TINANONG si Barbie Forteza kung ano ang mga qualities ni David Licauco ang gusto niya.

 

 

 

Lahad ng Kapuso actress, “Ang mga gusto kong qualities ni David, yung ahhh… pag-aalaga niya sa akin ‘pag kami lang dalawa.

 

 

 

“Yung kapagka kunyari, actually isa nga sa mga naalala kong memorable na eksena, yung nasa crossing kami, nasa kalsada kami. Wala kaming lapel, wala kaming anything.”

 

 

 

Sa Seoul sa South Korea nag-shoot ang upcoming movie nina Barbie at David na ‘That Kind Of Love.’

 

 

 

Pagpapatuloy pa ni Barbie, “Nakatayo lang kami dun sa gitna ng daan habang andaming sasakyan, mga bus na dumadaan.

 

 

 

“Pero parang nagtsitsikahan lang kami. At that moment in time, parang feeling ko, kaming dalawa lang yung nag-e-exist.

 

 

 

“Kasi parang cars are passing by, ganun, pero kami, nag-uusap lang na ganyan. So, parang tuloy lang yung mundo.

 

 

 

“Pero nakatigil lang kami, nag-uusap lang kami about life, about ourselves.

 

 

 

“So, parang yung moment na yun, parang isa yan sa hindi ko makakalimutan. Kasi isa yan sa mga moments na nakilala ko siya talaga as David.

 

 

 

“And not David na nire-represent ng loveteam kumbaga. Hindi yung matinee idol, hindi yung leading man.

 

 

 

“Si David lang as a person.”

 

 

 

Hindi rin naiwasang tanungin si Barbie, kung sa pisikal, ano ang nagustuhan niya kay David?

 

 

 

Ang natatawang sagot ni Barbie, “Kay David, yung physical quality na nagustuhan ko kay David, siguro yung kanyang… biceps.

 

 

 

“Nakita ko yon nung nag-‘Maging Sino Ka Man kami’. Kasi lagi siyang nakasando.

 

 

 

“Ang laki-laki ng katawan niya, kasi lagi siyang nagwo-workout. Ang laki ng biceps niya, ganun.

 

 

 

“Di ba? Na-experience ko yun kasi natulog kami sa kama, sa eksenang magkatabi kami. Naramdaman ko ang kanyang mga bisig! Ganun,” ang tumatawa pa ring kuwento ni Barbie.

 

 

 

At sa tanong kung makukumpara ba niya ang abs at biceps ni David sa abs at biceps ng boyfriend niyang si Jak Roberto…

 

 

 

“Grabe naman yun,” ang bulalas ni Barbie.

 

 

 

“Hindi naman iyon ang aking tinitingnan. Ang tinitingnan ko, yung mga mata.”

 

 

 

Mula sa Pocket Media Productions, Inc. at Pocket Media Films, nasa cast din ng ‘That Kind of Love’ sina Arlene Muhlach, Divine Aucina, Al Tantay, Kaila Estrada at Ivan Carapiet, sa direksyon ni Catherine Camarillo.

 

 

 

Ang premiere night nito ay sa Hulyo 4 sa SM Megamall. Showing ito sa mga sinehan sa July 10.

 

 

 

***

 

 

 

“MY name is Xena Ramos, I am a registered and licensed architect and I am proudly representing Sta. Ana,” ang mala-beauty queen na pagpapakilala ng isa sa mga kandidata sa gaganaping Miss Manila 2024: Woman Of Worth.

 

 

 

Bukod sa pagiging arkitekto, si Xena rin ang nag-iisang artista na kandidata sa naturang beauty pageant.

 

 

 

Napapanood siya sa TV5 series na ‘Lumuhod Ka Sa Lupa’ na pinagbibidahan ni Kiko Estrada.

 

 

 

Kuwento ni Xena tungkol sa papel niya sa serte, “Ako si Attorney Bridge , one of the associates of Judge Balmores played by kuya Gardo Verzosa po.”

 

 

 

Hindi raw ito ang pinakaunang acting stint ni Xena.

 

 

 

“I already did Section St. Valentine with iflix and WeTV during the pandemic, so that was a lock-in taping, pero ito [Lumuhod Ka Sa Lupa] yung live ongoing, first ko po.”

 

 

 

Hindi pa nakagawa si Xena ng proyekto sa GMA at sa ABS-CBN, pero hindi naman raw siya exclusive sa TV5.

 

 

 

Kaya kapag natapos na siya sa serte ay malaya siyang tumanggap ng trabaho mula sa GMA at ABS.

 

 

 

Ang iba, mapapa-babae man o mapa-lalaki ay nagpa-pageant para maging artista, si Xena naman ay artista na; bakit pa siya sumali sa isang beauty pageant?

 

 

 

Lahad ni Xena, “I thought na when I was young, I really wanted to be an artista and the thought of being a beauty queen just only passes my thought.

 

 

 

“Now I was carving this unusual path of being an architect and an artista and a beauty queen, di ba wala namang gumagawa ng ganun?

 

 

 

“So I just have this dream and this direction and I do not have any mentors with me, so I just work with my network, with the people around me, and having known that from you as well, I could use being an artista as my advantage din naman.”

 

 

 

Marami ang nagsasabi na hawig ni Pia Wurtzbach si Xena…

 

 

 

“Yeah, she’s my ultimate favorite beauty queen, si Pia Wurtzbach po,” ang nakangiting wika pa ni Xena.

 

 

 

Na-meet na niya ang Miss Universe 2015 winner?

 

 

 

“Hindi pa po, I would love to meet her.”

 

 

 

May mga beauty contest na ring nasalihan dati si Xena…

 

 

 

“When I was in school I joined Binibining Kalikasan, Generation East and then I joined Binibing Pilipinas,I guess this would be my fourth.”

 

 

 

Nitong nakarang taon naman ay kandidata siya sa Binibining Pilipinas 2023 kung saan nagwagi si Angelica Lopez bilang Binibining Pilipinas-International at si Anna Lakrini bilang Binibining Pilipinas-Globe.

 

 

 

Hindi pa sumusubok si Xena sa Miss Universe-Philippines.

 

 

 

“Maybe soon,” ang nakangiting pakli niya.

 

 

 

Next year?

 

 

 

“Let’s see kung the stars would align for me to join Miss Universe [Philippines], bakit hindi? Pero ngayong gustung-gusto kong maging Miss Manila.”

 

 

 

Sino ang idolo ni Xena na artista?

 

 

 

“Hmmm… Isa po sa mga nagagalingan akong artista siyempre si Kathryn Bernardo, one of our primetime queens, and I also dream of achieving the same goals as her.

 

 

 

“And I really admire her strength and I really like how she embodies female empowerment, kaya ko rin po siya nagustuhan, besides her acting.”

 

 

 

Sino naman ang pipiliin niyang leading man sakaling magkaroon na siya ng launching project?

 

 

 

“Siguro po… isa po sa nagagalingan ako na artista sa mga lalaki po si Jericho Rosales, napakahusay po niya.

 

 

 

“Si Dingdong Dantes din po, isa po sa mga teleserye kung bakit ko nagustuhan maging artista is yung katambal niya si Tanya Garcia, yung ‘Twin Hearts’, tsaka yung ‘Sana Ay Ikaw Na Nga’, ayun po, kaya ko po siya nagustuhan din.”

 

 

 

Ang Miss Manila ay proyekto ng City of Manila sa pangunguna ni Mayor Honey Lacuna, The Department of Tourism, Culture and Arts of Manila (headed by Charlie Dungo), in cooperation with KreativDen Entertainment ni Kate Valenzuela.

 

 

 

Gaganapin ang grand coronation ng Miss Manila 2024: Woman Of Worth sa June 22 sa Metropolitan Theater, na may delayed telecast sa GMA sa June 23.

 

 

 

(ROMMEL L. GONZALES)

 

BUMALIK sa pagdidirek sa TV si Zoren Legaspi para sa anak na si Cassy Legaspi.

 

 

 

Dinirek ng aktor ang rom-com episode ng Regal Studio Presents “Fishing for Love” kunsaan kasama ni Cassy ang Sparkada na si Michael Sager.

 

 

 

Naging direktor noon si Zoren sa ilang shows ng GMA tulad “Wag Kukurap”, “FantastiKids”, “Fantastic Man”, “Atlantika” at “Magpakailanman.”

 

 

 

Tawag nga raw ni Cassy sa kanyang Tatay Zoren sa set ay Direk: “Dito, bawal, ‘Pa, pa,’ bawal. Dapat, ‘Direk, may question po ako, direk.’”

 

 

 

Positive naman ang mga nasabi ni Zoren sa performance ni Michael.

 

 

 

“He’s okay kaya kung mapapanood nila dito, talagang matutuwa sila sa dalawa, promise ‘yan,” sey ni Zoren na direktor na rin ng talkshow na “Sarap, ‘Di Ba?”

 

 

 

***

 

 

 

PUMANAW sa edad na 88 sa Miami, Florida ang premyadong Hollywood actor na si Donald Sutherland.

 

 

 

Galing ang balita sa anak niyang si Kiefer Sutherland: “With a heavy heart, I tell you that my father, Donald Sutherland, has passed away. I personally think one of the most important actors in the history of film. Never daunted by a role, good, bad or ugly. He loved what he did and did what he loved, and one can never ask for more than that. A life well lived.”

 

 

 

Nakilala si Donald ng bagong henerasyon bilang si President Snow sa The Hunger Games film franchise. Ilan sa mga memorable performances niya ay mula sa mga pelikulang “Die! Die! My Darling!”, “The Dirty Dozen”, “Klute”, “Don’t Look Now”, “1900”, “Ordinary People”, “A Dry White Season”, “Six Degrees of Separation”, “A Time to Kill” and “Pride & Prejudice”.

 

 

 

Huli niyang nagawang TV series ay “Lawmen: Bass Reeves” in 2023.

 

 

 

 

(RUEL J. MENDOZA)

TUMANGGAP si Superstar Nora Aunor ng parangal bilang Filipino National Artist sa World Class Excellence Japan Awards.

 

 

 

Personal na tinanggap ni Ate Guy ang award na ginanap sa isang five-star hotel sa Pasay City.

 

 

 

“Pangalawa na ‘to, e, na binigay na award sa akin kaya lang ‘yung una, sa Japan kaya hindi ako nakapunta kaya nangako ako dito na pupunta ako,” pahayag pa ng National Artist.

 

 

 

Aktibo sa taong ito si Ate Guy dahil bukod sa dalawang pelikula na natapos niya (“Pieta” at “Mananambal”) na ipapalabas na, airing na rin ang episode niya sa GMA Afternoon Prime series “Lilet Matias: Attorney-At-Law” kunsaan nag-reunite sila ng “Onanay” co-star niya na si Jo Berry.

 

 

 

Happy nga raw si Ate Guy sa nangyayari sa career ni Jo. Hindi raw ito nagbago kahit sikat na ito.

 

 

 

 

“Magaling pa rin, at saka mabait pa rin, bungisngis nang bungingis. Tungkol naman sa teleserye, okay naman, wala namang problema, natapos naman ako sa oras na sinabi nila. Maganda yung show.”

 

 

 

Umaasa ang mga modern-day Noranians na gumawa pa ito ng maraming pelikula. Pero ayon kay Ate Guy, hinay-hinay lang siya dahil na rin sa estado ng kalusugan niya.

 

 

 

“Pinag-iisipan pa kung anong istorya ‘yung babagay. Okay naman ako. Kaya lang minsan, dahil nga doon sa nakaraan na lagi akong na-o-ospital, pero ngayon okay naman ako, wala namang problema.”

 

 

 

 

(RUEL J. MENDOZA)

IBINAHAGI ni Kapuso Primetime Queen Marian Rivera sa kanyang Instagram, ang unang sulyap mula sa kanyang first Cinemalaya movie na “Balota” na dinirek ni Kip Oebanda.

 

 

 

Sa kanyang caption, “Sobrang ‘di ko mapaliwanag ang excitement ko sa project na to! [sob, pray, hearts emoji] No filter – No makeup – No double!”

 

 

 

Nakikita nga si Marian na magulo ang buhok at may mga pasa at hiwa ang mukha. Marumi ang uniporme na suot niya bilang guro sa paaralan.

 

 

 

Ipinapalagay na nagkaroon ng kaguluhan kasunod ng lokal na halalan sa paaralan kung saan itinalaga siya upang maging isang poll watcher, na naging kaugalian sa lokal na halalan. Hawak-hawak niya ang natitirang election returns habang tumatakbo sa kagubatan.

 

 

 

Ang Cinemalaya ngayong taon ay naka-iskedyul mula Agosto 2 hanggang 11.

 

 

 

Kung magwawagi si Marian ng kanyang first Cinemalaya Best Actress, bonggang regalo ito sa ika-40 na kaarawan sa Agosto 12.

 

 

 

Samantala, lalaban din sa best actress category si Marian para sa “Rewind” sa 7th EDDYS na gaganapin sa July 7 sa Ceremonial Hall ng Marriott Grand Ballroom ng Newport World Resorts sa Pasay City.

 

 

 

Pararangalan din ang Kapuso actress ng grupong SPEEd bilang isa sa Box-Office Heroes kasama sina Dingdong Dantes, Kathryn Bernardo, Alden Richards, Julia Montes at Piolo Pascual.

 

 

 

***

 

 

 

GOOD news mga katropa!

 

 

 

Mas pinadali na ngayon ng TNT ang paraan para maka-order ng e-SIM ang kanilang mga subscribers sa pamamagitan ng QR code.

 

 

 

Pumunta lamang sa Smart Online Store (https://store1.smart.com.ph/view/2695/), para makuha ang TNT eSIM. Pwedeng via mobile o kaya sa web browser. Kapag nakuha na ng subscriber ang kanyang TNT eSIM, kailangan lang i-scan ang nakalakip na QR code para mai-rehistro ito.

 

 

 

Pagkatapos maari nang gamitan agad ang eSIM para makapag-Internet, makatawag, magtext, at ma-enjoy ang mga serbisyong handog ng TNT na pinalakas ng award-winning na Smart mobile network.

 

 

 

Marami ring paraan para mabayaran ang inyong inorder na eSIM. Pwedeng sa pamamagitan ng Maya, GCash, Spay, DragonPay at iba pa. Hindi na kailangan bayaran pa ng cash.
‘Simulan ang Saya’ gamit ang TNT eSIM

 

 

 

“Pinadali namin para sa mga TNT KaTropa ang paglipat nila sa eSIM, na dinisenyo para mas madaling magamit ang mga ino-offer naming digital na serbisyo. Ngayon na maaari ng maka-order ng eSIM sa digital na paraan, agad nilang matututunan ang paggamit ng teknolohiyang bigay ng eSIM sa pamamagitan ng pinakamalakas na Smart network,” sabi ni Lloyd R. Manaloto, Head of Prepaid at Smart.

 

 

 

“Sa pamamagitan ng eSIM, walang kahirap-hirap para magpalit ang mga subscriber ng network, at hindi na kailangan pa ng pisikal na SIM card. Dahil dito, mas madali, simple, episyente at palagi silang may mobile connectivity,” dugtong ni Jerome Y. Almirante, VP and Head of Innovations and Digital Services at Smart.

 

 

 

Mabibili ang TNT eSIM sa halagang Php89 lamang, at may kasama na itong libreng 21GB na data,10 minutong All-Net Calls at 100 All-Net text, para palaging nakakonek online ang mga subscriber at madalas pang makakausap ang kanilang mga mahal sa buhay at kaibigan.

 

 

 

Maaari ring ma-enjoy ng mga eSIM subscriber ang iba pang serbisyo ng TNT katulad ng kalulunsad pa lang na TNT TikTok Saya 50 promo, na may kasamang Unli TikTok at 3 GB open access data para sa mga popular na apps at sites. May offer din ang TNT na Unli Text sa lahat ng network na pwedeng magamit sa loob ng 3 araw sa halagang P50 lamang.

 

 

 

Pwedeng gamitin ang eSIM sa anumang mobile device, mapa-Apple, Google, Huawei, Samsung at iba pang brand ng cellphone.

 

 

 

Dahil eSIM, di na kailangan mangamba ang subscriber na masira ito, di gaya kung may pisikal na SIM card.

 

 

 

At kahit nag-iisa lang ang SIM slot ng inyong device, mas-ma-e-enjoy ng subscriber ang pagkakaroon ng mas maraming linya ng komunikasyon gamit ang eSIM dahil pwede nilang palit-palitan ang kanilang mga SIM profile sa kanilang cellphone.

 

 

 

Ang TNT, na pinalakas ng Smart mobile network, ay ginawaran kamakailan bilang Philippines’ Best 5G Coverage Experience ng independent network analytics ng Opensignal.

 

 

 

Para sa dagdag pang detalye sa mga offer ng TNT, bisitahin ang https://tntph.com/ at sundan ang @tntph sa Facebook, IG, X, at TikTok.

 

 

 

 

(ROHN ROMULO)

MULING napapanood sa Channel 2 – ALLTV ng Advanced Media Broadcasting System, ang ‘It’s Showtime.’

 

 

 

So, kahit palabas din ito sa GMA 7 ay kasabay na ring mapapanood sina Vice Ganda and co. sa naturang network.

 

 

 

Walang announcement tungkol ang namamahala ng nabanggit na noontime show at marami ang nagulat. Kaya naman trending ang ALLTV.

 

 

 

Kumbaga nasa GMA, GTV, A2Z, Kapamilya Channel & now AllTV ang “Its Showtime”.

 

 

 

So, paano na kaya ang ratings ng show at ng katapat na programang “Eat Bulaga”?

 

 

 

Dagdag pa rin ang social media platforms na meron ang “Its Showtime”.

 

 

 

Ang tiyak na panalo ay ang kapamilya network o ABS-CBN matapos silang mawalan ng franchise, huh!

 

 

 

Sa totoo lang daw, kahit ang ilang mga taga-AllTV ay nagulat na lang sa biglaang pagpasok ng ‘It’s Showtime’ sa kanilang istasyon.

 

 

 

Last Monday, June 17 nagsimulang napanood ang programa.

 

 

 

Kaya kapag nasa free TV ka, parang bumalik lang ang ABS-CBN 2 dahil halos lahat na Kapamilya shows ay nasa Channel 2 na ng AllTV.

 

 

 

Maraming mga programa ng Dos ang papasok na rin sa ALL TV at isa na rito ang ‘Goin’ Bulilit’ na pinagbibidahan ng mga Showtime Kids.

 

 

 

***

 

 

 

PAGDATING sa apo ay tikom ang bibig ang magaling na aktres na si Sylvia Sanchez.

 

 

 

Very much open na ang mag-asawang Zanjoe Marudo at Ria Atayde sa pagkakaroon ng panganay nilang anak ay ayaw pa ring magsalita ng aktres tungkol dito.

 

 

 

Kumbaga, parang ayaw makiagaw ng limelight ni Sylvia at mas gusto raw niyang ibigay ang moment na yun sa kanyang anak na si Ria.

 

 

 

Kahit kinukulit siya ng mga nag-i-interview sa kanya at hingan ng pahayag sa nalalapit na pagdating ng kanyang udang apo ay ayaw pa rin niyang magsalita.

 

 

 

“Hiningi sa akin ng mga anak ko. Shut up muna ako!

 

 

 

“Basta nirerespeto ko ‘yung hinihingi sa akin ng mga anak ko,” sey pa ni Sylvia.

 

 

 

Kagaya ni Star for All Seasons Vilma Santos ay mahabang magkomento o sumagot sa mga tanong sa kanya ang isang Sylvia Sanchez.

 

 

 

Pero pagdating sa apo ay pareho rin sina Sylvia at Ate Vi na matipid sa mga sagot.

 

 

 

Aminado siyang madaldal, pero dito sa kanyang apo, nakasara ang bibig niya. Pero kagaya ni Ate Vi ay super excited ang premyadong aktres sa kanyang pagiging lola.

 

 

 

 

(JIMI C. ESCALA)

SA mga nakalipas na taon, gumawa ng pangalan si Gabriel “Gab” Valenciano para sa kanyang sarili sa labas ng kanyang sikat na angkan.

 

 

 

Maliban sa pagiging pangalawang anak ng OPM icon na si Gary Valenciano, marami ang nakakakilala sa kanya bilang isang “creative dynamo” na napansin ng American superstar na si Beyoncé dahil sa kanyang viral “Super Selfie” videos.

 

 

 

‘Di lamang ito napansin ng mga international media outlets, ngunit naimpluwensyahan din nito ang konsepto ng music video ni Queen Bey para sa worldwide hit single nito na “7/11” namay 600 million views na sa YouTube ngayon.

 

 

 

Prinoduce ni Gab ang kanyang “Super Selfie” videos habang nag-aaral siya sa Full Sail University sa Florida kung saan nagtapos siya ng certificates for recording arts and recording engineering.

 

 

 

Minarkahan ang videos niya nga mga dynamic dance moves at quick cuts, at powerful edits kaya naman impressed si Beyoncé at sinama niya si Gab sa creative process ng “7/11” music video.

 

 

 

Binigyan pa ni Beyoncé si Gab ng “additional choreography” credit.

 

 

 

At dahil dito naging nominado si Gab sa Best Choreography category ng 2015 MTV Video Music Awards, kasama sina Chris Grant at Beyoncé.

 

 

 

Nag-audition din siya sa America’s Got Talent at pumasa ito ngunit di niya naituloy dahil sa kanyang schedule. Ganun pa man, ang kanyang audition piece ay naging bahagi ng nationwide TV commercial aired upang i-promote ang show at lumabas din siya sa America’s Funniest Home Videos, Good Morning America, at mga online media outlets gaya ng Buzzfeed, Huffington Post, Mashable, NBC, at marami pang iba.

 

 

 

Dito sa Pilipinas, inareglo at prinodyus ni Gab ang music para sa ilang soap operas, gaya ng ABS-CBN remake ng K-drama na Green Rose at ng Dahil Sa Pag-Ibig at pati na rina ng theme song ng Jeepney TV.

 

 

 

Isa ring accomplished motorcycle champion si Gab gunit sa nakaraang mga buwan, bumalik siya sa kanyang “roots” bilang musician at performer. Maliban sa kanyang mga radio jingles, isa siya sa mga special guests ng phenomenal Pure Energy: One Last Time concert series ni Gary V sa SM MOA Arena kung saan nag-perform sila for a record-breaking 40,000 people!

 

 

 

Pinamalas din niya ang kanyang unique brand of entertainment sa dalawang mahahalagang events para sa Filipino community sa US.

 

 

 

Nuong June 8, isa siya sa mga key participants sa 126th Annual Philippine Independence Day Celebration sa Carson, California, kung saan nakasama niya ang kanyang ama at kapatid na babae sa entablado.

 

 

 

At nito lamang, nuong June 15, naging bahagi si Gab sa TFC 30 Happy Hour para sa 126th Philippine Kalayaan celebration sa Sugar Land, Texas. Ang event na ito, na bahagi ng Kalayaan 2024 celebrations, ay minarkahan ang 126th Philippine Independence and Nationhood.

 

 

 

Nag-relocate si Gab sa Amerika nuong 2023. Mula nuon, tuloy-tuloy ang kanyang creative success, habang binabalanse ang iba’t-ibang mga proyekto habang patuloy niyang binabahagi ang kanyang passion sa pag-perform.

 

 

 

Kakabilib ka talaga Gab. Bravo!

 

 

 

 

(ROHN ROMULO)