2024 April Archive - People's Balita

Archive for April, 2024

Voters Registration, idinaos sa Kampo

Posted on: April 18th, 2024 by @peoplesbalita No Comments

IDINAOS noong Lunes ng Commission on Elections (Comelec) ang kauna-unahang voter registration sa loob ng Camp Darapanan at Camp Abubakar ng Moro Islamic Liberation Front (MILF) .

Pinangunahan ng mga opisyal ng Comelec sa pamumuno nina chair George Garcia at Presidential Adviser on Peace, Reconciliation and Unity Secretary Carlito Galvez Jr.ang pagbubukas ng dalawang araw na Register Anywhere Project (RAP) kung saan pumila ang mga aplikante ng maaga bago ang alas 7.

“This is historic as, several years back, no one can enter here, whether uniformed or civilian. No registration has ever been held inside Camp Darapanan. Now, we are inside the camp. It only shows that life is normal inside Camp Darapanan and even in Camp Abubakar. These are places, where we wouldn’t even dream of holding voter registration,” sinabi ni Garcia sa press conference.

Bukod sa pagpaparehistro, tinatanggap at pinoproseso din ng RAP ang paglilipat ng record, reactivation at correction ng mga pangalan.

Sa ilalim ng RAP, sinumang kwalipikadong aplikante na naninirahan saanman sa Pilipinas ay maaaring magparehistro sa pamamagitan ng pagsusumite ng kanilang application form at documentary requirements, at pagkuha ng kanilang biometrics onsite.

“Our instructions to the local Comelec is to return here and hold registration activities as long as there are applicants left,” sabi ni Garcia

Ang espesyal na botohan ay maaari pang isagawa sa mga kampo sa Mayo 2025 kung may sapat na mga rehistradong botante.

“We will try that on election day, if the estimated 5,000 voters here in Camp Darapanan are registered, to bring the new voting machines here and allow them to cast their votes,”dagdag pa ni Garcia .

Sinabi ni Bangsamoro Autonomous Region in Muslim Mindanao Chief Minister Ahod Ebrahim na hihikayatin nila ang mas maraming tao na magparehistro.

“We have had difficulties registering in the past. With this, we will try our best that all of Bangsamoro can register and vote. Maganda itong ginawa ng Comelec kasi nilapit nila itong registration sa mga gustong makaboto (This activity of the Comelec is good because they brought the registration activity for those who would want to sign up as voters),” sabi ni Ebrahim. GENE ADSUARA

PINURI ni Mayor John Rey Tiangco ang nasa 60 persons who used drugs

Posted on: April 18th, 2024 by @peoplesbalita No Comments

PINURI ni Mayor John Rey Tiangco ang nasa 60 persons who used drugs (PWUDs) na nagtapos sa Bidahan, ang community-based treatment and rehabilitation program (CBDRP) ng Pamahalaang Lungsod ng Navotas sa pagpapasya na talikuran nila ang kanilang bisyo at gumawa ng bagong buhay para sa kanilang sarili at kanilang pamilya. (Richard Mesa)

60 dating drug users nagtapos sa rehab program ng Navotas

Posted on: April 18th, 2024 by @peoplesbalita No Comments

UMABOT sa 60 persons who used drugs (PWUDs) ang nagtapos sa Bidahan, ang community-based treatment and rehabilitation program (CBDRP) ng Pamahalaang Lungsod ng Navotas.

Kasama sa Bidahan ang anim na buwan ng Community-Based Drug Rehabilitation Program (CBDRP) at isa pang anim na buwang aftercare.

Kasama sa batch ng rehab completers ang 20 mula sa primary care program ng lungsod at 13 mula sa barangay CBDRP, habang 27 ang natapos na aftercare program.

Sa ilalim ng programa, ang mga kalahok ay dumaan sa isang serye ng lingguhang psychoeducation lectures, counseling sessions, group therapy sessions, relapse prevention sessions, at life skills training.

Sumasailalim din sila sa random drug testing upang matiyak ang kanilang pagsunod sa programa.

Pinuri ni Mayor John Rey Tiangco ang mga kalahok sa pagpapasya na talikuran ang kanilang bisyo at gumawa ng bagong buhay para sa kanilang sarili at kanilang pamilya.

“Admitting your addiction is the first step towards self-transformation. Your graduation today is just the beginning of your journey to complete healing and recovery,” ani Tiangco.

“Strive to improve and be a better version of yourselves every day. Your family will always be there to provide all the love and support you need,” dagdag n iya.

Bukod sa Bidahan, nagpapatupad din ang pamahalaang lungsod ng mga karagdagang programa para palakasin ang kampanya laban sa droga. Kabilang dito ang drug awareness at prevention lectures sa mga estudyanteng Navoteño; random at mandatory drug testing para sa mga empleyado ng city hall at barangay, mga benepisyaryo ng programa, at iba pa; at drug-clearing ng mga barangay.

Mula noong 2023, 13 sa 18 barangay sa Navotas ang idineklara nang drug-cleared ng Philippine Drug Enforcement Agency. (Richard Mesa)

Ads April 17, 2024

Posted on: April 17th, 2024 by @peoplesbalita No Comments

Dahil first time na sumakay ng motor: JILLIAN, iningatan at inalalayan nang husto ni RURU

Posted on: April 17th, 2024 by @peoplesbalita No Comments

MAY exciting na crossover ang character ni Jillian Ward na si Doc Analyn Santos ng ‘Abot-Kamay Na Pangarap’ sa Kapuso actionserye na Black Rider.

For the first time daw ay sasakay ng motorsiklo si Jillian.

“Nakakakaba po kasi ngayon lang ako sumakay ng motor pero siyempre andito naman po ang ating napakagaling na si Ruru Madrid kaya medyo nawala po kaagad ang kaba ko.

Sey naman ni Ruru, “Siyempre kumbaga nakasalalay sa akin ang buhay ni Jillian Ward, kailangan talaga nating ingatan. Dahan-dahan lang and evenually kanina, nag-motor kami, tinry ko ng konting bilisan para at least masanay siya ng konti.”

Ang cameo ni Jillian sa ‘Black Rider’ ay may kinalaman sa paggamot nito kay Elias.

Nag-crossover na rin si Jillian sa ibang Kapuso teleserye tulad ng ‘Royal Blood.’

Naka-set na ring simulan ni Jillian ang movie nila ni Ken Chan ba kukunan sa ibang bansa.

***

PAGKATAPOS magbida sa ‘Hearts On Ice’ noong nakaraang taon, muling mapapanood sa mapaghamong papel si Ashley Ortega sa highly-anticipated GMA Prime epic series na ‘Pulang Araw.’

Ayon sa Sparkle actress, isang magandang opportunity para sa kanya ang mapasama sa isang larger-than-life na teleserye. Pagkakataon din daw ito na maraming matutunan ang mga televiewers sa history ng ating bansa.

“I’m really excited kasi talaga ‘yung Pulang Araw, pinag-isipan talaga ng production. There’s so many things na matutunan , especially mga Pinoy. Kasi, the story is about history,” sey ni Ashley sa event na DITO Telecommunity last April 11 sa One Bonifacio Highstreet Mall in Taguig City.

Isa pa sa ikinatuwa ni Ashley ay ang makasama sa ‘Pulang Araw’ sina Alden Richards, Barbie Forteza, David Licauco, Sanya Lopez at Dennis Trillo.

Last February, kabilang si Ashley sa ni-launch via the all-women powerhouse group na Sparkle 10. Nakasama niya rito sina Faith Da Silva, Rabiya Mateo, Lianne Valentin, Shuvee Etrata, Lexi Gonzales, Angel Guardian, Liezel Lopez, Kate Valdez, and Elle Villanueva.

***

BAGO i-drop ang latest studio album ni Taylor Swift na The Tortured Poets Department on April 19, maglalabas ang Apple Music ng series of playlists tungkol sa heartbreak, denial, anger, bargaining, depression, and acceptance. Meron ding masterclass in Emotional Intelligence ang singer.

Each playlist, with titles like “I Love You, It’s Ruining My Life Songs” and “Old Habits Die Screaming Songs,” ay may story with “unfiltered look at the emotional journey of heartbreak.”

Ayon pa kay Taylor: “This isn’t just about selling records. It’s about connecting on a deeply human level, acknowledging that negative emotions aren’t just normal; they’re necessary.”

(RUEL J. MENDOZA)

Ayos lang sa asawang si David: GLAIZA, aminadong nakatutok ngayon sa kanyang showbiz career

Posted on: April 17th, 2024 by @peoplesbalita No Comments

AYOS lang raw sa mister niyang si David Rainey kung sa ngayon ay sa kanyang showbiz career muna nakatutok si Glaiza de Castro.

Lahad ni Glaiza, “Eversince naman po nandun siya sa kung ano yung schedule ko kasi very flexible naman yung schedule niya.

“Although ang masaya po dun tinutulungan niya ako na mas mapagaan yung schedule ko, yung hindi niya ako binibigyan ng pressure to, parang, may deadline, walang deadline sa kanya.

“So okay lang naman.”

Napaka-busy ni Glaiza bilang co-owner ng kumpanyang Wide International.

“Kaka-release lang ng Slay Zone, isa sa mga bago naming ilo-launch ay pelikula, under Wide International. Pero bukod po dun meron po tayong ilo-launch na mga restaurants, mga resorts at marami pang iba.

“Excited po ako kasi first quarter pa lang ng 2024 ang dami na kaagad pasabog ng Wide International.

“And I’m so happy to be working with Ken Chan at ngayon nadadagdagan pa so, ang saya kasi parang hindi siya work, para kaming nagkita-kita lang magkakaibigan tapos nagkataon na may trabaho.”

Tila mahirap ang pinasok nila dahil ang Wide International ay hindi lamang nga sa film production kundi pati na rin iba-ibang klase ng negosyo ay sakop nito tulad ng restaurant business at beauty products.

Lahad ni Glaiza, “Opo kaya talagang ano, marami kami,” at natawa si Glaiza. “Marami kami na naka-assign sa kanya-kanyang projects ngayon kasi like katulad nung restaurants, it’s Ken Chan’s ano talaga, forte, idea, baby niya yan.”

May mga non-showbiz na kasosyo nila na may kanya-kanya ring expertise na hawak sa Wide International.

“And then ako naman ang contribution ko is sa entertainment, sa films, sa creatives, ganyan, so excited ako kasi mailalabas ko yung mga gusto kong gawin.

“And ayun na nga po, thru Slay Zone, nagawa ko siya, nasimulan ko siya.”

Busy rin si Glaiza sa ‘Encantadia Chronicles: Sang’gre’ at ‘Running Man Philippines Season 2.’

***

WALA raw problema kay Hajji Alejandro kung kinakanta ang mga hit songs niya sa mga singing competitions.

“Napakalaking ano nun e, parang napakalaking compliment, it’s like telling you that you’ve done something really good, something right, no?

“Na naka-contribute ka dito sa industriya na ‘to, lalo na… para bang naalaala ko yung first time na narinig ko yung first single ko e, first single ko kasi Tag-Araw, Tag-Ulan, side A, tapos Panakip Butas naman side B, I remembered the first time narinig ko yung Tag-Araw, Tag-Ulan sa radio, natapos kong i-record tapos several weeks later pinatugtog sa radio, talagang nagda-drive ako umiiyak ako talaga, yung feeling na talagang ang sarap, from inside nararamdaman mo, ganun din ang nararamdaman ko pag kinakanta ng ibang tao yung mga awitiin ko.

“Si Rachel ni-revive dalawa dun sa mga hit songs ko before and made it again into another hit, yung Nakapagtataka, kakantahin namin yan as a duet dito sa concert.”

Magkasama ang mag-amang Hajji at Rachel Alejandro sa ‘Awit Ng Panahon: Noon At Ngayon’ musical concert sa April 21, Sunday, 8pm sa New Frontier Theater, Cubao, Quezon City.

Mula sa Pro-Entertainment Production, ang organizer at producer ng concert ay si Spike Bermudez, sa direksyon ni Ferdi Aguas.

(ROMMEL L. GONZALES)

Pinas, kinokonsidera ang FTA kasama ang US sa cyberspace, digital tech; trade deal sa Japan

Posted on: April 17th, 2024 by @peoplesbalita No Comments

KINOKONSIDERA ng Pilipinas na magkaroon ng bilateral free trade agreement (FTA) kasama ang United States (US) ukol sa cyberspace at digital technology.

Sa isang panayam sa Washington DC, sinabi ni Philippine Ambassador to the US Jose Manuel Romualdez na ang plano ng Pilipinas na magkaroon ng FTA kasama ang Estados Unidos sa dalawang larangan ay bahagi ng “renewed interest to further enhance trade and economic cooperation” ng dalawang bansa.

“Well, on specific areas… probably in the cyberspace, for instance, or in the digital technology, and of course, there are many other areas that I think we can work with the United States on having this,” ang sinabi ni Romualdez nang tanungin sa posibilidad na FTA kasama ang Estados Unidos.

“As I said, the United States is committed itself into really helping – well, I wouldn’t want to put it helping, but looking at the Philippines as really a major investment hub for many American companies,” aniya pa rin.

Para kay Romualdez, mas masigasig ang Estados Unidos na puntiryahin ang ‘specific sectors’ para sa posibleng FTA.

Sinabi pa ni Romualdez na ang nakatakdang Indo-Pacific Economic Framework for Prosperity (IPEF) meeting na gagawin sa Maynila sa susunod na buwan ay makapagbibigay ng “clearer picture” sa direksyon ng economic setup ng dalawang bansa.

“But the Indo-Pacific Economic Framework, which the United States has initiated, of which we are one of the founding members of that economic framework, is looking at including the entire ASEAN (Association of Southeast Asian Nations) region,” ang pahayag ni Romualdez.

Winika pa ni Romualdez na susundan pa ng gobyerno ng Pilipinas ang nakalipas na pulong nito kay US Commerce Secretary Gina Raimondo, partikular na sa potential investors na papasok sa bansa.

Idinagdag pa nito na tinitingnan din ng Pilipinas ang kahalintulad na ugnayang pangkalakalan sa Japan.

Samantala, inaasahan naman ng Pilipinas ang USD100 billion na investments sa susunod na lima hanggang sampung taon bilang resulta ng makasaysayang trilateral meeting ni Pangulong Marcos kina US President Joe Biden at Japanese Prime Minister Fumio Kishida sa Washington DC.

Inaasahan din ng Pangulo na makapupulong niya ang mga business leaders sa Estados Unidos sa sidelines ng kanyang trilateral summit kasama sina Biden at Kishida para makapanghikayat ng mas marami pang foreign investments. (Daris Jose)

Dagdag pang 600K driver’s license plastic cards, dumating na sa LTO

Posted on: April 17th, 2024 by @peoplesbalita No Comments

TINIYAK ni Land Transportation Office (LTO) Chief Vigor Mendoza na makukumpleto na ang 3.2 milyong backlog sa plastic cards ng driver’s license sa loob ng 45-araw.

Ito ay makaraang matanggap na rin ng LTO ang 600,000 pang piraso ng plastic cards na ginagamit sa pag-imprenta ng driver’s license cards.

Aniya, ang paghahatid ng karagdagang plastic cards ay makakatugon sa backlog sa mga plastic-printed driver’s license.

Una dito, ang unang isang milyong piraso ng plastic cards ay naihatid noong Marso 25 matapos alisin ng Court of Appeals ang injunction order sa paghahatid ng natitirang hindi naideliver na plastic cards mula sa kumpanyang Banner Plastic na nanalo sa bidding para sa delivery ng plastic cards noong nakaraang taon.

Isang araw matapos maihatid ang isang milyong piraso ng plastic card, agad na naglabas ang LTO ng schedule ng renewal ng expired na driver’s license upang tuluyang makuha ng mga motorista ang kanilang plastic-printed driver’s license.

Layunin ng renewal schedule na matiyak ang maayos na pagproseso at pamamahagi ng mga plastic-printed plastic card sa lahat ng tanggapan ng LTO sa buong bansa. (Daris Jose)

Chinee creeping invasion, nagsimula na

Posted on: April 17th, 2024 by @peoplesbalita No Comments

NAGPAHAYAG nang pagkaalarma si Surigao del Norte Rep. Robert Ace Barbers sa patuloy na ulat sa hindi maipaliwanag na presensiya ng mga Chinese workers, businessmen, tourists, at estudyante sa bansa.

Sa ginanap na pagdinig ng ilang komite sa kamara,nanawagan si Barbers at ilang mambabatas sa PNP, PDEA, NBI, Immigration, DFA, PSA, LTO, Philippine Coast Guard at iba pang ahensiya ng gobyerno kaugnay sa nadiskubreng mga isyu kung saan ilang Chinese nationals ang nakakakuha ng Filipino birth certificates, driver’s licenses, UMID cards, passports at maging accreditations at membership sa armed services lalo na sa Philippine Coast Guard.

“The only sure thing right now is that corruption at its worst has eaten us up. This is the only logical explanation. If these Chinese nationals can get all these accreditations and buy our agricultural and private lands, acquire and lease properties and other assets, enroll in our universities on the pretext and cover of exchange student programs, work here without permits, obtain loans from our banks then abscond or leave the country without a trace, then we are drafting our epitaph as a nation. We only have ourselves to blame. The greed for money and power is killing this country. Unless we move now, we will see ourselves controlled by invaders tomorrow”, babala ni Barbers.

Tanong ng mambabatas kung papaano nakakuha ang dayuhan, hindi lang indibidwal kundi grupo ng mga dokumento na para lamang sa mga Pilipino.

Nanawagan naman ito kay Pangulong Bongbong Marcos na pigilan ang nakakatakot na sitwasyon sa pamamagitan ng pagsibak sa ilang incompetent at korup na opisyal at empleyado o suspind ihan agad habang nagsasagawa ng imbestigayon ang Executive Department at kongreso.

“There is no time to spare. This state sponsored “creeping invasion” has been happening for years, not just yesterday. I thought that we only gave away a shoal, I didn’t know that the entire country may also be a subject of an agreement. The Chinese probably misunderstood it when it was verbally made. They probably thought “shore” not shoal”, pagtatapos ni Barbers. (Vina de Guzman)

Ephesians 4:16

Posted on: April 17th, 2024 by @peoplesbalita No Comments

From [Christ] the whole body, joined and held together by every supporting ligament, grows and builds itself up in love, as each part does its work.