BUKOD sa nalalapit na lock-in taping ni Heart Evangelista ng GMA upcoming fashion-romantic-comedy series na I Left My Heart in Sorsogon, ay busy rin siya sa pagpapatayo ng sarili niyang beauty company.

Ipinaalam niya ito sa kanyang mga fans and followers sa pamamagitan ng kanyang Instagram account. May mga nagtanong kay Heart na mga supporters niya kung hindi raw ba siya napapagod magtrabaho.

Sinagot naman niya ito na napapagod din siya, “but I have so much on my plate that I can’t afford to sit pretty.  I am so determined to achieve my goals in life and I know I can do it.”

Uminit na naman ang social media ni Heart nang mag-upload siya ng photo niya wearing a branded one piece bikini. Puring-puri si Heart ng mga fans at celebrity friends niya.

May nag-comment pang ang Louis Vuitton bikini ay worth $800 or more or less, ay P40,000.

Anyways, sa I Left My Heart in Sorsogon makakasama ni Heart ang new Kapuso actor na si Richard Yap na masaya dahil first time daw lamang niyang makapupunta sa Sorsogon, at si Paolo Contis. 

Most of the scenes kasi ay kukunan sa magagandang lugar sa Sorsogon.

***

NALALAPIT na ang airing ng bagong teleserye ng GMA Network na The World Between Us na nagtatampok kina Alden Richards, Jasmine Curtis-Smith at Tom Rodriguez, kaya may mga teaser na ng show na lumalabas.

Marami nang nagtatanong kung ano ba ang story at kung ano ang character na gagampanan ni Alden.

Kaya nagpatikim naman si Asia’s Multimedia Star ng role niya:  “Ako rito ay si Louie, hardworking student, matalino, masipag sa buhay.  Kaya lamang may mga unfortunate events na nangyari sa kanya na nag-push pa sa kanya even further to his limits.” 

Mababago ba ang buhay ni Louie?

Nasa second cycle na ang lock-in taping ng The World Between Us, na mapapanood na simula sa July 5 sa pamamagitan ng world premiere at 8:00 PM sa GMA Network at sa GMA Pinoy TV, kapalit ng First Yaya na ngayon ay nasa last two weeks na lamang ang romantic-family drama series nina Gabby Concepcion at Sanya Lopez.

***

THANKFUL si Kapuso actress Thea Tolentino na nine years na after niyang manalo sa Protege artista search, ay hindi siya pinabayaan ng GMA Network. Hindi siya nawawalan ng assignment.

At ngayon nga, after ng huli niyang teleserye na The Lost Recipe, ay naka-lock-in taping na siya ng Las Hermanas na makakasama niya for the first time sina Yasmien Kurdi, Faith da Silva, at ang nagbabalik-Kapuso ang mahusay na actor na si Albert Martinez.  Kontrabida ba muli ang character na gagampanan niya?

“In ‘Las Hermanas,’ three sisters kami, anak ni Tito Albert, si Ate Yasmien ang panganay as Dorothy, ako ang middle child, si Mimi, at ang youngest si Faith as Scarlet,” kuwento ni Thea.

“Ako ang mahihirapan dito dahil as a middle child, ako ang walang boses, ako yung kulang sa love and attention. Kaya kakaiba ang hamon ng role ko rito.”

Kasama rin sa serye si Jason Abalos (na nakasama na ni Thea sa Asawa Ko, Karibal Ko), Jennica Garcia, Melissa Mendez at marami pang iba.

Very soon na mapapanood ang Las Hermanas sa GMA Afternoon Prime.

(NORA V. CALDERON)

SA pamamagitan ng kanyang YouTube channel, binigyang-linaw ni Boy Abunda na obviously, hoax o fake news ang kumalat na siya ay pumanaw na.

Nagulat daw ito nang ang daming nagtatawagan sa kanya. Maging ang longtime partner na si Bong Quintana, kahit nasa iisang bahay sila. Nasa itaas ito at nasa ibaba naman si Kuya Boy that time ay tumawag sa cellphone niya para lang daw marinig talaga ang boses niya.

Sabi ni Kuya Boy, “’Yung balita, pumanaw na raw si Boy Abunda dahil sa kumplikasyon sa sakit. Specific pa po ang balita dahil sa diabetes, sakit sa puso at marami pa pong iba.

     “Ang balita po, ang pagkakasulat ay hindi masama. It’s not actually degrading, it’s not insulting. Pero ang problema, isang malaking kasinungalingan dahil pinapatay na nila ‘ko, eh, buhay na buhay pa ako.”

Binanggit din ni Kuya Boy ang mismong YouTube site na nag-upload o post na siya ay patay na.

     “Alam niyo po ako, nasanay na rin ako. I’ve been into this before. I’m in the public realm. Nasanay na po tayo do’n sa totoo at hindi totoong nababalita. 

      “Hindi ko ugali, it’s not of my habit to answer these things.  I am only talking now because my family, my sister, Congresswoman Fe Abunda was here in my house yesterday, she seems worried. Kahit na ako na ang kausap.”

Sey rin niya, ano raw ba ang intensiyon ng page na ito?

“It is about money or a few hundreds or views or produkto ng sick man.”

Kaya warning niya, sana raw maging careful ang netizens sa mga nababasang fake news.

At hirit na lang ni Kuya Boy sa mga ito, “Pinapatay na nila ‘ko. Mauna na kayo. Hindi naman ako nagmamadali.  ‘Wag tayong mag-imbento ng buhay ng may buhay.  Buhay ko po ito at hindi niyo buhay.”

      ***

SOBRANG busy raw ni Heart Evangelista dahil nga kahit na sabihin pang sa July pa lang siya magsisimula ng lock-in taping para sa bagong serye sa GMA-7, ang I Left My Heart in Sorsogon, ang dami niyang pinagkaka-abalahan.

‘Yung mga collaboration niya sa iba’t-ibang artists at fashion, painting niya at mga businesses niya. Tipong 5:30 a.m, daw halos everyday, gising na siya.

Kaya nang may magtanong dito sa pa-“Chika Friday” niya sa Instagram kung paano niya hina-handle ang mga taong nagsasabi ng masasama sa kanya, nag-quote si Heart ng litanya ng namayapang Senator Mirian Defensor-Santiago na, “I eat death threats for breakfast.”

     “Every bash is equivalent to a blessing. Ohhh keep em coming… you don’t understand how instant God’s power works. If I can only say,” sey pa niya.

Kung may pinagsisihan daw ba ito na ginawa niya dahil sa trabaho, ito raw ‘yung hinayaan niya ang ibang tao na diktahan siya.

“Allowed people to dictate how I should be. As I celebrate the real me today, I am able to achieve more because I’m happy.  Unlike before I was just a robot but in a way I still don’t regret anything because after 23/24 years in showbiz all of that made me a better person.”

Pruning process daw yung time na yun para sa kanya.

***

MUKHANG may kaba talaga si Barbie Forteza ngayong sa unang pagkakataon, magla-lock-in taping na ang boyfriend na si Jak Roberto. 

Nang makausap namin sila via online, hiniritan na ni Barbie si Jak na baka matukso raw sa lock-in. Na noon pa lang, sinabi na ni Jak na hindi mangyayari.

Feel namin, may pinanggagalingan si Barbie at mukhang natakot siguro ito dahil sa mga issue ng nagkaka-developan during lock-in taping.

So sa ginawa nilang vlog, ang “Questions We Never Asked Each Other” yun na naman ang tinanong ni Barbie kay Jak. Kung posible raw ba na dahil matagal silang hindi magkikita, kahit 1% chance na matukso ito sa iba.

“Bakit kailangan mong tanungin?,” balik tanong ni Jak sa girlfriend.

Sey naman ni Barbie, “Kita mo mas natural ang reaction mo!”

Assurance naman ni Jak sa girlfriend, “Ikaw lang. Walang iba. 24 hours kitang kausap sa video call noong naka-quarantine ako, ‘di ba?”

Sabi pa ni Jak kay Barbie, “Parang hindi ina-update ‘to kung magtanong, e. Nanggigigil ako sa ‘yo.”

      Natatawa naman si Barbie dahil parang galit na raw si Jak.      Pero paliwanag ni Barbie kaya niya tinanong, “Gusto ko lang din naman na in-record para kung ano’t-anoman, sirain mo ‘yang sinabi mo na ‘yan.”

Binalik naman ni Jak ang tanong ni Barbie rito. Na sinagot naman agad ni Barbie nang, “Hindi” at nakapag-lock-in na nga raw siya.

At dahil dito, ang dami tuloy fans at netizens na nagwa-warning kay Jak na ‘wag na ‘wag raw itong matutukso talaga sa iba.

(ROSE GARCIA)

SA latest Instagram post ni Queen of All Media Kris Aquino, muli siyang nag-update regarding sa kanyang health.

Ayon sa mommy nina Josh at Bimby, inulit ang ECLIA (Enhanced Chemiluminiscence Immunoassay) antibody test niya after na magpaturok ng COVID-19 vaccine.

“Jessica, not Patricia came back to repeat my ECLIA test… I didn’t post anything kasi yung 1st blood panel ko wasn’t good (as i said marami kayong problema so my health issues shouldn’t be your concern) and i said i’d give you an update kung may antibodies na ko…

“So i kept quiet & waited because w/ the vaccine i chose mas matagal (and i’m assuming it’s also because of all my underlying health issues) so it took me close to 4 weeks to develop Covid-19 antibodies BUT yes, now i have them,” caption ni Kris sa kanyang IG post na kung saan makikitang kinukunan siya ng dugo.

Sa pagpapatuloy ng kanyang post, masaya niyang ipinaalam ang pagbati nina Joshua at Bimby noong Father’s Day.

“My sons both had the sweetest messages greeting me Happy Father’s Day. Honestly dati it was a source of pride that i managed to do it on my own… but now that i’m older, i realize how much they’ve missed out on- sabi nga diba it takes 2 to tango…

“Yes i have been the nurturer & provider and let’s be REAL, hindi naman talaga nag effort yung mga tatay,” sabi pa ni Kris.

“But it’s lately that i’ve gotten a clearer male perspective from a new friend who has a very strong Christian faith – mahirap daw pantayan yung na provide ko for the 2.

“And minsan para wag ka na lang mapahiya, iiwas ka na lang… i never saw it that way before. And masyado na rin nasanay si kuya & bimb with our situation.” 

Dagdag pa ni Kris, “Yun ang kapalit ng living your life publicly… masyadong marami nang nasabi on both sides (this is about bimb’s dad) that he has seen (dahil nga may YouTube) and as he said hindi na nya hinahanap.”

Nabanggit din ni Kris na tuluy-tuloy pa rin ang pagtatrabaho niya at kailangan niyang maging healthy.

Sabi niya, “i have 2 commitments with brands i really wanted to work with so i’ll finish those next week… then i’m taking a short sabbatical because may paghahandaan and i won’t be able to give that my 100% kung hindi ako healthy.”

Sa part 2 ng kanyang IG post, sinimulan niya ito ng, “like roses that take time to bloom, my health also needs TIME… ayaw kong mapahiya sa inyo… there were too many stops & starts; maybe God was really preparing me for this… so until September weekly updates lang tayo.”

Bahagi ng kanyang mahabang post, may kinuwento si Kris, “gusto kong mag kwento sa inyo ng pagtatapos ng isang mahabang bahagi ng buhay ko, pero nagbabago nga ang mga tao… that’s our story, not mine alone. so the parts i can share come from only what i personally said & did. hinabol ko to arrive bago mag midnight 1 night in May.

     “EFFORT kasi 4 hours each way para lang makita ko sya for a total of 15 minutes (lock in sila for work but nag PCR ako to be sure)… sa entrance lang nagkita, hindi sa loob. i simply wanted to personally greet him happy birthday, give my gift and my letter. Sinuklian ko lang because nag effort din sya nung birthday ko to personally give his gift that was maeningful.

     “Pero nung May, that was our THE END. Siguro ang pinaka safe na pwede kong i- quote from my birthday letter was i said: i wish him REAL happiness because “we both deserve our versions of ME AFTER YOU”…
     “after 7 years, we did become the best of friends & i know even that part is now over.”

Dagdag pa niya, “Nagsalita na ‘ko because i still have 4 years, for bimb to experience “normal”… all he’s seen & known are dysfunctional relationships & i don’t want him to become an adult without me trying to move forward and God willing, giving my sons a chance to have the stepfather they deserve. Because i know, i’m not enough.
     “He doesn’t have to be rich or famous, better nga kung hindi sya public figure… basta tama ang values, madasalin, may integridad, matalino, at masipag, answered prayer na sya. i’ve achieved all my dreams, it’s now my turn to focus on what really matters- trying for my sons get the father figure they never had. #mytruth.”

May netizen naman na nag-comment ng, “Si HB siguro ito.. Hanap na lang iba kasi kahit dpa siya married may nakalagay na spouse name pag ginoogle siya.. You deserve someone better. Pag talagang mahal ka ilalantad ka.”

HB as in Herbert Bautista ang tinutukoy ng netizen, pero sinagot ito ni Kris, “@mengcon0911 actually i disagree, the next person in my life none of you will know about. Because he’ll only need the love and approval of 3 people, kuya josh, bimb, and me… i learned the hard way- you deserve to know about me and my work BUT what happens in my private time should only be for the ones directly affected by our circumstances away from the eyes of the world. #natutona.”

(ROHN ROMULO)