Taas pasahe, nakaamba sa Setyembre

MAY nakaambang panibagong pagtataas sa singil sa pasahe sa darating na Setyembre.

Ayon kay Land Transportation Franchising and Regulatory Board (LTFRB) Chairman Cheloy Garafil, maaaring ilabas nila ang desisyon sa susunod na buwan.

Anya may nakabinbin pang petisyon ang UV express vehicle sa singil sa pasahe bukod pa sa naunang inihain ng grupong 1-Utak, Pasang Masda, Alliance of Transport Operators and Dri­vers Association of the Philippines (Altodap), at Alliance of Concerned Transport Organizations (Acto).

Sinabi pa ni Garafil na panahon na para itaas ang pamasahe sa jeep lalo’t patuloy na tumataas ang ­presyo sa produktong petrolyo.

Ayon kay Garafil, reaso­nable at balanse ang magiging pasya ng LTFRB sa itataas sa  singil sa pasahe.

Gayunman, hindi pa tinukoy ni Garafil kung magkano ang maaaring itaas  sa pasahe.

Una rito, humihirit ang mga drayber ng jeep na dagdagan ng P5 hanggang P6 ang singil nila sa minimum na pamasahe. (Daris Jose)