SURPRISED and thankful si Kapuso actor Jak Roberto sa magkasunod na project na ginawa niya sa GMA Network.

Sa Monday, May 30, ang world premiere ng sports drama series na Bolera nila nina Kylie Padilla at Rayver Cruz, pero ngayong gabi, mauunang mapanood si Jak sa Magpakailanman ni Mel Tiangco, sa episode na “Batang Kampeon sa Bilyaran.”

“Nakakataba po ng puso na ako ang napili nila para gampanan ang true story ni Johann Gonzales Chua, ang Gold Medalist sa billiard sa katatapos na 31st SEA Games sa Hanoi, Vietnam,” kuwento ni Jak.

“Dito ay ipapakita namin ang mga pinagdaanang buhay ni Billiard Champ Johann, na hindi naging madali bago siya naging champion. Tamang-tama po naman na katatapos nga lamang naming mag-lock-in taping ng ‘Bolera’ na ako ang manager ni Kylie sa paglalaro ng bilyar at may knowledge na rin ako ng sport. Salamat po!”

Tampok din MPK tonight sina Denise Barbacena, William Lorenzo, Dilek Montemayor at Ms. Shamaine Buencamino, sa direksyon ni Neal del Rosario, pagkatapos ng Jose & Maria’s Bonggang Villa sa GMA-7.

***

MASAYANG-MASAYA si Kapuso teen star Jillian Ward sa muli niyang pagbabalik sa Daig Kayo Ng Lola Ko.

Ang huli niyang ginawa ay ang GMA Afternoon Prime na Prima Donnas. Bata pa noon si Jillian nang makasama sa DKNLK, at matagal siyang naging one of the young hosts ng fantaserye, na kasama nila si Ms. Gloria Romero na siyang nagkukuwento ng bawa’t episode.

Pero this time ay siya ang bida sa episode na tiyak na mag-i-stretching ang mga televiewers ng 2-Sunday episode titled “Tiki Tokitok”. Makakasama ni Jillian sina Vanessa Pena, Michael Sager, Nova Villa, Mon Confiado at Mel Martinez.

Sa direksyon ni Rico Gutierrez, mapapanood ito sa GMA-7, after ng 24 Oras Weekend.

***

SIMULA na ng exciting finale week ng Artikulo 247 ngayong Monday, May 30 at inip na ang netizens kung makakaligtas pa ba si Klaire (Kris Bernal) sa mga kasalanang ginawa niya against MJ (Rhian Ramos).

Marami na talagang nanggigigil kay Klaire dahil lahat ng masasama niyang ginawa sa mga taong nakapaligid sa kanya ay napagtatagumpayan niya.

Pero marami ring humahanga sa husay ng pagganap ni Kris, malayung-malayo sa mga sweet characters na ginampanan niya noong araw. Kayang-kaya raw palang maging kontrabida si Kris at magagalit ka talaga sa mga ginagawa niya as Klaire/Carmen sa story, sa tulong ng boyfriend niyang si Julian (Mike Tan). Dalawang husbands na niya ang napatay niya, ang huli ay si Elijah (Mark Herras) pero siya ang nakapagsabi na si Klaire ang tunay na killer at hindi si MJ.

May hangganan din ang kasamaan, nahuli na rin si Klaire, pero lagi pa rin siyang nakakaligtas at natatakasan sina MJ at Noah (Benjamin Alves).

Ano pa kaya ang mga kasamaang gagawin ni Klaire sa finale week? May masasawi pa ba sa mga kamay niya, bago siya tuluyang mahuli ng mga pulis?

Please don’t miss the grand finale week of Artikulo 247 na napapanood araw-araw, 4:15PM sa GMA-7, pagkatapos ng Raising Mamay.

***

MARAMI nang naghihintay na GMA series na maipalabas.

Dalawa rito ay ang Love You Stranger nina Gabbi Garcia at Khalil Ramos at ang Lolong nina Ruru Madrid, Shaira Diaz at Arra San Agustin. Ang dalawang serye ay mula sa GMA Public Affairs.

Mauunang ipalabas ang Love You Stranger sa June 6, at coming na rin ang Lolong. Coming na rin ang Voltes V: Legacy na marami nang naghihintay na mapanood.

(NORA V. CALDERON)

MAGPI-FINALE pa lang next week ang Mano Po Legacy: Her Big Boss, pero heto’t nag-launch na si Ken ng bago niyang single under GMA Music, ang “QuaranFling.”

Obviously, inspired sa quarantine ngayong may COVID-19. At habang naka-quarantine nga, marami raw naging realization at the same time, achievement si Ken.

“Kahit na naka-quarantine, na-realize ko na marami rin magandang nangyayari. At isa na rito, ‘yung nakatagpo tayo ng love.”

Inamin din ni Ken na during quarantine, masasabi niya raw na si Rita Daniela talaga ang naka-quaranfling niya, even prior to pandemic.

Though, alam nila pareho how they care for each other, pero family na raw kasi sila kaya hindi rin ito nauwi sa commitment talaga.

Tahasan din na itinanggi ni Ken na si Rita ang pinatatamaan niya sa naging tweet niya tungkol sa isang tao na malapit sa kanya pero, trinaydor siya o nag-backstabbed sa kanya.

Aniya, nangyayari naman daw yun sa lahat, pero hindi raw si Rita ang tweet niya, huh!

***

KABILANG na rin si Sarah Lahbati at maging ang kanyang ina na si Esther Lahbati sa mga Pinoy celebrities na may billboard sa New York.

Big deal talaga sa mga local artists kapag napi-feature sila o ang pino-promote nila sa NY billboard.

Mukhang cover sila ng isang magazine promoting a clothing brand ang naging dahilan kaya sila nai-feature sa New York billboard. Shinare ito ni Sarah sa kanyang Instagram account. Obvious ang excitement ni Sarah sa caption pa lang na, “hey, mama! We’re in N.Y! I’m so proud of you!”

Ilan sa nga local celebs na may billboard sa New York ay sina Heart Evangelista, Julie Anne San Jose, Kiannah Valencia, Ylona Garcia at Kathryn Bernardo.

***

NASA second season na ang game show na Rolling In It Philippines ng TV5 na kunsaan si Yassi Pressman ang host.

Inamin ni Yassi na at first, may apprehension daw siyang tanggapin ito dahil hindi siya sure kung kaya ba niyang mag-host ng game show. But since ‘eto nga at season 2 na sila, nakita rin namin na sobrang gamay na siya at all-out ang energy.

Reunion din nila ni Nadine Lustre sa Saturday kunsaan si Nadine ang special guest niya sa start ng 2nd season nito sa bagong time-slot at 7:30pm.

When asked about Nadine, “Very fun naman kasi kami ni Nadz, ilang taon na ba kaming magkaibigan? 10 years or a little bit more. Kahit ilang taon kaming hindi magkita, it’s still the same and it’s the nice thing about our low maintenance friendship.”

At kung gusto raw ni Nadine na gumawa muli ng movie, game raw siya na makasama itong muli.

Sa ngayon, after niyang mawala sa FPJ’s Ang Probinsyano, mukhang wala pang plano si Yassi na mag-focus sa teleserye. Mas gusto muna raw niyang gumawa pa ng mga movies at obviously, na-inspire ito na halos tatlong linggong trending at most watched sa Netflix ang Vivamax movie niya na More Than Blue.

(ROSE GARCIA)

NAKALULUNGKOT na malamang lumipat na pala ng management si Liza Soberano na hawak for 11 years ng showbiz columnist at talent manager na si Ogie Diaz.

Lumabas kasi ang bali-balita nang makitang kasa-kasama ni James Reid sa Gold Gala sa Los Angeles si Liza.

Kinumpirma na nga ni Ogie na hindi na siya ang magma-manage ng girlfriend ni Enrique Gil simula sa June 1, dahil sa May 31 pa ito magtatapos.

“Marami na ang nag-approach sa akin. Marami na rin ang tumatawag sa akin kung si Liza ba under my management pa rin at pag may nag-i-inquire sa akin ay ipinapasa ko sa iba,” sabi ni Ogie.

Tanggap naman ito ni Ogie ang naging desisyon ni Liza at susuportahan nito ang dating alaga at isi-save ang kanilang friendship na higit nang isang dekada.

“Hindi doon nagtatapos ang relasyon dahil lagi ko ring sinasabi yan kay Liza na hindi mo dapat pinuputol ‘yung tulay. Kasama don sa kanyang mensahe na gusto niyang mag-try sa Hollywood,” pahayag pa ni Ogie.

Dagdag pa ng talent manager na wala namang sama ng loob kay Liza, “Yung utang na loob ko sa batang yan ay napakalaki dahil ‘yung mga kinita ko sa kanya, doon din naman ako humugot para mabuhay yung anak ko na si Miracle.

“Yun man lang maisip ko para wala kang itatanim na sama ng loob sa bata, wala kang bitbit, wala kang kargo sa loob mo kasi doon man lang, timing na timing ang pagdating ni Liza sa buhay ko.”

Reaction naman ng netizens:
“Dios mio liza.. di ka ba nag isip. Di nga niya mapakilala sarili niya dun ikaw pa kaya.. for sure alam na. Ilalako ka nila.”
“True. Hope she improves her acting skills rin. Below average lang kasi yung mga loveteam-based na acting sa local showbiz.”
“Ang worry ko lang dito, mas si ogie kasi ang kaya kumonnect sa masa. Mas pang masa si ogie. Unless ibang market ang gusto ni liza mas parang kay nadine.”
“My GOSH! ito ang diko ini expect.Ganun na ba kalaki at ka-established ang management ni james para dun sya lumipat, lalo na jan sa Hollywood dream nya gagastusan ka jan ng todo, walang assurance kung mag succed si liza jan at magtagal mas ok sana kung tinanggap na nila offer ng gma 7!”
“She’s not progressing much. And Star Magic is practically defunct with ABS CBN. It is the best time to move and look for other options. Though idk if James is the right manager.”
“Wala ng big star na alaga si ogie! Masakit ito for him!”
“Parang hindi ito good move. Hellur matagal na laos si James at wala naman siyang alam sa managing. Eh walang nangyari sa mga talents niya under his music label!”
“Hindi lang naman si James, may iba pa siyang business partners na malamang may connections sa Hollywood. Sa tingin mo ba hindi alam yan ni Liza?”
“The new management might have connections but it looks like they don’t know how to manage talent. If they did, Liza & James would have been mingling with other artists in the Gold Gala for networking. They would have made sure that both were in the Filipino group picture at the event. Instead, they kept Liza & James within just their group.”
“I wish Liza Soberano the best, really. Leaving Ogie’s camp is a tough decision to make.”
“Mas ok kung tanggapin na nya offer sa gma 7! Naku liza mag isip isip ka! Sure ka bang kaya ka pasikatin ng james reid LOL.”
“Since she wants to widen her reach, it is expected to drop her ex manager. I’m not sure if James is perfect for the job, BUT THIS IS EXCITING. James is an amazing visionary, but is he a good executor? Let’s see!”
“Mukhang ayaw na ni Liza maging artista sa Pinas. It is either investor sya sa business ni James kaya sya lumipat or settled na sya sa life kasi hindi na sya nagrenew sa kaf eh maski may offer. Totoo nman cgro yang pinagsasabi ni Ogie. 😁

“Maybe James’ management is open to new connections. Malay niyo naman baka mahagip nyo na si Liza sa GMA one of these days.”

“Hopefully she’ll make it sa Hollywood. Good luck!”

(ROHN ROMULO)