INIHAHANDA na ng GMA Network ang isa pang malaking project, pagkatapos ng Voltes V: Legacy, ang Sang’gre na for sure ay muling ididirek ni Mark Reyes na nagdirek ng epic series na Encantadia.  

Kaya dalawa sa gumanap na Sang’gre sa Encantadia, ang natanong kung sino ang type nilang gumanap sa kanilang ginampanang role, si Sanya Lopez as Danaya at si Glaiza de Castro as Pirena?

      “Siguro dahil morena ako, bagay sa role si Bianca Umali, pwede rin si Althea Ablan, pero gumanap na siya noon sa ‘Encantadia,’ ewan ko kung pwede pa siya,” sagot ni Sanya.

“Pero magdi-depend pa rin iyon kung sino ang mapipili ng production team.”

      “Bet ko rin si Bianca, sa kahit aling role,” sagot ni Glaiza.

“I think pwede ring makasama sina Jillian Ward at si Sofia Pablo. Pare-pareho kasing napanood sila sa ‘Prima Donnas’ at si Bianca, gumanap na rin sa ‘Sahaya’.”

Sino nga kaya ang mapipili para gumanap sa Sang’gre?

***

MAGSISIMULA na today, May 2, ang dalawang bagong serye sa GMA Network.

Mauuna ngayong hapon ang sexy and daring afternoon series na Apoy Sa Langit, na pangungunahan ni Ms. Maricel Laxa-Pangilinan at Zoren Legaspi, na ididirek sila for the first time ni Laurice Guillen.

Pero ang pinaka-challenge ay ang dalawang young actress, sina Mikee Quintos at Lianne Valentin. 

Sa dalawa si Mikee ang mas nauna kay Lianne, pero inamin niyang mas mabigat daw ang role niya sa serye bilang anak ni Maricel na may trauma kaya nahihirapan siyang mabuhay nang normal.

“Mas mabigat pa po ito sa role na ginampanan ko sa ‘Onanay,’ pero napakalaki po ng tulong sa akin ni Direk Laurice, dahil itinuro niya sa akin kung paano ko dapat gawin ang eksena.  She’s very straight to the point with what she wants at natulungan niya ako sa bawat eksena kong ginawa.”

Noong una, akala ni Lianne, pa-sexy lamang siya sa role niya sa serye.

“Pero na-realize ko lamang ang bigat ng role ko nang habang tumatagal, marami akong shift ng emotions sa bawat eksena,” kuwento ni Lianne.

“Thankful po ako sa mga co-stars ko dahil natulungan  nila ako sa bawat eksenang gawin ko, especially po kay Direk Laurice , Ms. Maricel at Tito Zoren, kaya iba pong Lianne Valentin ang mapapanood ninyo sa serye namin.”

Kasama rin sa serye ang mahusay na director-actor na si Carlos Siguion–Reyna.  May bago ring leading man si Mikee, si Dave Bornea.

Mamaya na ang world premiere ng Apoy sa Langit, na mapapanood Mondays to Saturdays, 2:30PM, after ng Eat Bulaga.

***

PAPALITAN na simula ngayong gabi, ang first suspenserye ng GMA Network, ang Widows’ Web, na isa namang fantasy romcom at first gender-switch on Philippine TV na False Positive at first team-up nina Glaiza de Castro at Xian Lim. 

First teleserye ito ni Xian sa GMA, kaya naman thankful siya sa pagbibigay sa kanya ng napaka-challenging role.

   “Nakatutuwa na nabigyan ako ng chance to portray ang role na pinagdadaanan ng isang babae,” kuwento ni Xian.

“Kahit papano, naiitindihan ko na ‘yun.  That gives me a whole level of respect sa mga mothers, sobrang hirap pala ang pinagdadaanan nila.  

“Sa set, I was asking for advice sa mga mothers na naroon, their comments and feedbacks, tuwing matatapos ang eksena ko, kung tama ba ang ginawa ko, bilang isang nagbubuntis.”

      “Honestly, natakot ako sa role ko rito,” kuwento naman ni Glaiza.

“Since ito ang una kong romcom, na nasanay ako doing dramatic scenes, nagtanong ako kung paanong approach ang gagawin  ko.  I think nagawa ko naman ang dapat kong gawin, masaya siya, na-enjoy ko rin.”

Directed by Irene Villamor, world premiere  ng False Positive ngayong gabi, after ng First Lady.

(NORA V. CALDERON)

ANG representative ng Pasay City na si Celeste Cortesi ang kinoronahan bilang Miss Universe Philippines 2022 sa SM Mall of Asia Arena noong Sabado ng gabi.

Ang Kapuso actress-beauty queen na si Michelle Dee na kinatawan ang Makati City ay binigyan ng titulong Miss Universe Philippines Tourism. Samantalang si Miss Bohol Pauline Amelinckx ay Miss Universe Philippines Charity.

Si Miss Misamis Oriental Annabelle McDonnell ang 1st runner-up at si Miss Taguig Katrina Llegado ang 2nd runner-up.

Sa Instagram Stories ni Celeste, pinost niya ang isang photo na kinakausap niya ang korona ng Miss Universe Philippines na La Mer en Majesté crown bago pa man nagsimula ang coronation night.

      “When the ladies saw the new crown for the first time, Celeste whispered on it, manifesting her dream of becoming Miss Universe,” caption pa niya.

During the question and answer portion of the Top 5 finalists, tinanong si Celeste ng: “If you could stop time for a day, how would you spend it?”

Sagot niya ay: “If I could stop time, I would spend it with my family, especially mother. It’s been two years since I haven’t spent time with my family because they live in Italy, and I came here in the Philippines just by myself.

“If I had a chance to spend one day, I would definitely be with my mom, and I would just tell her how much I love her and I miss her.”

      Sa preliminary competition, napanalunan ni Celeste ang awards for Miss Photogenic, Best in Swimsuit, Frontrow Best Arrival Look, Miss Avana, and Miss Aqua Boracay awards.

Noong 2018, si Celeste ang nanalong Miss Earth Philippines 2018 at nag-compete siya sa Miss Earth 2018 pageant kunsaan umabot siya sa Top 8.

Gaganapin ang Miss Universe 2022 sa San Jose, Costa Rica.

***

NAGSIMULA sa kiddie show na Tropang Potchi noong 2009 si Lianne Valentin kunsaan nakasabay niya sina Bianca Umali, Ella Cruz, Julian Trono at Miggs Cuaderno.

Ngayon ay may sexy image na siya dahil sa role niya bilang other woman sa GMA Afternoon Prime teleserye na Apoy Sa Langit.

      Mula sa pagiging child star ay dumaan na si Lianne sa mga roles na best friend, kontrabida at kapatid ng bida sa iba’t ibang teleserye. Dahil gusto niyang magkaroon ng bagong image, nag-audition siya para sa role na Stella na isang kabit na nagpanggap na anak ni Zoren Legaspi sa Apoy Sa Langit.

      “Marami na po akong ginawang teleserye na best friend ako ng bida. The last being ‘Ang Dalawang Ikaw’ and gusto ko namang mag-level up ang roles na gagawin ko. Nagkataon na may audition for this new teleserye and pumunta ako talaga. I’m super happy noong nalaman ko na nakuha ko yung role ni Stella.

“It’s very challenging and new for me. I just know na it’s sexy, daring, and mature role pero mas na-realize ko habang tumatagal na yung role ni Stella, there’s more to it dahil maraming shift and emotions.

“And personally yung pagiging sexy and daring, nahihirapan ako diyan pero sinet ko lang yung mind ko na I’m gonna commit, ako si Stella, I’m gonna do Stella and Stella is my role, sa akin lang siya wala nang iba and it pulled off naman and sobrang iba yung makikita ninyong Lianne dito.”

Ready na raw si Lianne sa mga magiging harsh comments ng netizens kapag napanood na siya bilang si Stella. Welcome daw sa kanya iyon dahil mapag-uusapan ang kanilang teleserye.

      “Aware po ako sa mga nagiging comments ng ibang actresses na gumaganap na other woman sa mga teleserye. Alam ko na masasakit ang mga sasabihin nila, pero alalahanin nila na trabaho lang po ito. Umaarte lang po kami.

“But I will welcome those negative comments dahil ibig sabihin ay pinapanood nila ang teleserye namin.”

***

UNDER investigation ang American Idol winner na si Laine Hardy.

      Nanalo si Hardy sa season 17 ng AI. May sinamahan lang si Hardy sa audition ng AI noong taong iyon at wala siyang balak na mag-audition. Pero pinag-audition na rin siya at siya pa ang nanalo sa bandang huli.

Ngayon ay kinasuhan siya ng felony of intercepting communications sa Baton Rouge, Louisiana noong nakaraang April 28.

Ayon sa report ng LSU Police Department: “Laine Reed Hardy (Non-LSU student) was arrested by LSU Police today and booked into East Baton Rouge Parish Prison for violation of 15:1303 — Interception and Disclosure of Wire, Electronic, or Oral Communication. His arrest warrant has been filed with clerk of court.

“Based on the arrest warrant, Hardy is accused of planting a recording device inside an unnamed female and her roommate’s dorm at LSU.

“According to the woman, she found the recording device, which looked like a phone charger, under her futon. She stated that she and Laine had been in a prior relationship until February.”

Nag-tweet ng kanyang statement si Hardy: “Earlier today, I received a warrant due to allegations made against me and have been fully cooperative with the Louisiana State University Police Department. I understand that my career has thrust me into the public spotlight, and I embrace that wholeheartedly as my entire world belongs to my music and my fans. However, due to the sensitive nature of this allegation, I humbly ask for privacy at this time.”

If convicted, Hardy could face up to 10 years in prison.

(RUEL MENDOZA)

MARAMI talaga ang nalungkot na wala sa coronation night si Miss Universe 2018 Catriona Gray sa Miss Universe Philippines 2022 na ginanap noong Sabado, April 30 sa SM MOA Arena.

Pero nagpakita naman nang pagsuporta si Queen Cat dahil tutok na tutok ito sa live stream at panay ang tweet sa kanyang opinyon habang nagagamit ang beauty contest.

Kinakailangan kasi niyang pumunta ng Bohol para sa prior commitment.

Isa sa kanyang tweet, “I wish the girls were given more difficult questions. Feeling ko kayang kaya nila. Anywho, who is your MUP2022? Exciting!” kasama ang official hashtag na #MissUniversePhilippines2022.

Comment ng isang netizen, “Tama te! Yung questions nila kayang sagutin ng 12-year-old girl. Now 24, this fashion model and singer has raised funds for various charities through benefit concerts in her country and abroad.”

Nanireplyan naman ni Cat ng, “Hoyyyy” na may tatlong laughing emojis.

Say naman ng isang netizen, “The questions were simple but substance of the answer matters. Miss Universe is looking for someone who can communicate. Congrats #Bohol.”

“I agree, but honestly, we only need a decent speaker bit a highly strong performer in pakabogan. We need to reach the placements first before going into Q&As. That’s the most important thing to have,” comment pa ng isa.

Sana man lang daw ay may tanong tungkol sa kaganapan sa bansa at tungkol sa May 9 National Election.

Say nga ng netizen, “At a time when Philippines is about to elect a new president along with the unending list of sociopolitical crisis, pageantry would have been an opportunity to mirror the lived realities of Filipinos considering the extent of national symbol we associate to it.”

May nagtanong din kay Catriona kung nasaan ang special participation niya at sinagot naman niya ng, “Actually, hindi ko rin alam.”

Say pa ng netizens, mas magaling pa raw siyang mag-host kesa kay Pia kaya sana kinuha rin siyang host.

Boring daw ang tatlong Miss U winners na hosts dahil walang interaction.

At mukha ngang may isyu kay Cat sa organizers ng MUPH at hindi raw sya favorite ni Shamcey Supsup-Lee at Jonas Gafudd.

Ang pambato ng Pasay na si Celeste Cortesi nga ang kinoronahan bilang Miss Universe Philippines 2022 na magiging representative natin para sa Miss Universe 2022 na gaganapin sa Costa Rica.

“Congratulations Celeste! Welcome to the sisterhood!!” pagbati ni Catriona, kasama ang tatlong PH flags.

(ROHN ROMULO)