2024 June Archive - People's Balita

Archive for June, 2024

Legal age ng vaping hirit itaas sa 25

Posted on: June 17th, 2024 by @peoplesbalita No Comments

NAIS ng isang eksperto na maamyendahan ang Vape Law at maitaas ang legal vaping age sa 25 mula sa kasalukuyang 18.

Sa health literacy media conference sa Subic, Olongapo City, sinabi ng pulmonologist na si Dr. Maricar Limpin, dating pangulo ng Philippine College of Chest Physicians, na kailangan nang maamyendahan ang naturang batas na kilala rin sa tawag na Vaporized Nicotine and Non-Nicotine Products Regulation Act.

Ipinaliwanag ni Limpin na sa kasalukuyan, kahit ang mga batang edad 13 at 15 ay gumagamit na ng vape habang ang mga nagkakasakit naman dahil sa vape ay nasa edad 21 hanggang 23-anyos lamang.

“Ibig sabihin, iyong batas na allowing purchase [ng vape]… dating 21 na binaba pa sa 18. So siguro itaas na lang uli natin. Gawin na lang nating, ideally dapat 25,” aniya pa.

Paliwanag ni Limpin, ang pag-mature ng control center ng utak ay nagaganap sa edad na 25 at sa edad aniya na ito ay maaari nang mag-isip ang isang indibidwal kung makasasama sa kanya ang isang gawain.

Sa ganitong edad aniya ay mas kaya na ring kontrolin ng isang tao ang kanyang sarili at hindi na basta nagpapadala lamang sa kanyang mga nakikita sa iba.

Sakaling hindi kaya ang edad na 25 ay maaaring gawin na lamang itong 21-anyos.

Hindi lamang naman aniya sa vaping ito maaaring iaplay, kundi sa pag-inom rin ng mga nakalalasing na inumin.

P100 milyong frozen meat, agri-commodities nakumpiska

Posted on: June 17th, 2024 by @peoplesbalita No Comments

TINATAYANG nasa P100 milyong halaga ng frozen meat at agri-commodities ang nasamsam sa isinagawang joint raid ng mga tauhan ng Food Safety Regulatory Agencies ng Department of Agriculture (DA) at Bureau of Customs (BOC) sa isang warehouse na na-covert na cold storage facilities sa Kawit, Cavite, iniulat kahapon.

Ayon sa DA, nadiskubre sa nasabing bodega na inuupahan ng Vigour Global, ang may 10 cold storage facilities mula sa concealed false wall.

Nabatid na matapos sirain ang dingding ng warehouse, tumambad ang iba’t ibang uri ng frozen products gaya ng assorted meatballs, shabu-shabu items, beef and pork, chicken wings, siomai, assorted fish, pork belly, boneless pork, beef at peking ducks.

“This should serve as a stern warning to unscrupulous traders that we will not stop in going after these illicit activities. We want to ensure that our farmers are not disadvantaged by these unfair and often illegal trade practices,” pahayag ni Agrarian Secretary Francisco Tiu Laurel.

Aabot sa 98,000 kilo ang nasamsam na items at may kasalukuyang market value na P100 million.

Base sa pagsusuri ng Bureau of Animal Industry at National Meat Inspection Service, hindi ligtas kainin ang mga nakumpiskang frozen food products na malinaw na paglabag sa Republic Act No. 10611, o Food Safety Act of 2013. (Gene Adsuara)

Ads June 17, 2024

Posted on: June 17th, 2024 by @peoplesbalita No Comments

PBBM, nilagdaan ang Real Property Valuation and Assessment Reform Act

Posted on: June 17th, 2024 by @peoplesbalita No Comments

NILAGDAAN ni Pangulong Ferdinand Marcos Jr. ang Real Property Valuation and Assessment Reform Act (RPVARA) upang masiguro ang ‘uniform valuation’ sa real property assets.

Ayon sa Bureau of Local Government Finance, layon ng batas na i- promote ang development ng isang ” just, equitable, and efficient real property valuation system” na naka- aligned sa international standards.

Layon din ng batas na tugunan ang tinatawag na systemic problems, kabilang na ang multiple valuations sa bansa.

“The rampant disparity arises from overregulation and overlapping policies and jurisdiction resulting to weaker control and inconsistency in valuations,” ayon sa ulat.

Ayon sa Bureau of Local Government Finance, na sa pagi-improve sa kalidad ng valuation ng lokal na pamahalaan at gawing madalas ang revision , episyente, transparent, reliable, at attuned sa market developments, ang bagong batas ay magkakaroon ng ‘favorable impact’ sa revenue generation at resource mobilization ng lokal na gobyerno.

“This will later respond to their funding requirements for their service delivery,” ayon pa rin sa ulat. (Daris Jose)

Manila RTC Judge Jaime Santiago, bagong NBI director

Posted on: June 17th, 2024 by @peoplesbalita No Comments

ITINALAGA ni Pangulong Ferdinand Marcos Jr. si retired Judge Jaime Santiago bilang director ng National Bureau of Investigation (NBI).

Si Santiago ay nanumpa na sa kanyang puwesto kay Executive Secretary Lucas Bersamin kahapon ng umaga.

Nagsilbi si Santiago sa Western Police District (WPD) mula 1979 hanggang 2000. Nagtapos din siya ng BS Criminology sa Philippine College of Criminology (PCCR) mula 1978 hanggang 1988 at kumuha ng kursong Law sa Manuel L. Quezon University (MLQU-LAW) mula 1989 hanggang 1993.

Nakilala rin siya bilang isang “sharpshooter” mula sa Special Weapons and Tactics (SWAT) noong panahon ng WPD at naisapelikula rin ang kanyang buhay noong 1996.

Naging Criminal Law professor din si Santiago sa Emilio Aguinaldo College, Philippine College of Criminology at sa Emilio Aguinaldo College. Nagsilbi rin siyang acting executive/presiding judge ng Regional Trial Court (RTC) sa Manila at Tagaytay, at dating Metropolitan Trial Court (MeTC) judge sa Maynila.

Agad namang nag-courtesy call sa mga opisyal ng Department of Justice si Santiago kahapon. Kabilang aniya sa kanyang tututukan sa kanyang bagong tungkulin ay ang pagsugpo ng cybercrimes at scammers sa bansa at pabibilisin pa ang proseso nang pagkuha ng NBI clearance.

Ayon kay Santiago, ilan sa marching orders sa kanya ng DOJ ay pagandahin pa ang serbisyo ng NBI at ibalik ang tiwala ng publiko sa ahensiya. (Daris Jose)

Hungarian foreign minister, nag-courtesy call kay PBBM

Posted on: June 17th, 2024 by @peoplesbalita No Comments

MAINIT na tinanggap ni Pangulong Ferdinand Marcos Jr. si Hungarian Minister of Foreign Affairs and Trade Peter Szijjarto sa Palasyo ng Malakanyang.

Ang courtesy call ni Szijjarto sa Pangulo ay naglalayon na palakasin ang ugnayan sa pagitan ng Pilipinas at Hungary.

”Well, I’m very happy to welcome you once again to the Philippines,” ang sinabi ni Pangulong sa naging courtesy call ni Szijjarto sa kanya.

”I hope that with all that is happening around the world and all of the opportunities, of course there are challenges, and all the opportunities also that is — that we’ll be able to hopefully forge new relationships,” dagdag na wika ng Pangulo.

Binanggit naman ng Punong Ehekutibo na maraming mga Filipino ang mas pinili na manirahan at magtrabaho sa Hungary.

“And so, it seems that they have found a new place for them to find some better opportunities for themselves. But welcome once again to the Philippines,” ayon kay Pangulong Marcos.

Bilang tugon, pinasalamatan ni Szijarto si Pangulong Marcos sa mainit na pagtanggap sa kanya.

”Thank you so much for the invitation. You have great secretaries with whom I’ll be working together for a long time. This is the third occasion that I have the honor to visit your fantastic country,”ayon kay Szijarto.

Ani Szijarto, nananatiling may malaking pagkakataon para sa improvement sa ugnayan sa pagitan ng dalawang bansa. (Daris Jose)

DOH: Siling labuyo, hindi gamot sa dengue

Posted on: June 17th, 2024 by @peoplesbalita No Comments

NILINAW ng Department of Health (DOH) na hindi gamot sa dengue ang siling labuyo.

Inihayag ito ng DOH matapos mag-viral ang isang social media post na nagsasabing ang siling labuyo ay mahusay na panlunas sa naturang karamdaman, na nakukuha sa kagat ng lamok.

Sa isang abiso, sinabi ng DOH na wala pang anumang ispesipikong lunas para sa dengue.

Binigyang-diin pa ng DOH na ang pinakamabisa pa ring paraan upang makaiwas sa dengue ay umiwas sa kagat ng lamok.

Hinikayat rin nito ang publiko na magsuot ng long sleeves at pantalon upang takpan ang balat, at ipagpatuloy ang paggamit ng mosquito repellent lotions at sprays.

Makatutulong din ang pagpapanatiling malinis sa paligid at pagpuksa sa mga lugar na pinamumugaran ng lamok.

Kabilang sa mga sintomas ng dengue ay lagnat, pananakit ng ulo, kalamnan at kasu-kasuan, pagduduwal at rashes sa balat.

Arrest order ng China simula na ngayon

Posted on: June 17th, 2024 by @peoplesbalita No Comments

TINIYAK ng Armed Forces of the Philippines (AFP) na tuloy lamang sila sa kanilang tungkulin sa kabila ng banta ng China na sisimulan na ngayon ang paghuli sa mga “trespassers” sa South China Sea at ilang lugar sa West Philippine Sea.

Ayon kay AFP Public Affairs Office chief Col. Xerxes Trinidad, tuluy-tuloy lang sila sa kanilang maritime patrol sa lugar na sakop ng Pilipinas.

Mananatiling matatag ang kanilang puwersa sa pagtatanggol at pagbibigay-proteksiyon sa karapatan ng bansa gayundin ang kaligtasan ng kanilang mga tauhan sa WPS.

Sinabi ni Trinidad na ang anti-trespassing policy ng China na magsisimula ngayon ay pagbalewala sa international maritime rules and regulations.

Ani Trinidad, hindi magpapaapekto at matatakot ang Pilipinas sa mga banta at harassment ng China.

“The presence and actions of its vessels in our waters are illegal, coercive, aggressive and deceptive. We will not be deterred or intimidated,” ani Trinidad sa ABS-CBN News.

Sa ilalim ng regulasyon ng China, aarestuhin ang sinumang indibidwal na iligal na papasok sa kanilang katubigan at ikukulong ng 60 araw o sa loob ng dalawang buwan ng walang paglilitis.

Una nang sinabi ni Philippine Navy spokesperson for the West Philippine Sea Commodore Roy Vincent Trinidad na hindi nila papayagang arestuhin ng China ang sinumang Pilipino na papasok sa WPS.

Sa katunayan, dinagdagan na rin nila ang mga magpapatrolya sa WPS. Maging ang ibang bansa ay handang tumugon sa Pilipinas. (Daris Jose)

Public hearing sa NCR minimum wage hike, itinakda sa Hunyo 20

Posted on: June 17th, 2024 by @peoplesbalita No Comments

ITINAKDA na ng Regional Tripartite Wages and Productivity Board–National Capital Region (RTWPB-NCR) ang pagdaraos ng public hearing sa minimum wage adjustment sa Hunyo 20.

Sa abiso ng RTWPB-NCR, nabatid na idaraos ang naturang public hearing dakong alas-9:00 ng umaga sa Occupational Safety and Health Center sa Quezon City.

Nabatid na ang RTWPB-NCR ay nakatanggap ng petisyon para sa minimum wage increase na inihain ng Unity for Wage Increase Now (UWIN) noong Mayo 24, 2024.

Itinakda na ng Regional Tripartite Wages and Productivity Board–National Capital Region (RTWPB-NCR) ang pagdaraos ng public hearing sa minimum wage adjustment sa Hunyo 20.

Sa abiso ng RTWPB-NCR, nabatid na idaraos ang naturang public hearing dakong alas-9:00 ng umaga sa Occupational Safety and Health Center sa Quezon City.

Nabatid na ang RTWPB-NCR ay nakatanggap ng petisyon para sa minimum wage increase na inihain ng Unity for Wage Increase Now (UWIN) noong Mayo 24, 2024.

Kaugnay nito, hinikayat ng RTWPB-NCR ang mga employer, manggagawa, employer associations, at labor organizations na lumahok sa naturang public hearing. Maaari rin umano silang magsumite ng kanilang position papers sa RTWPB-NCR office sa 2nd Floor, DY International Building, San Marcelino cor. General Malvar Sts., Malate Manila o sa pamamagitan ng e-mail na wage_ncr@yahoo.com.ph, bago sumapit ang Hunyo 18, 2024.

Matatandaang sa 2024 Labor Day celebration sa Malacañang, inatasan ni Pangulong Ferdinand Marcos Jr. ang mga RTWPBs na rebyuhin ang minimum wage rates sa kani-kanilang rehiyon. (Daris Jose)

SSS, bukas na sa aplikasyon ng calamity loan

Posted on: June 17th, 2024 by @peoplesbalita No Comments

BINUKSAN na ng Social Security System (SSS) ang pintuan upang tumanggap ng aplikasyon ng calamity loan para sa mga miyembro nito na nakatira at nagtatrabaho sa Taiwan na naapektuhan ng nagdaang 7.2 magnitude na lindol sa nasabing bansa noong Abril 2024.

Ayon sa SSS, ang naturang loan ay bukas sa mga SSS members sa Taiwan hanggang Agosto 20, 2024.

Ayon kay SSS president at CEO Rolando Macasaet ang loan applications ay maaaring isumite sa My.SSS account.

“However, members must first visit the SSS Taiwan Foreign Office in Neihu District, Taipei City, to secure a Calamity Loan Reference Number (CLRN) needed in their loan applications. The CLRN is a unique 12-alphanumeric identifier provided to SSS members and is among the requirements for the calamity loan,” sabi ni Macasaet.

Sa ilalim ng programa, ang mga miyembro ay maaaring makakuha ng loan equivalent sa isang buwang salary credit o hanggang P20,000.

Ang mga requirements ng calamity loan ay dapat nakaregister sa My.SSS account sa www.sss.gov.ph at may halos 36 monthly contributions, OFW SSS member at nakatira sa Taiwan nang maganap ang lindol at walang past due na loan sa SSS.