SA unang public consultation ng Committee on Tourism ng Quezon City Council tungkol sa resolution na imbes na Del Monte Avenue ay Roosevelt Avenue na lang ang gawing FPJ Ave ay nagpadala ng pahayag ang National Historical Commission kay Chairperson Coun. Candy Medina na nagsasabing THE PROVISIONS OF REPUBLIC ACT NO.10066 (National Cultural Heritage Act of 2009) THAT FORBIDS THE RENAMING OF DEL MONTE AVENUE IN QUEZON CITY, ALSO APPLIES TO ROOSEVELT AVENUE. Dagdag pa dito na BY VIRTUE OF ITS LONG USAGE AND BEING MORE THAN 50 YEARS OLD, ROOSEVELT AVENUE IS CONSIDERED A HISTORICAL STREET NAME AS PER RA10066, AND THEREFORE IT CANNOT BE RENAMED. Nilagdaan ito ni Dr. Rene Escalante, Chairman.

Upang mabasa ang kabuuang sulat ay nakapost po ito sa LCSP dahil ito naman ay ipinamahagi noong public hearing at nasa record na ng committee. Ibig sabihin DEL MONTE MAN O ROOSEVELT AYON SA BATAS AY HINDI DAPAT PALITAN.

Pero bakit may panukala pa rin na Roosevelt “na lang” ang palitan imbes n sa Del Monte. May political commitment ba dito at kahit mismong batas ay kayang palusutan para dito? Magiging masaya kaya si FPJ na ipangalan sa kanya ang isang kalsada samantalang may pag LABAG SA BATAS?

Bakit hindi tayo maghanap ng karangalan para kay DA KING na hindi mamamantsahan ang kanyang pangalan. Wala na bang ibang paraan? May mungkahi po ako na baka po mapakinggan at makatulong sa ating mga konsehal.

Sa Kongreso ay binawi na nila Cong. BH Herrera at Cong Onyx Crisologo ang pagsuporta sa Del Monte na mapalitan to FPJ matapos na inayawan ito ng mga taga Del Monte mismo. Marahil ay pwedeng bawiin ang MISMONG BILL at hindi lang ang pagsuporta dito. Mahalaga ang pagbawi ni Cong. Crisologo dahil Distrito niya mismo ang usapin dito.

Kaya habang hindi pa naipapasa sa Senado ay bawiin na sa House of Representatatives kung maaari. Pag walang House version ay hindi maaring maging batas DEL MONTE O ROOSEVELT man ang palitan. Pero hanggat may pasadong Bill sa House at naipasa ito sa Senado at pinalitan ang Del Monte ng Roosevelt ay maaring maihain sa Presidente at malagdaan upang maging batas. Pero teka anong silbi ng sinabi ng National Historical Commission na labag sa batas ito?

Wala bang bigat ang opinyon ng National Historical Commission para sa mga mambabatas natin?

Marahil ay hindi naman ganoon ang mangyayari kung may ibang paraan para mabigyang parangal si FPJ ng hindi lalabag sa batas. Ilang mungkahi ay pagpapangalan sa isang paaralan ng FPJ High School of Arts.

O kaya ay isang monumento katulad sa Maynila o kalyeng wala pang pangalan na ginagawa ng DPWH sa build build build program nila. O kaya ay yung mga kalsada sa “numero” o “generic” ang mga pangalan. Maaring konsultahin ulit ang NHCP at ang mga taga West Avenue.

Dahil yun dating South Avenue ay ginawang Timog Avenue? Wala sino man ang tututol na bigyan parangal si DA KING pero dapat naayon sa batas. Dahil mismo si FPJ ay hindi papayag sa gawaing ILLEGAL. Ngunit kung sasagasaan lang ang ano mang kalye for “political accomodation” o pangakong pulitikal, marahil ay hindi parangal kay FPJ ang nais gawin kundi pamumulitika? (Atty. Ariel Enrile-Inton)

IPINAG-UTOS ni Pangulong Rodrigo Roa Duterte sa mga ahensiya at local government units (LGUs) na simplehan lamang ang pamamahagi ng tulong sa mga nangangailangan.

Sinabi nito na inabisuhan na niya ang mga ahensiya at LGUs na iwasan na ang pagkakaantala o delay.

“What I would like to happen is this: Simplify the giving of the money by asking for a proposal, then that proposal should not be studied by days or by months,” ayon sa Pangulo.

“You just review it and if it says that it’s for food, you give it because it’s for food, kakainin ‘yan. And all assistance connected with the health of a person o ano, ibigay ninyo,” dagdag na pahayag nito.

Binalaan naman ng Punong Ehekutibo ang mga opisyal na mahaharap sila sa parusa kapag nabigo silang gawin ang kanilang tungkulin o obligasyon.

“Pagka kayong may mga complaint, oras na dumating sa akin ‘yan, diretso na ‘yan sa Ombudsman. Bahala na kayo doon sa buhay ninyo. Because the Ombudsman can order you dismissed, order you [to] face charges, criminal or wala,” aniya pa rin.

Ang pamahalaan ay nakapagbigay na ng cash aid at iba pang uri ng tulong sa mga sektor na labis na tinamaan at naapektuhan ng COVID- 19 pandemic.

Napaulat na may 71 percent ng mga Pinoy noong Setyembre ang nagsabing nakatanggap sila ng cash aid mula sa pamahalaan nang sumiklab ang COVID-19 pandemic sa bansa.

Ito ay mas mababa sa 72 percent noong July 2020.

Ayon sa Social Weather Station (SWS) survey, 67% ay tumanggap ng subsidies ng isang beses habang 33% ay tumanggap ng cash aid ng dalawang beses.

Tumanggap naman ang pamilya ng average na P7,531 noong Setyembre at may average total na P6,588.17 cash aid noong July 2020.

Sa Metro Manila, 39% ng pamilya ang nakatanggap ng cash aid ng isang beses lamang, 48% ang dalawang beses, 6% ang tatlong beses, 4% apat na beses at 1% ang limang beses na cash aid.

Sa Metro Manila ang tumanggap ng mas malaking halaga ng cash aid na may average na P11,024, sa Balance Luzon ay P7,481 habang sa Visayas ay P6,6883.

Noong July 2020, ang average total cash aid ng pamahalaan sa bawat pamilya ay P2,670 sa Metro Manila, P845 sa Visayas, P780 sa Balance Luzon, at P222 sa Mindanao.

Ang SWS survey ay ginawa noong September 17-20, 2020 sa pamamagitan ng National Mobile Phone Survey.

Samantala, ang financial assistance program ng pamahalaan ay kinabibilangan ng Department of Social Welfare and Development’s Social Amelioration Program (SAP), Department of Labor and Employment’s Abot Kamay ang Pagtulong (AKAP), Tulong Panghanapbuhay sa Ating Disadvantaged/Displaced Workers (TUPAD), at COVID-19 Adjustment Measures Program (CAMP) at maging ng Small Business Wage Subsidy. (Bishop Jesus “Jemba” M. Basco)

PINAYAGAN na ng Inter-Agency Task Force for the Management of Emerging Infectious Disease (IATF) ang muling operasyon ng motorcycle taxis matapos na ang House of Representatives ay aprobahan ang extension ng pilot study program.

Ayon kay Presidential spokesman Harry Roque, ang IATF ay pumayag sa muling operasyon ng motorcycle taxis study na ipapatupad at subaybayan ng National Task Force Against COVID-19 (NTF) at ng Department of Transportation (DOTr).

Kailan lamang ang House ay iginiit sa IATF,NTF at DOTr na kanilang palawigin pa ang pagsasagawa ng motorcycle taxi pilot study program. Dahil dito mapapayagan ang Singaporean-owned Angkas at JoyRide na muling bumalik sa kanilang opersyon.

“The Land Transportation Franchising and Regulatory Board (LTFRB) will be issuing the guidelines as soon as possible,” wika ni Roque.

Bago pa ang lockdown noong March, ang pag-aaral tungkol sa motorcycle taxis ay ginagawa upang malaman kung okay ito na maging isang public transport dahil sila ay hindi puwedeng mag operasyon sa ilalim ng Republic Act 4136 o ang tinatawag na Land Transportation and Traffic Code.

Sinabi naman ni Sen. Grace Poe na ang pagbabalik ng motorcycle taxi sa operasyon ay makakatulong upang madagdagan ang public transport at upang maibsan ang paghihirap ng mga commuters sa pagsakay lalo na ang mga mangagawa na nagsisikap na magkaron ng kita sa araw-araw kahit na may pandemic.

Nilinaw naman ni Poe na siyang chairman ng Senate committee on public services, na ang guidelines ay kinailangan malinaw at mahigpit na tutupad sa health at safety protocols upang masigurado na ang riders ay protektado sa buong trip.

“Regular disinfection, wearing of face mask and using own helmet are among the measures that would be complied with by the riders. Safety remains the primordial concern as motorcycle taxis return to the streets,” ayon kay Poe.

Ang DOTr naman ay kanilang pupulungin ang technical working group matapos na bigyan ng green light ng IATF ang motorcycle taxis na muling bumalik sa kanilang operasyon.

Sinabi naman ni assistant secretary Goddes Libiran na ang DOTr ay handang sumunod sa desisyon ng Cabinet, Congress at IATF na muling mag operate ang motorcycle taxis.

“We will be ready to implement the IATF decision anytime we receive the minimum health standards and guidelines from NTF,” wika ni Libiran.

Dagdag pa ni Libiran na mayron ng dati pa na guidelines subalit kailangan pa rin ang tulong ng NTF para sa minimum health protocols upang masiguro na maiiwasan ang pagkalat ng corona virus. (LASACMAR)