2024 April Archive - People's Balita

Archive for April, 2024

4 Pinoy seamen lulan ng barko na hinuli ng Iran – DMW

Posted on: April 16th, 2024 by @peoplesbalita No Comments

KINUMPIRMA ng Department of Migrant Workers (DMW) na kabilang ang apat na Filipino seafarers sa mga tripulanteng lulan ng barkong hinuli ng mga Iranian authorities.

Hindi pa naman tinukoy ni DMW officer-in-charge Hans Leo Cacdac ang pagkakakilanlan ng mga Pinoy seamen na lulan ng container ship na MSC Aries.

Tiniyak naman ni Cacdac na alinsunod sa direktiba ng Pangulo, nakikipag-ugnayan na sila sa mga pamilya ng mga naturang seafarers at sinigurong pagkakalooban ang mga ito ng full government support at assistance.

Nakikipag-ugnayan na rin umano sila sa Department of Foreign Affairs (DFA), licensed manning agency at maging sa ship manager at operator upang matiyak ang kaligtasan at kapakanan, gayundin ang agarang pagpapalaya sa mga tripulanteng Pinoy.

Batay sa ulat ng Iran state-run IRNA news agency, isang Islamic Revolutionary Guard Corps helicopter ang sumakay sa Portuguese-flagged MSC Aries at dinala ito sa Iranian waters noong Sabado.

Kinumpirma naman umano ng MSC, na siyang nag-o-operate sa Aries, na ang Iran ang humuli sa barko. (Daris Jose)

Ads April 16, 2024

Posted on: April 16th, 2024 by @peoplesbalita No Comments

Lalaki pinagbabaril sa Malabon, dedbol

Posted on: April 16th, 2024 by @peoplesbalita No Comments

TODAS ang 40-anyos na lalaki matapos pagbabarilin ng isa sa dalawang hindi kilalang suspek sa Malabon City, kamakalawa ng madaling araw.

Dead-on-the-spot ang biktimang si alyas “Ruel”, residente ng C, Perez St. Brgy. Tonsuya sanhi ng isang tama ng bala sa ulo habang mabilis namang tumakas ang mga suspek patungong Sanciangco St. sa naturan ding barangay matapos ang insidente.

Sa ulat nina P/MSg Ernie Baroy at P/MSg Diego Ngippol kay Malabon police chief P/Col. Jay Baybayan, dakong alas-12:30 ng madaling araw nang maganap ang insidente sa Pilapil St. Palmario 2, Brgy. Tonsuya.

Sa inisyal imbestigasyon ng pulisya, lumabas ng bahay ang biktima at nagtungo sa nasabing lugar nang dumating ang dalawang lalaki na kapwa nakasuot ng-jacket at naka-face mask.

Isa sa mga suspek ang bumunot ng baril at pinagbabaril ang biktima na nagresulta ng kanyang agarang kamatayan habang nakuha naman ng pulisya sa crime scene ang isang basyo ng bala ng cal. 45 baril.

Patuloy naman ang follow-up imbestigasyon ng pulisya para sa posibleng pagkilalan at pagkakadakip sa mga salarin habang inaalam pa ang motibo sa insidente. (Richard Mesa)

Suporta ng US, Japan sa interes ng Pilipinas sa WPS isang tagumpay

Posted on: April 16th, 2024 by @peoplesbalita No Comments

NANINIWALA si House Speaker Martin Romualdez na isang tagumpay ang pagbibigay ng katiyakan ng Estados Unidos at Japan kay Pangulong Ferdinand Marcos Jr., na suportado ng mga ito ang interes at soberenya ng Pilipinas sa West Philippine Sea (WPS).

Ito ay batay sa inilabas na Joint Vision Statement nina US President Joe Biden, Japan Prime Minister Fumio Kishida at Pangulong Marcos matapos ang makasaysayang trilateral meeting sa Washington DC, noong Huwebes.

Kinondena rin ang tatlong lider ang ginagawang panggigipit ng coast guard ng China at mga barkong pangisda nito na nanghaharas sa mga Pilipino sa WPS.

Binigyan diin ng tatlong lider na pinal at legally binding ang Arbitral Tribunal ruling sa Second Thomas Shoal (Ayungin Shoal) na nagsasabing sa Pilipinas ang WPS na nasa loob ng Exclusive Economic Zone (EZZ) ng Pilipinas at dapat itong kilalanin ng China.

Sa talumpati ni US President Biden sa trilateral meeting, binigyan diin nito na anumang pag-atake sa eroplano, sasakyang pandagat o sa Armed Forces of the Philippines sa South China Sea ay agad na ipatutupad ang Mutual Defense Treaty (MDT).

Umaasa rin ang pinuno ng Kamara na ang makasaysayang pagpupulong ay makatutulong upang humupa ang tensyon sa WPS para na rin sa kabutihan ng lahat ng stakeholders.

Tiniyak din ni Romualdez, ang suporta ng Kamara kay Pangulong Marcos sa kanyang pagsisikap na pangalagaan at proteksyunan ang interes ng bansa sa WPS gayundin ang pagsusulong ng kapayapaan at katatagan sa Indo-Pacific Region.

Sa Joint Vision statement, ipinahayag ng tatlong pinuno ang lumalala at paulit-ulit na panggigipit ng China sa mga sasakyang pandagat ng Pilipinas, sa malayang paglalakbay sa karagatan, gayundin ang paghadlang sa pagdadala ng suplay ng pangangailangan sa Second Tomas Shoal na isang mapanganib na hakbang at nagpapalala sa sitwasyon.

Binabanggit din sa pahayag ang mariing pagtutol sa anumang balak ng China na pwersahang baguhin ang status quo sa East China, sa pamamagitan ng mga hakbang na guluhin ang matagal nang pamamahala ng Japan sa Senkaku Islands.

Nananawagan din ang tatlong pinuno ng bansa sa pananatili ng kapayapaan at katatagan hanggang sa Taiwan Strait, na isang katunayan ng pandaigdigang seguridad at kasaganaan.

Kumpiyansa naman ang pinuno ng Kamara sa paninindigan ng U.S at Japan sa joint statement na patuloy na susuporta sa pagpapalakas ng kakayahan ng Philippine Coast Guard, kasama na rito ang pagbibigay ng Japan ng labindalawang mga barko ng Coast Guard at karagdagang limang barko sa Pilipinas. (Daris Jose)

Nag-viral na video ni Kapitana, idinulog kay Mayora

Posted on: April 16th, 2024 by @peoplesbalita No Comments

PINASISILIP ng ilang residente kay Taguig City Mayor Lani Cayetano ang umano’y walang habas na pagmumura at paninigaw ng isang Kapitana ng isang barangay sa mga kabataan sa Brgy. East Rembo.

Ito ay makaraang nag-viral ang isang video na inupload ng isang anonymous sender kung saan nagkaroon ng iringan sa pagitan ng Kapitana ang mga residente sa lugar.

Sa kanilang reklamo, dumating si Kapitana sakay ng kanyang sasakyan nang nadaanan ang mga kabataan sa tapat ng kanilang bahay.

Bumaba ang kapitana at sinita umano ang mga kabataan na imbes na pakiusapan ng maayos ay pinalayas, pinagsisigawan, pinagmumura sila kasama ng kanyang asawa at anak na lalaki na nagawa pang sugurin ang mga kabataan habang pilit na inaawat.

Puna ng ilang residente, na nagde-demand umano ito ng respeto pero siya mismo ay hindi naman niya maibigay sa kanyang mga nasasakupan.

Hiling lang sana ng mga residente lalo na ang mga nasaktan na kabataan na maging mabuting public servant si kapitana.

Sa mga komento, halos puro negatibo dahil tila hindi naaayon ang pag-asta nito bilang isang public servant na direktang sumasagot ito imbes na ayusin ito.

Nanawagan na rin ang mga nasaktang partido sa Department of the Interior and Local Government (DILG) na aksyunan ang ganitong klase ng public servant.

Sa panig naman ng Kapitana, ikinatuwiran nito na respetuhin siya at makinig sa kanya ang mga kabataan.

Binigyang-diin din niya na siya ang unang bumaba sa sasakyan at unang sumugod sa mga menor de edad na nasa kalsada at hindi ang kanyang mister. GENE ADSUARA

Character Posters Revealed: ‘The Garfield Movie’ Brings Furry Fun This Summer

Posted on: April 16th, 2024 by @peoplesbalita No Comments

FEAST your eyes on the freshly released character posters for “The Garfield Movie,” hitting theaters May 29. Join Chris Pratt and a stellar cast for a lasagna-filled journey of laughs.

This summer, prepare to be whisked away on a delightful journey with “The Garfield Movie,” as it brings to life the beloved comic strip character with a modern twist. This family-friendly film features an all-star cast led by Chris Pratt as the voice of the lasagna-loving, Monday-dreading orange tabby, Garfield.

In anticipation of its release, “The Garfield Movie” has unveiled an exclusive collection of character posters, showcasing the vibrant personalities that make up this animated adventure. From the laid-back charm of Garfield himself to the rugged appeal of his long-lost father Vic, voiced by Samuel L. Jackson, each poster is a window into the heart and humor of the film’s beloved characters.

Directed by Mark Dindal and penned by the creative minds of Paul A. Kaplan & Mark Torgove, along with David Reynolds, the film invites audiences to follow Garfield and his sidekick Odie as they embark on an unforeseen adventure. After a surprising reunion with Garfield’s father Vic, the trio sets off on a thrilling heist that promises laughter, action, and a dash of heartwarming moments.

“The Garfield Movie” boasts an ensemble cast featuring the talents of Hannah Waddingham, Ving Rhames, Nicholas Hoult, Cecily Strong, Harvey Guillén, Brett Goldstein, Bowen Yang, and Snoop Dogg, alongside the leading duo of Pratt and Jackson. This powerhouse lineup brings depth, diversity, and dynamism to the animated escapade.

Produced by a dream team comprising John Cohen, Broderick Johnson, Andrew A. Kosove, Steven P. Wegner, Craig Sost, and Namit Malhotra, with comic legend Jim Davis serving as an executive producer, “The Garfield Movie” is set to be a visual spectacle.

Distributed in the Philippines by Columbia Pictures, a division of Sony Pictures Releasing International, this cinematic gem is the family outing of the season. Engage with fellow fans using the hashtag #GarfieldMovie and get ready to indulge in a film that promises adventure, laughter, and a heartwarming narrative.

Don’t miss the chance to join Garfield, Odie, and the rest of the gang on May 29, 2024, for a story of unexpected journeys and unbreakable bonds. “The Garfield Movie” is not just a film; it’s an experience filled with humor, emotion, and, most importantly, lasagna. Check out the stunning character posters and mark your calendars for a summer movie event that’s guaranteed to be purr-fectly entertaining.

Photo & Video Credit: “Columbia Pictures”

(ROHN ROMULO)

Nakita raw nang mag-grocery sa isang mall sa Cebu: KAYE, dinenay ang lumabas na video na may mga bodyguard

Posted on: April 16th, 2024 by @peoplesbalita No Comments

KUNG hindi mauudlot ang plano, mapapanood muli sa original station ng ABS-CBN 2 ang pambato nilang news program na “TV Patrol”.

Isang kapamilya insider ang nagkuwento sa amin na starting this week ay sa channel 2 na mapapanood ang premyadong news program ng network.

Nagkasundo na raw ang management ng ALL TV ng mga Villar na ipalalabas ang “TV Patrol” sa kanilang istasyon at mapapanood na rin mismo sa dating frequency ng Lopez owned station. Kumbaga, ang frequency ng ALL TV ang gagamitin ng network para sa pagpapa labas ng “TV Patrol” sa channel 2.

Matapos mabakante ang naturang channel, napunta ito sa ALLTV na pagmamay-ari ni dating senate president Manny Villar. Incidentally, si dating Senador Manny Villar ay kabilang sa listahan ng Forbes na pang-190 sa pinakamayayamang bilyonaryo sa buong mundo at nangunguna naman sa Pilipinas.

Sa report ng Bilyonaryo, nagkasundo na sa blocktime agreement ang mga Lopez at si Villar. Mapapanood sa time slot nito sa gabi ang “TV Patrol” na nagsimula na kagabi, April 15, 2024.

***

MAY mga pasabog na nilantad ang aktres na si Kaye Abad sa programa ni Boy Abunda na “Fast Talk with Boy Abunda.”

Unang pinasinungalingan ni Kaye ay ang lumabas na video na kung saan meron daw anim na bodyguard ang aktres nang mag-grocery sa isang mall sa Cebu City.

Wala raw katotohanan ang isyung yun at dagdag pa niya na hindi raw naman ganun sila ka-milyonaryo na kayang magpa-suweldo ng ganun karaming bodyguards. When in fact, ayon pa rin kay Kaye ay kuripot daw siya ay hindi basta-basta na naglalabas ng pera sa hindi ganun ka importanteng pagkakagastusan.

Paliwanag pa niya na sobrang simple lang daw ang pamumuhay ng pamilya nila ng mister na si Paul Jake Castillo. Tungkol naman sa kanyang showbiz career ay hindi rin daw naman siya pinagbabawalan ng kanyang asawa na tumanggap ng anumang proyekto na alam niyang makatutulong sa showbiz career niya.

Nang tanungin siya ng TV host kung pinagbawalan ba siya ng mister sa showbiz ay hindi raw dahil wala siya ngayon kung iniwan niya ang showbiz nang tuluyan. Kasalukuyang napapanood sa pelikula nila nina Paolo Contis at Patrick Garcia na ‘A Journey’.

Tungkol naman sa kanyang mga ex-bf ay maayos ang naging breakup nila niya raw sa bukod sa aktor na si John Lloyd Cruz. Ayon pa rin sa aktres, mahinahon ang pakikipaghiwalay niya noon kay Chito Miranda at hanggang ngayon, magkaibigan pa rin sila. Lahad ni Kaye, “We’re still friends. We broke up na magkaibigan kami. “He even invited me sa wedding niya. Invited din siya sa wedding ko. “Ayan, parang sinabi ko na ako nga yung nakipag-break, di ba? “Sa amin kasi ni Chito, parang nagkaintindihan kami.” Dagdag niya, “kinuha pa siya ni Paul Jake sa Cebu for a gig and we watched his gig.”

(JIMI C. ESCALA)

Pinas, kinokonsidera ang FTA kasama ang US sa cyberspace, digital tech; trade deal sa Japan

Posted on: April 15th, 2024 by @peoplesbalita No Comments

KINOKONSIDERA ng Pilipinas na magkaroon ng bilateral free trade agreement (FTA) kasama ang United States (US) ukol sa cyberspace at digital technology.

Sa isang panayam sa Washington DC, sinabi ni Philippine Ambassador to the US Jose Manuel Romualdez na ang plano ng Pilipinas na magkaroon ng FTA kasama ang Estados Unidos sa dalawang larangan ay bahagi ng “renewed interest to further enhance trade and economic cooperation” ng dalawang bansa.

“Well, on specific areas… probably in the cyberspace, for instance, or in the digital technology, and of course, there are many other areas that I think we can work with the United States on having this,” ang sinabi ni Romualdez nang tanungin sa posibilidad na FTA kasama ang Estados Unidos.

“As I said, the United States is committed itself into really helping – well, I wouldn’t want to put it helping, but looking at the Philippines as really a major investment hub for many American companies.” aniya pa rin.

Para kay Romualdez, mas masigasig ang Estados Unidos na puntiryahin ang ‘specific sectors’ para sa posibleng FTA.

Sinabi pa ni Romualdez na ang nakatakdang Indo-Pacific Economic Framework for Prosperity (IPEF) meeting na gagawin sa Maynila sa susunod na buwan ay makapagbibigay ng “clearer picture” sa direksyon ng economic setup ng dalawang bansa.

“But the Indo-Pacific Economic Framework, which the United States has initiated, of which we are one of the founding members of that economic framework, is looking at including the entire ASEAN (Association of Southeast Asian Nations) region,” ang pahayag ni Romualdez.

Winika pa ni Romualdez na susundan pa ng gobyerno ng Pilipinas ang nakalipas na pulong nito kay US Commerce Secretary Gina Raimondo, partikular na sa potential investors na papasok sa bansa.

Idinagdag pa nito na tinitingnan din ng Pilipinas ang kahalintulad na ugnayang pangkalakalan sa Japan.

Samantala, inaasahan naman ng Pilipinas ang USD100 billion na investments sa susunod na lima hanggang sampung taon bilang resulta ng makasaysayang trilateral meeting ni Pangulong Marcos kina US President Joe Biden at Japanese Prime Minister Fumio Kishida sa Washington DC.

Inaasahan din ng Pangulo na makapupulong niya ang mga business leaders sa Estados Unidos sa sidelines ng kanyang trilateral summit kasama sina Biden at Kishida para makapanghikayat ng mas marami pang foreign investments. (Daris Jose)

Pagpapasensiya ng mga Pinoy sa WPS dispute, umabot na sa limitasyon- Romualdez

Posted on: April 15th, 2024 by @peoplesbalita No Comments

UMABOT na sa limitasyon ang pagpapasensiya ng mga Filipino sa patuloy na agresyon ng Tsina sa West Philippine Sea (WPS).

Dahil dito, hindi sila basta-basta uupo na lamang at hayaan ang kanilang mga kababayan na magdusa.

Sinabi ni Philippine ambassador to the United States (US) Jose Manuel Romualdez na iyon ang dahilan kung bakit sinang-ayunan ni Pangulong Ferdinand R. Marcos Jr. ang “multilateral approach” sa maritime dispute sa WPS.

Aniya, bagamat hindi mabaybay ng Pilipinas ang intensyon ng Tsina, malinaw naman ang nais gawin ng Pilipinas at ito ay “to protect our territory and our sovereign rights.”

“You know, for so many years, the Filipino patience has been stretched to the limit. And we are now at the point where (we’re not) just going to sit and allow and see our fishermen suffer and not be able to fish in the areas that they’ve been fishing in – fishing grounds for hundreds of years,” ayon kay Romualdez.

“That is what the President is fighting for, that is what we’re all fighting for. We just want to be given our right to be able to explore our own environment, our territory, the respect for international law,” dagdag na wika nito.

Para kay Romualdez, ito na ang tamang panahon para sa Pilipinas na resolbahin at plantsahin ang usapin sa pamamagitan ng dayalogo “in a manner that is not intended to push another country for a conflict.”

Sa kabilang dako, kasalukuyan ngayong nasa Washington DC si Pangulong Marcos para makapulong ang kanyang mga counterparts na sina US President Joe Biden at Japanese Prime Minister Fumio Kishida, para isulong ang ekonomiya economic at maritime cooperation sa gitna ng agresibong aksyon ng Tsina sa West Philippine Sea, bahagi ng malawak na South China Sea na inaangkin naman ng ganap ng Beijing.

Ang iginigiit ng Tsina na nine-dash claim na ngayon ay 10-dash claim, ay binasura noong 2016 ng Permanent Court of Arbitration.

Sinabi ni Romualdez na ang makasaysayang trilateral summit ay magbibigay kahulugan at paliwanag sa hinaharap at direksyon ng

Indo-Pacific region, na ang Pilipinas ay maaaring humugot ng kaginhawaan mula sa “like-minded nations” na sumusuporta sa “freedom of navigation, rule of law, at sa 2016 arbitral award” na pinagtibay ang karapatan ng Pilipinas sa pinagtatalunang katubigan.

“So, these are things that we are simply fighting for. We’re not asking, looking for any conflict with any country. In fact, we’re reaching out to the ASEAN region. Again it’s a multilateral approach,” ayon kay Romualdez.

“This is a policy that the President has spelled out to all of us. That we want to be able to solve these issues multilaterally, not just because we have a strong ally like the United States.” aniya pa rin. (Daris Jose)

Warrant of arrest pa vs Quiboloy, inisyu ng Pasig RTC

Posted on: April 13th, 2024 by @peoplesbalita No Comments

NAGLABAS na rin ang Pasig City Regional Trial Court (RTC) ng warrant of arrest laban kay Kingdom of Jesus Christ (KJC) leader at founder Pastor Apollo Quiboloy , Huwebes, kaugnay ng kinakaharap nitong kaso ng human trafficking.

Ito na ang ikalawang arrest warrant laban kay Quiboloy matapos na una na siyang isyuhan ng mandamyento-de-aresto ng Davao City RTC noong nakaraang linggo dahil sa mga kasong child at sexual abuse.

Nabatid na inisyu ni Pasig RTC Branch 159 Acting Presiding Judge Rainelda Estacio-Montesa ang naturang arrest order kasunod nang pagbasura nito sa mosyon ng kampo ni Quiboloy, na humihiling na suspindihin muna ang proceedings sa kanyang kaso at ipagpaliban ang pagpapalabas ng warrant laban sa kanya.

Idinahilan ng kampo ni Quiboloy na dapat lamang na masuspinde ang criminal proceedings dahil may nakabinbin pa silang motion for reconsideration sa tanggapan ni Department of Justice (DOJ) Secretary Jesus Crispin Remulla hinggil dito.

Gayunman, sinabi ng prosekusyon na batay sa Rule 116 ng Rules on Criminal Procedure, pinahihintulutan lamang ang suspensiyon ng arraignment base sa paghahain ng isang petition for review sa DOJ at hindi sa motion for reconsideration sa isang resolusyon para sa petition for review.

“After consideration of the arguments brought forth by the parties, the court finds the Motion to Defer/Suspend Proceedings and Hold in Abeyance Issuance of Warrant of Arrest to be a prohibited motion and should therefore be denied,” nakasaad pa sa kautusan ng korte.

Bukod kay Quiboloy, kasama rin sa ipinaaaresto ng Pasig RTC sina Jackielyn W. Roy, Cresente Canada, Paulene Canada, Ingrid C. Canada, at Sylvia Cemañes.

Nabatid na ang kasong kinakaharap nina Quiboloy ay nasa ilalim ng Republic Act No. 9208 o The “Anti-Trafficking in Persons Act of 2003” na isang non-bailable offense. (Daris Jose)