NAGKAROON ang Pep.ph Spotlight Sine X Cinemalaya kunsaan, nagbalik-tanaw ang mga kinikilalang artista, director at producer na ang mga pelikula ay kasama sa isinulat na libro ni Madam Jo-Ann Maglipon, ang 100 Sine. Film. Pelikula. The 100 Greatest Movies of Philippine Cinema. 

Napakabihirang pagkakataon na magsama-sama sa entablado ang ilan sa mga premyadong artista na ang mga pelikula ay isinulat/dinirek nina Lino Brocka, Ishmael Bernal to name a few tulad nina Gina Alajar, Richard Gomez, Phillip Salvador, Amy Austria, Tirso Cruz III at Charo Santos. 

Sa lahat, si Gerald Anderson ang maituturing na pinakabata, kaya aminado itong nakakaramdam siya ng hiya na maihanay sa mga batikan na. Pero masaya siya dahil

marami siyang nalaman at natutunan. 

Maging si Senator Grace Poe ay present at nagbahagi ng alaala niya kay the late Fernando Poe Jr. at sa “Panday.” Ang mga director na sina Carlitos Siguion-Reyna, Joel Lamangan, Jose Javier Reyes at Jerold Tarog. Gayundin sina Ms. Roselle Monteverde at Joji Alonzo.

Nakaka-touch ang sinabi ni Ms. Roselle about Mother Lily Monteverde, aniya, “kulang ang very, but I’m very, very proud of Mother. Kasi ano, Jo-Ann, she’s very fearless to produced that much. 

“Hindi naman kami maraming pera, but she’s very passionate about it. Even with movies that no one would like to produced, but she gambled, she took too much risk. At the same time, she loves her directors, she loves her actors, to the point na pati ako, nagseselos.”

Sayang nga at hindi namin natapos ang question and answer kunsaan, si Madam Jo-ann ang nagbabato ng questions sa kanilang lahat dahil may Marites University Live pa kami. 

Sa mga mahilig, nagmamahal sa pelikulang Filipino, ine-encourage namin na bumili, magkaroon ng kopya ng libro na ‘100 Sine. Film. Pelikula. The 100 Greatest Movies of Philippine Cinema.’ 

Pero sobrang sulit sa kalidad ng libro at nilalaman na may kung ilang taon binuno. 

***

PAREHONG mga ALV talents na sina David Licauco at Althea Ablan ay mga VIVA contract artists na.

Si Althea na mula pagiging child star ay isang Sparkle artist, pero ngayon ay co-manage na ni Arnold Vegafria at ng VAA. Ayon dito, feel niya raw na it’s about time na lumabas siya sa kanyang comfort zone, which is, ang GMA network. Maayos naman daw ang naging pagpapaalam niya sa GMA at sa Sparkle. Gusto ni Althea na gumawa ng mga kontrabida roles sa VIVA.

Si David naman, more on makagawa siya sa VIVA One at mga movies under VIVA Films. 

Sinagot din ni David ang naging tila pasaring ni Barbie Forteza na sa leading man nito ngayon sa bagong movie na si Khalil Ramos, finally ay nagkaroon siya ng maayos na leading man.

Meaning, ‘di maayos si David? Na as BarDa loveteam nila ay ang dami rin naman na naging following. 

Sa kabila ng tila pa-shade ni Barbie, all praises naman dito ang isinukli ni David. 

“Talaga? Sinabi niya? Ako, I’m just grateful sa years na magkasama kami. We worked together. I have nothing but praises to her.”