NATANONG si Paolo Gumabao kung kailan niya huling nabisita ang amang si Dennis Roldan na nakapiit sa kulungan.
“Hindi ako nakabisita last Christmas. Pero sa kalagitnaan ng 2025, bumisita naman ako,” sagot ng aktor.
“Ako talaga, hindi nakadalaw. Kasi prior sa pagpunta ko sa Taiwan, nag-shoot din ako ng pelikula.
“Nagkaroon pa ako ng stage play, then nag-Taiwan nga ako.
“Pero siyempre, dadalawin ko siya one of these days.
“Babawi ako!”
Ano ang madalas nilang pag-usapan ‘pag nadadalaw ang ama?
“Nag-usap lang kami about my career.
“Ang pinaka-napanood lang kasi niya sa akin…siyempre ‘pag pelikula, medyo hirap siyang manood ng mga pelikula, dahil hindi naman lahat ng mga pelikula ko napapanood sa TV, eh.
“So, ang pinaka-napanood lang niya sa akin ay ang ‘Batang Quiapo’, kasi may TV naman sa loob ng kulungan, eh. So, napapanood niya ang mga eksena ko.”
Dagdag kuwento pa niya, “ang pinapayo lang niya sa akin, na ok nga raw, yung pagiging kontrabida, maganda rin naman daw, pero sana raw, maghanap ako ng way na maging bida naman.
“Na huwag daw akong mag-stick sa pagiging kontrabida. Na mag-try rin ako ng iba’t ibang role. Mga ganun lang naman ang napag-uusapan namin.”
Mukhang nagdilang-anghel ang kanyang ama dahil heto at sa isang wholesome na pelikula ay bida si Paolo kapareha ang Czech actress na si Sara Sandeva sa pelikulang ‘Spring In Prague’ na ang producer ay ang Borracho Film Productions ni Atty. Ferdinand Topacio.
“First time kong gumawa ng pelikula na mabait ang character, na lover boy ako, na walang hinahabol na masama.
“Challenging ang pelikula na ito sa akin, kasi kailangan ko talagang ipakita na leading man ako.
“Hindi naman kasi ako sanay sa pangiti-ngiti lang, dahil mas sanay ako na nakasimangot ako, na nang-aakit ako. “Puro ganun kasi ang mga ginawa ko before.
“Pero dito sa Spring in Prague kailangan ko talagang ipakita na natural ang acting natin, na lover boy ako.
“Pero ang saya ng experience ko sa Prague. Bukod sa malamig talaga, ang ganda ng scenery,” kuwento ni Paolo.
Si Lester Dimaranan ang direktor ng pelikula.
Samantala, ang mga nasanay na makita ang bortang katawan ni Paolo ay hindi mabibigo dahil bukod sa shooting nila mismong sa Prague ay nag-shoot rin sila sa Puerto Galera.
Isang resort owner ang papel ni Paolo at may mga eksena siyang nakahubad at naka-shorts lamang.
Mapapanood sa mga sinehan ang Spring In Prague simula sa February 4.

***

BUKOD sa mahusay tumugtog ng gitara at mag-keyboards ay bokalista rin ang guwapong music artist na si Migo Bergado ng boy band na The Sonnets.
Anak si Migo ni Atty. Rey Bergado na leader/keyboardist/vocalist ng Innervoices na mahusay at in-demand na grupo.

Kuwento ni Migo, “Kasi when I was a child I took up piano lessons tapos when I’m practicing at home siya yung teacher ko.

“Very strict teacher,” at tumawa si Migo, “but it paid off naman. Singing? No one taught me that. Actually my dad was shocked na I’m singing.

“I idolize people who write their songs and sing their songs, like Beatles, James Taylor.”

4th year Nursing Student from De La Salle HIS si Migo.

“Because I wanna be a doctor kasi.”

Ang The Sonnets ay binubuo nina Migo-Vocals/Guitar, Justin Annie/Guitar at Mugen Gatchalian/Drums.

Kailan lamang ay nagka-gig ang the Sonnets sa Lando’s BF Resort para sa single launch party ng bago nilang awitin na “Lumalamig”.
Post nga ni Migo sa kanyang Facebook page…

“After 7353826272 years, makakapag-release na kami ng kanta. Excited kaming ibahagi sa inyo ang musika namin na pinaglaanan ng dedikasyon, panahon at pagmamahal!

“Maraming salamat sa EMBER MUSIC sa pagtiwala at pagbibigay ng oportunidad sa ‘min para magkaroon ng plataporma ang aming mga awitin at siyempre maraming salamat din sa mga patuloy pa ring nasumusuporta sa ‘min.

“Follow niyo mga socials namin para sa mga updates: FB: The Sonnets, IG: thesonnets_ph

TikTok: the.sonnetsph – Migo, Annie, Mugen.

“Pre-save our song on all streaming platforms: https://bfan.link/lumalamig

#thesonnetsph #OPM #EMBER”

(ROMMEL L. GONZALES)

NGAYONG Pebrero, tiyak na mapapatawa, mapapaiyak, at mapapapalakpak ang film buffs at moviegoers sa pagdating ng “Batang Paco.”
Isa itong heartwarming family action-comedy na pinagbibidahan ni Empoy Marquez, na mapapanood na sa mainstream cinemas sa buong Pilipinas.
Produced ng MiVida Productions, Inc., ang “Batang Paco” ang kauna-unahang pelikula ng kompanya at nagsisilbing opening salvo nito para sa 2026.
Bagong film outfit ang MiVida at nakatuon ito sa bold, out-of-the-box storytelling.
Pinamumunuan ito ng former actress turned businesswoman na si Ana Abiera Del Moral, na may malinaw na layunin na maghatid ng mga kuwentong may lalim ng emosyon at malawak na audience appeal.
“This film defines what MiVida stands for — stories with heart, courage, and soul,” pahayag ni Ana.
Sa pinakapuso ng “Batang Paco” ay isang family drama tungkol sa pag-ibig sa iba’t-ibang anyo nito — pinaghalong komedya, aksyon, romansa, at damdamin, na swak para sa mga pamilya, Pinoy movie buffs, at mga ordinaryong manonood.
Umiikot ang kwento kay Paco, isang mabait ngunit duwag na tattoo artist, na mapipilitang pumasok sa isang mapanganib na misyon nang dukutin ng isang makapangyarihang crime syndicate ang kanyang anak.
Dahil sa pagmamahal, kailangan niyang hanapin ang tapang upang maging ama na pinaniniwalaan ng kanyang anak na kaya niyang maging.
Hatid ni Empoy ang init, katatawanan, at vulnerability sa isa sa kanyang pinaka-relatable na roles.
“Hindi perpekto si Paco — pero gagawin niya ang lahat para sa anak niya,” ani Empoy.
Sa tagpuan nito — ang makulay at magulong backdrop ng Maynila — nag-aalok ang “Batang Paco” ng outrageous laugh-out-loud moments, kapanapanabik na action sequences, at malalim na emosyonal na kwento, na sinusuportahan ng solid ensemble cast na kinabibilangan nina AiAi Delas Alas, Mon Confiado, Ynez Veneracion, Chichi Rita, Cassy Lavarias, Richard Quan, Alma Concepcion, Lara Morena, Natasha Ledesma, Kookoo Gonzales, Gerard Acao, Josh Ivan Morales, Kim Rodriguez, Jovi Vargas, at Quentin Molo.
Sa direksyon ni Rechie del Carmen at panulat ni Gina Marissa Tagasa, pinagtitibay ng pelikula ang commitment ng MiVida Productions sa fearless filmmaking at mga kwentong may pusong Pilipino.
“‘Batang Paco’ is just the beginning for MiVida,” pahayag ni Ana.
Sa pinagsamang puso, humor, at heroism, handang haplusin ng “Batang Paco” ang mga puso ng mga manonood.
Sa huli, pinatutunayan ng pelikula na ang pagmamahal — lalo na ang pagmamahal ng magulang — ay kayang gawing bayani kahit ang pinaka-hindi inaasahang tao.
Mapapanood ang “Batang Paco” sa mga sinehan sa buong bansa simula Pebrero 18.

(ROHN ROMULO)