LUNGSOD NG MALOLOS – “Magkaisa po tayo at huwag tumigil sa pagsisikap. Gawin natin ang nararapat isagawa upang pagyamanin ang mga pamanang naiwan ni Gat Marcelo H. del Pilar upang magsilbi itong tanglaw at gabay ng mga susunod pang henerasyon.”

Ito ang tinuran ni Gob. Daniel R. Fernando sa mga dumalo sa Paggunita ng Ika-172 Guning Taong Pagsilang ni Gat Marcelo H. del Pilar na may temang, “Marcelo H. Del Pilar: Yaman ng Bansa, Dangal ng Bulacan, Inspirasyon ng Mamamayan” na ginanap sa Dambanang Marcelo H. del Pilar sa Barangay San Nicolas, Bulakan.

“Mahalagang matandaan natin ang kanyang mga kontribusyon sa ating kasaysayan, ngunit makalipas ang isang siglo, ang hamon sa atin ngayon ay kung paano nga ba natin isasabuhay ang mga ito. Tulad ni Marcelo H. del Pilar, pilitin nating gawin ang tama upang tuluyan na nating makamit ang pagbabago tungo sa lubos na kaunlaran ng ating bayan”, ani Fernando.

Binigyang diin naman ni Kinatawan ng Unang Distrito Danilo A. Domingo, panauhing pandangal at tagapagsalita, ang mga tungkulin na dapat gampanan para sa pamilya at bayan sa pangkasalukuyang panahon.

Sinabi ni Domingo na si Gat Del Pilar ang siyang naging inspirasyon ng mga Bulakenyo, kung saan aniya tinawag ni Governor General Blanco na “the most dreadful of the Filipino politicians, the true voice of the separatists” si Del Pilar na walang kapagurang lumaban para sa karapatan ng mg Pilipino, reporma at pagkapantay-pantay.

“Higit pa natin siyang parangalan, tayo ay magkaisa para iangat ang ating bayan”, ani Domingo.

Aniya, kabilang sa mga hamon na kayang harapin ang banta ng COVID-19, proteksyon sa kagutuman ng pamilya kung saan ay dapat bigyang-tuon ang kabuhayan at pagkakakitaan, pagtatanim sa mga lupain para maibsan ang taas ng presyo ng mga bilihin at paglaban sa kurapsyon at pananamantala.

Samantala, pinangunahan nina Fernando at Bise Gob. Alexis C. Castro ang pagtataas ng watawat at pag-aalay ng bulaklak kasama sina Punong Bayan Vergel C. Meneses, Pangalawang Punong Bayan Reina C. Sanchez, Patnugot Tagapagpaganap Carminda R. Arevalo ng Pambansang Komisyong Pangkasaysayan ng Pilipinas, Punong Bayan Eduardo J. Villanueva, Jr., PLt. Col Dominador Ignacio, Pangulo ng Integrated Bar of the Philippines Marcelo H. Del Pilar Bulacan Chapter Abgd. Joseph Inocencio at kinatawan ni Most Worshipful Johnny T. Pimentel, Grand Master, Grand Lodge of Free and Accepted Masons of the Philippines.

Dumalo rin sa nasabing okasyon sina Carmela Reyes-Estrope, correspondent ng Philippine Daily Inquirer at pangulo ng Central Luzon Media Association, mga miyembro ng Bulacan Press Club Inc.  sa pangunguna ng pangulo nito na si Omar Padilla ng Pilipino Star Ngayon, ilang mamahayag, mga kinatawan ng kaanak ni Gat Marcelo at marami pang iba. (BISHOP JESUS “JEMBA” M. BASCO)

INAASAHAN  ng Land Transportation Franchising and Regulatory Board (LTFRB) na magkakaron ng panibagong round ng fare hike sa mga public utility jeepneys (PUJs) sa darating na lingo.

Ayon kay LTFRB chairman Cheloy Garafil na ang pagtataas ng pamasahe ay sinangayunan na ng LTFRB board subalit hindi pa alam kung P2 o P4 ang puwedeng ibigay sa mga drivers at operators at naaayon sa kanilang petisyon.

“Yes, the increase is due because the last time we had an increase, the level of diesel was just P44 per liter. Now its up to more than half by today. It’s just a question of how much fare increase we will give – in a way that will not greatly affect inflation and the purchasing power of commuters who will bear the brunt of the fare hike,” wika ni Garafil.

Nagkaron na naman ng pagtataas ng presyo noong Lunes ang gasoline, diesel at kerosene kung saan ito ay tumaas ng P1.40 para sa gasoline kada litro at P6.00 naman sa diesel at kerosene.

Dahil sa pagtataas ng presyo ng produktong petrolyo, ang mga transport groups ay napilitan humingi muli ng pagtataas ng pasahe mula P2 hanggang P4. Sa ngayon, ang LTFRB ay may pitong (7) petisyon na inihain ng iba’t ibat grupo ng transportasyon tulad ng jeepneys, buses, TNVS, taxis, P2P shuttles at UV Express vehicles.

Ayon kay Garafil, ang kanilang ahensya ay magdidisisyon sa petisyon ng jeepney groups kapag sila ay nakapagbigay na ng position papers sa nasabing pagtataas kung saan ang deadline ay hanggang sa darating na Sabado.

“We can probably expect a resolution on the fare hike petitions at the earliest on the first week of September and the latest will be on the second week of September,” dagdag ni Garafil.

Kahit na sinusuportuhan ng LTFRB ang petisyon sa pagtataas ng pamasahe, ang ahensiya naman ay kinakailangan pa rin na ang desisyon ay naaayon sa National Development Authority (NEDA)’s position sa magiging epekto nito sa inflation.

Samantala, sinagot naman ni Garafil ang agam-agam ng mga transport groups tungkol sa hindi pagpapatupad ng LTFRB MC 2019-035 kung saan sinasabi na sa oras na magkaron ng pagtataas ng presyo ng produktong petrolyo, ang LTFRB ay maaaring magkaron ng fare changes kahit wala ng public hearings at iba pang proceedings.

“That MC was passed before the pandemic and it says there that if there are new socioeconomic factors, new studies that would come up after the issuance of the MC that would affect its applicability, we will have to rely on other factors that came up,” saad ni Garafil.

Dagdag pa ni Garafil na dahil ang MC ay nilabas bago pa ang pandemya, kaya dapat ay repasuhin muna ang provisions at contents nito tungkol sa automatic adjustment dahil ayon sa NEDA kada P1 na fare hike ay magreresulta ng 3.3 percentage point inflationary effect.  Dahil dito, ang impact nito ay malala at makakaapekto sa inflation at purchasing power ng mga pasahero.  LASACMAR