK ng buwan ng Setyembre ay magsisimula na ang government-led tourism job fairs para tugunan ang tourism labor shortages sa Pilipinas.

Pormal na tinintahan ng Department of Tourism (DOT) at Department of Labor and Employment (DOLE), memorandum of understanding (MOU) noong Agosto 30 para sa paglulunsad “Trabaho, Turismo, Asenso! National Tourism Jobs Fair”.

“Displaced workers are definitely a priority of the Department of Tourism in partnership with the Department of Labor and Employment. So what we intend to do is to give tourism job opportunities both to displaced workers, fresh graduates, and those wanting to shift into a career in the tourism industry,” ayon kay Tourism Secretary Christina Frasco.

Base sa pinakabagong data ng DOLE, mahigit sa 12,000 tourism workers ang na-displaced sa mahigit na 700 establisimyento dahil sa pandemya sa first half ng taong kasalukuyan.

Habang bumabawi ang sektor, ilang negosyante ang nagmamadali na punan ang puwang sa usapin ng job vacancies sinabi ni Frasco “matter of linking the demand with the supply.”

“This Trabaho, Turismo, Asenso is specifically designed to link the demand with the supply and so we anticipate that a number of employers would join this and a lot of applicants would participate,” aniya pa rin.

“As of August 27,” tinatayang 279 establisimyento ang sinurvey ng DOT, ang iniulat na 1,186 regular vacancies at 240 part-time jobs.

Ang multi-month campaign ay ilulunsad sa Hotels Supplier Show sa SMX Convention Center sa Mall of Asia Complex sa Pasay City mula September 22 hanggang 24.

“It will conclude in May 2023, with the two other venues to be held in SM City Cebu and SM Lanang in Davao City,” ayon sa ulat.

Ang MOU ay nilagdaan nina Frasco at Labor Secretary Bienvenido Laguesma, at sinaksihan ni Tourism Undersecretary Ferdinand Jumapao at Labor Undersecretary Paul Vincent Añover sa Conrad Hotel. (Daris Jose)

Kahit katapat nito ang pinag-uusapang ‘Darna’: Fantaserye ni RURU na ‘Lolong’, pataaas pa rin nang pataas ang rating

Posted on: September 2nd, 2022 by @peoplesbalita No Comments

BONGGA si Jillian Ward dahil nabigyan na siya agad ng GMA-7 ng isang napakabonggang role.

Gagampanan ni Jiliian ang isang genius young doctor sa bagong GMA Afternoon Prime, ang “Abot Kamay na Pangarap.”

Noong bata raw siya, around five years old, kapag tinatanong siya kung ano ang dream niya, ang sagot niya palagi, ‘To be a doctor and artista.’ Pero na-realize raw ni Jillian, teleserye pa lang, pero ang hirap daw pala talaga.

Sobra raw daming mine-memorize at dapat siyempre, kahit serye lang, kailangan accurate lahat ng sasabihin niya. Nag-immersion at nanood daw ng mga medical drama si Jillian bilang preparasyon niya sa role.

Naalala naman namin sa presscon ng ‘Prima Donnas’ dati na kitang-kita sa mukha ni Jiliian ang excitement sa bago niyang teleserye, pero hindi niya pa ma-reveal noon kung ano. Pero sey niya, talagang kakaiba ‘yung character na gagampanan niya.

So, totoo nga naman. Pero inamin nitong kinabahan din daw siya nang malaman niya.

Sey niya, “Siyempre po, sa totoo lang, sobrang kinakabahan ako. Super challenging ang role ko and I want to thank GMA for giving me their trust and this kind of opportunity. Sa taping, I always ask them kung tama ba ang ginagawa ko. I’m so happy to work with the people around me na sobrang supportive.”

Ngayong Lunes na, after ng ‘Eat Bulaga’ ang pilot episode ng ‘Abot Kamay Na Pangarap’. Kasama rin dito ni Jillian sina Carmina Villarroel, Richard Yap at ang bagong Sparkle artist na si Jeff Moses bilang bagong leading man ni Jillian.

***

MAY dahilan para maging masaya talaga ang Kapuso actor na si Ruru Madrid.

Aba, parehong ang lovelife niya with Bianca Umali at ang kanyang GMA Telebabad serye mula sa GMA News and Current Affairs na “Lolong” ay consistent top-rater ng network.

Kahit na may katapat itong masasabing subok na sa paglipad sa rating sa mga nakaraang adaptation nito, ang “Darna,” tila pataaas pa rin ng pataas sa rating ang pinagbibidahang fantaserye ni Ruru.

Nitong Huwebes (August 25), naitala ng ‘Lolong’ ang highest rating nito sa ngayon na combined people rating na 18.7 percent. Habang kalahati lang sa percentage ang nakuha ng katapat niyang programa.

Obviously, marami talagang viewers ang hooked sa kuwento ni Lolong. Pati nga mga bata ay bukambibig na si Lolong at ang BFF nitong si Dakila. At kahit ang cast, aminadong tinatawag na sila ng tao sa kanilang karakter sa serye, proof na pinapanood at sinusubaybayan nga sila.

(ROSE GARCIA)

Bukod sa launching ng kanyang ‘Love Local’ series… Sen. IMEE, aalamin ang mga sikreto ni BORGY sa exclusive and must-watch vlog

Posted on: September 2nd, 2022 by @peoplesbalita No Comments

ISA na namang kapana-panabik na bonding session kasama si Senator Imee Marcos dahil sasalubungin niya ang buwan ng Setyembre sa pamamagitan ng dalawang bagong vlog entries na mapapanood sa kanyang opisyal na YouTube channel.

Sa araw na ito, Setyembre 2, opisyal na ilulunsad ni Sen. Imee ang pilot episode ng kanyang ‘Love Local’ series, habang ipinapakita ang pinaka-bonggang natuklasan mula sa kanyang probinsya na Ilocos Norte.

Una niyang pinuntahan ang Paoay Church na kung saan tinikman niya ang mga masasarap na pagkain na mabibili sa paligid nito tulad ng sikat na sikat na Ilocos empanada, fruit ice creams, halo-halo, at ang one-of-a-kind longganisa pizza.

Pumunta rin ang walang kapaguran na Senadora sa La Preciosa kung saan ipinakita niya ang mga paboritong pasalubong mula sa Ilocos gaya ng banana chips, mushroom bagnet, at iba’t-ibang klase ng longganisa. Tinikman din niya ang masasarap at sikat na mga lutuin ng Ilocos.

Bilang isang taga-suporta ng local fashion at homegrown artists, ipinagmalaki rin ni Sen. Imee ang mga export quality na Inabel at Binakol fabrics ng lalawigan.

At ngayong Sabado, Setyembre 3 naman, umupo si Imee kasama ang kanyang anak na si Borgy Manotoc para sa isang exclusive and must-watch vlog. Na kung saan tinanong niya si Borgy ng mga nakaloloka at kuwelang mga tanong sa isang nakatutuwa at heartwarming na episode na tiyak na pag-uusapan ng mga netizens.

Alamin ang mga best picks ni Sen. Imee mula sa Ilocos at tunghayan kung malalaman niya ang mga personal na sikreto ng anak na si Borgy. Mag-subscribe lang sa https://www.youtube.com/c/ImeeMarcosOfficial/featured para mapanood ang kanyang latest and previous vlogs.

(ROHN ROMULO)

Fernando, tiniyak na kontrolado ang ASF sa Bulacan

Posted on: September 2nd, 2022 by @peoplesbalita No Comments

LUNGSOD NG MALOLOS – Matapos ipahayag ng Pamahalaang Panlalawigan ng Aurora ang pagpapatupad ng pork ban mula sa Bulacan, Pampanga at Tarlac, tiniyak ni Gob. Daniel R. Fernando sa mga Bulakenyo lalo na ang mga nag-aalaga ng baboy na kontrolado na ang kaso ng African Swine Flu (ASF) sa lalawigan.

Naglabas ang Pamahalaang Panlalawigan ng Aurora ng Executive Order No. 35 na nagpapatupad ng pansamantalang pagbabawal ng pagpasok ng mga buhay na baboy at produktong baboy sa Lalawigan ng Aurora mula sa mga lalawigan na may kaso ng ASF kabilang ang Bulacan, Pampanga at Tarlac mula Agosto 30, 2022 hanggang Setyembre 30, 2022.

Sa isang panayam, sinabi ni Panlalawigang Beterinaryo Dr. Voltaire G. Basinang na may naitalang kaso ng ASF sa bayan ng Santa Maria na naging dahilan upang magpatupad ang Aurora ng pork ban.

Samantala, binigyang diin niya na hindi makaaapekto ang pork ban sa mga Bulakenyong hog raiser.

“Ang naturang ban ng Aurora sa baboy ng Bulacan ay nag ugat sa muling pagkakaroon ng kaso ng ASF sa isang babuyan sa Santa Maria. Bagama’t ang nasabing kaso ng ASF ay nakontrol na at hindi na kumalat, minabuti pa rin ng Aurora na maglatag ng pansamantalang ban sa ating mga baboy. Hindi naman ito makaka abala sa ating mga magbababoy dahil ang ating mga baboy ay sa Bulacan at Metro Manila lamang dinadala. Napakaliit na porsyento ng ating baboy ang napupunta sa Aurora kung mayroon man,” paliwanag ni Basinang.

Kaugnay nito, agad ipinag-utos ni Fernando ang mahigpit na pagbabantay sa mga babuyan at siniguro na gagawin ng Pamahalaang Panlalawigan ang mga kinakailangang aksyon upang suportahan ang mga hog raiser sa lalawigan at tiniyak sa publiko na ligtas kainin ang mga produktong karne na nagmula sa Bulacan.

“Bilang punong lalawigan, nauunawaan ko ang desisyong inilabas ng Pamahalaang Lalawigan ng Aurora. Naiiintindihan ko ang responsibilidad na protektahan ang kanilang nasasakupan at marahil ganoon din ang ating gagawin sa lalawigan. Bagaman wala pang tiyak na bakuna laban dito, walang dapat ipag-alala ang ating mga Bulakenyo hog raiser dahil sinisiguro ko na ang ating Pamahalaang Panlalawigan ay nangunguna sa pagsasagawa ng cleaning at disinfection sa bawat lungsod at munisipalidad upang mahigpit na mabantayan ang pagkalat pa nito,” anang gobernador.

Sa ngayon, wala pang ibang kaso ng ASF ang naitatala sa Bulacan at ilang babuyan na rin ang muling nagbukas ayon sa Provincial Veterinary Office. (BISHOP JESUS “JEMBA” M. BASCO)

Naitatalang bagong COVID-19 cases sa Metro Manila, patuloy na bumababa – DOH

Posted on: September 2nd, 2022 by @peoplesbalita No Comments

PATULOY na bumababa ang naitatalang bagong kaso ng Covid-19 sa Metro Manila ayon sa Department of Health (DOH).

Ayon kay DOH Officer-in-Charge Maria Rosario Vergeire, nananatili sa ilalim ng moderate risk case classification ang rehiyon.

Naobserbahan din na ang bilang ng bagong covid-19 cases sa buong bansa ay nasa downward trend, Nakatulong aniya dito ang disiplina ng mga tao sa pagsunod ng minimum public health standards at pagpapabakuna kontra sa virus.

Subalit nakikita naman na makakapagtala ng 6,000 hnaggang 9,000 covid-19 cases kada araw sa susunod na buwan kung hindi maipagpapatuloy ang pagsunod sa health protocols at ang antas ng pagbabakuna.

Subalit umaasa naman si Vergeire na ito ay hindi na umabot pa sa naturang bilang at magpatuloy na bumaba na ang mga dinadapuan ng sakit.

PANALANGIN NG SANTO PAPA KONTRA DEATH PENALTY, IKINAGAGALAK NG CBCP-ECPPC

Posted on: September 2nd, 2022 by @peoplesbalita No Comments

IKINAGALAK ng CBCP-Episcopal Commission on Prison Pastoral Care ang paglalaan ng Kanyang Kabanalan Francisco ng panalangin sa buwan ng Setyembre para sa pagbuwag ng parusang kamatayan sa buong daigdig.

Ayon kay Baguio Bishop Victor Bendico, vice chairman ng komisyon na dahil sa mensahe at panalangin ng Santo Papa ay lalong tumatag ang kanilang paninindigan laban sa pagbabalik ng parusang kamatayan sa bansa.

“It strengthens our faith on the value of life and also our faith that we really have to preserve itong binigay sa atin na gift ng Panginoon,” pahayag ni Bishop Bendico sa panayam sa Radio Veritas.

Tiniyak ni Bishop Bendico na maninindigan ang CBCP-Episcopal Commission on Prison Pastoral Care laban sa planong pagbabalik ng parusang kamatayan sa bansa.

Iginiit ng Obispo na kaisa ng Santo Papa Francisco ang prison ministry ng Simbahang Katolika sa Pilipinas laban sa death penalty na nag-aalis ng pagkakataon sa mga nagkasala na makapagsisi, makapagbalik-loob at makapagbagong buhay.

“Yung CBCP – Episcopal Commission on Prison Pastoral Care reiterate its strong opposition in the move to revive the death penalty in the Philippines at yung isang reason dito ay yung death penalty violates the inherent dignity of a person, which is not lost despite the commission of a crime. Yung stand ng CBCP yung strong opposition ng CBCP sa death penalty in line also with the mind of course of our present Pope,”dagdag pa ni Bishop Bendico. Bahagi ng panalangin ng Santo Papa Francisco ngayong buwan ng Setyembre ang pagbuwag ng bawat bansa sa parusang kamatayan na direktang umaatake sa dignidad at buhay ng isang nilalang.

Ayon kay Pope Francis, hindi kailanman magiging katanggap-tanggap ang pagkitil ng buhay ng sinuman. Sa Pilipinas taong 2006 nang tuluyang pinawalang bisa ni dating Pangulong Gloria Arroyo ang death penalty sa bansa.

Batay sa tala ng Amnesty International, nasa 140 mga bansa na ang nag-abolish o tuluyang nagbuwag sa kanilang parusang kamatayan dahil sa kabiguan nito na tuluyang mapababa ang kriminalidad sa lipunan. (Gene Adsuara)

LOCAL CASE NG MONKEYPOX, DI PA MAKUMPIRMA

Posted on: September 2nd, 2022 by @peoplesbalita No Comments

HINDI pa makumpirma ng Department of Health (DOH) kung may local case na ng monkeypox sa bansa o wala pa.

Ito ayon sa DOH ay dahil hindi pa makumpleto ang history ng ikaapat na kaso ng naturang sakit na mula sa Iloilo.

Ani Vergeire sa press briefing, hanggang ngayon ay hindi pa mabatid kung may nakasalamuha itong foreign o ibang tao na galing sa ibang bansa.

“Sa ngayon we can not confirmed kung tayo ay local case na ba ito o hindi na imported case . So we will be informing the public kung may nakuha na tayong impormasyon”, sabi ni Vergeire

“Pero it is not also right for the DOH to confirm already and announced that this is a local case since we can not complete the history of the patient up until now”, dagdag pa ng opisyal.

Sinabi nito na nanatili pa rin ngayon sa apat ang kaso ng monkeypox sa bansa at wala pang bagong na-detect o nagpositibo base sa ginawang sample collection at testing .

Dagdag niya, ang close contact ng case no.4 ay walang sintomas lahat.

“Naka-quarantine po ang apat, isa po ay nagse-self monitor tapos yung isa po ay continuously assisting the patient” , ani Vergeire

Natuto na rin aniya ang mga leksyon ng ikaapat na kaso at patungo na sa recovery ngunit kailangan pa rin nitong tapusin o kumpletuhin ang kanyang isolation period. (Gene Adsuara)

Ads September 2, 2022

Posted on: September 2nd, 2022 by @peoplesbalita No Comments

May appreciation post sa kanyang mom and dad: GABBI, sinamantala na makapagbakasyon sa Amerika kasama si KHALIL

Posted on: September 2nd, 2022 by @peoplesbalita No Comments

NAG-ANNOUNCE na si Kapuso Primetime King and host of the number one game show ng GMA-7, ang “Family Feud” sa kanilang mga avid viewers na pwede na silang makapanood ng hulaan LIVE sa Family Feud Philippines stage.

Mag-register sa gmanetwork.com/FamilyFeudAudience para makasama bilang Studio Audience ngayong Saturday, September 3, 2022. Registration is open until 7:00PM today, Friday, kaya register na Kapuso #FamilyFeudAudience #FamilyFeudPH.

Ang “Family Feud” ay napapanood Mondays to Fridays, 5:40 PM sa GMA-7.

***

AFTER ng successful airing ng first GMA Telebabad series ng loveteam nina Gabbi Garcia at boyfriend Khalil Ramos, ang “Love You Stranger,” ay sinamantala nila ang chance na makapagbakasyon.

Sa Instagram post ni Gabbi: “Appreciation post for my Mom & Dad. It’ll be my first long vacation without them. Thank you for allowing me to do this. I really, really appreciate it. I’m blessed to have parents who are allowing me to grow on my own. Thank you for trusting me.

“My mom even made arrangements with her flight sched as a crew so she could personally assist @khalilramos and I.”

Malamang sa pagbalik nina Gabbi at Khalil, ready na ang first project nina Gabbi at Joshua Garcia, isang collaboration project between GMA Network and ABS-CBN.

***

FINALE episode na bukas ng GMA Network Afternoon Prime series na “Apoy sa Langit.”

Marami nang excited kung paano matatapos ang kasamaan ni Cesar (Zoren Legaspi) at dasal ng mga netizens, sana raw ay wala nang masasaktan kina Gemma (Maricel Laxa), Ning (Mikee Quintos), and even kay Stella (Lianne Valentin), sa kabila ng mga kasamaang ginawa nito, at nina Anthony (Dave Bornea) na boyfriend ni Ning, dahil ayaw pa ring huminto sa paggawa ng kasamaan ni Cesar.

Sobra na raw ang kasamaan ni Cesar at wala nang dapat na puwang ang pagpapatawad sa kanya, dahil siya naman talaga ang gumawa ng lahat dahil sa pagkagahaman niya sa salapi.

Congratulations sa buong cast ng “Apoy Sa Langit.” Matatandaan na kahit napahaba ang afternoon prime series, nang kailanganing dagdagan ang mga eksena dahil nabitin ang mga netizens sa kaganapan ng story, ay hindi naman tumanggi ang mga artista at muli silang bumalik sa lock-in taping nila, somewhere in Batangas.

Congratulations kay Direk Laurice Guillen, at sa buong production staff ng serye!

Simula naman sa Monday, September 5, isa pang kaabang-abang at naiibang teleserye ang susunod na mapapanood, ang world premiere ng “Abot Kamay ang Pangarap,” na magtatampok kina Jillian Ward, Ms. Carmina Villarroel, Richard Yap, Dominic Ochoa, sa direksyon ni LA Madredejos, 2:30 PM, after “Eat Bulaga.”

(NORA V. CALDERON)