PALAISIPAN sa mga netizens kung bakit daw sa latest picture na pinost ng Kapuso actress na si Carla Abellana ay wala na itong suot na wedding ring.

      Mainit pa sa lahat sina Carla at Tom Rodriguez kaya bawat gawin nila o i-post, nabibigyan talaga ng kulay. Ang mga fans nila ay parang humuhugot ng pag-asa kapag may napapansin sa kanila na may ‘pag-asa’ pang maayos ang marriage ng mga ito.

Tulad nang sabay nilang binati ang kanilang baby o pet dog. Pero ngayon, parang gumuho na naman ang pag-asa ng mga ito dahil parang ipinapakita raw talaga ni Carla na wala na sila.

Hmmm… baka naman nagkataon lang din na at that time, hindi nga naisuot  ni Carla ang wedding ring nila.  Pero katwiran naman ng ibang netizens, “tatlong buwan pa lang silang kasal, hindi na suot ang wedding ring!”

Nag-upload din si Carla ng bagong YouTube video niya at kitang-kita rin nga na wala siyang suot na wedding ring.

Kaya comment ng ilang netizens, lalo na ng mga fan nila, “Kayo lang ni Tom ang bukod tanging hinahangaan ko. Praying that everything will be okay. Sana nxt vlog mo suot mo na wedding ring mo.”

“Hellow Idol Magsalita nman po kau na fake news lang ung Balita na Hiwalay na Kayo.”

      “Parang sinasadya niyang ipakita ang left and right hands niya na wala na siyang suot na wedding ring.”

Anyway, sinabi naman ni Carla na noong second week pa ng January niya nai-shoot ang vlog. So, iba naman na siguro ang kuwento ngayong February.

***

NAGKAGULATAN na lang talaga sa desisyon na hanggang sa February 11 na lang mapapanood ang Wowowin sa GMA-7.

Ilang taon din si Willie Revillame bilang Kapuso simula nang lumipat siya. Pero sabi nga sa showbiz, the only permanent thing is change.

So sabi ng nakausap namin since si Willie nga ay wala pa rin inilalabas na statement, “siyempre malaki ang possibility na sa network ni Villar lilipat si Willie. Alam naman natin kung gaano sila ka-close.

“‘Di ba nga, sinasabi na si Villar naman daw ang talagang major sponsor ni Willie.”

Sey lang ‘yun ng source namin so, ‘di tayo sure kung gano’n nga. Pero siguro after February 11, baka break muna talaga para sa comeback nito kung sa AMBS na nga.

May nagsasabi na hindi na raw ni-renew ng GMA-7 si Willie na mag-eexpire ang kontrata sa February 15.

Parang coincidence naman sa pagkaka-acquire ng frequency ni Villar sa ABS-CBN. Kaya kung totoo na hindi man siya ni-renew, may fallback na agad.

***

MUKHANG mapapaaga na mapanood ang actor na si Xian Lim bilang Kapuso.

Originally pala ay sa June pa naka-sched ang seryeng False Positive na eere sa GMA-7 pero may nakapagsabi sa amin na posible raw na isalang na ito ngayong February 14.

So ‘pag nagkataon, hindi lang sina Sanya Lopez at Gabby Concepcion for First Lady ang mapapanood simula sa Valentine’s Day, sina Xian at Glaiza de Castro.

(ROSE GARCIA)

ISA si Ruru Madrid sa ginu-groom ng GMA Network to become it’s next big star.

Feeling blessed and thankful si Ruru sa opportunity na ibinigay sa kanya ng GMA at ng Sparkle (bagong tawag sa Artist Center na pinamumunuan ni Johnny Manahan).

Humbling experience daw ito for Ruru dahil alam niya na maraming mga artists na deserving din to be given a break.

“But sabi nga nila, you should never take for granted the opportunity that is being presented to you. As for me, I always give my best in every project I undertake, and I am also willing to learn and do whatever it takes to improve my craft as an artist.   “I think one way of showing gratitude is by giving your best performance as an artist. Yung makita mong masaya ang lahat sa nakikita nila sayo bilang artista on- and off-cam,” pahayag ni Ruru.

“I want to claim that it will be a better year. I want to prove to myself that I can do more and learn new things that will help me in my career and as a person. I’ll be more visible and more active and hopefully, I can give back to my fans and supporters the kind of performance they expect from me.

“Watch out for Lolong, one of the biggest projects of GMA this year. Maybe a movie is forthcoming and of course, my YouTube channel.”

Kasisimula lang ni Ruru sa kanyang YouTube channel kung saan pwede niya ma-express ang kanyang sariling pananaw pati ang success stories ng ibang tao.

Ang gusto raw niya na mangyari ay maka-inspire sa mga tao ang You Tube channel niya by featuring successful people.

***

PAHAYAG ni Denise O’Hara na mahuhusay lahat ang mga artistang nakakatrabaho niya sa pelikula.

“Happy ako sa willingness ng mga artista ko to work with each other. Everyone worked to come up with good film. Mahuhusay ang mga artista ko rito,” sabi ni Direk Denise with Louise delos Reyes, Diego Loyzaga and Cara Gonzales, her actors sa Vivamax film na The Wife.

***

LOUISE delos Reyes plays the lead role sa bagong Vivamax offering na The Wife.

Talking about her role, palaban daw siya pagdating sa pag-ibig. Kung ano raw ang ginawa ng karakter niya sa movie ay ganito rin ang gagawin niya.

Ipaglalaban niya ang kanyang husband. “Iba kasi pag kasal kayo. Pag maganda ang foundation ng marriage ninyo, ipaglalaban mo talaga,” sabi ni Louise.

“Ano ang kaya kong gawin for love? Kung makikita ko na mayroon pa rin future, hindi ako mag-give up.”

Iniisip din ni Louise na if ever she settles down in the future, she will do everything to become a good wife.

The Wife will be streamed sa Vivamax on February 11.

(RICKY CALDERON)

HATID ng Best Director ng Gawad Urian noong 2019 na si Denise O’Hara, ang isang nagbabagang adult drama na The Wife, na exclusive na mapapanood sa Vivamax ngayong February 11.

Pinagbibidahan ito ng mahusay na aktres na si Louise delos Reyes, kasama sina Diego Loyzaga at breakthrough star mula sa Pornstar 2, Hugas at Palitan na si Cara Gonzales.

Sa The Wife, nabigyan na rin ng pagkakataon ang baguhang sexy star ng Viva Films na maipakita na kaya rin niyang makipagsabayan sa pag-arte kina Louise at Diego. At hindi lang palaban sa pagsabak sa mga daring scenes na nagawa sa past movies niya.

Kaya masasabi niya na, “siguro ito na ‘yun biggest break para sa akin. Kasi dito ako na-challenge sa pagiging aktres ko. Lalo na ang kasabayan ko ay isang Louise delos Reyes.

“Ang dami kong naging improvement sa pag-arte, lalo na sa tulong ni Direk Denise.”

At dahil nga first time niyang maidirek ng ang isang female director, may kaibahan ba ang daring scenes na pinagawa sa kanya compared sa past movies?

“Siguro, ito ang pinaka-sweetest sa nagawa kong sexy scenes kaya nagpapasalamat ako sa direktor namin dahil maayos namin nagawa ni Diego.

“First time ko to be directed by a female director at mas nagustuhan ko ang paraan niya ng pagdidirek,” pahayag pa ni Cara.

Sa movie, gaganap si Louise bilang Mara, ang soft-spoken  asawa ni Cris (Diego). Masisira ang kanilang pagsasama bilang mag-asawa nang mangaliwa si Cris at may mangyari sa kanila ng dating kasintahan na si Lee (Cara), isang agresibo at outspoken na babae, kabaligtaran mismo ng pagkatao ni Mara.   Pero habang nagsisikap ang mag-asawang maisaayos ang kanilang nasirang relasyon, si Cris naman ay natuklasang may cancer.

Sasalamin ang pelikula sa kung hanggang saan dapat ipaglaban ang pagsasamang mag-asawa sa kabila ng pagtataksil. At sa matapat na pagtupad sa sinumpaang magsasama sa sakit man o kalusugan, paanong tatanggapin ng asawa ang huling hiling na may kaugnayan sa naging babae ng kanyang mister?

Saksihan kung paanong magtutuloy ang kanilang kwento dito sa Vivamax Original movie. Mapapanood ang The Wife sa Vivamax sa February 11, 2022.

Para sa local subscriptions, pwedeng i-download ang app at mag-subscribe via Google Play Store, Huawei App Gallery, at App Store. Manood nang tuluy-tuloy sa Vivamax sa halagang P149/month at sa halagang P399 naman para sa tatlong buwang mas makakatipid. Ngayon, may mas sulit pang option, sa halagang P29 lang pwede nang makanood nang tuluy-tuloy sa tatlong araw!

Available din ang Vivamax sa Hong Kong, Japan, Malaysia, Singapore, Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, Canada at USA. Vivamax, atin ‘to!

(ROHN ROMULO)