2024 July Archive - People's Balita

Archive for July, 2024

COLLEEN HOOVER INVITES FILIPINO FANS TO WATCH “IT ENDS WITH US,” THE MOVIE ADAPTATION TO THE #1 NEW YORK TIMES BESTSELLING NOVEL

Posted on: July 19th, 2024 by @peoplesbalita No Comments

#1 New York Times bestselling author Colleen Hoover is excited to share with her fans in the Philippines the big screen adaptation of her romance novel It Ends With Us. The film follows the journey of Lily Bloom (Blake Lively) as she chases her lifelong dream of opening her own business, while she wrestles with childhood trauma and a former flame, and a chance meeting with a charming neurosurgeon that sets off immediate sparks.

Watch Colleen Hoover’s shout out here: https://youtu.be/SOBDB5hR38s

Hoover’s It Ends With Us, published in 2016, but it experienced a surge in popularity as it became viral on TikTok from the BookTok community. The book sold over a million copies worldwide, and became the best-selling novel of 2023. “It Ends With Us,” has also been translated into over twenty languages.

Describing the writing process for It Ends With Us, Hoover says that it is the hardest book she’s ever written, as it is based on the relationship between her mother and father. Critics have praised the novel for its handling of difficult topics such as domestic abuse, with The Slate writing, “‘It Ends with Us’ has probably left the most impact on me more than any other book I have read. Reading through this book was an emotional rollercoaster. There were times where I felt angry, sad, happy and giddy. Prior to reading it, I never considered how difficult it is to leave a domestic abuse relationship.”

Watch Lily Bloom’s story unfold on the big screen as It Ends With Us opens in Philippine cinemas on August 7.

About It Ends with Us

IT ENDS WITH US, the first Colleen Hoover novel adapted for the big screen, tells the compelling story of Lily Bloom (Blake Lively), a woman who overcomes a traumatic childhood to embark on a new life in Boston and chase a lifelong dream of opening her own business. A chance meeting with charming neurosurgeon Ryle Kincaid (Justin Baldoni) sparks an intense connection, but as the two fall deeply in love, Lily begins to see sides of Ryle that remind her of her parents’ relationship. When Lily’s first love, Atlas Corrigan (Brandon Sklenar), suddenly reenters her life, her relationship with Ryle is upended, and Lily realizes she must learn to rely on her own strength to make an impossible choice for her future.

Directed by Justin Baldoni and produced by Alex Saks, Jamey Heath, Blake Lively and Christy Hall. The film stars Blake Lively, Justin Baldoni, Jenny Slate, Hasan Minhaj, Amy Morton and Brandon Sklenar, from a screenplay by Christy Hall, based on the book by Colleen Hoover.

In cinemas August 7, It Ends with Us is distributed in the Philippines by Columbia Pictures, local office of Sony Pictures Releasing International. Connect with the hashtag #ItEndsWithUsMovie @columbiapicph

Photo & Video Credit: “Columbia Pictures”

(ROHN ROMULO)

Marami pang INFRA PROJECTS para palakasin ang ekonomiya ng MIMAROPA – PBBM

Posted on: July 19th, 2024 by @peoplesbalita No Comments

NAGSASAGAWA ang gobyerno ng mas maraming pangunahing infrastructure projects sa Mindoro Occidental, Mindoro, Oriental, Marinduque, Romblon at Palawan (MIMAROPA) region para palakasin ang ekonomiya nito.

Sa isinagawang pamamahagi ng financial aid sa Palawan, araw ng Huwebes, sinabi ni Pangulong Ferdinand R. Marcos Jr. na ang gobyerno ay hindi lamang masigasig sa pagbibigay ng social services kundi nais din nito na matiyak na maayos na naipatutupad ang infrastructure programs sa rehiyon.

“Higit pa sa mga tulong at serbisyong ito, kami po ay patuloy na kumikilos upang palakasin ang ekonomiya ng rehiyon ng MIMAROPA,” ayon kay Pangulong Marcos.

Kabilang sa mga priority projects ng administrasyon ay Ibato-Iraan Small Reservoir Irrigation Project sa Aborlan (dam component na 95.15% completion rate) at pagpapalapad ng kalsada ng Dr. Damian Reyes Road sa Marinduque na may 45.45% completion rate.

“The Balabac Military Runway is nearing completion at 89.30 percent,” dagdag na wika ng Pangulo.

Ang iba pa aniyang priority infrastructure projects ay iyong magbubukas sa rehiyon sa bagong investments, maginhawang transportasyon at palakasin ang sektor ng turismo.

“Kasama [rin] siyempre sa ating prayoridad ang pagpapalago ng turismo sa inyong lalawigan at pagpapabuti pa [ng] daloy ng transportasyon dito,” ang sinabi ni Pangulong Marcos.

“Ito’y gagawin natin sa pamamagitan ng Puerto Princesa Airport Development Project at Pag-asa Island Airport Development Project” aniya pa rin.

Tinuran pa ng Pangulo na may nagpapatuloy na negosasyon sa private proponent ukol sa planong Puerto Princesa Airport Development Project para ayusin ang ‘airport facilities at sebisyo.’

“For the Pag-asa Island Airport Development Project, procurement of land for the runway extension is underway. Once completed, the project is expected to provide an efficient mode of travel to and from the island,” ayon sa Pangulo.

Ang Pag-asa Island ay kinokonsidera bilang Geographically Isolated and Disadvantaged Area. (Daris Jose)

Traffic management plan sa SONA, plantsado na

Posted on: July 19th, 2024 by @peoplesbalita No Comments

TINIYAK ng ng Metropolitan Manila Development Authority (MMDA) na handa na ang traffic management plan para sa ikatlong State of the Nation Address (SONA) ni Pangulong Ferdinand Marcos Jr. na nakatakda sa Lunes, Hulyo 22, sa Batasang Pambansa sa Quezon City.

Sinabi ni MMDA Acting Chairman Don Artes na nasa 1,329 nilang tauhan ang naatasang mamahala sa trapiko ng sasakyan at pedestrian, sa pagtugon sa emergency, paglilinis ng mga kalsada at bangketa, crowd control, at pagsubaybay sa trapiko.

“The MMDA is 100 percent ready for PBBM’s SONA. We are in close coordination with the Task Force SONA 2024, Quezon City Police District, Presidential Security Command, House of Representatives, and Quezon City government to ensure a safe, peaceful and orderly SONA,” ani Artes.

Dagdag pa ni Artes, magpapatupad ang ahensya ng “no day off, no absent” policy sa mga nakatalagang tauhan upang matiyak ang epektibong delegasyon ng mga tungkulin sa pagsasagawa ng SONA.

Bilang bahagi ng traffic management plan nito, magpapatupad ang MMDA ng zipper lane o counter flow sa southbound portions ng Commonwealth Avenue para bigyang-daan ang mga sasakyan ng mga opisyal ng gobyerno at mga bisitang papunta sa Batasang Pambansa Complex.

Ang Batasan-IBP Road ay isasara sa vehicular traffic alas-8:00 ng umaga bilang bahagi ng pinaigting na security measures para sa ika-3 SONA ng Pangulo.

Sa northbound (Quezon Memorial Circle hanggang Fairview), ang mga sasakyan mula sa Elliptical Road ay dapat dumaan sa North Avenue, kumanan sa Mindanao Avenue, pagkatapos ay kumanan sa Sauyo Road o dumaan sa Quirino Highway upang marating ang destinasyon.

Sa southbound (Fairview hanggang Quezon Memorial Circle), ang mga sasakyan mula sa Commonwealth Avenue ay dapat dumaan sa Sauyo Road o Quirino Highway, kumaliwa sa Mindanao Avenue, pagkatapos ay kumaliwa sa North Avenue upang marating ang destinasyon.

Heroic finale week ng Black Rider, ngayong Lunes na: RURU, sinabihan noon ni PHILLIP na magiging na action star at nangyari naman

Posted on: July 19th, 2024 by @peoplesbalita No Comments

SA nalalapit na pagtatapos ng Kapuso action series na “Black Rider,” may mga ire-reveal pa na magaganap at mayroong ding mga karakter na magbabalik.

Katulad na lang character ni “Mariano,” na ginagampanan ng veteran action star na si Phillip Salvador.

Sa Chika Minute report ni Nelson Canlas sa GMA News 24 Oras nitong Miyerkoles, sinabing malalaman na kung sino ang tunay na ama ng anak ni Vanessa na ginagampanan ni Yassi Pressman.

“Sino ba ‘yung tatay…? Actually hindi ko rin alam. Hindi pa nare-reveal sa amin kung sino ‘yung tatay.

“Pero abangan na lang natin. ‘Yun ang dapat nating abangan kasi may another DNA test na naman,” ayon pa kay Ruru Madrid na gumaganap na si Elias.

Nagbabalik din sa serye ang karakter nina Romana, na ginagampanan ni Katrina Halili.

“Yes, I’m back. Romana is back. Nakakatuwa na kasali ako doon sa huling laban ng Black Rider at tutulong ako kay Elias. Happy, sobrang happy. Namiss ko sila,” say ni Katrina.

Say naman ni Phillip na pinili niya noon si Ruru para maging mentor sa show na ‘Protégé.’

“Ako happy ako talaga. I’m grateful na nagkasama tayo. Being your mentor sa ‘Protégé.’ Isipin mo 14 years old ito noong kinuha ko at sabi ko sa kaniya, ‘Magiging action star ka,’” pagbalik-tanaw ng veteran actor.

“Alam kong gagaling ka. Always be humble. Always look back where you came from. Ilapat mo palagi ang mga paa mo sa lupa. Hinding-hinding ka magkakamali sa patutunguhan,” dagdag na payo ni Philip kay Ruru.

Maghanda na sa intense action, revelations, at plot twists sa finale week ng 2024 New York Festivals Bronze Medalist at 18th Gandingan Awards Most Development-oriented Drama Program na Black Rider simula ngayong Lunes, July 22.

Sa nalalapit na pagtatapos ng programa, patuloy si Calvin (Jon Lucas) sa pagpapahirap sa buhay ni Elias (Ruru Madrid).

Gagamitin niya si President William (Roi Vinzon) para pakasalan siya ni Vanessa (Yassi Pressman) habang hindi pa rin namumulat sa katotohanan ang dilag.

Marami ring kaabang-abang na eksena ngayong alam na ni Señor Edgardo (Raymond Bagatsing) na si Moises (Jak Roberto) ang nawawala niyang anak. Hindi rin dapat palagpasin ang mga mangyayari kay Nanay Alma (Rio Locsin) na patuloy na pinahihirapan ng kanyang kapatid na si Jojo (William Lorenzo).

Sa kabila ng lahat ng ito, patuloy pa rin si Elias sa kanyang pakikipaglaban para sa hustisya. Ang tanong, magtatagumpay kaya siya, o dadalhin lamang niya sa kapahamakan ang kanyang mga mahal sa buhay.

Ang ‘Black Rider’ ay sa ilalim ng direksyon nina master directors Rommel Penesa (“Lolong”) at Richard Arellano

Patuloy na pinatutunayan ng Black Rider ang malakas nitong presensya hindi lamang sa TV kundi maging online. Sa lahat ng social media platforms, patuloy na nagiging viral ang videos ng Black Rider na pumalo na sa mahigit 1.5 billion views and counting.

‘Wag palampasin ang action-packed finale week ng Black Rider simula July 22, 8 PM sa GMA Prime, with simulcast sa Pinoy Hits at livestreamed via Kapuso Stream at GMA Public Affairs’ YouTube at Facebook accounts.

Mayroon din itong delayed telecast sa GTV ng 10:05 PM. Maaari din itong mapanood ng Global Pinoys sa GMA Pinoy TV.

(ROHN ROMULO)

BINIGYAN ni Valenzuela City Mayor WES Gatchalian ng Commendation at P10,000 cash na tulong si Ronaldo David

Posted on: July 19th, 2024 by @peoplesbalita No Comments

BINIGYAN ni Valenzuela City Mayor WES Gatchalian ng Commendation at P10,000 cash na tulong si Ronaldo David, miyembro ng Valenzuela Traffic Management Office (TMO) dahil sa kanyang ipinakitang katapangan sa pagganap ng kanyang tungkulin bilang traffic enforcer. Si David ay sinaktan, pinagbantaan at tinutukan umano ng baril ng dalawang tauhan ng Delpan Police Station 12 ng Manila Police District (MPD) matapos niya itong makasabay at matingnan dahil kapwa walang suot na helmet at naka-tsinelas ang dalawang pulis habang magkaangkas sa motorsiklo sa kahabaan ng M.H. Del Pilar St., Brgy. Mabolo, noong Linggo ng madaling araw, July 14. (Richard Mesa)

DOTr: Mga proyekto sa sektor ng rail transportasyon may naitalang progreso sa konstruksyon

Posted on: July 19th, 2024 by @peoplesbalita No Comments

MAY naitalang malaking progreso sa konstruksyon ang ginagawang kauna-unahang underground railway na Metro Manila Subway Project (MMSP) mula Bulacan hanggang Ninoy Aquino International Airport (NAIA) sa Paranaque.

“The Metro Manila Manila Subway, touted as the country’s most ambitious infrastructure project to date, has already attained significant progress in its construction,” wika ni Department of Transportation (DOTr) undersecretary Timothy Batan sa ginawang forum ng Presidential Communications Office.

Noong May 31, 2024, may naitalang 14.48 porsiento sa kanyang target completion ang nasabing proyekto.

Ang Light Rail Transit Line 1 Cavite Extension ay may naitalang 73.50 porsiento ng kumpleto sa konstruksyon noong May 31, 2024. Ito ay ang extension ng LRT Line 1 kung saan daragradan ng 11.7 kilometro ang existing na LRT 1 at daragdagan na walong (8) estasyon na siyang magdudugtong sa Pasay papuntang Bacoor sa Cavite.

Inaasahan na mababawasan ang travel time at magiging 25 na minuto na lamang mula sa dating 1 oras at 10 minuto sakay ng dyip o bus. Makapagsasakay naman ito ng karagdagang 300,000 na pasahero sa LRT 1 na may 500,000 ngayon na pasahero kada araw sa unang taon ng full operation nito.

Sa MRT Line 7 naman noong May 31, 2024, ito ay may naitalang 70.98 porsiento sa konstruksyo. Ito ay ang 22 kilometrong long rail transit system na magdudugtong sa mataong lugar sa northeast ng Metro Manila. Magkakaron ito ng 14 na estasyon mula North Avenue sa lungsod ng Quezon hanggang papuntang San Jose Del Monte, Bulacan. Inaasahan na mababawasan rin ang travel time mula 2 hanggang 3 oras sakay ng dyip o bus kung saan magiging 35 minuto na lamang ito. Makapagsasakay ito ng 300 hanggang 800,000 na pasahero kada araw.

Habang ang North-South Commuter Railway Project naman ay may naitalang 42.10 porsiento noong May 31, 2024 sa Tutuban-Malolos na bahagi. Ang Malolos-Clark naman ay 31.25 porsiento at ang Manila-Calamba ay may 5.87 na porsiento ng kumpleto.

Samantalang ang MRT Line 4 at PNR South-Long Haul Project ay nasa pre-construction na bahagi pa lamang sa ngayon habang ang Mindanao Railway Project Phase 1 ay nasa development na bahagi pa lang.

Ang MRT 3 Rehabilitation Project naman ay may naitalang 83.11 porsiento ng kumpleto noong May 31, 2024. Kasama sa proyekto ang restorasyon ng MRT Line 3 sa dati nitong kondisyon. Ang nasabing rehabiltasyon ay inaasahang mababawasan rin ang travel time mula end-to-end kung saan ito ay magiging 45 na minuto lamang mula sa dating 1 oras at 15 minuto na pagsasakay.

Sa ginagawang Unified Central Station, ito ay may naitalang 81.42 porsiento ng kumpleto noong May 31, 2024. Ang estasyon na ito ay magdudugtong sa 4 na railway lines sa Metro Manila tulad ng LRT 1 sa bahaging west, MRT 3 sa bahaging gitna at ang MRT 7 sa bahanging north naman.

Ang nasabing tatlong araw na forum ay isang comprehensive platform upang itaguyod ang “Build Better More” na programa sa infrastructure ng pamahalaan upang mas palawakin pa ang pagkakaintindihan ng pamahalaan at media practitioners tungkol sa mga strategic framework at status kasama ang timeline ng mga proyekto. Kasama rin ang infrastructure development policies at programs ng sa ngayon na pamahalaan sa pamumuno ni President Ferdinand R. Marcos, Jr. LACSAMAR

Angara, opisyal nang uupo bilang Kalihim ng DepEd

Posted on: July 19th, 2024 by @peoplesbalita No Comments

OPISYAL nang uupo bilang Kalihim ng Department of Education (DepEd) si Senador Sonny Angara.

Sa isang simbolikong paghahayag sa isinagawang turnover ceremony sa DepEd Complex sa Pasig City, iniabot ni Duterte kay Angara ang ‘seal at flag’ ng departamento.

“Napakalaking karangalan po ang ipinagkaloob sa atin ni Pangulong Bong Bong Marcos upang maglingkod bilang Kalihim ng Kagawaran ng Edukasyon,” ayon kay Angara.

“Buong pagpapakumbaba kong tinatanggap ang katungkulan na ito, bilang tugon sa tiwala at hamon ng ating Pangulo na higit na pag-ibayuhin ang mga programa na magsusulong sa mataas na kalidad ng karungan para sa ating mga mag-aaral,” dagdag na wika ni Angara.

Sa kabilang dako, pinuri rin ni Angara si Duterte sabay sabing “Sa loob ng dalawang taon, kayo ang naging sandigan ng ating mga mag-aaral at ng mga guro sa panahon ng mga suliranin.”

“We will build from what you have already started,” ang sinabi nito kay Duterte.

Noong nakaraang buwan ng Hunyo, n agbitiw sa puwesto bilang kalihim ng Department of Education (DepEd) si Vice President Sara Duterte.

Sinabi ni Presidential Communications Office (PCO) Secretary Cheloy Garafil na personal na nagtungo kahapon ang Bise Presidente sa Malakanyang bandang alas-2 ng hap on ng Hulyo 19 para ibigay ang kanyang resignation letter.

Ayon kay Garafil, bukod sa pagiging miyembro ng Gabinete, nagbitiw din si VP Duterte bilang vice chairman ng National Task Force-to End Local Comnunist Armed Conflict (NTF-eELCAC).

Hindi umano nagbigay ng dahilan si Duterte kung bakit siya umalis sa kaniyang mga posisyon.

She will continue to serve as Vice President. We thank her for her service,” ani Garafil sa inilabas na pahayag.

Si Duterte at runningmate ni Marcos sa nagdaang Eleksyon 2022 sa ilalim ng koalisyon ng UniTeam.

Kamakailan lang, inihayag ni First Lady Louise ”Liza” Araneta-Marcos, na “bad shot” sa kaniya si Duterte dahil sa pagtawa umano nito nang pasaringan ng kaniyang ama na si dating Pangulong President Rodrigo Duterte, na “bangag” ang kaniyang mister na si Marcos.

Nangyari ang insidente sa isang pagtitipon kontra sa Charter Change noong Enero sa Davao City.

Sa kabila nito, sinabi ni Marcos na walang problema sa kanila ni VP Duterte, at wala siyang nakikitang dahilan para magpalit ng kalihim ng DepEd. (Daris Jose)

2 pulis-Maynila sinampahan ng kaso sa pananakit, pananakot at panunutok ng baril sa traffic enforcer ng Valenzuela

Posted on: July 19th, 2024 by @peoplesbalita No Comments

SINAMPAHAN ng kaso ng Valenzuela City Police ang dalawang tauhan ng Delpan Police Station 12 ng Manila Police District (MPD) dahil sa ginawa umanong pananakit, pananakot at panunutok ng baril sa isang traffic enforcer ng lungsod.

Sa ulat ni Valenzuela police chief P/Col. Nixon Cayaban kay Mayor WES Gatchalian, kasong physical injury at grave threat ang isinampa nila nitong Martes sa Valenzuela City Prosecutor’s Office laban sa dalawang pulis na sina alyas “Camacho” at “Cabudoy” na kapuwa may ranggong Staff Sergeant.

Ayon kay Col. Cayaban, ang ikatlong pulis na nakilalang si alyas “James” at may ranggong Corporal ay nagsilbi aniyang testigo laban sa dalawa niyang kabaro.

Lumabas sa pagsisiyasat ni P/Capt. Robin Santos, hepe ng Polo Sub-Station 5, tinatahak ni Ronaldo David ng Valenzuela Traffic Management Office (TMO) ang kahabaan ng M.H. Del Pilar St. Brgy. Mabolo dakong alas-4:30 ng madaling araw noong Linggo, Hulyo 14, sakay ng kanyang motorsiklo nang makasabayan niya ang dalawang suspek na pulis na magka-angkas sa motorsiklo, kasunod ang kanilang kasama.

Napansin ng biktima na kapuwa walang suot na helmet at naka-tsinelas ang dalawa na paglabag sa ordinansa subalit bago pa niya masita ang mga ito, bumaba ang dalawang pulis pagdating sa Hernandez St. Brgy. Mabolo at kinompronta ang biktima.

Bumunot umano ng baril si alyas Camacho at hinataw sa sikmura ng biktima na kanyang ikinabagsak habang bumunot din ng baril si alyas Cabudoy sabay sabing “Gusto mo patayin na kita dito, eh,” bago sabay nang umalis ang mga ito.

Tinulungan naman ni alyas Cpl. James ang biktima na makatayo bago siya pinaalis saka humingi siya ng tulong kay Barangay Chairman Dhang Lee ng Brgy. Mabolo na siya namang nakipag-ugnayan kay P/Capt. Santos.

Sa ginawang follow-up operation ng Detective Management Unit (DMU) ng Valenzuela police sa pangunguna ni P/Capt. Michael Oxina, natunton sa pamamagitan ng pagsusuri sa kuha ng mga CCTV ang pinagparadahan ng motorsiklo ni Cpl. James sa Brgy. Lingunan na siyang kumilala sa dalawa niyang kabaro.

Paalala naman ni Mayor WES sa mga motorista at residente ng iba pang karatig-lungsod na sumunod at irespeto ang mga ordinansang ipinapatupad sa loob ng lungsod.

Aniya, walang kakatigan ang umiiral na batas sa lungsod at hindi palalampasin ang mga ganitong uri ng paglabag, lalo na’t kung sangkot ang kanyang mga mamamayang nasasakupan. (Richard Mesa)

Apat na pugante sa Japan, naaresto

Posted on: July 19th, 2024 by @peoplesbalita No Comments

INARESTO ng mga operatiba ng Bureau of Immigration (BI) fugitive search unit ang tatlong dayuhan na wanted ng krimen sa Japan.

Kinilala ni BI fugitive search unit Rendel Ryan Sy ang tatlong dayuhan na si Ueda Koji, 27, Kiyohara Jun, 29, at Suzuki Seiji, 29 na naaresto sa loob ng subdivision sa Paranaque City.

Inaresto sila sa bisa ng mission order na inisyu ng BI Commissioner Norman Tansingco, matapos makatanggap ng impormasyon mula sa gobyerno ng Japan hinggil sa kanilang mga kaso.

Base sa kanilang records, may mga outstanding warrants of arrest sila simula pa noong May 2024 na inisyu ng Omiya Summary Court dahil sa pandaraya na isang paglabag sa Japanese Penal Code.

Samantha, iniulat din ni Sy ang pag-aresto sa isang Sawada Masaya, 39, na namataan sa Ninoy Aquino International Airport (NAIA) Terminal 3.

Ang apat ay sinasabing founding members ng isang sindikato sa pandaraya sa telecom na nakabase sa Cambodia na may criminal charges kaugnay sa Unlawful Capture, Confinement, Extortion, at Fraud. GENE ADSUARA

VP Sara, pinangunahan ang kick-off event ng ‘Brigada Eskwela 2024’

Posted on: July 19th, 2024 by @peoplesbalita No Comments

PINANGUNAHAN ni Vice President at outgoing Education Secretary Sara Duterte ang ceremonial kick-off ng “Brigada Eskwela 2024” sa Cebu City, araw ng Miyerkules, Hulyo 17.

Sa kanyang naging talumpati, pinalawig ni Duterte ang kahalagahan ng Brigada Eskwela.

“Some of us might think of cleaning doors and repainting walls or giving out donations, such as books and school supplies. But I assure you, it is much more than that,” ayon kay Duterte.

“‘Brigada’ comes from the military term brigade, which means a group of people organized for a special mission. Today, our special activity goes beyond just organizing an event. It is about bringing the MATATAG Agenda to life outside the confines of our classrooms by putting the ‘eskwela’ in ‘brigada’,” aniya pa rin.

Sa ilalim ng temang, “Bayanihan Para sa MATATAG na Paaralan,” binigyang diin ni Duterte ang kapangyarihan ng ‘partnership’ para pangalagaan ang matibay at malakas na ‘educational environments.’

“We are all here to prove that with the power of partnership, it builds walls to strengthen, not to divide. Today, we have a total of 72 partners standing strong with us in ‘bayanihan’ para sa MATATAG na Paaralan,” lahad nito.

Muling isinatinig ng Department of Education (DepEd) ang commitments nito sa ilalim ng “MATATAG Agenda: Bansang Makabata, Batang Makabansa,”binalangkas ni Duterte ang mga pangunahing prayoridad para sa paparating na school year.

“We have made many strides to resolve basic education challenges,” ayon kay Duterte.

Winika pa ni Duterte na para sa School Year 2023-2024, binibigyang-diin ng Basic Education Report na gawing ligtas ang mga eskuwelahan para sa mga bata, palakasin ang mekanismo sa pagbabantay sa mga mag-aaral laban sa lahat ng uri ng karahasan, diskriminasyon at panganib, at bigyang-diin ang kapakanan ng mga mag-aaral, mangyayari kung kapit-kamay sa promosyon ng ‘inclusivity’ sa eskuwelahan.

“Building on what we have accomplished in the past, DepEd renews its commitments for School Year 2024-2025, and we understand that we cannot do this alone, that to achieve we must muster the support of many, of like-minded people, and dedicated people,” aniya pa rin.

Pinuri naman ni Duterte ang pagsisikap ng DepEd sa paghahanda sa bawat school year, partikular na sa pamamagitan ng Brigada Eskwela.

“In the 2023 edition, we amassed a total of P5.56 billion in resources, including volunteer man-hours and materials. This demonstrates that there is strength in numbers, and even greater strength when we come up and show up together,” ang tinuran ni Duterte.

Aniya pa, ang Brigada Eskwela ay hindi lamang para tugunan ng kaukulangan ng eskuwelahan kundi para ipakita ang ‘social and cultural importance’ ng pagsasama-sama.

“And this bayanihan will be put to waste if we do not continue to show what MATATAG means in our own little way,” aniya pa rin.

“Let us hope that our learners will be ready for the opening of classes and for the challenges that they will be facing. As they look at the four walls around them, may they be reminded not just of the resources that are provided but of the bayanihan experience that we shared,”dagdag na wika ni Duterte. (Daris Jose)