• April 28, 2026

  • Ang Diyaryong Pinagkakatiwalaan

 

Archive for April, 2024

Mae-enjoy ng mga bata ang pagiging kontrabida: MAX, hindi nahirapang api-apihin si MARIAN dahil may permission

Posted on: April 6th, 2024 by @peoplesbalita No Comments
TINANONG namin si Max Collins kung hanggang saan niya mamalditahan at aapihin si Marian Riveta, at kung paano maging kontrabida sa Box Office at Kapuso Primetime Queen. 
Gaganap kasi si Max bilang Venus, ang magiging kontrabida sa buhay ni Katherine na gagampanan naman ni Marian sa ‘My Guardian Alien’ na bagong fantaserye ng GMA.
“Gusto niyo ba ng sample, try natin,” umpisang bulalas ni Max.
“Joke lang, masyadong maaga hindi pa tayo umeere,” pagpapatuloy pa ni Max.
“Anyway paano ba? So kasi family drama ‘to, it’s not as mabigat as I’m used to, it’s nice kasi kahit na kontrabida yung role ko dito parang there’s a lightness, I think.
“Or humor to my character in a sense where sa sobrang arte ni Venus I feel like magugustuhan siya ng mga tao kasi mae-entertain sila.
“Mae-entertain kayo sa performance ko,” at tumawa si Max.
“Because it’s something… kakaibang Max Collins ang mapapanood niyo po dito.”
Marami raw siyang mahahabang quotable quotes bilang si Venus sa ‘My Guardian Alien’.
Nagpasalamat si Max sa mga bumubuo ng ‘My Guardian Alien’, partikular sa kanilang direktor na si Zig Dulay at mga writers ng serye.
Lahad ni Max, “It’s been such a joy playing Venus kasi funny talaga. I mean nae-enjoy ko being a kontrabida for the first time, in a light sense.
“Yung pang-aapi ko kay Marian, yung pang-aapi ko sa kanya ay ano. Parang forgiving, parang forgiving for me kasi ano naman e, as you saw sa AVPparang malalim yung galit ni Venus kay Katherine at kay Tita Nova, may malalim siyang pinaghuhugutan but if you actually watched our scenes parang may pagka-funny rin yung mga away namin.
“So iyon yung mae-enjoy rin ng mga bata to watch, it’s something that is for the whole family at hindi talaga nila gagayahin, hindi nila gagayahin,” ang natatawang sinabi pa ni Max.
Mahirap bang apihin si Marian?
“No,” ang mabilis na reaksyon ni Max.
“Hindi po ako nahirapan kasi professional po ako and I love my job as an actress, it’s my job, and it’s been fun kasi nag-uusap kami beforehand e, before the scene.
“Talagang like, ‘Okay ba, na sampalin kita?’
“Ganun, ‘Okay ba na saktan kita?’
“Okay naman siya, so kaya naman sa kanya, okay di ba, may permission. Basta may permission okay,” ang bulalas pa ni Max.
Marami raw silang eksenang sampalan ni Marian sa ‘My Guardian Alien.’
Leading man ni Marian sa My Guardian Alien si Gabby Concepcion bilang si Carlos at kasama sina Raphael Landicho as Doy, Gabby Eigenmann as Dr. Ceph, Kiray Celis as Marites, Josh Ford as Aries, Caitlyn Stave as Halley, at si Christian Antolin as Sputnik.
Napapanood ang weeknights @ 8:50 pm sa GMA Prime.
(ROMMEL L. GONZALES) 

Holistic approach, nais ni PBBM sa pagresolba sa problema sa trapiko sa Pinas—Balisacan

Posted on: April 6th, 2024 by @peoplesbalita No Comments
NAIS ni Pangulong Ferdinand Marcos Jr. ng isang “holistic at comprehensive approach” pagdating sa pagresolba sa problema sa trapiko sa bansa.
Sinabi ni National Economic Development Authority (NEDA) Secretary Arsenio Balisacan sa press briefing sa Malakanyang na masusing pinag-usapan sa 16th full Cabinet meeting kasama si Pangulong Marcos ang problema sa trapiko.
“What the President really wants is a comprehensive, holistic approach to solving the traffic problem – hindi iyong piecemeal approach ‘no as has been the case all these years ‘no,” ayon kay Balisacan.
”We had a very long discussion on the traffic issue and the President gave instruction to everyone to submit their recommendations, how their respective offices will adjust and configure their work environment,” aniya pa rin.
Aniya pa, sa pagpa-plano ng transport system sa Pilipinas, ”we should be looking at intermodal transport system.”
”They operate efficiently as a whole. We are building now the subway, we are building other expressways, bridges connecting Bataan and Cavite and so on,” ayon kay Balisacan.
”But these have to be seen in the context of all the other transport system including bike lanes, motorcycle lanes like that and as well as feeder roads and including the location of industries, residences and so on,” dagdag na wika nito. (Daris Jose)

P6.2-T national budget iminungkahi para sa fiscal year 2025

Posted on: April 6th, 2024 by @peoplesbalita No Comments
IMINUMUNGKAHI ng Development Budget Coordination Committee (DBCC) ang P6.2 trillion national budget para sa fiscal year 2025.
Mas malaki ito mula sa P5.768 trillion na budget ngayong taong 2024.
Ayon kay National Economic Development Authority (NEDA) Secretary Arsenio Balisacan na target kasi mapalakas pa ng pamahalaan ang mga high impact infrastructure projects na siyang pakatutukan sa government spending.
Malaking tulong ang mga ito sa para sa mga mahihirap at vulnerable sector.
Siniguro rin ni Balisacan na patuloy din na suportahan ang mga build better more projects ng pamahalaan upang mapanatili ang infrastructure spending na katumbas ng 5-6% hanggang sa taong 2028.
Sa kabilang dako, inaasahan din ang pagtaas sa 4.270 trillion ang revenues ng pamahalaan ngayong taon.
Inihayag din ng kalihim na posibleng tataas pa ang revenue ng gobyerno sa 6.078 trillion sa taong 2028 lalo at inaasahan ang mga reporma sa tax administration para sa pagpapalakas sa Philippine tax system. (Daris Jose)

Sa kanyang unang concert para sa 2024: ICE, maghahatid ng one-of-a-kind videoke concert experience

Posted on: April 6th, 2024 by @peoplesbalita No Comments
ILABAS na ang pagiging superstar, tumungo sa spotlight, at kunin ang songbook at ang mikropono dahil nakatakdang magdala ng si Ice Seguerra ng one-of-a-kind videoke concert experience sa kanyang unang concert ngayong 2024, ang ‘Videoke Hits, ‘ na gaganapin sa Music Museum sa Mayo 10 at 11.
Isang selebrasyon ng mga kantang gustung-gusto natin, kasama ang isang OPM icon, ang ‘Videoke Hits’ ay naglalayon na maging kanlungan ng mga Pilipinong mahilig sa videoke na nasa isang hindi malilimutang jamming session.
“My favorite pastime is singing talaga. We even have our own portable videoke machine that I bring everywhere with me. Whenever I want to destress, all I  need is to look for a mic, go to youtube for lyrics, solb na! “ sabi ni Ice.
Nakatakdang pasiglahin ni Ice ang entablado gamit ang karaoke vibe na hindi katulad ng iba, na nagbibigay-daan sa mga fan na maranasan ang kanilang mga paboritong hit na may twist na si Ice lang ang makakapaghatid.
Mula sa walang hanggang mga ballad hanggang sa mga kontemporaryong chart-toppers, ang setlist ay magtatampok ng magkakaibang hanay ng mga kanta na pinili ng sino pa—ang kanyang mga tagahanga.
“One trivia about me pag nagbibidyoke ako,  I don’t want to sing my own songs kasi feeling ko, trabaho. So sa videoke ko nilalabas yung mga paborito kong kanta na hindi ko makanta sa shows- from birit songs to broadway to just about anything.
“That’s why I’m so excited about VIDEOKE HITS because I get to sing and perform my favorite videoke songs and share it with my fans, of course with the Ice twist,” pagpapatuloy niya.
“As a producer and creative director of this latest concert, VIDEOKE HITS, our challenge is to create a real videoke experience inside the Music Museum where the audience would feel na ka-videoke nila sa Ice. This will be different from Ice’s shows because this concert is more interactive.
“The guests get to request their songs in real time! They get to sing along with Ice, and we have jammers who will perform onstage with him. Without spoiling the fun, I also want to share na sasayaw si Ice. So yes, dun pa lang, ibang Ice Seguerra ang maeexperience dito, ” pagbabahagi ni Liza Dino-Segeuerra, CEO ng Fire and Ice LIVE!
Sumali sa party at maging bahagi ng communal experience na ito! Ano ang dapat mong abangan sa konsiyerto?
With Ice, Please! – I-belt out ang mga sikat na videoke classic habang pinangungunahan ni Ice ang singil sa kung ano ang nakatakdang maging ang pinaka-nakakahimok na konsiyerto na iyong napuntahan!
Jam with Ice – Maghanda para sa isang gabi ng pakikipagtulungan at mga sorpresa habang iniimbitahan ni Ice ang mga espesyal na panauhin sa entablado, tinitiyak na ang mga hit ay patuloy na darating at ang enerhiya ay hindi kumukupas.
Watch Ice ‘Ice-fy’ Your Favorites – Asahan ang isang twist sa mga karaoke classic na may mga natatanging rendition ni Ice. Ito ay isang sariwang pagkuha sa mga kantang alam mo sa puso, ‘Ice-fied’ sa pagiging perpekto.
Produced ito ng Fire and Ice LIVE at handog ng KATINKO, ang ‘Videoke Hits’ with Ice Seguerra ay higit pa sa isang konsiyerto. Ito ay isang pagdiriwang ng ating kultura ng videoke at isang pagkakataong lumahok sa Pambansang Palakasan ng Pilipinas: Videoke Singing.
Available na ang mga tiket sa Ticketworld na may mga sumusunod na kategorya at presyo:
VVIP: ₱7210, VIP: ₱5150, Orchestra Side A: ₱3605, Orchestra Side B: ₱2060, Balcony: ₱1545
Mga Add-On: Soundcheck Experience ₱2000, Meet & Greet Ice ₱1500
Puwede rin bumili ang iyong mga tiket sa website ng Ticket World.
Gamitin ang mga opisyal na hashtag ng konsiyerto na #VideokeHitsNiIce at #IceSeguerra, at sundan kami sa aming mga social media platform para sa lahat ng pinakabagong update.
Instagram at TikTok: @iceseguerra @FireandicePH
Facebook: Ice Seguerra FireandicePH
Twitter: @iceseguerra @FireandicePH
I-save ang mga petsa, bumili ng mga tiket, painitin ang iyong vocal cords, at maghanda para sa kaganapan sa karaoke ng taon!
(ROHN ROMULO) 

Growth Domestic Product ngayong taon ibinaba sa 6-7% mula sa 6.5 hanggang 7.5%

Posted on: April 6th, 2024 by @peoplesbalita No Comments
IBINABA  ng gobyerno sa 6-7% mula sa 6.5 hanggang 7.5% target na paglago ng ekonomiya ng Pilipinas ngayong taon.
Ayon kay NEDA Secretary Arsenio Balisacan na kanilang isina-alang alang sa adjusted GDP projection ang performance mula nuong nakaraang taon.
Kasama rin ang developments sa global economy partikular ang global finance at economic slowdown, pagtaas ng presyo ng langis at paggalaw ng inflation rate hindi lamang sa Pilipinas kundi sa iba pang bansa tulad na lamang sa Amerika na isang major trade partner ng bansa.
Binigyang-diin ni Balisacan na ang adjsuted GDP growth ay maituturing pa ring mataas para sa kasaysayan ng ating ekonomiya at maging sa Asia pacific region.
Nangangahulugan din ito na masigla ang trabaho sa mga Pilipino.
Nilinaw ni Balisacan na hindi ito makakaapekto sa pagkamit ng single digit poverty rate sa 2028 at maging sa hangaring makamit ang upper-middle income country.

Habang wala pang bakuna ang DOH: Halamang gamot vs pertussis, itinulak

Posted on: April 5th, 2024 by @peoplesbalita No Comments

ITINUTULAK ni Sen. Francis “Tol” Tolentino ang paggamit ng herbal medicine para labanan ang pertussis outbreak sa ilang bahagi ng bansa, habang hinihintay ng Department of Health (DOH) ang pagdating ng anti-pertussis pentavalent vaccine.

 

 

Noong Martes, inirekomenda ni Tolentino ang paggamit ng lagundi, isang halamang gamot sa ubo at sipon, na sagana sa buong kapuluan.

 

 

Aniya, maaari rin itong magamit para labanan ang pertussis outbreak dahil hindi pa dumarating ang supply ng pentavalent vaccines.

 

 

Ngunit binalaan ni Tolentino ang mga gumagamit ng raw lagundi sa paggawa ng nasabing medisina at pinayuhan ang publiko na kumonsulta sa doktor sa paghahanda at reseta nito.

 

 

Sumang-ayon si Undersecretary Eric Tayag, tagapagsalita ng DOH, sa rekomendasyon ni Sen. Tolentino.

 

 

Aniya, ang lagundi ay madaling makuha o mabili sa syrup at kapsula sa mga botika para sa mga matatanda at bata para hindi na maging abala sa paghahanda ng medicinal tea, gamit ang raw lagundi.

Walang Pinoy ang nasaktan sa tumamang lindol sa Taiwan- MECO

Posted on: April 5th, 2024 by @peoplesbalita No Comments

WALANG mamamayang Filipino ng napaulat na nasaktan o kabilang sa nasawi kasunod ng malakas na lindol na tumama sa Taiwan, Miyerkules ng umaga.

 

 

Sinabi ng Manila Economic and Cultural Office (MECO) na ang lahat ng mga Filipino at overseas Filipino workers sa isla ay “all accounted for and safe”.

 

 

“We are thankful that we have not received reports of any of our kababayans being hurt or badly affected by the powerful earthquake that hit Taiwan this morning,” ayon kay MECO Chairperson Silvestre Bello III.

 

 

“Based on our monitoring in Taipei and the reports from our field offices in Taichung and Kaohsiung, and the reports coming from our Filipino communities in Taiwan, there are no Filipino casualties or injuries in the aftermath of the earthquake and the aftershocks,” dagdag na wika nito.

 

 

Tinatayang may mahigit na 60,000 Filipino ang nagtatrabaho sa Taiwan, base sa pinakabagong data mula sa Department of Migrant Workers (DMW).

 

 

Nauna rito, iniulat ng Department of Foreign Affairs at Department of Migrant Workers na walang napaulat sa ngayon na mga Pilipino na nasugatan sa tumamang malakas na lindol sa Taiwan base sa isinagawang initial assessment.

 

 

Sa kabila nito mayroon ng inilatag na preemptive protocols para masiguro ang kaligtasan ng lahat ng mga Pilipinong nasa Taiwan.

 

 

Ayon kay Foreign Affairs USec. Eduardo de Vega, ipinaalam sa kaniya ni Department of Migrant Workers (DMW) Officer in Charge Hans Cacdac na mayroong isang gusali sa Hualien ang matinding napinsala at mayroong reports din na maraming nasira na mga istruktura matapos ang tumamang malakas na lindol.

 

 

Base sa report mula kay Cacdac at labor attaché ng PH sa Taiwan, walang naiulat ang Filipino community sa Hualien na nasugatan sa ngayon.

 

 

Patuloy namang kinokontak ng mga opisyal ang mga Filipino community sa lugar para matiyak na sila ay nasa ligtas na kalagayan.

 

 

Una na ring sinabi ng DMW na aktibo itong nakabantay sa sitwasyon ng OFWs sa Taiwan matapos ang lindol na tumama sa island state. (Daris Jose)

3 drug suspects timbog sa Caloocan

Posted on: April 5th, 2024 by @peoplesbalita No Comments

LAGLAG sa selda ang tatlong hinihinalang drug personalities matapos matimbog sa magkahiwalay na operation ng pulisya sa Caloocan City.

 

 

Sa kanyang report kay NPD Director P/BGen. Rizalito Gapas, sinabi ni Caloocan police chief P/Col. Ruben Lacuesta na ikinasa ng mga operatiba ng Station Drug Enforcement Unit (SDEU) ang buy bust operation kontra kay alyas ‘Pusa’, 56, matapos ang natanggap na impormasyon hinggil sa pagbebenta nito ng droga.

 

 

Nang tanggapin ni ‘Pusa’ ang P500 marked money na may kasamang 6-pirasong boodle money mula sa pulis na nagpanggap na buyer kapalit ng isang medium plastic sachet ng shabu ay agad siyang dinamba ng mga operatiba, kasama si alyas ‘Lennon’, 26, dakong alas-3:47 ng madaling araw sa Torsilyo Street.

 

 

Nakumpiska sa mga suspek ang nasa 14.25 grams ng hinihinalang shabu na may katumbas na halagang P96,900.00 at buy bust money.

 

 

Samantala, dakong alas-8:15 ng gabi nang maaresto naman ng mga tauhan ng Cadena De Amor Police Sub-Station 11 si alyas ‘Cardo’ matapos maaktuhan nakikipagtransaksyon sa ilegal sa Balintawak Street, Pag-asa, Barangay 175, Camarin.

 

 

Ani Col. Lacuesta, nakuha sa naarestong suspek ang isang plastic sachet na naglalaman ng humigi’t kumulang10 grams ng hinihinalang shabu na nagkakahalaga ng P68,000 habang nakatakas naman ang nag-abot sa kanya ng droga.

 

 

Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Top 3 most wanted person ng Navotas, nakorner sa Caloocan

Posted on: April 5th, 2024 by @peoplesbalita No Comments

NALAMBAT ng mga tauhan ng District Special Operation Unit ng Northern Police District (DSOU-NPD) ang 22-anyos na lalaki na nasa top 3 most wanted person sa Navotas sa ikinasang manhunt operation sa Caloocan City, kamakalawa ng hapon.

 

 

Kinilala ni DSUO chief PLTCOL Robert Sales ang naarestong akusado na si alyas “Badjao” ng Brgy. 28, Caloocan City na pansamantalang nakapiit sa custodial facility unit ng DSOU habang hinihintay ang pagpapalabas ng commitment order mula sa korte.

 

 

Sa kanyang ulat kay NPD Director P/BGen. Rizalito Gapaz, sinabi ni Lt Col. Sales na nakatanggap sila ng impormasyon hinggil sa pinagtataguang lugar ng akusado sa kaya bumuo siya ng team sa pangunguna ni P/Major Marvin Villanueva para sa gagawing pagtugis kay ‘Badjo’.

 

 

Kasama ang mga tauhan ng NPD-DID, Northern NCR Maritime Police Station at WSS ng Navotas police, agad nagsagawa ang DSOU ng joint manhunt operation na nagresulta sa pagkakadakip sa akusado dakong alas-3:30 ng hapon sa kahabaan ng Blk. 14 Pamasawata Brgy., 28 Caloocan City.

 

 

Ani Maj. Villanueva, binitbit nila ang akusado sa bisa ng warrant of arrest na inisyu ni Presiding Judge Romana Maria Melchora P. Lindayag-Del Rosario ng Branch 287, Navotas City noong January 30, 2024 para sa kasong Murder.

 

 

Sinabi ni Lt Col. Sales na ang pagkakaaresto sa akusado ay alinsunod sa inilitag na agenda ng Chief PNP na “Aggressive and Honest Law Enforcement Operations”. (Richard Mesa)

Warrant of arrest naisilbi na vs Quiboloy – PNP

Posted on: April 5th, 2024 by @peoplesbalita No Comments

NAIHAIN na ng ­Philippine National Police (PNP) ang 2 warrant of arrest sa kasong Child Abuse  at  Sexual abuse na ipinalabas ng Davao City Regional Trial Court laban kay Kingdom of Jesus Christ leader Apollo Quiboloy at 5 iba pang mga akusado, nitong Miyerkules.

 

 

Ayon kay BGen Alden Delvo, Davao Region Police Director, naisilbi na ang 2 warrant of arrest sa paglabag sa Republic Act 7610 o (The Special Protection of Children Against Abuse, Exploitation, and Discrimination Act) sa Kingdom of Jesus Christ para kay Quiboloy

 

 

“Pumunta kami sa Kingdom of Jesus Christ kay Apollo Quiboloy dito sa airport at sinerve namin ‘yung WOA, binigay namin sa administrator sa gusali or building na ‘yun” saad ni Delvo.

 

 

Aniya, nakausap na nila ang lawyer ni Quiboloy para sa pagsuko nito para siya makapag-bail batay sa ipinalabas na warrant of arrest ng korte.

 

 

“Yung WOA ni Pastor Quiboloy under his name only has a P200,000 bail bond for other sexual abuse and then the rest na kasama rin naman si Pastor Quiboloy are 80,000 for other acts of child abuse under sec. 10 of RA 7610,” ani Delvo.

 

 

Umaasa si Delvo na lalantad o susuko si Quiboloy sa mga darating na mga araw bagama’t sakaling mabigo ito ay maglu­lunsad sila nang manhunt laban sa nasabing Pastor.

 

 

“Well of course just like any other WOA there will be a manhunt operation. He will be a fugitive, alam mo naman may WOA siya the authorities will exert effort in arresting him” dagdag ni Delvo.

 

 

Kaugnay nito sinabi ni Delvo na nasa kustodiya ng National Bureau of investigation (NBI) si Tamayong Brgy. Captain Cresente Canada, isa sa 5 akusado matapos ito sumuko nang lumabas ang warrant of arrest laban sa kanya.

 

 

Boluntaryo namang sumuko ang mga akusadong sina Paulene ­Canada at Sylvia Cemanes.

 

 

Una rito ay naglabas ng warrant of arrest ang Davao court laban kay ­Quiboloy at limang iba pa dahil sa kasong child abuse. (Daris Jose)

People's Balita.
All rights reserved. © Copyright 2026.