NITONG Martes, June 18 ay naghain na si Ogie Diaz ng counter affidavit sa reklamong cyber libel na isinampa laban sa kanya ni Bea Alonzo, kasama ng dalawa niyang co-host.

Sa isang press statement, ipinahayag ng abogado ng online host na si Regie Tongol na naghain naman ng counter-charge si Ogie ng perjury na may damages laban sa Kapuso actress sa Regional Trial Court.

“In our seventy-page (70) Counter-Affidavit, we called out the Complainant by not clearly stating in her sixteen-page (16) Complaint-Affidavit the specific individuals who uttered the specific defamatory statements making it appear it was all Mr. Diaz who made them,” pahay ni Tongol.

“They even failed to show clear and convincing proof of ‘actual malice’ whether in the form of ‘reckless disregard for the truth’ or ill-motive which is a legal requirement and standard if the Complainant is a public figure,” dagdag pa ng abogado.

Matatandaang noong May 2 ay sinampahan ni Bea ng tatlong magkakahiwalay na reklamong cyber libel sa Quezon City Prosecutors Office sina Ogie at Cristy Fermin. Damay sa reklamo ang kani-kanilang co-hosts sa kani-kanilang online program.

Tumugon naman si Ogie tungkol sa reklamo ni Bea, at sinabing haharapin niya ito sa tamang panahon. At dumating na nga ito sa ginawa niyang paghahain ng kaso.

Inaasahan naman ang magiging sagot ng kampo ni Bea o paghahain ng kanilang reply-affidavit sa loob ng dalawang linggo.

Mahaba-haba pa talaga ang itatakbo ng kasong ito nina Bea at Ogie.

(ROHN ROMULO)

MUKHANG feel ng Vivamax starlet na si Ataska Mercado ang makatrabaho si Ruru Madrid.

Sa programang ‘The Boobay and Tekla Show’ kunsaan kasama ni Ataska na mag-guest ang kapwa Vivamax sexy starlets na sina Angelica Hart at Julia Victoria, inamin ni Ataska na nila-like niya ang mga photos sa social media account ni Ruru.

“Hi Ruru. Ayun, naka-work mo si Angeli (Khang) baka naman ako na ‘yung next,” mensahe pa ng former child actress-turned-sexy star.

Si Ataska ay ex-girlfriend ng Sparkle artist ar panganay ni Niño Muhlach na si Sandro Muhlach.

***

TINANGHAL na grand champion ng Tanghalan ng Kampeon sa ‘Tiktoclock’ ang kontesera na si MC Mateo.

Tinalo ni MC ang mga nakalaban niya sa grand finals na sina Rica Maer, Shamae Mariano, at Rdee Asadon.

Napabilib ni MC ang mga hurado na kinabibilangan nila Renz Verano, Jessica Villarubin at Carl Guevarra. Naimbitahan di na maging guest judges sina Daryl Ong at Hannah Precillas.

Nagwagi si MC ng P500,000 cash at management contract sa Sparkle GMA Artist Center

***

PUMANAW sa edad na 70 ang R&B icon na si Angela Bofill noong nakaraang June 13.

Sumikat si Angela noong 1978 dahil sa unang album niya na Angie kunsaan sumikat ang singles na “This Time I’ll Be Sweeter” at “Under The Moon and Over The Sky.”

Nakagawa pa siya ng 10 more albums at naging hits ang singles niya na “Break To Me Gently”, “Angel of the Night”, “You Should Know By Now”, “Time To Say Goodbye” and “Tonight I Give In.”

Bofill became one of the first Latina singers to find success in the R&B and jazz markets. Nagkaroon siya ng sold-out concert at Avery Fisher Hall as part of the Newport Jazz Festival on June 20, 1980.

Lalong sumikat si Angela sa Pilipinas noong maka-duet niya si Sharon Cuneta sa song niyang “This Time I’ll Be Sweeter” noong mag-guest ang singer sa pelikulang Friends In Love in 1983.

In 2023, Bofill was inducted into the Women Songwriters Hall of Fame.

Born Angela Tomasa Bofill on May 2, 1954, in the Brooklyn area of New York City to a Cuban father and a Puerto Ricna mother. Nag-aral siya sa Manhattan School of Music, kunsaan nakatapos siya ng Bachelor of Music degree in 1976.

Ang cause of death ni Angela ay ‘di binalita pero alam ng publiko tungkol sa health issues nito tulad ng 2006 stroke that left her partially paralyzed.

Nawala ang ability na kumanta ni Anga after ng second stroke niya in 2007.

Bofill was married to country music artist Rick Vincent from 1984 until 1994 and they have a daughter, Shauna.

Pumanaw si Bofill sa bahay ng kanyang anak sa Vallejo, California. Her funeral will be held at St. Dominic’s Church in California on June 28.

(RUEL J. MENDOZA)

IBANG klase si CPhavit Singson dahil imbes na siya ang manghingi ng regalo para sa kaarawan niya sa June 21 ay siya ang mamimigay ng regalo.

At take note, tumataginting na pitong milyong piso ang ipamimigay niya sa araw mismo ng kanyang birtdhay.

Aniya, “Last year nagpa-raffle ako ng three million five, this year seven million so, pero ang premyo six hundred [na tao] na tigte-ten thousand pero ang last yung one million ang mananalo isa lang, so seven million lahat.”

Simple lamang para ma-qualify; mag-download ng E-Gracia app sa Apple Store at Google Play at sa Facebook page mismo ni Chavit [na Luis Chavit Singson] ng itinayong online E-wallet app ni Chavit na mala-GCash ang proseso.

Matatagpuan rin ang kumpletong mechanics ng pasabog na birthday raffle ni Chavit sa kanyang FB account.

Ang maganda sa E-Gracia na tila wala sa iba, kahit sa ibang bansa ay puwede itong gamitin!

Kuwento pa ni Chavit, “Dahil ang company ko meron akong local bank, meron ding digital bank na national, meron akong bangko kasi sa US, yung Vigan Banco International.

“So dito sa Pilipinas VBank national dahil Hapon ang gumawa.”

Natanong si Chavit kung bakit taun-taon siyang mamigay ng pera tuwing kaarawan niya?

“Para masaya lang, happy life. Maliban na lang kung malugi na ako,” at tumawa si Chavit. “Basta habang may kinikita ako doble-doble.”

Ang E-Garcia ay maaaring ipambayad sa halos lahat ng bills tulad ng MERALCO, Manila Water, Manulife, Cignal, Sky, credit cards sa halos lahat ng bangko, Globe, Smart, mga eskuwelahan tulad ng De La Salle Greenhills, Miriam College, airlines tulad ng Air Asia, Cebu Pacific at Philippine Airlines, mga ahensiya ng gobyerno tulad ng BIR, LTO NBI, at SSS, at marami pang iba.

”Ako namimigay pero ayaw ko yung bigay na, gusto ko yung reward system or yung raffle.

“Ayoko ‘yung nanghihingi nang nanghihingi. Pero kung may makapagsabi na tulungan ko, tinutulungan ko.”

Hindi siya nagbigay ng eksaktong sagot sa tanong kung ilang porsiyento ang itinutulong niya sa mga nangangailangan.

“Walana ano, basta meron ako binibigay ko. Kasi hindi ko naman madadala kasi pag namatay ako, e!

“Kaya palagi kong sinasabi, money is not yours until you’ve spent it.

“Itatago ko, pag namatay ako madadala ko ba? Pag-aawayan pa.”

At dahil kakatapos lang ng Father’s Day nitong Linggo, June 16, tinanong namin si Chavit kung kumusta siya bilang isang ama?

For sure ay galante siya sa pagbibigay ng pera sa mga anak niya.

“Siyempre, oo,” bulalas ng retiradong pulitiko.

“Dahil dalawa lang ang anak ko, dalawa lang sila, dalawa lang ang anak ko… dalawang dosena!

“Kung ano ang kailangan nila binibigay ko. Nakikita ko naman na ano, basta nagbigay sila ng resibo, binibigay ko.”

Anong klase siya ama?

“Mabait, mabait akong tatay.”

Hindi naman raw niya ini-spoil nang husto ang mga anak niya.

‘Kaya nga ako, they have to, ‘Huwag kayong gumamit na yung bigla. Or parang,

‘Huwag kayong sasakay ng elevator, use the stairs always.’

”Meaning mag-aral sila, mag-aral sila. Kasi kung bibigyan mo ng pera na hindi nakapag-aral, hindi natuto, walang experience, mawawala rin, e. Masisira lang sila.”

(ROMMEL L. GONZALES)

LAST Sunday, June 16, kinumpirma na ni Ria Atayde na dinadala niya ang first baby nila ni Zanjoe Marudo sa kanyang Instagram post.

Kasabay ito nang pagbati niya kay asawa ng ‘Happy Father’s Day.’

Kasama ng dalawang larawan na kuha sa isang beach na kung saan first time ipinakita ang baby bump, mababasa ang caption ng 32-year-old actress/producer caption, “To the dad you already are and the dad I know you’ll be. Love you @onlyzanjoemarudo, so excited for this new chapter with you [emoji] Happy first Father’s Day! [Emoji]”

Inulan nga ng mensahe ng pagbati mula celebrities, friends, relatives, influencers, and fans, pero may isang netizen na nag-post ng, “Hahahahah…tpos ddeny png buntis! susme.”

Kaya agad naman itong sinagot ng soon-to-be mom ng, “We never denied anything, Madam. We just didn’t think we owed anyone an announcement. [Smiling face] thank you for the support po.”

Pagtatanggol naman ng isang IG user, “Kahit pa they’re public figure couple.. di nila kailangan e announce lahat na mga happenings sa buhay nila.. di naman nila deniny NO COMMENT lang sila.”

Say pa ng isang fan, “Let’s just be happy for them. Children are always blessing from God. I’m happy for them and really like @ria for @onlyzanjoemarudo.”

Dagdag pa ng isa, “ang tuwa ni mommy Sylvia yan ang wish na tinupad na ni Ria, wait pa natin si Meng kung kailan naman, sabi naman ni Menga kung Kailan ibigay ni Lord.

Congrats Ria and Zanjoe!”

Marami pang iba’t-ibang comments, pero karamihan ay masaya sa new parents.

Samantala, nag-post naman si Zanjoe sa kanyang IG ng series of photos nila ni Ria at may sweet caption na, “Motherhood.

“Our baby and I are both so lucky to have you.”

***

NGAYON pa lang ay inaabangan na ang 7th The EDDYS o Entertainment Editors’ Choice,
na mapapanood sa ALLTV ng Advanced Media Broadcasting System.

Asahang mas magiging maningning ang ika-7 edisyon ng The EDDYS awards night ng Society of Philippine Entertainment Editors (SPEEd) sa darating na July 7, sa Marriott Grand Ballroom Ceremonial Hall ng Newport World Resorts sa Pasay City.

Ang kabuuan ng Gabi ng Parangal ay magkakaroon ng delayed telecast sa ALLTV, isang Philippine free-to-air broadcast television network ng AMBS, sa darating na July 14, 10 p.m.

Ayon kay Maribeth Tolentino, AMBS president, isang maganda at makabuluhang partnership ito kasama ang SPEEd, sa paghahatid nila ng iba’t ibang klase ng entertainment and public affairs shows sa mga Filipino viewers.

“ALLTV is optimistic about this tie-up. We are happy for the trust given to us by SPEEd, which compromises many of the best editors and writers from the entertainment industry.

“We look forward to a fruitful endeavor with only the best as we join in recognizing talented actors, producers and those in the industry,” pahayag ni Tolentino.

Ang 7th The EDDYS ay muling ididirek ng award-winning actor at filmmaker na si Eric Quizon. Siya rin ang nagdirek sa ika-6 edisyon ng The EDDYS nitong nagdaang taon.

Ang Brightlight Productions naman ang magsisilbing line producer ng awards night sa July 7, 2024.

Sa pakikipagtulungan ng Newport World Resorts, ALLTV at Sound Check, kasama pa rin ng SPEEd sa pagtatanghal ng The 7th EDDYS ang Globe Telecom bilang major sponsor.

Katuwang din ng grupo ngayong taon ang Beautéderm ni Rhea-Anicoche Tan, Unilab, Camille Villar, former Ilocos Sur Governor Chavit Singson at ang Echo Jam.

Nagsimula noong 2015, ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

May 14 acting at technical awards na ipamimigay ang The EDDYS ngayong taon kabilang na ang Best Picture, Best Director, Best Actor, Best Actress, Best Supporting Actor, Best Supporting Actress, Best Screenplay, Best Cinematography, Best Visual Effects, Best Musical Score, Best Production Design, Best Sound, Best Editing, at Best Original Theme Song.

Bukod dito, ipagkakaloob din sa mga karapat-dapat na personalidad ang ilang special awards tulad ng Joe Quirino Award, Manny Pichel Award, Producer of the Year, Rising Producer Circle Award, ICONS AWARD, at posthumous honorees.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

(ROHN ROMULO)

NAKIPAG-MEETING na si Star for All Seasons Vilma Santos-Recto sa producer ng Mentorque na si Mr. Bryan Dy kasama sina Direk Antoinette Jadaone at Direk Dan Villegas.

Sa nakarating sa amin isa itong magandang project na first time na gagampanan ni Ate Vi ang isang kakaibang papel.

Gustong-gusto ni Ate Vi ang project pero pinag-iisipan pa rin ng multi-awarded actress dahil tatlong movie offers pa ang sabay sabay na inaalok sa kanya ngayon, ng tatlong bibigating producers.

After the success ng “When I Meet You In Tokyo” inulan ng maraming offers si Ate Vi.

Siyempre, knowing Ate Vi, pinag-aralan at binusisi niya muna ang mga inaalok sa kanya bago niya ito tatanggapin.

Pero sure naman daw na may gagawing isang project si Ate Vi ang magiging problema nga lang ay ang posibleng pagsabak niya muli sa pulitika.

Yes, malakas ang ugong na tatakbo muli ang aktres bilang gobernador ng Batangas.

Matatandaang si Ate Vi ang first woman governor ng Batangas mula 2007 hanggang 2015.

Sure ba mananalo si Ate Vi dahil yun ang hiling sa kanya ng mga Batangeño na paglingkuran muli ang probinsiya dahil napabayaan na naman daw ito mula nang matapos ang termino niya.

May mga umugong na tatakbong gobernador pero nang malaman nilang tatakbo si Ate Vi, isa-isa na raw nag-atrasan.

May posibilidad din na papasukin ng nga anak ni. Ate Vi ang pulitika dahil na rin sa hiling ng mga taga-Batangas.

Si Ryan Christian ay sure in na raw bilang papalit sa iniwang posisyon ni Sec. Ralph Recto sa congress at si Luis Manzano naman ang tatakbong Vice Governor ng Batangas.

Last 2022 elections ay kinukulit ng mga magkakalabang partido na tumakbong senador pero parehong tinanggihan ni Ate Vi.

Ngayon naman ay mga lumalapit na mga impluwensiyang politician for her to run sa Senate.

***

“BADUDONG“ ang tawag ngayon ng aktor na si Albie Casiño sa anak niya.

Last April 7, lumipad si Albie at nakita niya ang kanyang mag-ina last April 8 sa San Francisco International airport.

Si Michelina Marie Dunton ang ina ng anak ni Albie.

31 years old ba si Albie kaya ganun na lang ang tuwang nakikita sa kanya sa kanyang Instagram video kasana ang anak niyang si Roman Andrew.

Kitang-kita ang excitement niya ng finally karga karga niya ang anak niya.

“A great mab told me ‘being a dad has no days off and retirement’ I wouldn’t have it any other way. I finay got to meet my son. Hello Roman Abdrew, the world is yours, little man, ” post pa ni Albie.

(JIMI C. ESCALA)

BAGONG Vivamax project ng mahusay na direktor na si Joel Lamangan ang ‘Sisid Marino’.

Mga artista sa movie sina Julia Victoria, Ataska, Jhon Mark Marcia, Cariz Manzano at Yda Manzano.

Isa sa natanong kay Joel ay kung ano ang kaibahan na gumawa ng pelikula noong dekada otsenta-nubenta kumpara sa panahong kasalukuyan.

“Parang gusto niyong gumawa ako ng libro,” ang kuwelang umpisang hirit ni Joel.

“Napakalaki ng diperensiya. Iba ang pelikula noong mga unang panahon.

“Noong unang panahon gumagawa ka ng pelikula na nagre-reflect ng isang partikular na katotohanan, ngayon gumagawa ka ng pelikula na nagre-reflect ng ka-L-an ng mga tao.

“L, mga ka-L-an, mga L, sa Vivamax, walang ganoon noong araw.

“Kaya ang mga pelikulang nagawa ko noong araw ay sinasabi nilang socially-oriented because they depicted the truth of that particular time.

“Well ito namang Vivamax it also reflected the truth of particular characters of our society kaya lang mayroong tendency to show intimate scenes na kailangang-kailangang sa isang konsepto ng Vivamax,“ paliwanag pa ni Joel.

Natanong naman ang premyadong direktor kung ano ang sekreto niya at sa kabila ng maraming panahon ay nananatili siyang aktibo at tinitingalang direktor sa industriya ng pelikula at telebisyon.

Pakli ni Joel sa nagtanong na member ng media, “Parang sinasabi mo ang tanda-tanda ko na.

“Ano ba ang sekreto? Wala namang sekreto. Ang sekreto e kumapit ka lang nang kumapit. Kumapit ka, lasapin mo ang lahat ng karanasan at matuto ka sa lahat ng karanasang nasapit mo.

“At huwag mo nang gagawin ulit ang karumal-dumal na ginawa mo, ayusin mo ang propesyon mo, tingnan mo ang pelikula bilang isang kultura, bilang isang sining at bilang isang repleksyon ng ating society, hindi lamang upang kumita ng pera.

“Pero ito, kinuha ko dahil sa pera,” prangkang pagtukoy ni Joel sa ‘Sisid Marino.’

“Kailangan ko datung, kailangan talaga!

“Pero iyan naman kasi ang pamantayan ng panahon, mahirap kasi ang pera ngayon, wala nang nagpoprodyus talaga. Wala nang nanonood ng sine, di ba?

“So ang Vivamax ang nandiyan di kakapitan mo rin iyon. Pero dapat pag-aaralan mo kung ano ang mga ibinibigay sa iyo ng Vivamax na leksyon para magamit mo sa buhay mo.

“Bakit ako nagtatagal? Dahil kailangan pa ako. Siguro pag hindi na ako kailangan mawawala na ako, di ba? E may kumukuha pa rin sa akin, ano?

“Kahit saan ako pumunta may kumukuha pa rin sa akin so alangang tanggihan ko nang tanggihan. Hindi ako kumawala, kumapit ako nang mahigpit dito at hanggang ngayon nandito pa rin ako.

“Karamihan ng mga kasabay ko… ay, huwag na lang natin silang pag-usapan!”

Dating artista sa teatro si Joel bago kinuhang direktor ng Viva Films.

Lahad ni Joel, “Nag-umpisa ako sa PETA, nag-training ako kay Lino Brocka, hanggang sa naging direktor ako sa PETA, naging direktor ako sa TV, kinuha ako ng Viva.

“Kasi ako ang unang direktor ng Viva Drama noong araw tsaka Viva Spotlight. Okay? So nung nagkaroon ng pagkakataon na gumawa ako ng pelikula… sabi ni Boss Vic, ‘Sino ang makakagawa ng Darna’, pagtukoy ni Joel kay Vic del Rosario ng Viva Films.

“October na iyon na tatapusin mo by first week of December, taas-kamay ako. Iyon pala tinanggihan na ng lahat ng direktor!

“Kasi baka hindi makuha, e ang lakas ng loob ko natapos ko, doon ako nag-umpisa.”

Kung papipiliin siya, kung artista o direktor, ano si Joel Lamangan?

“Artista’t direktor,” ang mabilis na sambit ni Joel. “Puwede mo namang pagsabayin yung dalawa. Kaya sa ‘Batang Quiapo’ artista lang ako, hindi ako nakikialam.”

(ROMMEL L. GONZALES)

INILUNSAD na si Stell sa kanyang solo career sa pamamagitan ng inaabangang debut single na “Room.”

Natutuwa ang Warner Music Philippines na i-welcome ang soulful singer ng kinikilalang P-Pop group na SB19 sa kahanga-hangang listahan ng mga Filipino artist.

Simula sa bagong release na ito, ang Warner Music Philippines sa pakikipagtulungan ng 1Z Entertainment, ang management ni Stell, ay umaasa na tuklasin ang kasiningan ni Stell sa pamamagitan ng mga kanta na patuloy na magpapakita ng kanyang malawak na hanay ng boses na sinamahan ng kanyang nakakabighaning paghahatid, napakataas na rehistro, at nakakatunaw ng pusong falsetto.

Sa patnubay ng record label, maaaring papunta na si Stell sa susunod na pinakahinahangad na Filipino pop star.

“We are excited to be on this journey with Stell, an artist whose drive to excel inspires many. I’m confident that we can closely develop his personal sound and style for his upcoming music, and we look forward to Stell leaving his mark on the industry,” sabi ni Sarah Ismail, Managing Director ng Warner Music Philippines.

Sa “Room,” nakakumbinsi na ibinahagi ni Stell ang mensahe ng kanta tungkol sa kung paano niya inuutusan ang atensyon ng lahat sa kanyang kapansin-pansing presensya at kakayahang basahin ang silid sa isang setting ng audition.

Upang palakasin ang single, isang music video ang nag-premiere sa parehong araw ng paglabas nito noong Hunyo 14.

Ipinakita ni Stell ang “Room” nang live sa unang pagkakataon sa harap ng pamilya, mga kaibigan, masuwerteng tagahanga, at mga miyembro ng media sa Teatrino sa Greenhills, San Juan.

Supportive ang mga kasama niya sa SB19, lalo na si Pablo…

Kuwento ni Stell, “nag-offer si Pablo na siya ang gagawa ng kanta ko, siya talaga ang nag-initiate.

“And then he asked me kung anong sound ang gusto ko. I know myself that I’m into this kind of sound na tipong Michael Jackson at Bruno Mars.

“But I want to incorporate na theaterical and musical na genre. So, I think dun siya umiikot, kaya ganun ang sound ni ‘Room’.

“Yung kapatid ni Pablo na Joshue, isa siya sa gumawa na beat.”

Inamin din ni Stell na parang takot siyang mag-perform ng solo, pero pinu-push talaga ng kagrupo na subukan niya.

“When I start performing as a SB19, na-feel ko na gusto ko sila palagi kasama. Parang hindi ako sanay na mag-perform na mag-isa.

“But noong time na nagkaroon ako ng opportunity to express and expose myself sa ‘The Voice Generations’, mas doon ko na-feel ang support nila.

“Sila ang nagsabi na i-grab ko yun at nang i-try ko talaga, kaya ko pala tumanggap ng solo engagement.

“At habang tumatagal mas nagiging strong ang support nila sa akin, at sila talaga ang nag-push sa akin na mag-release ng solo.”

Bahagi ng promotional efforts na itinakda ng 1Z Entertainment – kahapon, June 16, na kaarawan din niya, nag-perform si Stell ng “Room” sa All Out Sundays ng GMA at isang exclusive interview ang ipalalabas sa Kapuso Mo Jessica Soho.

Sa June 18, opening act si Stell para sa Hitman David Foster and Friends Asia Tour 2024 concert sa Araneta Coliseum.

Susundan ito ng North American tour sa US at Canada mula Hunyo 22 hanggang 30 bilang bahagi ng MiLEStone Tour ni Erik Santos, kung saan special guest si Stell.

Sa Hulyo 1, lalabas si Stell bilang isang live guest sa Wish Bus USA. On July 27 and 28, Stell will headline a Manila concert, Ang Ating Tinig, with Julie Anne San Jose.

Ang pag-release ng “Room” ay prelude sa kanyang upcoming EP na ilalabas ngayong Agosto.

At para i-promote ang EP, magkakaroon si Stell ng nationwide tour.

“At this stage of my life and career, I hope to continue releasing music that aligns with my true worth as an artist,” pahayag pa ni Stell.

Nag-agree naman kay Kelley Mangahas, A&R Director ng Warner Music Philippines, “Stell’s talent is undeniable. He is a true star—a top-class singer, brilliant dancer, and charismatic host with a magnetic presence that naturally endears people to him.

“As he embarks on this personal musical journey, we at Warner Music Philippines are committed to helping him grow as an artist and open doors for him both locally and internationally. We are truly excited to partner with Stell and cannot wait to get started.”

Pagbabahagi naman ni Julian de Dios, COO & CFO ng 1Z Entertainment, “1Z is greatly thankful for the incredible support for Stell and his latest single. We are thrilled for the bright future and well-deserved opportunities that await him. Let’s continue to champion Filipino talents and showcase their artistry on the global stage. Your support is instrumental in propelling our talents to worldwide recognition.”

Pakinggan ang debut single ni Stell, “Room,” sa pamamagitan ng https://stell.lnk.to/room.

(ROHN ROMULO)